ایمز ٹی وی(اسپورٹس) ایک انٹرویو میں وقار یونس نے کہا کہ میرے بارے میں مغرور یا انتقامی سوچ کا حامل شخص ہونے کا تاثر درست نہیں،ریٹائر ہونے کے بعد کبھی خود کو ایک اسٹار خیال نہیں کیا،آسٹریلیا میں مقیم ہونے کے بعد یہ بخار تو بہت جلد اتر گیا تھا،ان کا کہنا تھا کہ میں اس چیز کا حامی ہوں کہ بطورکوچ آپ کو ان کرکٹرز کی خدمات ہی حاصل نہیں ہونا چاہئیں جو ساتھ کھیل چکے ہوں لیکن میں نے کبھی کسی کو دانستہ ٹیم سے باہر کیا نہ کیریئر ختم کرنے کی کوشش کی،اگر کوئی کھلاڑی اچھا پرفارم کررہا ہے تو اسے ڈراپ کرنا احمقانہ کام ہوگا کیونکہ فتح کسے اچھی نہیں لگتی؟