ایمز ٹی وی (جہلم) پنجاب کے ضلع جہلم کے علاقے ڈومیلی میں سرکاری اسکول میں تدریسی عمل کے دوران انسداد ڈینگی اسپرے کیا گیا۔ جس سے کئی طالبات بے ہوش ہوگیئں اور باقیوں کی حالت خراب ہوگئی۔حالیہ خبر کے مطابق چالیس سے زائد طالبات کی حالت تشویشناک ہے اور انہیں آئی سی یو منتقل کیا گیا ہے۔بچوں کے والدین اور علاقہ مکینوں نے متاثرہ طالبات کو تحصیل ہسپتال سوہاوا جبکہ بے ہوش طالبات کو ڈی ایچ کیو جہلم پہنچایا جہاں انہیں طبی امداد فراہم کی جارہی ہے۔ واضح رہے کہ گزشتہ کچھ دنوں کے دوران پنجاب کے مختلف علاقوں میں ڈینگی اسپرے سے اسکول کے بچوں کے متاثر ہونے کا یہ تیسرا واقعہ ہے۔
ایمز ٹی وی ( افغانستان):امریکی ڈرون طیارے نے پاک افغان سرحد کے قریب واقع افغانستان کے صوبے ننگر ہار کے علاقے لال پورہ میں ایک گاڑی کو نشانہ بنایا جس کے نتیجے میں 4 افراد ہلاک ہو گئے جب کہ گاڑی بھی مکمل طور پر تباہ ہو گئی۔ ذرائع کا کہنا کہ ڈرون حملے میں مارے جانے والوں میں طالبان کمانڈر حبیب اللہ بھی شامل ہے تاہم طالبان نے اس حوالے سے کوئی بیان جاری نہیں کیا ہے۔ واضح رہے کہ گزشتہ روز بھی افغانستان کے ضلع گومل میں امریکی ڈرون حملے میں 15 طالبان مارے گئے تھے ۔
کوئٹہ (ایمزٹی وی ) جامعہ بلو چستان انسٹیٹیوٹ آف ایجوکیشن اینڈ ریسرچ کے اعلامیہ کے مطابق ایم ایڈ مارننگ اوربی ایڈ آنرز کے غیر حاضر طلباءکو تاکید کی گئی ہے کہ وہ حاضری یقینی بنائیں ورنہ انکے نام شعبہ سے خارج کر دیئے جائیں گے ۔لہٰذا پندرہ دن کے اندر اندر اپنا داخلہ دوبارہ کروائیں ۔75 فیصد سے کم حاضری والے طلبہ امتحانات میں بیٹھنے کے اہل نہیں ہونگے ۔
ایمزٹی وی(اسلام آباد)پاکستان پوسٹ میں 5 سال کے دوران 55 کروڑ 90 لاکھ کی کرپشن اور بے ضابطگیوں کے538 کیسز سامنے آئے جن کے خلاف ملک بھر میں 212 کیسز رجسٹرڈ ہوئے جس میں سے83 پولیس، 29 نیب اور99 ایف آئی اے کے پاس ہیں۔ دستاویز کے مطابق پوسٹ ڈپارٹمنٹ کے ماتحت ملک بھر میں اس وقت 12 ہزار 35 ڈاک خانے کام کر رہے ہیں، گزشتہ 5 سال کے دوران ملک بھر میں 405 نئے پوسٹ آفس کھلے اور 584 بند ہوئے، 2 ہزار 851 ملازمین بھرتی ہوئے، جن میں 1,666کنٹریکٹ جب کہ1,007 ڈیلی ویجز ملازمین شامل ہیں۔ ملک میں پوسٹ ڈپارٹمنٹ کے 374 یونٹس پر دیگر محکموں اور قبضہ مافیا کا راج ہے جن میں کمرشل، رہائشی عمارتیں اور قیمتی پلاٹ شامل ہیں، ان میں پوسٹ آفس کے20 دفاتر، 344 رہائشی یونٹ، 14 پلاٹ شامل ہیں جن یونٹس پر قبضہ مافیا کا راج ہے اس میں اسلام آباد کے 6 رہائشی یونٹ، 4 آفس بلڈنگ اورایک پلاٹ شامل ہے، سب سے زیادہ کراچی میں 182 رہائشی یونٹس پرقبضہ ہے جبکہ دوسرے نمبر پرلاہور میں69 رہائشی یونٹس اور 4 پلاٹوں پر قبضہ ہے۔
ایمز ٹی وی (اٹک) صوبہ پنجاب کے شہر اٹک کے علاقے کوہاٹ روڈ پرایک گاڑی اوربنوں سے آنے والی ایک کوسٹر میں ٹکر ہوگئی جس کے نتیجے میں سات افراد جاں بحق اور چودہ افراد زخمی ہوگئے۔ امدادی ٹیموں نے جائے وقوعہ پر پہنچ کر تمام متاثرہ افراد کو تحصیل ہیڈ کوارٹر اسپتال فتح جنگ منتقل کر دیا جہاں زخمیوں کو طبی امداد فراہم کی جا رہی ہے۔ ہسپتال انتظامیہ کا کہنا ہے کہ زخمیوں میں سے پانچ کی حالت تشویشناک ہے۔ پولیس کے مطابق حادثہ تیز رفتاری کے باعث پیش آیا۔
(کراچی) ایمز ٹی وی ،رینجرز اور پولیس مقابلوں میں ۲ دہشت گرد ۲ گینگسٹر سمیت ۵ ملزمان مارے گئے شہر میں فائرنگ کے مختلف واقعات میں تین افراد بھی جان سے گئے کراچی میں امن کیلئے رینجرز پر عزم ہے ،تیسر ٹاﺅ ن میں دہشت گردوں کی طلاع پر رینجرز نے کارروائی کی،دہشت گردوں نے رینجرز کو دیکھتے ہی فائرنگ شروع کردی ،جوابی کارروائی میں دو دہشت گرد مارے گئے ،ہلاک ملزمان سے اسلحہ اور دستی بم برآمد ہوئے ،ترجمان رینجرز کے مطابق ہلاک ملزمان کی شناخت عدنان بلوچ ،اور ساجد کے نام سے ہوئی ہے ،ملزمان قتل سمیت سنگین وارداتوں میں پولیس کے مطلوب تھے ،مومن آباد میں پولیس کے مبینہ مقابلے میں ایک منشیات فروش ہلاک ہوگیا ملیر میں اسنیپ چیکنگ کے دوران نا معلوم مسلح افراد کی فائرنگ سے دو افراد زخمی ہو گئے ،ملزمان گاڑی چھوڑ کے فرار ہوگئے ،
ایمزٹی وی(اسلام آباد)وزارت تعلیم کی جانب سے ملک میں یکساں نصاب تعلیم رائج کرنے اور اس ضمن میں صوبوں کے ساتھ مل کر ومی نصاب کا مسودہ تیار کرنے سے متعلق تمام دعوؤں کے باوجود ایک سال کا عرصہ گزرنے کے بعد بھی کوئی حتمی مسودہ تیار نہیں ہو سکا۔ ذرائع کے مطابق ملک میں یکساں نصاب رائج کرنے کیلئے وفاقی حکومت کی جانب سے قومی نصاب کونسل بنائی گئی تھی جس نے تمام صوبوں کےساتھ ملکر یکساں نصاب پالیسی بنانی تھی تاہم کونسل کی جانب سے سوائے اجلاس منعقد کروانے کے کوئی پیش رفت نہ کی جا سکی. ذرائع کے مطابق ایک سال سے زائد عرصہ گزر جانے کے باوجود بھی قومی نصاب پالیسی کا حتمی مسودہ بھی تیار نہ کیا جا سکا، ذرائع کے مطابق وزیر مملکت برائے تعلیم و تربیت بلیغ الرحمان ابھی تک نصاب کونسل پر تمام صوبوں کو متفق کرنے میں کامیاب نہیں ہو سکے. واضح رہے کہ اس حوالے سے بین الصوبائی ایجوکیشن منسٹرز کانفرنسس کا انعقاد بھی کیا جا چکا ہے تاہم ابھی تک قومی نصاب کونسل کے حوالے سے صوبوں میں اختلاف رائے پایا جاتا ہے
کوئٹہ ( ایمز ٹی وی) بلوچ ریپبلکن پارٹی کے ترجمان سرباز بلوچ نے نا معلوم مقام سے سیٹلائیٹ فون کے زریعے واقع کی زمہ داری قبول کرتے ہوئے کہا کہ ہم بلوچ سرزمین کی حفاظت کے لئے ریاست اور چائنا سمیت کسی بھی سامراجی ممالک کو اپنی سرزمین پر سرمایہ کاری کی اجازت نہیں دینگے جو بلوچ قوم کی منشاءکے خلاف ہو یہ حملے سرزمین کی مکمل آزادی تک جاری رہیں گے ۔
ایمزٹی وی(انڑنیشنل) شدت پسند گروپ داعش نے شام سے یورپ اوردوسرے ملکوں کی طرف ہجرت کرنے والے شہریوں کوسنگین نتائج کی دھمکی دیتے ہوئے ان کی نقل مکانی کو گناہ کبیرہ قرار دیا ہے۔داعش کے انگریزی زبان میں شائع ہونے والے آن لائن جریدہ ’’دابق‘‘میں شائع ایک مضمون میں ترکی کے ساحل سے ملنے والی شامی بچے کی لاش کی تصویر کے ساتھ ایک مضمون میں پناہ گزینوں کوخبردار کیا گیا ہے کہ وہ ملک چھوڑ کر نہ جائیں ورنہ ان کاانجام بھی سمندر میں ڈوب کر جاں بحق ہونے والے ایلان کردی کی طرح خوفناک ہوگا۔ واضح رہے کہ شام میں جاری خانہ جنگی کے باعث لاکھوں افراد دوسرے ممالک میں پناہ لینے پر مجبور ہیں جب کہ دوسرے ممالک میں پناہ لینے کے دوران تارکین وطن کی کئی کشتیاں ڈوبنے سے سیکڑوں افراد جان کی بازی بھی ہار چکے ہیں۔
صوبہ پنجاب کے شہر ملتان میں وہاڑی چوک کے بس اسٹینڈ کے قریب خود کش دھماکہ ہوا۔ دھماکہ کے نتیجے میں دس افراد ہلاک اور ساٹھ افراد ذخمی ہوگئے۔دھماکہ اتنا شدید تھا کہ قریب کھڑی گاڑیاں بھی آگ کی زد میں آکر تباہ ہوگئیں ، سات سے آٹھ رکشے بھی متاثر ہوئے جبکہ دو دکانیں بھی جل گئیں۔ پی او ملتان اظہر اکرام کے مطابق دھماکے کی جگہ سے بال بیئرنگ اور دو مشکوک لوگوں کی لاشیں بھی ملی ہیں۔ دھماکا موٹر سائیکل اور رکشے کے تصادم سے ہوا جو موٹر سائیکل میں نصب بارود کا دھماکہ لگتا ہے۔دھماکہ میں زخمی ہونے والوں کو طبی امداد کے لیئے نشتر اسپتال منتقل کر دیا گیا۔تا حال کسی گروپ نے واقعے کی ذمہ داری قبول نہیں کی