Reporter SS
ایمزٹی وی (اسلام آباد)عمران خان اور جہانگیر ترین کی نااہلی کیلئے دائر ریفرنسز الیکشن کمیشن سے خارج ہونے کے بعد تحریک انصاف نے اسپیکر قومی اسمبلی سردار ایاز صادق سے فوری طور پر مستعفیٰ ہونے کا مطالبہ کر دیا ۔شریف برادران اربوں کے اشتہارات دیکر پری پول ریگنگ کر رہے ہیں جس پر دونوں بھائیوں کے خلاف کل پٹیشن فائل کریں گے ۔
الیکشن کمیشن کے باہر میڈیا سے گفتگو کرتے ہوئے تحریک انصاف کے ترجمان نعیم الحق نے کہا کہ آج سے سپیکر ایاز صادق کے خلاف احتجاج کا آغاز کر رہے ہیں ، سپیکر نے اپنے قائد کو بچانے کیلئے عمران خان اور جہانگیر ترین کے خلاف ریفرنسز الیکشن کمیشن کو بھجوائے ۔
انہوں نے کہا کہ ایاز صادق بدنیتی پر اسمبلی چلا رہے ہیں لہذٰا ایسے شخص کو اسمبلی میں بیٹھنے کا کوئی حق نہیں ۔ آج سچ کی فتح ہوئی ہے اور الیکشن کمیشن کے فیصلے سے پوری قوم سرخرو ہوئی ہے ۔حکومتی وکلاءالیکشن کمیشن کو قائل نہیں کر سکے کیونکہ ان میں کوئی بات سچ نہیں تھی ۔
نعیم الحق نے کہا کہ نوا زلیگ نے عمران خان کے خلاف اس قسم کے اور بھی کیس فائل کیے ہوئے ہیں مگر ان میں بھی سچ کی فتح ہو گی اور انکے جھوٹ بے نقا ب ہونگے ۔ نواز لیگ پاناما کیس کے حوالے سے ہمیں بلیک میل کرنے کی کوشش میں تھی تاہم پاناما کیس میں بھی پوری قوم سرخرو ہو گی ۔ن لیگ کے وکلاءالیکشن کمیشن میں کچھ بھی ثابت نہیں کر سکے، فیصلہ سچ پر مبنی ہے ۔
انہوں نے کہا کہ ہم چاہتے ہیں آئندہ انتخابات شفاف ہوں ، شہباز شریف کی نااہلی کیلئے بھی ریفرنس دائر کر رہے ہیں جنہوں نے اپنی شوگر ملز کیلئے قوانین میں تبدیلی کی تاکہ اپنی ذات اور خاندان کو فائدہ ہو سکے ۔
ایمزٹی وی(اسلام آباد)الیکشن کمیشن میں عمران خان اور جہانگیر ترین کی نااہلی کے ریفرنسز کو خارج کردیا ہے۔تفصیلات کے مطابق چیف الیکشن کمشنر نے مختصر فیصلہ سناتے ہوئے دونوں ریفرنسز کو ناقابل سماعت قراردیتے ہوئے خارج کردیئے جبکہ تفصیلی فیصلہ بعد میں سنایا جائے گا۔
اسپیکر کی جانب سے بھجوائے جانیوالے ریفرنسز کی سماعت الیکشن کمیشن میں ہوئی اور آج کے فیصلہ میں عمران خان اور جہانگیر ترین کے خلاف فیصلہ سناتے ہوئے چیف الیکشن کمشنر نے دونوں ریفرنسز کو مسترد کردیا۔
یاد رہے اسپیکر قومی اسمبلی سردار ایاز صاد ق نے عمران خان اور جہانگیر ترین کی نااہلی کے لیے دائر ریفرنسز 5 دسمبر 2016ءکو الیکشن کمیشن میں بھیجوائے تھے۔عمران خان اور جہانگیر ترین کے خلاف مسلم لیگ نواز کے رہنما طلال چودھری اور محمد خان ڈاہا نے اسپیکر قومی اسمبلی کے پاس ریفرنس جمع کرائے تھے جن میں پارٹی فنڈز میں مبینہ خوردبرداور اثاثے چھپانے جیسے الزامات لگائے گئے تھے
ایمزٹی وی(تعلیم/ پنجاب)16 برس بعد طالبہ کو انصاف مل گیا۔ مقامی سول جج چوہدری اشتیاق نے 16سال پرانے ہرجانہ کے دعوے کا فیصلہ سناتے ہوئے پنجاب یونیورسٹی کی طالبہ وجیہہ بلوچ کے حق میں 8لاکھ روپے ہرجانہ کی ڈگری جاری کردی۔
طالبہ وجیہہ بلوچ نے 16سال قبل پنجاب یونیورسٹی کی جانب سے غلط ڈگری جاری کرنے پر ہرجانے کا دعوی دائر کیا تھا۔16 برس تک کیس چلتا رہا اورگزشتہ روز 16 سال بعد طالبہ انصاف حاصل کرنے میں کامیاب ہو گئی۔
ایمزٹی وی(اسلام آباد)چیف ادارہ شماریات آصف باجوہ نے کہا ہے کہ مردم شماری کے دوران 12 سوالات پوچھے جائیں گے اور شہری کسی بھی مسئلے کی صورت میں 080057574 پر اطلاع دےسکتے ہیں۔
تفصیلات کے مطابق آصف باجوہ نے میڈیا سے گفتگو کرتے ہوئے کہا کہ مردم شماری کے عمل کو 1 لاکھ 68 ہزار بلاکس میں تقسیم کیا گیا ہے اور ایک بلاک میں 200 سے 250 گھر ہونگے۔
خانہ شماری کا آج دوسرا روز ہے اور مردم شماری کے دوران شہریوں سے 12 سوالات جبکہ خانہ شماری کے دوران 10 سوالات پوچھے جائیں گے۔
قومیت،پیشہ،کمپیوٹرائزڈشناختی کارڈ یا ب فارم ہے یانہیں؟ جنس،عمر،ازدواجی حیثیت،مذہب،مادری زبان،شہریت اورتعلیم سے متعلق پوچھاجائےگا، گھراپناہے یانہیں؟گھرکے سربراہ سے رشتہ؟ گھرمیں سے کوئی6ماہ سے بیرون ملک تونہیں؟ ریڈیو،ٹی وی،اخبار،فون اورکمپیوٹرہے یانہیں؟ پانی اورروشنی کاذریعہ،بیت الخلاہے یانہیں؟ گھرکب تعمیرکیاگیا؟چھت اوردیواروں کے مٹیریل سے متعلق پوچھاجائےگا؟ رہائش کی نوعیت،گھرکی ملکیت اورکمروں کی تعدادسے متعلق پوچھاجائےگا۔
ایمزٹی وی(تجارت)پاک چین اقتصادی راہداری(سی پیک) کے تحت بننے والے تین پن بجلی کے منصوبے رواں سال کمرشل پیداوار کا آغاز کردیںگے تفصیلات کے مطابق سی پیک منصوبے کے تحت پن بجلی کے 200 میگاواٹ کے تین منصوبے رواں سال کمرشل پیداوار شروع کردیں گے۔
حکومتی ذرائع کے مطابق50 میگاواٹ ہائیڈرو چائنہ داﺅد ونڈ پاور پراجیکٹ کو اگلے ماہ تک مکمل کئے جانے کا امکان ہے جبکہ 99 میگاواٹ کے منصوبے کو ستمبر میں مکمل کیا جائے گا۔ جبکہ50 میگاواٹ کے سچل انرجی پراجیکٹ کو جون میں مکمل کئے جانے کا امکان ہے۔
ذرائع کے مطابق100 میگاواٹ کے مزید تین منصوبے پہلے ہی مکمل کئے جاچکے ہیں اور وہ پیداوار دے رہے ہیں۔
ایمزٹی وی(اسلام آباد)عوامی مسلم لیگ کے سربراہ شیخ رشید احمد نے انکشاف کیا ہے کہ پاناما کیس کا فیصلہ عوام کے حق میں آرہا ہے ۔
میڈیا ذرائع کے مطابق اسلام آباد میں میڈیا سے گفتگو کرتے ہوئے انکا کہنا تھا کہ مارچ ملک کیلئے اہم مہینہ ہے ، پاناما کیس کے حوالے سے سپریم کورٹ کا فیصلہ من و عن تسلیم کریں گے ۔ آرٹیکل 62اور 63پر تاریخی فیصلہ آنے والا ہے ۔
ایک سوال پر شیخ رشید احمد نے کہا کہ لاہور میں دفتر کھولنا میرے لیے کوئی مسئلہ نہیں ہے کیونکہ 20کروڑ عوام کے دلوں پر راج کر چکا ہوں ۔
ایمزٹی وی(اسلام آباد)کئی ماہ تک زیر سماعت رہنے والے ملکی سیاسی نوعیت کے سب سے بڑے ” پاناما کیس“ کا فیصلہ کسی بھی وقت آسکتا ہے اور اب انکشاف ہوا ہے کہ مسلم لیگ نواز نے فیصلہ وزیر اعظم کے خلاف آنے پر ملک میں فوری انتخابات کرانے پر غور شروع کر دیا جبکہ مریم نواز کو لاہور سے الیکشن لڑانے کا فیصلہ بھی کر لیا گیا ہے۔
میڈیا ذرائع کے مطابق پاناما کیس کا فیصلہ محفوظ ہونے کے بعد حکمران جماعت مسلم لیگ نوازکی اعلیٰ قیادت نے 3ہفتوں میں کئی بار مشاورت کی ہے جس میں وزیر اعظم کی صاحبزادی مریم نواز کو لاہور سے الیکشن لڑوانے کا حتمی فیصلہ کیا گیا ہے جبکہ فیصلہ پاناما کیس کا فیصلہ توقع کے برعکس آنے کی صورت میں عوامی عدالت سے رجوع کرنے پر بھی غور جاری ہے۔
ذرائع کا کہنا ہے کہ نون لیگ کو عدالت سے سرخرو ہونے کا یقین ہے پھر بھی تمام ممکنات پر تبادلہ خیال کیا جا رہا ہے۔ حکومتی قانونی ماہرین پرامید ہیں کہ تحریک انصاف نے ایسی قانونی بنیاد فراہم نہیں کی جس کی بنیاد پر وزیر اعظم کو گھر بھیجا جا سکے۔ مشاورتی اجلاسوں میں 90 فیصد رہنماو¿ں نے رائے دی کہ فیصلہ اگر خلاف آئے تو عوامی عدالت سے رجوع کیا جائے۔
ذرائع کے مطابق لیگی رہنماﺅں کا کہناہے کہ الیکشن کیلئے مسلم لیگ ن کی تیاری مکمل ہے جبکہ پیپلز پارٹی سندھ تک محدود ہے۔ تحریک انصاف انتخابی تیاری کے بجائے سارا وقت احتجاجی سیاست میں لگی رہی ہے۔ ذرائع کے مطابق، الیکشن جب بھی ہوئے مریم نواز لاہور سے الیکشن لڑیں گی۔ تمام لیگی وزراءاور رہنماو¿ں نے نواز شریف پر مکمل اعتماد کا اظہارکیا ہے۔
ایمزٹی وی(تعلیم/ گلگت بلتستان) وومن ڈگری کالجز اور گورنمنٹ گرلز سکولوں میں طالبات کیلئے حکومت کی جانب سے بسوں کی تقسیم کے حوالے سےتقریب منعقد کی گئی۔تقریب سے خطاب کرتے ہوئے ۔وزیراعلیٰ گلگت بلتستان حافظ حفیظ الرحمن نے کہا ہے کہ حکومت نے اپنی توجہ کالجوں اور ٹیکنیکل ایجوکیشن پر مرکوز کی ہے جس کے تحت آئندہ ڈیڑھ سال میں کالجوں کو درپیش اسٹاف کی کمی سمیت تمام مسائل دورکئے جائیں گے حکومتی کی مثبت پالیسیوں کی وجہ سے محکمہ تعلیم میں بہتری آئی ہے محکمہ تعلیم پر عوام کا اعتماد بحال ہوا ہے گلگت میں ویمن یونیورسٹی کے قیام کیلئے ابتدائی کام کیا گیا ہے وزیر اعظم پاکستان محمد نواز شریف اپنی متوقع دورے میں گلگت میں ویمن یونیورسٹی کے قیام کا اعلان کریں گے گلگت ڈگری کالج میں ویمن یونیورسٹی کا قیام عمل میں لایا جائے گا۔
اس موقع پر وزیراعلیٰ گلگت بلتستان حافظ حفیظ الرحمن نے گورنمنٹ ڈگری کالج فار ویمن گلگت کے پرنسپل کو 2بسوں کی چابیاں دیں، گورنمنٹ ڈگری کالج فار وومن سکردو کے پرنسپل کو 2بسوںکی چابیاں دیں، گورنمنٹ گرلز انٹر کالج گاہکوچ غذر کے پرنسپل کو1بس کی چابی دی ،گورنمنٹ گرلز انٹر کالج کریم آباد ہنزہ کے پرنسپل کو 1بس کی چابی دی، گورنمنٹ گرلز انٹر کالج گوپس غذر کے پرنسپل کو 1بس کی چابی دی، گورنمنٹ گرلز ہائی سکول چلاس دیامر کے پرنسپل کو 1بس کی چابی دی اور گورنمنٹ گرلز ہائی سکول مہدی آباد سکردو کے پرنسپل کو بھی1بس کی چابی دی ۔
اس موقع پر وزیراعلیٰ گلگت بلتستان حافظ حفیظ الرحمن نے کہاکہ طالبات کیلئے بسوں کی فراہمی سے طالبات کی بروقت اور بحفاظت تعلیمی اداروں میں آنے اور گھرجائیں گے جس سے تعلیمی اداروں میں آنے کیلئے درپیش مسائل حل ہوں گے۔ وزیراعلیٰ گلگت بلتستان حافظ حفیظ الرحمن نے تمام متعلقہ کالجز اوراسکولوں کے پرنسپلز سے ان کے اداروں کے مسائل دریافت کئے اور یقین دہانی کرایا کہ حکومت سکولوں اور کالجوں کی بہتری کیلئے بھرپور وسائل بروئے کار لارہی ہے بہت جلد کالجوں کے مسائل حل کئے جائیں گے۔
وزیراعلیٰ گلگت بلتستان حافظ حفیظ الرحمن نے کہا ہے کہ تمام سرکاری سکولوں میں کلا س اول تا دہم مفت کتابیں فراہم کئے جارہے ہیں گلگت بلتستان پاکستان کا واحد صوبہ ہے جس میں کلاس اول تا دہم مفت کتابیں فراہم کی جارہی ہے حکومت کی اس مثبت اقدام کی وجہ سے سکولوں کے انرولمنٹ میں خاطر خواہ اضافہ ہواہے 1لاکھ 65ہزار بچوںکو مفت کتابیں فراہم کی جارہی ہے سرکاری سکولوں کی حالت بہتر بنانے کیلئے تمام وسائل بروئے کار لائے جارہے ہیںمفت کتابوں کی فراہمی سے جو والدین مالی وسائل نہیں رکھتے ان کے بچے بھی تعلیم حاصل کرسکیں گے۔محکمہ تعلیم میں مستحق اور غریب بچوں کو وظیفہ دینے کیلئے خصوصی پالیسی متعارف کرائی جارہی ہے جس کیلئے انڈومنٹ فنڈکا قیام عمل میں لایا گیا ہے سرکاری سکولوں کے اساتذہ کی تدریسی صلاحیتوں کو کو بڑھانے کیلئے تمام اضلاع میں ونٹر تربیتی کورس کا انعقاد کرایا گیا پانچ سالوں میں 100 ماڈل سکولوں کا قیام عمل میں لایا جائے گاحکومتی اقدامات کی وجہ سے عوام کا اعتماد محکمہ تعلیم پر بحال ہوا ہے تمام سرکاری سکولوں میں بنیادی سہولیات فراہم کئے گئے ہیں جس کی وجہ سے والدین پرائیویٹ سکولوں سے اپنے بچوں کو سرکاری سکولوں میں داخل کررہے ہیں۔
وزیراعلیٰ گلگت بلتستان حافظ حفیظ الرحمن نے کہاہے کہ پڑھا لکھا گلگت بلتستان ہمارا خواب ہے جس کے تحت گلگت بلتستان کے تمام بچوںکی تعلیم کو یقینی بنانے کیلئے اقدامات کئے جارہے ہیں۔ سی پیک سے زیادہ سے زیادہ استعفادہ حاصل کرنے کیلئے تیکنیکی تعلیم کو فروغ دینے کیلئے ڈائریکٹریٹ کا قیام عمل میں لایا گیا ہے تمام پرائیویٹ سکولوں کی مانیٹرنگ کیلئے ریگولیٹری اتھارٹی قائم کی گئی ہے سپیشل ایجوکیشن کو دیگر اضلاع تک وسعت دی جارہی ہے ۔وزیراعلیٰ گلگت بلتستان حافظ حفیظ الرحمن نے کہاہے کہ گلگت بلتستان کے مقامی زبانوں کے فروغ کیلئے خصوصی پروجیکٹ بنایا گیا ہے تمام سکولوں میں قرآن کا ترجمہ اور ناضرہ پڑھایا جائے گا تاکہ ہر طالب علم کو قرآن سے آگاہی ممکن ہو۔ ان خیالات کا اظہار وزیراعلیٰ گلگت بلتستان حافظ حفیظ الرحمن نے ”وزیر اعلیٰ کا خواب۔ تعلیمی انقلاب” کے تحت آگاہی مہم کے حوالے سے خصوصی پیغام دیتے ہوئے کیا۔
وزیراعلیٰ گلگت بلتستان حافظ حفیظ الرحمن نے مفت کتابوں کی فراہمی میں پنجاب حکومت کے تعاون کو سراہتے ہوئے وزیر اعلیٰ پنجاب محمد شہباز شریف کا شکریہ ادا کیا جنہوں نے تمام شعبوں میں صوبائی حکومت کے ساتھ بھرپور تعاون کیا ہے۔
ایمزٹی وی(گلگت بلتستان)قانون ساز اسمبلی جی بی ایل اے چار نگر کے ضمنی انتخابات چار مئی 2017ء کو ہونگے ،گزشتہ روز چیف الیکشن کمشنر کے احکامات کے تحت ڈپٹی الیکشن کمشنر عابد رضا کے دستخطو ں سے جاری ہونیوالے الیکشن شیڈول کے مطابق اسلامی تحریک کے رہنما رکن قانون سازاسمبلی محمد علی شیخ کے انتقال کے باعث خالی ہونیوالی قانون ساز اسمبلی کی نشست جی بی ایل اے چار نگر کے ضمنی انتخابات کیلئے کاغذات نامزدگی 21اور22مارچ کو ریٹرنگ آفیسر کے پاس جمع کرائے جائینگے کاغذات نامزدگی کی جانچ پڑتال 29مارچ کوہوگی ،کاغذات نامزدگی مسترد ہونے یا قبول کرنے کے خلاف درخواستیں 2اپریل کو داخل کئے جاسکیں گے
الیکشن ٹربیونل ان درخواستوں پر 9اپریل کو فیصلہ سنائیں گے 10اپریل کو امیدوار اپنے کاغذات نامزدگی واپس لے سکیں گے الیکشن میں حصہ لینے والے امیدواروں کی حتمی فہرست 11اپریل کوجاری ہوگی جبکہ چار مئی کے روز اس حلقے میں پولنگ ہوگی ڈپٹی کمشنر نگر رانا وقاص کوڈسٹرکٹ ریٹرنگ آفسر مقرر کیاگیا ہے جبکہ اسسٹنٹ الیکشن کمشنر گلگت بلتستان محمد علی کو ریٹرنگ آفیسر مقرر کیا ہے اسی طرح تحصیلدار ہیڈکوارٹر نگر نثار احمد کو اسسٹنٹ ریٹرنگ آفیسر مقرر کیا ہے ۔
ایمزٹی وی(اسلام آباد)وزیرداخلہ چودھری نثار کا پاک برطانیہ بین الاقوامی سیمینار سے خطاب کرتے ہوئے کہنا تھا کہ پاکستان نے فرنٹ لائن ریاست کا کردار ادا کیالیکن عالمی برادری نے محض زبانی معاونت کی۔ ہم نے علاقائی سیکیورٹی میں خرابیوں کا خمیازہ بھگتا ہے جبکہ پاکستان گزشتہ 4 دہائیوں سے بحرانوں کی زد میں ہے ۔
وزیرداخلہ چودھری نثار نے کہا ہے کہ پاکستان نے 3سال کے دورانیے میں اہم کامیابیاں حاصل کی ہیں جبکہ آپس میں متحد ہوکر بڑی سے بڑی جنگ جیتی جاسکتی ہے ۔
انہوں نے کہا کہ ہماری مسلح افواج، پولیس، سول آرمڈ فورسز نے بیش بہا قربانیاں دی ہیں جن کی بدولت آج دہشتگردی میں بڑے پیمانے پر کمی واقع ہوئی ہے ۔فوجی آپریشنزانتظامی وسیاسی معاملات کاحل نہیں ہوتے جبکہ آپریشن ضرب عضب سے پہلے مذاکرات کا آپشن استعمال کیا گیا اور مذاکرات کا آپشن ناکام ہونے کی صور ت میں آپریشن کا آغاز کیا گیا جس میں پاکستان نے بڑی کامیابیاں حاصل کیں۔
چودھری نثار کاعالمی برادری کو مخاطب کرتے ہوئے کہنا تھا کہ عالمی برادری کوتحریک آزادی اوردہشت گردی میں تفریق کرنی چاہیے جبکہ کچھ ممالک اپنی کمزوریوں کا الزام بھی پاکستان پر ڈال دیتے ہیں۔بداعتمادی،الزام تراشی علاقائی امن کےلیے نقصان دہ ہے۔