ایمزٹی وی (تعلیم) سندھ زرعی یونیورسٹی ٹنڈوجام کا طالبعلم غربت کے باعث علاج نہ ہونےکے باعث تین سالوں سے معذوری کی حالت میں ہیں
تفصیلات کے مطابق تین سال قبل سندھ زرعی یونیورسٹی ٹنڈوجام کے شعبہ کراپ پروٹیکشن کے تھرڈ ایئر کے طالبعلم سلطان ولد محمد شعبان کلہوڑویونیورسٹی سے اپنے گاؤں فقیر محمدعباسی یونین کونسل ساون خان گوپانگ واپس جاتے ہوئے راستے میں مسلح افراد کے فائرنگ سے زخمی ہو گئے تھے ،جس کو علاج کے لئے اسپتال داخل کیا گیا لیکن غربت کی وجہ سے علاج مکمل نہیں ہو سکا اور نوجوان طالبعلم معذور ہو گیا۔
معذور طالبعلم سلطان کلہوڑو نے میڈیا کو بتایا کہ غربت کی وجہ سے وہ اپنا علاج نہ کراسکے جس کی وجہ سے میری تعلیم بھی ادھوری رہ گئی ہے انہوں نے وزیر اعلی سندھ، گورنر سندھ ، صوبائی وزیر تعلیم اور زرعی یونیورسٹی ٹنڈوجام کے وائس چانسلر سے اپیل کی ہے کہ ان کا سرکاری طور پر علاج کرایا جائے تاکہ وہ اپنی ادھوری تعلیم کو مکمل کرسکیں۔