اتوار, 16 جنوری 2022


پی ایس ایل7 میں اس بارروایتی رنگارنگ تقریب نہیں ہوگی

لاہور: پاکستان سپرلیگ 7 کی افتتاحی تقریب سادگی سےکرنے کا فیصلہ کیا گیا ہے تقریب میں میوزک اوررقص نہیں ہوگا۔

پاکستان کرکٹ بورڈکے ذرائع کے مطابق پی ایس ایل7 میں اس بارروایتی رنگا رنگ تقریب کے بجائے افتتاحی تقریب سادگی سے کرنے کا فیصلہ کیا ہے۔

پی سی بی ذرائع کے مطابق کووڈ کی صورتحال اورلاجسٹک مسائل کے باعث گزشتہ ایڈیشنز کے برعکس 27 جنوری کوکراچی کے نیشنل اسٹیڈیم میں میچز کے آغاز سے قبل کلچرل سرگرمیاں نہیں ہوں گی۔

مختصر افتتاحی تقریب میں چئیرمین پی سی بی رمیز راجا خطاب کریں گے جس کے بعد میچز کا آغاز ہوجائے گا۔

پی ایس ایل 7 کا ترانہ 20 یا 21 جنوری تک ریلیز کردیا جائے گا۔پی سی بی حکام اس حوالے سے پروگرام کوحتمی شکل دے رہے ہیں۔

پرنٹ یا ایمیل کریں

Leave a comment