Reporter SS
ایمز ٹی وی(اسپورٹس) نئی دہلی کے ”ویلکم ہوٹل “میں آگ لگ گئی جس کے بعد فائربریگیڈ کو طلب کر لیا گیا ہے ۔ ہوٹل میں بھارتی کرکٹ ٹیم کے وکٹ کیپر بیٹسمین ایم ایس دھونی بھی موجود تھے ۔
بھارتی میڈیا کے مطابق نئی دہلی کے فائیو سٹار ہوٹل میں اچانک آگ بھڑک اٹھی جس کے بعد فائربریگیڈ اور امدادی ٹیموں کو طلب کر لیا گیا ہے جو آگ بجھانے میں مصروف ہیں ۔ ہوٹل میں بھارتی بلے باز مہندراسنگھ دھونی اور جھاڑکھنڈ کی ٹیم بھی قیام پزیر تھے جنہیں بحفاظت نکال لیا گیا ہے ۔
بھارتی میڈیا کا کہنا ہے کہ ایم ایس دھونی اور جھاڑ کھنڈ کی ٹیم ٹورنامنٹ میں شرکت کے باعث اس ہوٹل میں ٹھہرے ہوئی تھی تاہم انہیں بحفاظت نکال لیا گیا ہے ۔دھونی وجے ہزارے ٹرافی کا سیمی فائنل کھیلنے کیلئے نئی دہلی گئے ہوئے ہیں ۔حکام کا کہنا ہے کہ آگ ہوٹل کے سٹور روم میں لگی جس پر قابو پانے کی کوشش جاری ہے ۔
ایمز ٹی وی(صحت) سائنسدانوں نے خبردار کیا ہے کہ درد کی دوائیوں کے ساتھ نیند کےلیے گولیاں کھانے والے افراد کی جان خطرے میں پڑ سکتی ہے۔
تحقیق کے بعد سائنسدانوں کا کہنا ہے کہ ایسے افراد جو ڈاکٹروں کی بتائی ہوئی ادویہ کے ساتھ نیند کی گولیاں بھی کھاتے ہیں ان کی جان کو دوائی کی زیادہ مقدار ہونے کی وجہ سے خطرات لاحق ہوسکتے ہیں۔
سائنسدانوں نے ڈاکٹروں اور مریضوں کو تنبیہ کی ہے کہ وہ درد سے نجات کےلیے کھائی جانے والی دواؤں کے ساتھ سونے کی گولیاں ہر گز نہ لیں۔
مطالعے کے دوران سائنسدانوں نے 18 سے 64 سال کے ایسے 3 لاکھ افراد کا جائزہ لیا جو 2001 سے 2013 کے درمیان مسلسل درد کُش دوائیں (پین کلر) لیتے رہے تھے۔
معالعے سے معلوم ہوا کہ ایسے مریض جو درد کا علاج کرنے کےلیے پین کلر لیتے تھے ان میں 2001 میں بینزوڈائزوپائن 9 فیصد تھی لیکن 2013 تک اس میں 17 فیصد تک اضافہ ہوگیا۔
مطالعے کے نگراں ڈاکٹر ایرکسن نے دعویٰ کیا ہے کہ بینزوڈائزوپائن اور پین کلر نہ لینے والے افراد کے اسپتال میں داخل ہونے کے امکانات 15 فیصد تک کم ہوجاتے ہیں۔
ایمز ٹی وی(اسپورٹس) پاکستان کرکٹ ٹیم کے سابق کپتان اور سابق ہیڈ کوچ جاوید میانداد کا کہنا ہے کہ میچ فکسنگ میں ملوث کرکٹرز کو سزائےموت دی جائے ، جب تک سخت ترین ایکشن نہیں ہوگا، کھلاڑیوں کو سبق نہیں ملے گا ۔
ان خیالات کا اظہار انہوں نے کراچی میں میڈیا سے گفتگو میں کیا ۔ سابق کپتا ن نے کہا کہ جوبھی میچ فکسنگ میں ملوث ہو اسے سزائے موت دی جائے ۔
انہو ں نے کہا کہ میچ فکسنگ روکنی ہے تو سسٹم کو ٹھیک کرنا ہوگا، اب بھی وقت ہے کرکٹ کو بچایا جا سکتا ہے۔
جاوید میاندادنے مزید کہا کہ دوسرے ممالک میں قانون سخت ہے اس لیے وہاں ایسے واقعات رونما نہیں ہوتے۔
ایمز ٹی وی(اسپورٹس) انگلینڈ کے سابق گول کیپر ڈیوڈ جیمز اور نیدرلینڈز کے سابق مڈ فیلڈر جارج بوٹینگ نے بھی برازیلی لیجنڈ رونالڈینو کے ساتھ پاکستان آنے کا اعلان کیا ہے ۔
رونالڈینو کی قیادت میں دنیا کے نامی گرامی فٹبالرز کی ٹیم جولائی میں پاکستان کا دورہ کرے گی ۔
اس ٹیم میں انگلینڈ کے سابق گول کیپر اور پانچ سو سے زائد پریمیئر لیگ میچ کھیلنے والے ڈیوڈ جیمز کے ساتھ نیدرلینڈز کے مڈ فیلڈر جارج بوٹنگ کا بھی نام شامل ہے ۔
منتظمین کا کہنا ہے کہ تمام نام فائنل ہوچکے ہیں ، مزید تفصیلات کا اعلان جلد کردیا جائے گا ۔
ایمزٹی وی(تعلیم/ کراچی)وفاقی اُردو یونیورسٹی داخلہ سیل کے ڈائریکٹر ڈاکٹر کمال حیدر کے مطابق بی ایس اور ماسٹرز پروگرامز2017(شام ) کے داخلوں کی تاریخ میں31مارچ2017تک توسیع کردی گئی ہے۔
داخلے کے خواہشمند امیدوار ان جامعہ اردوکی ویب سائٹ www.fuuast.edu.pk سے آن لائن فارم پُرکریں۔
ایمزٹی وی(تعلیم/ کراچی)جامعہ سندھ جامشورو کی آرٹس فیکلٹی میں واقع شیخ ایاز آڈیٹوریم میں ”انٹرپرینوئرشپ اور ڈجیٹل دنیا“ کے زیر عنوان منعقدہ سیمینار سے خطاب کرتے ہوئے فرید احمد حمیرانی نے کہا ہے کہ نوجوان پیشہ ورانہ مہارتیں حاصل کریں تو پیسہ ان کے پاس خود آجائے گا۔
شیخ الجامعہ سندھ پروفیسر ڈاکٹر فتح محمد برفت نے فرید احمد حمیرانی کو آئی بی اے میں وزیٹنگ پروفیسر مقرر کرنے کا اعلان کرتے ہوئے کہا ہے کہ طلباء ڈگری لینے کے بعد اپنی متعلقہ فیلڈز میں چھوٹے چھوٹے کاروبار شروع کریں اور محنت، دلچسپی اور مطلوبہ وقت دینے سے وہ ایک دن دنیا کے امیر ترین لوگ بن سکتے ہیں
فرید احمد حمیرانی نے کہا کہ جامعہ سے ڈگری لینے کے بعد طلباء کو صرف سرکاری ملازمت کے انتظار میں اپنا قیمتی وقت ضائع نہیں کرنا چاہئے۔
ایمزٹی وی(اسپورٹس)قومی ون ڈے اور ٹی 20 کرکٹ ٹیم میں شامل ہونے والے نوجوان پلیئرز شاداب خان اور فخر زمان ڈیبیو کو اپنی کارکردگی سے یادگار بنانے کے لیے پرعزم ہیں۔
پاکستان کرکٹ بورڈ میں میڈیا بریفنگ کے دوران 18 سالہ لیگ اسپنر شاداب خان نے کہا کہ بالنگ میں اپنا لوہا منوانے کی کوشش کروں گا، مشتاق احمد سے گگلی سیکھ رہا ہوں، بیٹنگ اور بولنگ دونوں میں اچھی پرفارمنس کا مظاہرہ کروں گا۔
نوجوان بیٹسمین فخر زمان نے کہا کہ دورہ ویسٹ انڈیز کے لیے قومی اسکواڈ میں شمولیت قابل فخر ہے، پاکستان ٹیم کے لیے کھیلنا ایک خواب تھا جو پورا ہونے جا رہا ہے۔پی ایس ایل میں اچھی پرفارمنس کا بہت فائدہ ہوا اور بین الاقوامی پلیئرز کے ساتھ کھیلنے سے اعتماد میں بے پناہ اضافہ ہوا۔ ویسٹ انڈیز کے ٹور کیلیے سخت محنت کر رہا ہوں، اپنا ڈیبیو یادگار بنانے کی کوشش کروں گا۔
واضح رہے کہ دونوں پلیئرز کو پی ایس ایل میں شاندار کارکردگی کی بدولت دورہ ویسٹ انڈیز کے لیے قومی ٹیم کے ون ڈے اور ٹی 20 اسکواڈ میں شامل کیا گیا ہے۔
ایمزٹی وی(رولپنڈی)آرمی چیف جنرل قمر جاوید باجوہ تین روز دورے پر چین پہنچ گئے ہیں جہاں انہوں نے چین کے اعلیٰ فوجی اورسول حکام سے ملاقات کی۔ ملاقات میں چینی حکام نے خطے میں سیکورٹی کی بہتر صورت حال میں پاک آرمی کے کردار کی تعریف کی۔دونوں ممالک نے فوجی تعلقات کو آگے بڑھانے پر اتفاق کر لیا۔ آرمی چیف کا یوم پاکستان پریڈ پر پیپلزلبریشن آرمی کا دستہ بھیجنے پر اظہار تشکر۔جبکہ دوسری جانب سعودی فرمانروا شاہ سلمان بھی چین میں موجود ہیں۔
آئی ایس پی آر کے مطابق آرمی چیف نے چینی ایگزیکٹیو نائب وزیر اعظم ژانگ گاﺅ لی،وائس چیر مین سینٹرل وائس کمیشن جنرل فان چنگ لانگ ،۔چیف آف جوائنٹ سروس ڈیپارٹمنٹ جنرل فانگ فیوجی، اورکمانڈر پیپلز لبریشن آرمی جنرل لی ژوچنگ سے ملاقاتیں کیں.
چینی اعلیٰ قیادت نے ملاقات میں علاقائی سیکیورٹی،معاشی،دفاعی تعاون،مشترکہ مفادپرگفتگو کرتے ہوئے پاکستان کے مئوقف سے اتفاق رائے کیا ۔خطے کے امن و استحکام میں پاکستان کا کردار مثالی اور قابل تحسین ہے۔ تحریک طالبان ، القاعدہ اور دیگر شدت پسند گروپوں کے خلاف پاکستان کی کارروائیوں کو بھی سراہا۔چینی قیادت نے افغانستان کی سیکورٹی صورت حال اور داعش کی بڑھتی ہوئی شدت پسندانہ کارروائیوں پر تحفظات کا اظہار کیا۔سی پیک کے منصوبے پر پاکستان کی سیکورٹی کے اقدامات کو سراہتے ہوئے اس پر مکمل اطمینان کا اظہار کیا اور کہا کہ اقتصادی راہداری کی سیکیورٹی کیلیے پاکستانی اقدامات پر مکمل اعتماد ہے ۔
چینی حکام نے کا کہنا تھا کہ پاکستان چین اقتصادی راہداری میں پیشرفت قابل اطمینان ہے۔ چیف آف آرمی سٹاف نے چینی حکام کی جانب سے پاکستان کے دفاعی تعاون پر چینی حکام اور عوام کا پاکستانی قیادت اور عوام کی جانب سے شکریہ ادا کیا۔ خطے میں امن و استحکام کے لئے پاکستان آرمی اپنا بھرپور اور مﺅثر کردار ادا کرتا رہے گا۔ آرمی چیف نے چینی حکام کی جانب سے یوم پاکستان میںچینی فوج دستہ بھیجنے پر شکریہ ادا کیا۔
#COAS arrived in #China on 3 days official visit. Meets Chinese snr pol & mil ldrship.
— Maj Gen Asif Ghafoor (@OfficialDGISPR) March 16, 2017
Pak-China friendship is unique with no parallel. pic.twitter.com/JHgajTLgAc
ایمزٹی وی(اسپورٹس)پاکستان کرکٹ بورڈ (پی سی بی ) حکام نے کرکٹ کرپشن کی تحقیقات کا دائرہ لندن تک بڑھانے کا فیصلہ کر لیا ۔
میڈیا ذرائع کے مطابق اسپاٹ فکسنگ اور کرکٹ کرپشن کے حوالے سے پاکستان سپر لیگ ٹو کے ابتدائی میچز کے دوران سامنے آنے والے واقعات کے بعد شاہ زیب حسن ، شرجیل خان اور خالد لطیف کے خلاف تحقیقات کا سلسلہ جاری ہے جبکہ بالر محمد عرفان کو ہر قسم کی کرکٹ کھیلنے سے روک دیا گیا ہے ۔
ذرائع کا کہنا ہے کہ پی سی بی نے اب کرکٹ کرپشن کی تحقیقات کے دائرے کو مزید وسعت دینے کا فیصلہ کیا ہے تاکہ نہ صرف اس میں ملوث کھلاڑیوں کو سزا دی جا سکے بلکہ سہولت کاروں کا بھی پتہ لگایا جائے اور اب اس حوالے سے جی ایم لیگل پی سی بی سلمان نصیر نے برطانوی ویزے کیلئے درخواست دیدی ہے تاکہ لندن میں جا کر تحقیقات کی جائیں اور کرکٹ کرپشن میں ملوث کالی بھیڑوں تک پہنچا جا سکے
ایمزٹی وی(اسلام آباد)لیگی رہنماﺅں کا کہنا ہے کہ عمران خان اور جہانگیر ترین کو بے نقاب کر کے چھوڑیں گے اور الیکشن کمیشن کے فیصلے کے خلاف قانون کے دیگر دروازے کھٹکھٹائیں گے اور فیصلے کو چیلنج کریں گے ۔
الیکشن کمیشن کے باہر میڈیا سے گفتگو کرتے ہوئے دانیال عزیز اور طلال چودھری نے کہا کہ عمران خان اور جہانگیر ترین کی نااہلی کیلئے ریفرنسز خارج کرنے کے الیکشن کمیشن کے فیصلے کو اسلام آباد ہائی کورٹ اور سپریم کورٹ میں بھی چیلنج کر یں گے ۔
ان کا کہنا تھاکہ تحریک انصاف کے اند ر کالک ہے ۔”تحریک انصاف والے اب کیوں نہیں کہتے کہ ہم اس فیصلے کو نہیں مانتے “؟ نوازشریف نے اپنی تین نسلوں کا حساب دیاتاہم تحریک انصاف تحریک ”الزام “ بن چکی ہے ۔
انہوں نے کہا کہ جس الیکشن کمیشن کو آپ نے گالیاں دیں آج وہ اچھا کیسے ہو گیا ، قلا بازی خان کے پاس سیاسی قد کاٹھ نہیں ہے ۔