ایمزٹی وی(تعلیم)قائداعظم یونیورسٹی نے اپنی گولڈن جوبلی تقریبات کاآغاز کر دیا ۔اس سلسلے میں افتتاحی تقریب گزشتہ روز منعقد ہو ئی تقریب سے خطاب کرتے ہوئے چیئرمین ہا ئر ایجوکیشن کمیشن ڈاکٹر مختار احمد نے انتظامیہ کو مبارکباد پیش کی۔ قائداعظم یونیورسٹی کے وائس چانسلر ڈاکٹر جاوید اشرف نے کہا کہ یہ دن ہمارے لئے فخر کا دن ہے ، اکیڈمک اسٹاف ایسوسی ایشن کے صدر ڈاکٹر آصف علی نے یونیورسٹی کے تاریخی سفر پر روشنی ڈالی ، قبل ازیں ڈاکٹر فرحان سیف نے یونیورسٹی کے تاریخی پس منظر سے حاضرین کو آگاہ کیا۔