جمعرات, 29 فروری 2024


کراچی : تین روزہ انسداد پولیو مہم دوسرے دن بھی جاری 

 ایمز ٹی وی (کراچی) شہر قائد کی گیارہ حساس یونین کونسلوں میں تین روزہ انسداد پولیو مہم دوسرے دن جاری ہے ۔ مہم کے دوران دو لاکھ 72 ہزار 745 بچوں کو انسداد پولیو کے قطرے پلائے جائیں گے ۔ مہم کے پہلے دن گڈاپ ٹائون کی یوسی فور، ریڑھی، لانڈھی اور بن قاسم میں پہلے دن مہم معطل گئی تھی ۔ آج ان یونین کونسلوں میں بھی مہم جاری ہے۔ تین روزہ مہم گڈاپ ٹائون کی یونین کونسل نمبر 4،5 اور 8 بلدیہ ٹائون کی یونین کونسل نمبر2 ، اورنگی کی یونین کونسل نمبر7، سائٹ ٹائون کی یونین کونسل نمبر9 ، لیاقت آباد ٹائون کی یونین کونسل نمبر2 ، بن قاسم کی یونین کونسل نمبر2 ، لانڈھی کی یونین کونسل نمبر ایک اور دو اور کورنگی کی یونین کونسل نمبر تین میں چلائی جا رہی ہے ۔واضح رہے کہ  ان حساس یونین کونسلوں میں گزشتہ مہم کے دوران دس ہزار سے زائد بچے والدین کی جانب سے انکار کے باعث انسداد پولیو قطرے سے محروم رہے۔

پرنٹ یا ایمیل کریں

Leave a comment