ایمز ٹی وی (ہیلتھ ڈیسک) ماہرین کا کہنا ہے کہ گاجر کااستعمال آنکھوں کیلئے انتہائی مفید ہے۔ امریکہ میں ہونے والی حالیہ تحقیق سے پتہ چلا ہے کہ نہار منہ گاجر کا استعمال آنکھوں کیلئے فائدہ مند ہے کیونکہ گاجرمیں پروٹین معدنیات اور وٹامن وافر مقدار میں پائے جاتے ہیں۔
ماہرین صحت کا کہنا ہے کہ گاجر میں کیروٹین نامی مادہ وافر مقدار میں موجود ہوتا ہے جو ہمارے جسم میں جا کر جگر کے ذریعے وٹامن اے میں تبدیل ہوجاتا ہے۔ جو آنکھوں کیلئے بے حد مفیدہے۔ گاجر کا استعمال بینائی تیز کرنے کی صلاحیت کے ساتھ کینسرسے بچاؤ میں مفید ہے۔
طبی ماہرین کی ایک تحقیق سے ثابت ہوا ہے کے گاجر کا روزانہ استعمال بڑی آنت کے کینسر، پھیپھڑوں کے کینسر اور چھاتی کے کینسر جیسی خطرناک بیماریوں کے اثرات کو کم کرتا ہے۔
گاجر کے جوس کا باقاعدہ استعمال ناخن ،بال ، دانت اور ہڈیوں کے لئے انتہائی مفید ہے ۔ ماہرین کے مطابق روزانہ گاجر کا جوس پینے سے نہ صرف جگر کا نظام فعال ہوتا ہے بلکہ یہ کینسر کی رسولیوں کی افزائش روکنے میں بھی ایک اہم کردار ادا کرتا ہے۔
ایمز ٹی وی (انٹرٹینمنٹ) مقامی عدالت نے اداکارہ میرا کی جانب سے تکذیب نکاح کے دعوے کی سماعت 16 جنوری تک ملتوی کر دی، اداکارہ میرا کا کہنا ہے کہ وہ شادی کے حوالے سے قوم کو جلد خوشخبری سنائیں گی، آج تک نکاح نہیں ہوا، شادی کروں گی تو سب کو بلاؤں گی۔ لاہور کی مقامی عدالت میں تکذیب نکاح کے دعوے کی سماعت کے دوران اداکارہ میرا بھی عدالت میں موجود تھیں، ان کیجانب سے مؤقف اختیار کیا گیا کہ عتیق الرحمٰن نے جعلی نکاح نامہ تیار کیا ہے، عدالت اسے طلب کرے اور نکاح نامے کی تصدیق کروائے۔
میرا کے وکیل عابد خان کا کہنا ہے کہ اداکارہ میرا ایک پاکستان کی معروف شخصیت ہیں، ان کو بدنام کرنے کی کوشش کی جارہی ہے، میرا پر بے بنیاد کیس بنایا گیا ہے. عدالت نے اداکارہ میرا تکذیب نکاح کیس کی سماعت 16 جنوری تک ملتوی کرتے ہوئے گواہان کو شہادتیں ریکارڈ کروانے کا حکم دیا۔
پیشی کے بعد میڈیا سے گفتگو کرتے ہوئے اداکارہ میرا کا کہنا تھا کہ ان کا آج تک کسی سے نکاح نہیں ہوا، وہ شادی کے حوالے سے جلد قوم کو خوشخبری سنائیں گی۔
ایمز ٹی وی (سائنس اینڈ ٹیکنالوجی) ٹی وی دیکھتے دیکھتے سو جانا عام بات ہے اور بعض اوقات ٹی وی دیکھتے آنکھ لگ جاتی ہے اور کچھ دیر کے بعد کھل جاتی ہے اور یہ یاد ہی نہیں رہتا ہے کہ آنکھ لگنے سے قبل انہوں نے وہ ٹی وی پروگرام کہاں تک دیکھا تھا مگر اب ایک امریکی کمپنی نے اس مسئلے کاحل ڈھونڈ نکالا ہے۔
امریکی کمپنی نیٹ فلیکس نے ایسی جرابیں متعارف کرادی ہیں جو سونے کی صورت میں ٹٰی وی ڈرامے یا شو کو وہیں پر روک دیں گی جہاں آپ کی آنکھ بند ہوئی یا آپ اونگھ آئی تھی۔ ماہرین کے مطابق ان جرابوں میں لگے سنسر صارفین کی حرکات پر نظر رکھتے ہیں اور جیسے ہی صارف بے حس وحرکت ہوتا یعنی سوجاتا ہے تو ٹی وی اسکرین پاز ہوجاتی ہے۔
ٹی وی اسکرین کو پاز کرنے سے پہلے جراب پر ایک سرخ روشنی بھی جلتی ہے جس کے جلنے کا مطلب ہے کہ جراب صارف کو بے حس وحرکت محسوس کررہے ہیں اور اگر صارف نے حرکت نہ کی تو کچھ دیر میں ٹی وی رک جائے گا اور اگر صارف پاؤں وغیرہ ہلا دے تو پاز کی کمانڈ کا کاؤنٹ ڈاؤن منسوخ ہوجائے گا۔
ایمزٹی وی(انٹرنیشنل)افریقی ملک کینیا کے صوبے مندیرا میں مسلمانوں کے گروپ نے بس پر مشتبہ اسلامی شدت پسندوں کے حملے میں ڈھال بن کر کئی مسیحی مسافروں کی جان بچالی۔مندیرا کے گورنر علی روبا نے مقامی نیوز ایجنسی سے بات کرتے ہوئے بتایا کہ حملے کے وقت مسلمان غیر مسلموں کے ساتھ کھڑے رہے اور حملہ آوروں کو ہمت کرتے ہوئے کہا کہ وہ یا تو سب کو مار دیں یا سب کو چھوڑ دیں۔مندیرا کے گورنر علی روبا نے میڈیا سے گفتگو کرتے ہوئے بتایا کہ حملے کے وقت مسلمان غیر مسلموں کے ساتھ کھڑے رہے اور حملہ آوروں کو ہمت کرتے ہوئے کہا کہ وہ یا تو سب کو مار دیں یا سب کو چھوڑ دیں۔ذرائع کے مطابق حملہ آوروں نے بس میں سوار تمام مسافروں کوحکم دیا کہ وہ اتر جائیں اور مسلموں اور غیر مسلموں کے گروپوں میں بٹ جائیں۔تاہم مسلمانوں نے حملہ آوروں کا یہ حکم ماننے سے انکار کرتے ہوئے کہا کہ وہ انہیں بھی ماردیں۔ مسلمان افراد کی اس ہمت نے حملہ آوروں کو مجبور کیا کہ وہ وہاں سے فرار ہوجائیں کیونکہ انہیں مقامی آبادی کی جانب سے جوابی حملے کا خطرہ تھا، تاہم اس کے باوجود ان کی فائرنگ سے 2 افراد ہلاک اور 3 زخمی ہوگئے۔
ایمز ٹی وی (سائنس اینڈٹیکنالوجی) پاکستانی سائنسدان جوڑے نے آسٹریلیا میں زیرِ آب ڈرون کمپنی قائم کی ہے جس سے زیرِ آب ڈرون سے پانی کے اندر مقامات پر تحقیق اور نقشہ کشی کی جارہی ہے۔ آسٹریلیا میں مقیم پاکستانی سائنسدان ناصر احسان سمندری (مرین) روبوٹکس میں ڈاکٹریٹ کی ڈگری رکھتے ہیں جب کہ ان کی بیگم حنا احسان نے ڈیٹا تجزیہ ( اینالیٹکس) میں ماسٹرز کیا ہوا ہے ان کی ٹیم کے تیسرے رکن کا مسعود نقشبندی کا تعلق افغانستان سے ہے جو سینسر ٹیکنالوجی کے ماہرہیں اور چوتھے رکن ابراہیم قزاز لبنانی نژاد آسٹریلوی ہیں جو سول انجینئر ہیں اور اب یہ چاروں آسٹریلوی شہریت رکھتے ہیں۔
ناصر احسان نے ناسا کے ایک انجینیئر کے اوپن سورس پروجیکٹ اوپن آر او وی کو بھی آگے بڑھایا اور اپنی اسٹارٹ اپ کمپنی قائم کی اور زیرِ آب ڈرونز سے فش فارم ، پائپ لائن، آبی ذخیروں، ڈیم اور دیگر مقامات کی صفائی ، منصوبہ بندی اور زیرِ آب نقشہ سازی کے لیے استعمال کررہے ہیں۔ ان کا بنایا ہوا زیرِ آب ڈرون کیمروں کی مدد سے پانی کی گہرائی کا تھری ڈی نقشہ بناتا ہے جب کہ اس وقت وہ سڈنی واٹرز کے لیے اپنی خدمت فراہم کررہے ہیں جن کے پانی کے ذخائر کا باقاعدہ جائزہ لیا جاتا ہے۔ ناصر احسان کے مطابق زیرِ آب ڈرون پر سینسر لگا کر انہیں کئی اہم کاموں کے لیے استعمال کیا جاسکتا ہے۔
ایمز ٹی وی (ہیلتھ ڈیسک) بھولنے کے مرض میں مبتلا افراد اس عادت کو ایک عذاب سے تعبیر کرتے ہیں لیکن سائنسدانوں کے مطابق غائب دماغی ایک نعمت بھی ہوسکتی ہے۔
گلاسگو یونیورسٹی کے سائنسدان کے مطابق اگر آپ ایک کام کو بھول کر دوسرے کی جانب رجوع کرتے ہیں تو یہ آپ میں نئے کام کو سیکھنے کے صلاحیت کو ظاہر کرتا ہے کیونکہ بھول جانا نئے کام سیکھنے کے لیے ضروری ہوتا ہے۔ ماہرین کے مطابق بھول جانے کی عادت آج کی تیزرفتار دنیا میں نئے مہارت اور علم سیکھنے میں بہت مددگارثابت ہوسکتی ہے اور اسے ایک نارمل عمل سمجھنا چاہیے۔ اس کے لیے ماہرین کی ٹیم نے ایک تجربہ بھی کیا جس میں مرد و خواتین کو پہلے چند الفاظ یاد کرنے کو دیئے گئے اور بعد میں انگلیاں اس انداز میں تھپتھپانے کو کہا جس طرح ہم کی بورڈ یا اے ٹی ایم مشینوں پر ٹائپ کرتے ہیں۔
ماہرین نے نوٹ کیا کہ الفاظ اور انگلیاں تھپتھپانے کے درمیان اگر کوئی تعلق تھا تو ان مرد وخواتین نے دوسرے کام کو فوری طور پر یاد رکھا لیکن پہلے یاد کیے ہوئے الفاظ بھول گئے لیکن یہ اثر صرف اس وقت دیکھا گیا جب ایک کے بعد ایک کام سیکھا گیا جس سے معلوم ہوا کہ جب ہم نیا کام سیکھتے ہیں پرانی یادداشت دھندلا جاتی ہے جو ایک فطری عمل ہے۔
ایمزٹی وی(اسلام آباد)اسلام آباد کی نیشنل پولیس اکیڈمی میں زیر تربیت 17 اے ایس پیز کی پاسنگ آوٹ پریڈ ہوئی۔ پاسنگ آوٹ پریڈ میں چار خواتین اے ایس آئی بھی شامل تھیں۔ تفصیلات کے مطابق پاس آوٹ ہونے والے اے ایس پیز کو دور جدید کے تقاضوں کے مطابق جسمانی تربیت فراہم کی گئی۔پاس آوٹ ہونے والے اے ایس پیز نے شاندار پریڈ کا مظاہرہ کیا جسے حاضرین نے خوب سراہا۔ پریڈ کے مہمان خصوصی سابق آئی جی عباس خان تھے جبکہ نیشنل پولیس اکیڈمی کے کمانڈر خالد قریشی نے تقریب سے خطاب کرتے ہوئے کہا کہ اے ایس پیز کو جرائم کے خاتمے کے ساتھ ساتھ دہشت گردی سے نمٹنے کے لئے بھی غیرملکی ماہرین سے تربیت دلوائی گئی ہے۔خواتین اے ایس پیز کا کہنا تھا کہ انہوں نے 18 ماہ کے دوران جسمانی تربیت کے علاوہ جدید کرائم کے خاتمے سے متعلق بھی خصوصی تربیت حاصل کی ہے۔ خواتین اے ایس پیز نے پیغام دیا کہ ملک کی نصف آبادی خواتین پر مشتمل ہے اس لئے ان کے مسائل کے حل کے لئے خواتین کو پولیس کے شعبے میں شمولیت اختیارکرنی چاہیئے۔
ایمز ٹی وی (اسپورٹس) پاکستانی نژاد برطانوی باکسر عامر خان نے کہا ہے کہ میری خواہش ہے کہ میں پاکستان کےنوجوانوں کو باکسنگ کی تربیت دوں، لیاری باکسنگ کاگڑھ ہونے کے ناطے ٹیلنٹ سے مالامال ہے، پاکستان میں ویمن باکسنگ کا آغاز خوش آئند ہے، پاکستان سے محبت میری خون میں شامل ہے۔
انھوں نے ان خیالات کا اظہار اپنے نام سے منسوب آل پاکستان باکسنگ ٹورنامنٹ کی تقریب اور بعدازاں میڈیا سے گفتگو میں کیا، عامر خان نے کہا کہ میں چاہتا ہوں کہ لیاری کے علاقے میں اپنی باکسنگ اکیڈمی قائم کروں، مجھے باکسنگ سے پیارکرنے والے لیاری کے لوگوں سے پیار ہے، لیاری نے باکسنگ اور فٹبال میں نام کمایا۔
انہوں نے کہا کہ میں پاکستان کی نئی نسل کو تربیت دینے کے لیے تیار ہوں، میں لیاری کے بچوں کو باکسنگ سکھاؤں گا، میں اور میرا بھائی ہارون خان بھی لیاری آکرباکسنگ مقابلے میں شرکت کریں گے، انھوں نے نوجوانوں کوکھیلوں کے ساتھ ساتھ تعلیم کے حصول پر بھی زور دیا، اس مو قع پرانھوں نے ملاقات کے لیے آنے والی گرلز باکسرزکو سراہا اورکہا کہ ان کے رنگ میں آنے سے پاکستان ایک نئے دور میں داخل ہوجائیگا۔