ایمزٹی وی(اسلام آباد) پاکستان کی دو اہم گیس فراہم کرنے والی کمپنیوں سوئی ناردرن گیس پائپ لائن لمیٹیڈ (ایس این جی پی ایل) اور سوئی سدرن گیس کمپنی لمیٹیڈ (ایس ایس جی سی ایل) نے گھریلو صارفین کے سیکیورٹی ڈپازٹ میں 50 فیصد اضافے کا مطالبہ کردیا ہے۔ذرائع کے مطابق ملک میں بڑھتے ہوئی گیس چوری اور سسٹم لاسسز کے نقصان کو پورا کرنے کے لئے قیمتوں میں اضافہ کیا گیا ہے جس سے دوںوں کمپنیوں کو مجموعی طور پر 9 ارب روپے حاصل ہونگے۔ دونوں کمپنیوں کے اس مطالبے کو تسلیم کرلیا جاتا ہے تو گیس کے 7 کروڑ گھریلو صارفین کو اضافی 1500 روپے ادا کرنے ہوں گے جبکہ موجودہ سیکیورٹی ڈپازٹ کی رقم 3000 روپے ہے۔مزکورہ اضافے سے یہ رقم 4500 رو پے ہو جائے گی اور یہ اضافہ آئندہ کے گیس بلوں میں شامل کردیا جائے گا۔واضح رہے کہ ایس این جی پی ایل کے 4 کروڑ 30 لاکھ گیس صارفین ہیں جبکہ ایس ایس جی سی ایل کے 2 کروڑ 5 لاکھ گیس صارفین ہیں اور اس اضافے سے 75 فیصد گیس کے گھریلوں صارفین متاثر ہوگے۔

ایمز ٹی وی (انٹرنیشنل): نیپال میں مسافروں سے بھری بس کھائی میں گرنے سے 30 افراد ہلاک جب کہ 35 کے قریب زخمی ہوگئے۔غیر ملکی خبرساں ادارے کے مطابق نیپال کے شمال مغرب میں مسافروں سے بھری ہوئی بس کھائی میں گرنے کے نتیجے میں 30 افراد ہلاک جب کہ 35 کے قریب زخمی ہوگئے، حادثہ کے بعد جائے وقوعہ پر امدادی کارروائیاں شروع کردی گئیں اور زخمیوں کو فوراً قریبی اسپتال منتقل کردیا گیا ہے۔ حکام کے مطابق بس میں گنجائش سے زیادہ مسافر سوار تھے اور بس کی چھت بھی مسافروں سے بھری ہوئی تھی جس کے باعث حادثہ پیش آیا تاہم پولیس حادثے کی مزید تحقیقات کررہی ہے۔

ایمزٹی وی(بزنس ڈیسک) شناختی کارڈ کو این ٹی این نمبر سے تبدیل کرنے ہر عمل درآمد شروع کردیا گیا ذرائع کے مطابق وزیر خزانہ نے شناختی کارڈ کو این ٹی این نمبر سے تبدیل کر نے کا اعلان رواں سال کے بجٹ میں کیا تھا مگر تکنیکی وجوہات کے باعث اس اعلان پر عمل درآمد نہیں ہو سکا تھا۔ مگر اب چار ماہ کی تاخیر کے بعد اس اعلان پر عمل درآمد شروع کر دیا گیا ہے ۔ اس ضمن میں ایف بی آر کی جانب سے ایس آر او بھی جاری کر دیا گیا ہے۔ ایس آر او کے مطابق ٹیکس دہندگان اب شناختی کا رڈ نمبر استعمال کر کے ٹیکس جمع کرواسکتے ہیں ۔تاہم ای فائلنگ اور کمپنیوں کیلئے ایف بی آر سے رجسٹریشن کروانا لازمی ہوگا۔

ایمزٹی وی(اسلام آباد)صوبائی حکومت کی ہدایات کے باوجود محکمہ تعلیم راولپنڈی200سے زائد بڑے تعلیمی اداروں میں سکیورٹی گارڈ بھرتی کرنے میں ناکام ہوگئی ہیں جبکہ اسکولوں کے خارجی وداخلی راستوں پر سکیورٹی کے فول پروف انتظامات بھی نا ہونے کے برابر ہے تفصیلات کے مطابق جنوری 2015میں صوبائی حکومت نے سانحہ پشاور کے بعد راولپنڈی ضلع کے تعلیمی اداروں میں سکیورٹی کے فول پروف انتظامات کیلئے محکمہ تعلیم کواحکامات جاری کیے تھے کہ حساس قرار دیئے جانے والے اسکولوں میں سکیورٹی گارڈز رکھنے کے علاوہ سی سی ٹی وی کیمرے ، باؤنڈری وال ، خاردارتاریں لگائی جائیں مگر ان احکامات پر عملدرآمد تاحال نہیں کیا گیا جبکہ دوسری جانب اساتذہ تنظیموں نے حساس تعلیمی اداروں میں سکیورٹی انتظامات کو ناقص قراردیتے ہوئے کہاکہ درجہ چہارم کے ملازمین کو سکیورٹی پر لگادیا جو اسلحہ سے بھی نابلد ہیں کسی قسم کے نقصان کی ذمہ دارمحکمہ تعلیم راولپنڈی کی انتظامیہ ہوگی ۔

ایمزٹی وی(نیوزڈیسک)پاکستان کے نامور غزل گائیک غلام علی نے زندگی بھر ہندوستان میں پرفارم نہ کرنے کا اعلان کردیا.زرائع کے مطابق غلام علی کا کہنا تھا کہ انھوں نے ہندوستان میں مستقبل کے سارے کنسرٹ اور پروگرام منسوخ کردیئے ہیں اور وہ کبھی ہندوستان نہیں آئیں گے۔

ایمز ٹی وی (انٹرنیشنل): روسی وزارت دفاع کا کہنا ہے کہ شام میں روسی اور امریکی اتحادی فضائیہ کسی بھی ممکنہ حادثے سے بچنے کیلئے مشترکہ مشقیں کررہی ہیں. ماسکو میں پریس بریفنگ کےدوران میں روسی وزارت دفاع کے ترجمان کا کہنا تھا کہ شام میں روسی اور امریکی اتحادی فضائیہ مشترکہ مشقیں کررہی ہیں تاکہ کسی قسم کے ممکنہ حادثے سے بچا جاسکے، مشقوں کے ذریعے اطلاعات کا تبادلہ،کارروائیوں کو منظم کرنے کےساتھ مختلف شعبوں میں تعاون اور روسی و امریکی کنٹرول سینٹرز کےدرمیان موثر رابطہ قائم کرنے کی کوشش کی جارہی ہے۔ انکا کہناتھا کہ شام کے جنوب مغرب میں کارروائی کے دوران اسرائیل اور روسی فضائی صورتحال سے ایک دوسرے کو آگاہ کرتے رہتے ہیں۔

وزارت دفاع کے ترجمان کا کہنا تھا کہ شام میں جاری کارروائیوں میں ابتک جنگجوؤں کے دوہزار چوراسی ٹھکانوں کو نشانہ بنایا ہے.

ایمز ٹی وی (انٹرنیشنل): روسی وزارت دفاع کا کہنا ہے کہ شام میں روسی اور امریکی اتحادی فضائیہ کسی بھی ممکنہ حادثے سے بچنے کیلئے مشترکہ مشقیں کررہی ہیں. ماسکو میں پریس بریفنگ کےدوران میں روسی وزارت دفاع کے ترجمان کا کہنا تھا کہ شام میں روسی اور امریکی اتحادی فضائیہ مشترکہ مشقیں کررہی ہیں تاکہ کسی قسم کے ممکنہ حادثے سے بچا جاسکے، مشقوں کے ذریعے اطلاعات کا تبادلہ،کارروائیوں کو منظم کرنے کےساتھ مختلف شعبوں میں تعاون اور روسی و امریکی کنٹرول سینٹرز کےدرمیان موثر رابطہ قائم کرنے کی کوشش کی جارہی ہے۔ انکا کہناتھا کہ شام کے جنوب مغرب میں کارروائی کے دوران اسرائیل اور روسی فضائی صورتحال سے ایک دوسرے کو آگاہ کرتے رہتے ہیں۔

وزارت دفاع کے ترجمان کا کہنا تھا کہ شام میں جاری کارروائیوں میں ابتک جنگجوؤں کے دوہزار چوراسی ٹھکانوں کو نشانہ بنایا ہے.

ایمزٹی وی(اسلام آباد)بینظیر بھٹو قتل کیس میں پرویز مشرف نے امریکی صحافی مارک سیگل کےبیان کوچیلنج کردیا ہے۔ کیس کی سماعت راولپنڈی کی انسداددہشت گردی عدالت میں ہوئی۔ ذرائع کے مطابق سابق صدر پرویز مشرف کے وکیل نےامریکی صحافی کےویڈیو بیان پراعتراضات اٹھاتے ہوئےکہا کہ مارک سیگل نےسات سال بعدبیان ریکارڈ کروایاجو قانون کےمنافی ہے۔درخواست میں یہ بھی کہا گیا ہے کہ مارک سیگل نے فاروق ایچ نائیک کا لکھا ہوا بیان پڑھ کر سنایاہے کیس کی سماعت جسٹس رائے ایوب مارتھ نے کی جبکہ اس موقع پر پرویز مشرف کے وکلاء فیصل چودھری اورفروغ نسیم بھی عدالت میں پیش ہوئے۔وکلاء کےدلائل کے بعد عدالت نے درخواست کے فیصلےتک سماعت ملتوی کردی۔ درخواست کی سماعت گیارہ نومبر کو ہوگی

ایمزٹی وی(چارسدہ)نوجوانوں میں ہیروئن کے استعمال کے بعد "آئس" کے استعمال میں تیزی سے اضافہ ہورہاہے۔ ذرائع کے مطابق "آئس‘‘ افغانستان میں امریکا اور نیٹو فورسزجنگی حکمت عملی کے تحت استعمال کرتی رہی ہیں۔ ’آئس‘‘ کے استعمال سے انسان میں 3 دن تک جنگجو صلاحیتیں اورغیر معمولی قوت پیدا ہوتی ہیں جب کہ 3 دن تک کھانے پینے اورنیند کی ضرورت بھی پیش نہیں آتی۔تفصیلات کے مطابق چارسدہ کے مختلف علاقوں میں نوجوان نسل مضر صحت ’’آئس‘ کا استعمال بہت تیزی سے کررہے ہیں جو کہ نہ صرف جنگی جنونیت بڑھانے، بھوک، پیاس اور نیند ختم کرنے کے لیے استعمال کیاجاتا ہے ۔آئس پاؤڈر جیسے مضر صحت ڈرگ انتہائی مہنگی ہے جس کے حصول کے لئے نوجوانوں میں اسٹریٹ کرائم کا اضافہ ہورہا ہے۔چارسدہ پولیس اوردیگر ذمہ دار اداروں نے آئس پاؤڈر کے روک تھام کے لئے مثبت اقدامات نہ کئے تواسٹریٹ کرائم، چوری، ڈکیتی کی وارداتوں سمیت دیگرمعاشرتی برائیوں میں خطرناک حد تک اضافہ ہوسکتا ہے۔