ایمزٹی وی(کھیل) ریواولمپکس کی تیاریاں عروج پر ہے، برازیل میں شروع ہونے والے ریو اولمپکس کی تیاریاں اختتامی مراحل میں داخل ہوگئیں، انٹرنیشنل اولمپکس کونسل نے ایونٹ کے لئے میڈلز کی رونمائی کردی ہے۔ کھیلوں کی دنیا کا سب سے بڑا عالمی میلہ اولمپکس 5 اگست سے برازیل کے شہر ریوڈی جنیرو میں شروع ہو رہا ہے، انتظامیہ کے مطابق ٹیموں کی آمد شروع اور فول پروف سیکورٹی کو یقینی بنایا جائیگا جبکہ اولمپک پارک تک میٹرو سروس کا آغاز بھی ہوگیا ہے۔
ایک سال کے اندر لیگو سے بنے ریو شہر اور اولمپکس سٹی کو نمائش کیلئے پیش کردیا گیا ہے، تین ارب ڈالر سے مکمل ہونے والے منصوبے کو کامیاب اور یادگار بنانے کیلئے سخت محنت کی گئی ہے۔ اس بار گرمی کے موسم کے اولمپک کھیلوں کا میدان برازیل کے شہر ریو میں سجے گا،اسی مناسبتسے اس کا نام ریو سمراولمپک گیمز 2016 رکھا گیا ہے۔ ریو اولمپکس 2016 میں مختلف ممالک کی ریکارڈ 206 قومی اولمپک کمیٹیوں کے 10ہزار 500 سے زائد کھلاڑی حصہ لیں گے۔
واضح رہے کہ ریو اولمپک گیمز پانچ اگست سے برازیل میں شروع ہوں گے جو کہ 21اگست تک جاری رہیں گے۔
ریو اولمپکس میں شرکت کیلئے پاکستانی شوٹرزکا دو رکنی دستہ برازیل روانہ ہوگیا، غلام مصطفی بشیر اورمنہل سہیل پاکستانی کی نمائندگی کریں گی، جی ایم بشیرپچیس میٹر ریپڈ ایئر پسٹل کیٹگری میں حصہ لیں گے۔ جبکہ منہل سہیل دس میٹرایئررائفل کیٹگری میں شرکت کریں گی۔منہل سہیل شوٹنگ مقابلوں میں نمائندگی کرنے والی پہلی پاکستانی خاتون ہیں۔