ایمز ٹی وی (کراچی) انسداد دہشت گردی عدالت کے عملے کی جانب سے ایم کیو ایم کے رہنما عامرخان کے ضمانتی مچلکوں پر اعتراض لگائے جانے کے بعد ان کی رہائی تاخیر کا شکار ہوگئی ہے۔ انسداد دہشت گردی کی خصوصی عدالت کے عملے نے ایم کیو ایم کے رہنما عامر خان کے ضمانتی مچلکوں پر اعتراض کرتے ہوئے ان کے وکیل کو مچلکوں کی دوبارہ تصدیق کی ہدایت کردی ہے، جس کے باعث ایم کیوایم کے رہنما کی رہائی تاخیر کا شکار ہوگئی ہے۔ واضح رہے کہ انسداد دہشت گردی کی خصوصی عدالت نے گزشتہ روز عامر خان کی 10لاکھ روپے میں ضمانت منظورکی تھی تاہم عدالتی وقت ختم ہونے کے باعث ان کے رہائی کا حکم جاری نہیں ہوسکا تھا۔