Reporter SS
ایمز ٹی وی ( انٹر ٹینمنیٹ) بالی ووڈ کے ڈانسر اور بہترین اداکار گووندا ایک بار پھربڑے پردے پر واپسی کرنے جا رہے ہیں جس کا مداحوں کو بے صبری سے انتظار ہے۔ بالی ووڈ میں لاتعداد کامیاب فلمیں دینے والے اداکار گووندا کے لاتعداد مداح ہیں جو انہیں پھرسے فلموں میں اداکاری کرتے دیکھنا چاہتے ہیں۔ اداکار نے بڑی اسکرین سے غائب ہونے کے بعد سیاست میں بھی قدم رکھا لیکن کچھ عرصے بعد انہوں نے فیصلہ کیا کہ بالی ووڈ ہی ان کا پیشہ ہے۔ اداکار آخری بار ایک لمبے عرصے کے بعد فلم ’’کل دل‘‘ اور’’ہیپی اینڈنگ‘‘ میں نظر آئے تھے تاہم اب ایک بار پھروہ دیپنکرسیناپتی کی ہدایتکاری میں بننے والی فلم ’’آگیا ہیرو‘‘ سے پھر سے مداحوں کو محظوظ کرنے آرہے ہیں جب کہ فلم کی شوٹنگ بھی مکمل ہوچکی ہے جواس ماہ یلیزہوگی۔
ایمز ٹی وی ( انٹر ٹینمنیٹ) بالی ووڈ کے لیجنڈری اداکار رجنی کانت اور اکشے کمار کی فلم ’’2.0‘‘ نے ریلیز سے قبل ہی سٹیلائٹ رائٹس کی مد میں 110 کروڑ کی کمائی کرلی۔ رجنی کانت اور اکشے کمار کی فلم ’’2.0‘‘ 450 کروڑ کے بڑے بجٹ سے بنائی جارہی ہے اور اسے فلم نگری کی سب سے مہنگی ترین فلم قرار دیا جارہا ہے لیکن بھاری بجٹ کی فلم نے سیٹیلائٹ رائٹس کی مد میں بڑی کمائی کرلی ہے۔ رجنی کانت اور اکشے کمار کی فلم ’’2.0‘‘ نے نمائش سے قبل ہی سیٹلائٹ کے مالکانہ حقوق کی مد میں 110 کروڑ کی ڈیل کرلی ہے جس کی تصدیق فلم کی پروڈکشن کمپنی کے تخلیقی شعبے کے ہیڈ کی جانب سے کردی گئی ہے۔ واضح رہے کہ فلم ’’2.0‘‘ میں رجنی کانت ، اکشے کماراور ایمی جیکسن ایکشن میں نظرآئیں گی جب کہ فلم رواں سال دیوالی کے موقع پر ریلیز کی جائے گی۔
ایمز ٹی وی ( انٹرٹینمنیٹ) پاکستان کو اسٹائل کی دنیا میں نئی پہچان دینے والے سولہویں لکس اسٹائل ایوارڈز کی نامزدگیوں کا اعلان کر دیاگیاہے، ایکٹر ان لا، دوبارہ پھر سے،ہو من جہاں ، جاناں اورماہ میر بہترین فلموں کی کیٹیگری میں نامزد گی حاصل کرنےمیں کامیاب رہیں۔ فیشن، فلم، موسیقی اور ٹی وی میں نمایاں کارکردگی دکھانے والےکون سے نام اس بار 28 کیٹیگریز میں جگہ بنانے میں کامیاب رہے۔ فلم کی بہترین اداکارہ کیٹیگری میں ماہرہ خان، مہوش حیات، صبا قمر، سجل علی، صنم سعید کو جبکہ بہترین اداکارکی کیٹیگری میں اشعر عظیم، فہد مصطفیٰ، محب مرزا اور یاسرحسین کو نامزد کیاگیاہے۔ بہترین ٹی وی اداکار کی کیٹیگری میں احسن خان، فیصل قریشی، ہمایوں سعید، نعمان اعجاز اور زاہد حامد شامل ہیں۔ فیشن خاص طور پر برائیڈل کیٹیگری میں شہر ت یافتہ ڈیزائنرز چھائےرہے جن میں علی ذیشان، فراز منان، ماہ گل و دیگرشامل ہیں۔ بہترین ماڈلز کی کیٹیگری میں آمنہ بابر، رابعہ بٹ، صدف کنول نامزد ہوئیں۔ آخری لکس ایوارڈز جیو کے تعاون سے 30 جولائی کو ہوئے تھے، اس بار لکس اسٹائل ایوارڈ سال کے آخر میں منعقد کیےجائیں گے۔
ایمز ٹی وی ( انٹر ٹینمنیٹ) بالی ووڈ کی ڈمپل گرل دپیکا پڈوکون نے اپنے قریبی دوست رنویر سنگھ کی بجائے رنبیر کے ساتھ انسٹا گرام پر ہولی کی تصاویر شیئر کرتے ہوئے مبارکباد دی ہے جس سے ایک بار پر اداکارہ کی رنویر سے علیحدگی کی افواہوں کا بازار گرم ہوگیا ہے۔دپیکا پڈوکون اور رنویر سنگھ کے درمیان طویل عرصے سے قربتیں قائم تھیں اور رنویر بھی ادکاارہ سے برملا محبت کا اظہار کرچکے ہیں تاہم اب کئی روز سے دونوں کے درمیان علیحدگی کی خبریں زیر گردش تھیں لیکن اب دپیکا نے ایک تصویر شیئر کرکے مزید سنسنی پھیلادی ہے۔ دپیکا پڈوکون نے سماجی رابطے کی ویب سائٹ انسٹاگرام پر اپنے سابقہ دوست رنبیر کپور کے ساتھ فلم ”یہ جوانی ہے دیوانی“ کی ہولی کی تصاویر شیئر کرکے مداحوں کو تہوار کی مبارکباد دی ہے جب کہ اداکارہ کی پوسٹ نے رنویر سے علیحدگی کی خبروں کو مزید تقویت دے دی ہے۔ جس کے بعد دونوں ادکاروں کی جوڑی میں علیحدگی کی خبریں تیزی سے گردش کرنے لگی ہیں تاہم دونوں کی جانب سے باقاعدہ تصدیق یا تردید نہیں کی گئی ہے۔ دوسری جانب اداکارہ کی رنبیر کے ساتھ پوسٹ کی گئی تصاویر کو رنویر سے علیحدگی ہی تصور کیا جارہا ہے اور فلم نگری میں بھی چہ مگوئیاں شروع ہوگئی ہیں تاہم دونوں میں کئی عرصے سے جاری اختلافات کی وجوہات بھی سامنے نہیں آسکی ہیں۔واضح رہے کہ اداکارہ دپیکا پڈوکون اور رنویر سنگھ کی منگنی کی خبریں بھی سامنے آئیں تھیں۔
ایمز ٹی وی ( انٹر ٹینمنیٹ) ننھی جل پری کی داستان پر مبنی ہالی ووڈ فلم ”دی لٹل مرمیڈ “ کا پہلا ٹریلر جاری کردیا گیا ہے۔ ایڈونچر سے بھرپور ہالی ووڈ ڈرامہ اور فینٹسی فلم ”دی لٹل مرمیڈ“ کی کہانی لوریٹو نامی بچی کے گرد گھومتی ہے لوریٹو کو سرکس کے دوران ایک حسینہ ملتی ہے جو دعویٰ کرتی ہے کہ وہ جل پری ہے ہالی ووڈ اداکارہ پوپی ڈریٹون فلم کے مرکزی کردار جل پری کے روپ میں جلوہ گر ہوں گی ۔ فلم کی ہدایات کرس بوچرڈ اور بلیک ہیرس نے دی ہیں جبکہ دیگر نمایاں اداکاروں میں لوریٹا پیرالٹا، ولیم موسلے، شرلے میک لین، جئیرڈ سینڈلر اور جینا جرمس ہون شامل ہیں فلم رواں برس امریکی سینما گھروں کی زینت بنے گی
ایمز ٹی وی ( انٹر ٹینمنیٹ) بولی وڈ کنگ شاہ رخ خان نے فلم انڈسٹری میں اپنے حریف اور دوست عامر خان کو ان کی سالگرہ کے موقع پر گھر پہنچ کر سرپرائز کردیا،عامر خان نے3 روز قبل اپنی 52 ویں سالگرہ میڈیا ،پرستاروں اور اپنے قریبی دوستوں کے ساتھ منائی۔ شاہ رخ خان کی حال ہی میں کندھے کی سرجری ہوئی ہے ،جس کے بارے میں انہوں نے ٹویٹر پر اپنے مداحوں کو بھی آگاہ کیاتھا، لیکن کوئی بھی بیماری ان کے اوران کے دوستوں کے بیچ حائل نہیں ہوئی، تصاویر میں صاف نظر آرہا ہے کہ شاہ رخ کے ہاتھ پر پلاسٹر چڑھا ہوا ہے ،لیکن شاہ رخ خان سرجری کے باوجود عامر کے گھر گئے اور انہیں سالگرہ کی مبارکباد دی۔ واضح رہے کہ شاہ رخ اور عامر خان کو فلم انڈسٹری میں ایک دوسرے کا حریف تصور کیا جاتا ہے دونوں اداکار بہت کم مواقعوں پر ایک دوسرے سے ملتے ہیں ،لیکن اب وقت بدل رہا ہے دونوں کے مداح اپنے اپنے پسند یدہ اسٹارز کو ایک ساتھ دیکھ کر بے حد خوش ہیں۔