کراچی: جامعہ این ای ڈی کے تحت سنڈیکیٹ اجلاس کا انعقاد وائس چانسلرپروفیسرڈاکٹرسروش حشمت لودھی کی صدارت میں منعقد ہو۔

جس میں تعلیمی، انتظامی اور مالی اُمورکا تفصیلی جائزہ لیا گیا۔ اس موقع پر سنڈیکیٹ حکومتِ سندھ کے نوٹیفیکشن کے تحت ملازمین کے لیے تنخواہوں کےنظر ثانی شدہ بجٹ کی منظوری دی گئی۔اس اجلاس میں گزشتہ اجلاس کی سفارشات کی منظوری سمیت چار چیئرپرسن اور چھے پی ایچ ڈیز کی بھی منظوری دی گئی۔

جامعہ ترجمان کے مطابق سنڈیکیٹ اجلاس میں ایک جانب ڈاکٹر جاوید حنیف کو شعبہ پیٹرولیم انجینئرنگ،ڈاکٹر اریج ہمایوں مرزاکوبائیو میڈیکل انجینئرنگ، پروفیسر ڈاکٹرسعود ہاشمی کو کیمیکل انجینئرنگ جب کہ پروفیسر ڈاکٹر شہنیلہ زرداری کوسوفٹ وئیر انجینئرنگ ڈیپارٹمنٹ کاچیئرپرسن مقرر کرنے کی منظوری دی گئی۔

دوسری جانب عبدالکریم قاضی (کمپیوٹر سائنس اینڈ انفارمیشن ٹیکنالوجی)،محمد کامران(کمپیوٹر سائنس اینڈ انفارمیشن ٹیکنالوجی)، سجاد علی(اربن اینڈ انفرااسٹکچرا نجینئرنگ)، وسیم خان(مٹیریل انجینئرنگ)زوبیا انور(مٹیریل انجینئرنگ) اور رویندر کمار(آرکیٹکچر اینڈپلاننگ) کی پی ایچ ڈی کی منطوری دی گئی، ان تمام پی ایچ ڈیز کو 25اکتوبر کو منعقد ہونے والے کنووکیشن میں ڈاکٹریٹ کی ڈگری سے نوازا جائے گا۔ اجلاس میں پرووائس چانسلر پروفیسر ڈاکٹر محمد طفیل اور سیکریٹری سنڈیکیٹ /جسٹرارسید غضنفر حسین سمیت 24اراکین نے شرکت کی۔

جامعہ کراچی نے 137طلباوطالبات کو ایم فل،پی ایچ ڈی،ڈی ایس سی،ایم ڈی اورایم ایس کی ڈگریاں تفویض کردی۔

جامعہ کراچی کے وائس چانسلر پروفیسر ڈاکٹرخالد محمودعراقی کی زیر صدارت منعقدہ ایڈوانسڈ اسٹڈیز اینڈریسرچ بورڈ (اے ایس آربی)کے حالیہ اجلاس میں 137 طلباوطالبات کو ایم فل،پی ایچ ڈی،ڈی ایس سی،ایم ڈی اورایم ایس کی ڈگریاں تفویض کی گئیں۔

رجسٹرار جامعہ کراچی پروفیسر ڈاکٹر عبدالوحید کے مطابق پروفیسر ڈاکٹر خالد ایم خان کو شعبہ کیمیاء میں ڈی ایس سی کی ڈگری تفویض کی گئی جبکہ مختلف شعبہ جات کے 75 طلباوطالبات کو ایم فل،38 طلباوطالبات کو پی ایچ ڈی،04کوایم ایس (ماسٹرآف سرجری)،ایک طالبعلم کو ایم ڈی (ڈاکٹر آف میڈیسن) اور18 طلباوطالبات کو ایم ایس کورس ورک(30 کریڈٹ آرز) مکمل کرنے پر ایم ایس کی ڈگریاں تفویض کی گئیں۔

جن طلباوطالبات کو ڈگریاں تفویض کی گئیں ہیں ان کی فہرست جامعہ کراچی کے آفیشل فیس بک پیج پر اَپ لوڈ کردی گئی ہے۔

اسلام آباد: پاکستان میڈیکل کمیشن نے کمیشن کے تحت پاکستانی طلباء کے لیے این ایل ای امتحان ختم کردیا ہے اور اب اس کا اختیار اسناد تقویض کرنے والی جامعات کو منتقل کرتے ہوئے پاسنگ نمبرز 70 سے کم کر کے 50 کردئیے ہیں جب کہ ملک بھر میں نجی و سرکاری میڈیکل جامعات و کالجز کا داخلہ ٹیسٹ 13 نومبر کو یونیفارم پالیسی کے تحت لیا جائے گا۔

تاہم آرمی میڈیکل کالجز کے لیے داخلہ ٹیسٹ پہلے ہوگا جو نسٹ کے تحت لیا جائے گا۔ اس بات کی منظوری بدھ کو پی ایم سی کے اجلاس میں دی گئی جس کی صدارت پی ایم سی کے صدر ڈاکٹر نوشاد شیخ نے کی۔

اجلاس میں بتایا گیا کہ21 ہزار نشتوں کے لیے دو لاکھ 5 ہزار طلبہ ٹیسٹ دیں گے سندھ میں داخلہ ٹیسٹ ڈائو میڈیکل یونیورسٹی، پنجاب میں یو ایچ ایس، بلوچستان میں بی ایم سی، کے پی کے میں خیبر میڈیکل یونیورسٹی اور اسلام آباد میں شہید بینظیر بھٹو یونیورسٹی لے گی اور انھیں یہ اختیار ہوگا کہ وہ ٹیسٹ خود کرائیں یا کسی اور ٹیسٹنگ ادارے کو یہ زمہ داری دیں۔

پی ایم سی صرف نصاب، اور سوالات کے نمبرز کا تعین کرے گی ٹیسٹ نتائج اسی روز جاری ہوں گے۔ اورکلاسوں کاآغاز یکم فروری سے ہوگا۔ اجلاس میں 8 غیرملکی ٹیسٹ مراکز کو ختم کرکے دو کرنے کا فیصلہ کیا گیا ۔

اجلاس میں بیسک میڈیکل سائنسز کی ڈگریوں کی رجسٹریشن کا عمل بحال کردیا گیا جب کہ فیصلہ کیا گیا کہ میڈیکل کالج اور جامعات کا معائنہ ایچ ای سی کے بجائے پی ایم سی خود کرے گی۔میڈیا سے خصوصی گفتگو میں صدر پاکستان میڈیکل کمیشن ڈاکٹر نوشاد شیخ نے بتایا کہ انٹرمیڈیٹ امتحانات میں 60 فیصد نمبرز حاصل کرنے والے طلبہ داخلہ ٹیسٹ دینے کے اہل ہوں گے جبکہ اس سے قبل 65 فیصد نمبرز حاصل کرنے والا طالب علم داخلہ ٹیسٹ میں بیٹھنے کا اہل تھا۔

انہوں نے بتایا کہ ٹیسٹ میں میڈیکل کیلئے 55 فیصد اور ڈینٹل کیلئے 45 فیصد نمبر حاصل کرنے والا طالب علم میڈیکل اور ڈینٹل کالجز میں داخلے کیلئے اہل ہوگا۔

کراچی: ثانوی تعلیمی بورڈ کراچی سے الحاق شدہ تمام گورنمنٹ اور پرائیویٹ اسکولوں کو مطلع کیا جاتا ہےکہ چیئرمین بورڈ سید شرف علی شاہ کی خصوصی ہدایت پر بورڈ کے ریسرچ اینڈ اسپورٹس سیکشن اکتوبر کے آخری ہفتے سے مختلف کھیلوں کی سرگرمیوں برائے سال2022-23 کاآغازکر رہا ہے کھیلوں پر مبنی پروگراموں کی تاریخوں کا اعلان بعد میں کیا جائے گا۔

تفصیلات کے مطابق ڈائریکٹر ایجوکیشنل ریسرچ حور مظہر نے بتایا کہ یہ ٹورنامنٹ فٹ بال (بوائز)، کرکٹ (بوائز)، ہاکی (بوائز)، بیڈمنٹن (بوائز، گرلز)، ٹیبل ٹینس (بوائز، گرلز) اور رسہ کشی (بوائز، گرلز) پر مشتمل ہے۔ لہٰذا اسکولوں کے سربراہان سے گزارش ہے کہ طلباء و طالبات کو کھیلوں کی سرگرمیوں میں حصہ لینے کیلئے ان کی حوصلہ افزائی ضرور کریں۔

ٹورنامنٹ میں شرکت کیلئے نامزدگی فارم بورڈکے ریسرچ اینڈ اسپورٹس سیکشن میں 14اکتوبر تک جمع کرائے جا سکتے ہیں۔

ٹورنامنٹ کے شیڈول کا اعلان 14 اکتوبر کے بعد کیا جائے گا اس کے بعد کوئی بھی فارم تبدیل یا قابل قبول نہیں ہوگا۔ انٹری فارم نہ ملنے کی صورت میں مقررہ تاریخ سے پہلے بورڈ کے ریسرچ اینڈ اسپورٹس سیکشن سے رابطہ کر سکتے ہیں۔

کراچی: جامعہ این ای ڈی کے ڈائریکٹر یٹ آف انڈسٹریل لائسنس کے تحت ایک روزہ کیئرئیر فئیر 2022کا انعقادکیا گیا۔

جس میں جامعہ کے طالب علموں کی بڑی تعداد نے شرکت کی۔شیخ الجامعہ این ای ڈی پروفیسر ڈاکٹر سروش حشمت لودھی نے کیئرئیر فئیر 2022کے استقبالیہ کی صدارت کرتے ہوئے کہا کہ پاکستان کو اس وقت متعدد معاشی مسائل کا سامنا ہے، ایسے میں روزگار کا آپ کا دروازہ کھٹکھٹانا،خوش آئند ہے۔ کیئرئیر فئیر 2022کا انعقاد مسائل کے حل اور حل سے متعلق تجاویز کے لیے بہترین پلیٹ فارم ہے۔

انہوں نے مزید کہا کہ تعلیمی اداروں کی تحقیق کو معاشی پالیسی کی تشکیل کے مراحل میں مدنظر رکھناچاہیے۔انہوں نے اس کیئرئیر فئیر2022کو اپنے طالب علموں کے لیے روزگارکے حصول کااہم ذریعہ قرار دیا۔ اس موقعے پر ڈائریکٹریٹ آف انڈسٹریل لائسنس ڈاکٹر محمد عامر قریشی نے تمام شرکا کا شکریہ ادا کیا اور اپنی ٹیم کی کاوشوں کو سراہا۔

جامعہ ترجمان کے مطابق اس ایک روزہ کیئرئیر فئیر2022 میں 30سے زاید انڈسٹریز شریک ہوئیں، قریباً انجینئرنگ کی ہرانڈسٹری کا اسٹال موجود تھا۔ صبح 9 سے شام 4بجے تک طالب علموں کے انٹرویوز لیے گئے جب کہ ہر اسٹال پر انٹرویوز دینے والے طالب علموں میں کی بڑی تعداد موجود رہی۔

لاہور: پنجاب بورڈ نے نویں اوردسویں جماعت کے دوسرےمرحلےکے سالانہ امتحانات برائے 2022 کا شیڈول جاری کردیاہے۔

امتحانات کا آغاز 6 اکتوبر سےہوگاجوکہ 17 اکتوبر تک جاری رہے گا۔جبکہ نویں جماعت کے امتحانات 18سے27اکتوبر تک ہونگے۔

جاری کردہ شیڈول کے مطابق نہم اور دہم جماعت کے عملی امتحانات 31اکتوبر سے8نومبر تک جاری رہیں گے۔

تفصیلات کے مطابق لاہور سمیت راولپنڈی،ملتان بورڈ نے دہم جماعت کے سالانہ امتحانات کے دوسرے مرحلے کے رول نمبر سلپس ویب سائٹ پر اپلوڈ کردی ہے

امتحان میں شریک امیدوار اپنے رول نمبر سلپس ویب سائٹ سے ڈائون لوڈکرسکتے ہیں۔

دبئی: انٹرنیشنل کرکٹ کونسل نے نئی رینکنگ جاری کردی، کپتان بابراعظم کی تیسرے نمبر آگئے۔

آئی سی سی کی جانب سے جاری نئی رینکنگ کے مطابق پاکستان کے محمد رضوان نے ٹی20 رینکنگ میں اپنی پہلی پوزیشن مزید مستحکم کرلی ہے جبکہ کپتان بابراعظم بھی ایک درجہ ترقی پاکر تیسرے نمبر پر آگئے ہیں۔

محمد رضوان کے ریٹنگ پوائٹس کی تعداد 861 ہوگئی ہے، سوریا کمار یادیو 801 پوائٹس کے ہمراہ دوسرے، 799 پوائٹنس کے ہمراہ بابراعظم تیسری پوزیشن پر قابض ہیں۔

دیگر بلےبازوں میں ایڈن مارکرم چوتھے، ایرون فنچ پانچویں، ڈیوڈ ملان چھٹے، دیون کانوے ساتویں، پاتھون نسانکا آٹھویں پوزیشن پر براجمان ہیں۔

نئی دہلی: پاکستان اور بھارت کے درمیان ٹیسٹ سیریز کی انگلش کرکٹ بورڈ کی پیشکش پر بی سی سی آئی کا ردعمل سامنے آگیا۔

انگلش کرکٹ بورڈ کی جانب سےبھارتی کرکٹ بورڈنےبھارت اور پاکستان کے مابین ٹیسٹ سیریز کی پیشکش کی تھی جس پر انڈین بورڈ نے یکسر مسترد کردیا ہے۔

بی سی سی آئی کے ایک افسر نے اپنے بیان میں کہا کہ پاکستان کے خلاف سیریز کا فیصلہ حکومت کرے گی اور موجودہ حالات کی پیش نظر اسکا کوئی امکان نظر نہیں آرہا۔

پاک بھارت ٹیموں نے 15 سال قبل آخری بار ٹیسٹ سیریز کھیلی تھی تاہم ممبئی حملوں کا جواز بناکر بھارت نے متعدد بار پاکستان کے خلاف سیریز کھیلنے سے انکار کرتا رہا ہے۔

سال 2012 میں دونوں ٹیموں کے مابین تین ون ڈے میچوں کی سیریز کھیلی گئی تھی جس کے لیے قومی ٹیم بھارت گئی تھی جبکہ دونوں ممالک کے درمیان آخری ٹیسٹ سیریز 2007 میں کھیلی گئی تھی۔

پاکستان نے تین ون ڈے میچوں کی اس سیریز میں بھارت کو ہوم گراؤنڈ پر 1-2 سے شکست دی تھی۔

کراچی: ثانوی تعلیمی بورڈ کراچی نے نویں اور دسویں جماعت کےسالانہ امتحانات2023 کے رجسٹریشن فارم جمع کرانے کا شیڈول جای کردیا۔

تفصیلات کے مطابق چیئرمین بورڈ سید شرف علی شاہ نے طلبا و طالبات سے کہا ہے کہ 2023 یا اسے سے پہلے سے دیئے گئے امتحانات یا ایک ساتھ تمام پرچے کی رجسٹریشن اور سائنس و جنرل گروپ ریگولروپرائیوٹ کے لئے پرمیشن فارم جمع کرانے کا شیڈول جاری کردیا،

طلبا و طالبات 28ستمبرسے 28اکتوبر تک بغیر لیٹ فیس کے رجسٹریشن اور پرمیشن فارم بورڈ سے ملحقہ بینک سے حاصل کرکے انہی بینکوں میں جمع کراسکتے ہیں،تمام فارم متعلقہ سیکشن سے تصدیق ہونے کے بعد بورڈ کے اکائونٹس سیکشن میں جمع ہونگے ۔

اس ضمن میں واضح کیا گیا ہے کہ 28اکتوبر کے بعد شیڈول کے مطابق لیٹ فیس کے ساتھ فارم وصول کئے جائیں گے اور بغیر لیٹ فیس کی وصول کی تاریخ میں کسی بھی قسم کی توسیع کی جائے گی

لاہور: انگلینڈاورپاکستان کے درمیان پانچواں ٹی 20 میچ کل کھیلاجائے گا۔ دونوں ٹیمیں آج قذافی اسٹیڈیم میں پریکٹس کریں گی۔

پاکستان اور انگلینڈ کی ٹیموں کے درمیان 7 میچز کی سیریز کا پانچواں ٹی 20 میچ کل لاہور کے قذافی اسٹیڈیم میں کھیلا جائے گا۔ شاداب خان اور نسیم شاہ تینوں میچز میں ٹیم کا حصہ ہوں گے۔

پاکستان اور انگلینڈ کی ٹیمیں آج قذافی اسٹیڈیم میں پریکٹس کریں گی۔ بدھ، جمعے اور اتوار کو کھیلے جانے والے تینوں میچز کے لیے دو پچز تیار کی گئیں جو بیٹنگ کے لیے ساز گار دکھائی دیتی ہیں تاہم ان پچز پر اسپنرز کا کردار اہم ہوسکتاہے۔

تجربہ کار ہیڈ کیورٹر آغا زاہد کی نگرانی میں ان پچز کو تیار کیاگیاہے۔ قذافی اسٹیڈیم میں اب تک کا ٹی 20 میں سب سے بڑا ٹوٹل پانچ وکٹ پر 197 رنز ہے جو پاکستان نے ورلڈ الیون کے خلاف میچ میں اسکورکیاتھا جبکہ کم ترین اسکور 101 ہے جو پاکستان نے سری لنکا کے خلاف میچ میں بنایا تھا۔

قذافی اسٹیڈیم میں زمبابوے کے خلاف میچ میں پاکستانی ٹیم نے 176رنز کا مجموعہ حاصل کرکے میچ اپنے نام کیاتھا۔ یہ دوسری بار میں بننے والے اب تک کا سب سے بڑا اسکورہے۔

پاکستانی ٹیم کو قذافی اسٹیڈیم میں 126 رنز کے اسکور کا کامیابی سے دفاع کرنے کا اعزاز بھی حاصل ہے۔ پہلی اننگز کا ایوریج اسکور 161 اور دوسری اننگز کا 147ہے۔اس گراونڈ پر مجموعی طورپر18 میچز ہوچکے ہیں جن میں سے 10 مرتبہ پہلے بیٹنگ کرنے والی ٹیم نے کامیابی حاصل کی ہے۔ آٹھ بار پہلے بولنگ کرنے والی ٹیم کو جیت نصیب ہوئی ہے۔