ایمزٹی وی(اسلام آباد)وزارت مذہبی امورنے مستحق اقلیتی یتیم بچیوں کے جہیز فنڈ کیلئے مالی امداد50ہزارسے بڑھا کر ایک لاکھ کردی ہے ، اس ضمن میں معلوم ہوا ہے کہ مستحق ، نادار اقلیتی برادری کیلئے مالی امدادکی رقم پانچ سے دس ہزارہوگئی جبکہ کرسمس کے موقع پر مالی امداد1000روپے سے بڑھا کر2500کر دی گئی ہے اسی طرح اقلیتی برادری کیلئے اسکالرشپ کی رقم کو بھی بڑھا کر ڈبل کر دیا گیا ہے ، وفاقی اور صوبائی حکومتوں سے بھی اقلیتوں کیلئے ترقیاتی فنڈز بڑھانے کا کہا گیاہے جبکہ کرسمس، ایسٹر، ہولی کے تہوارمناکراقلیتوں سے اظہار یکجہتی کیا جاتا رہے گا، رواں برس سندھ میں ہولی کا تہوار منایا گیااور اب کرسمس کا تہوار بھی عیسائی برادری کیساتھ منایا جائے گا جس کیلئے اسلام آباد میں تیاریاں جاری ہیں۔