Reporter SS
ایمز ٹی وی(صحت) صوبائی وزیر صحت ڈاکٹر سکندر میندھرو نے کہاہے کہ سندھ میں ہاؤس جاب کرنے والے ڈاکٹروں کو اس وقت 49 ہزار روپے وظیفہ دیا جا رہا ہے اور ہم اس کو بڑھا کر 60 ہزار روپے ماہانہ کرنا چاہتے ہیں ۔ شوگر کی اسٹکس سول اسپتال میں ہر وقت 10 ہزار سے زائد موجود ہوتی ہیں ۔ یہ اسٹکس براہ راست مریضوں کو نہیں فراہم کی جا تی ہیں بلکہ لیبارٹری میں مریضوں کا خون لے کر مفت انہیں ٹیسٹ رپورٹ فراہم کی جاتی ہے ۔
ان خیالات کا اظہار صوبائی وزیر صحت ڈاکٹر سکندر میندھرو نے سندھ اسمبلی میں محکمہ صحت سے متعلق وقفہ سوال کے دوران کیا ۔ ایم کیو ایم کے رکن سندھ اسمبلی کامران اختر نے صوبائی وزیر سے سوال پوچھا تھا کہ سول اسپتال کراچی کی او پی ڈی میں شوگر اسٹکس مہیا کیوں نہیں کی جاتی ہیں اور مریضوں کو یہ اسٹکس باہر سے لانے کے لئے تلقین کیوں کی جاتی ہے ۔ اس پر صوبائی وزیر ڈاکٹر سکندر میندھرو نے کہا کہ ہم اسپتالوں میں ادویات مریضوں کو دیتے ہیں اور سول اسپتال میں بھی شوگر کی اسٹکس ہر وقت دستیاب ہوتی ہیں ، جو کم سے کم تعداد 10 ہزار سے زائد ہے جبکہ مقامی میڈیکل آفیسر کو اجازت دی ہے کہ یہ اسٹکس مقامی سطح پر خریدیں اور ہر وقت 10 ہزار اسٹکس موجود ہونی چاہیے ۔
مسلم لیگ (فنکشنل) کی رکن نصرت سحر بانو نے ایک سوال کے جواب میں پوچھا کہ 2011ءسے 2013 ءکے دوران سندھ کے اسپتالوں میں ہاؤس جاب کرنے والے ڈاکٹروں کی تعداد کتنی ہے اور انہیں معاوضہ کتنا فراہم کیا جاتا ہے ۔ صوبائی وزیر ڈاکٹر سکنر میندھرو نے ایوان میں تحریری جواب میں بتایا کہ سول اسپتال کراچی میں 275 ، سندھ میڈیکل کالج کراچی میں 246 ، لیاقت یونیورسٹی اسپتال حیدر آباد میں 547 ، پیپلز پارٹی میڈیکل کالج اسپتال نواب شاہ میں 185 ، چانڈکا میڈیکل کالج اسپتال لاڑکانہ میں 350 ، سندھ گورنمنٹ لیاری اسپتال میں 30 ، غلام محمد میڈیکل کالج اسپتال سکھر میں 70 اور غلام محمد مہر میڈیکل کالج سول اسپتال خیرپورمیں 30 ڈاکٹروں کو ہاؤس جاب دی گئی ہے ۔
انہوں نے بتایا کہ 2011ءسے 2013ءتک ہاؤس جاب کرنے والے ڈاکٹروں کو 22 ہزار 500 ماہانہ دیئے جاتے تھے ، جو ایک سال کے 2 لاکھ 70 ہزار روپے بنتے ہیں ۔ اس وقت 49 ہزار کے قریب ہاؤس جاب کرنے والے ڈاکٹروں کو معاوضہ ملتا ہے اور ہم اس میں مزید اضافہ کرکے 60 ہزار ماہانہ کرنا چاہتے ہیں ۔
ایک سوال کے جواب میں انہوں نے کہا کہ جو طالب علم گریجویشن جس میڈیکل کالج سے حاصل کرتے ہیں ، وہ اپنے اسپتال میں ہاؤس جاب کریں تو انہیں معاوضہ دیا جاتا ہے اور جو اس پر راضی نہیں ہوتے اور کسی اور جگہ ہاؤس جاب کرنا چاہتے ہیں تو ان کو اس مقام پر داخلہ تو دیا جاتا ہے لیکن معاوضہ نہیں دیا جاتا ۔ ڈاکٹر سکندر میندھرو نے کہا کہ ہاؤس جاب کرنے والے ڈاکٹروں کو یہ سوچنا چاہئے کہ جس تعلیمی ادارے سے انہوں نے تعلیم حاصل کی ، اسی کے اسپتال میں وہ ہاؤس جاب کریں ۔
ایمزٹی وی(سندھ)پارلیمنٹ میں اپوزیشن لیڈر سید خورشید شاہ نے نوازشریف کے ٹھٹھہ جلسے پر تنز کرتے ہوئے سکھر میں میڈیا سے بات کرتے ہوئے کہنا تھا کہ شکر ہے کہ وزیراعظم کو 4 سال بعد سندھ کا خیال آیا نوازشریف نے سندھ میں آنے میں بہت دیر کردی ان سے یہی کہوں گا کہ بڑی دیر کردی مہربان آتے آتے لیکن اب انہوں نے جو جو اعلانات کئے ہیں وہ پورے بھی ہونے چاہئے۔
خورشید شاہ کا کہنا تھا کہ پنجاب کے مقابلے میں سندھ میں سہولیات کا فقدان ہے سندھ میں کہیں بھی موٹروے تعمیر نہیں ہورہی ایکسپریس وے کو موٹر وے بنادیا گیا ہے، ملک میں 51 فیصد آبادی محفوظ نہیں تو اس سے بڑی ناکامی کیا ہوگی،حکومت کو اپنی ناکامی کا اعتراف کرلیا چاہئے جب کہ خواتین کو غیرمحفوظ ہونے کا بیان دینے والے وزیرداخلہ کو اب گھر چلے جانا چاہئے۔
پی ٹی آئی اور (ن) لیگ کے رہنماؤں میں لڑائی کے حوالے سے اپوزیشن لیڈر کا کہنا تھا کہ دونوں جماعتوں میں محاذ آرائی اچھی بات نہیں سیاست دانوں کو جاہلانہ طرز عمل اپنانے کے بجائے اچھے کردار سے متوجہ کرنا چاہئے عوام کے منتخب نمائندوں کی آپس میں گالی گلوچ سے دنیا بھرمیں غلط تاثر قائم ہوگا اور عوام کی دل آزاری بھی ہوتی ہے۔
ایمز ٹی وی(اسپورٹس) اسپاٹ فکسنگ میں معطل شرجیل خان اور خالد لطیف کا کس کس سے رابطہ ہوا؟ کس نے کیا پیشکش کی؟
ذرائع نے بتایا ہے کہ ایف آئی اے نے شرجیل خان اور خالد لطیف کے موبائل کی تفصیلات حاصل کرلی ہیں، دونوں کھلاڑیوں کے موبائل فونز کا ڈیٹا حاصل کیا گیا ہے۔
ذرائع کا کہنا ہے کہ کھلاڑیوں کے موبائل فون سیٹ کا فرانزک تجزیہ کیا جائے گا، جس کا مقصد فون میں سے مبینہ طور پر ڈیلٹ کیے گئے ڈیٹا کو حاصل کرنا ہے۔
پی ایس ایل میچز کے دوران شرجیل اور خالد کے رابطے کن کن لوگوں سے ہوئے اس حوالے سے تمام تفصیلات کا بھی جائزہ لیا جائے گا۔
ایمز ٹی وی ( انٹر ٹینمنٹ)بالی وڈ کا نامور بچن خاندان ہمیشہ سےہولی کا اہتمام عظیم الشان انداز میں کرتا آیا ہےتاہم رواں سال اس نے ہولی نہ کھیلنے کا فیصلہ کیا ہے۔
بچن خاندان کے لیے 2017 روایتی نہیں ہوگا کیونکہ ان کی لاڈلی بہو ایشوریہ رائےکے والد علیل ہیں اور سسرالی بھی اپنی بہو کی پریشانی میں برابر کے شریک نظر آتے ہیں۔
بچن خاندان اس وقت دباؤ میں ہے لہٰذا تمام فیملی ممبرز نے اس سال ہولی نہ منانے کا فیصلہ کیا ہے۔
بھارتی میڈیا کے مطابق ایشوریہ رائے کے والد کرشناراج رائے ممبئی کے لیلاوتی اسپتال کے انتہائی نگہداشت یونٹ میں زندگی کی جنگ لڑ رہے ہیں ۔
انہیں دو ہفتے قبل اسپتال داخل کرایا گیا تھا جہاں ڈاکٹروں نے انہیں جلد اسپتال سے فارغ کر دینے کی امید ظاہر کی تھی مگر اب طبیعت نہ سنبھلنے کی صورت میں آئی سی یو منتقل کیا گیا ہے۔ڈاکٹرز کو خدشہ ہے کہ انہیں کینسر ہے تاہم ابھی مکمل تشخیص ہونا باقی ہے۔
بھارتی ذرائع کا کہنا ہے کہ بچن خاندان ہولی سادگی سے مناتے ہوئے صرف روایتی پوجا میں شرکت کرے گا۔
بچن ہاؤس میں ہر سال ہائی پروفائل تقریب کا انعقاد کیا جاتا ہے۔ ماضی میں بالی وڈ کے میگا اسٹار جہاں ہولی کھیلتے نظر آئے اس سال وہاں اندھیرا اور خاموشی ہوگی۔
ایمزٹی وی(لاہور) ہائی کورٹ نے پنجاب بھر کی ماتحت عدالتوں کے 37 ایڈیشنل سیشن اور سول ججز کو معطل کردیا۔
میڈیا ذرائع کے مطابق لاہور ہائی کورٹ نے پنجاب بھر کی ماتحت عدالتوں کے 37 ججز کو معطل کردیا۔ معطل کئے گئے ججز میں ایڈیشنل سیشن ججز اور سول ججز شامل ہیں جنہیں ضابطہ اخلاق کی خلاف ورزی اور دیگر وجوہات کی بنا پر معطل کیا گیا۔
لاہور ہائی کورٹ نے ججز کو معطل کرنے کا باقاعدہ نوٹیفکیشن بھی جاری کر دیا ہے جس کے مطابق ججز معطلی کے دوران بھی اپنی تنخواہیں اور دیگر مراعات بھی حاصل کرتے رہیں گے۔
ایمز ٹی وی(مانیٹرنگ ڈیسک) برطانوی طالب علم نے فیس بک اور میسینجر چیٹ کیلئے بوٹ بنا ڈالا، جس سے برطانیہ، امریکا اور کینیڈا میں سیاسی پناہ کیلئے درخواست دی جا سکے گی۔ غیر ملکی خبر رساں ادارے کے مطابق اسٹینفورڈ یونیورسٹی کے ایک طالبعلم نے فیس بک میسینجر چیٹ بوٹ بنا لیا جس کی مدد سے پناہ گزین بر طانیہ، امریکا اور کینیڈا میں سیاسی پناہ کیلئے درخواست د ے سکیں گے۔
جمعہ کو میڈیا رپورٹس کے مطابق اسٹینفورڈ یو نیورسٹی کے طالبعلم جو شوا براﺅڈر نے پارکینگ فیس کے جرمانوں کو چیلنج کرنے والوں کے لئے فیس بک پر بنائے گئے بوٹ کو نئی شکل دی ہے جس کی مدد سے وکلاء سیاسی پناہ کے متلاشی در خواست گزاروں کے ذاتی کوائف وقت ضائع کئے بغیر اپنے دفتر میں ہی چیک کر سکیں گے۔
سیاسی پناہ کے متلاشی در خواست گزار اب فیس بک پر لاگ آن ہوں گے اور انہیں چند سوالوں کے جواب دینا ہوں گے، جس کے بعد انہیں سیاسی پناہ کی درخواست کا مکمل فارم بمعہ ہدایات بھیجا جائے گا، جو کہ ان درخواست گزاروں کو وکلاء اور غیر منافع بخش تنظیموں کو بھجوانا ہوگا، تاکہ وہ درخواست گزار کی طرف سے سیاسی پناہ کے لئے درخواست دائر کر سکیں۔
ایمز ٹی وی ( انٹر ٹینمنٹ) نئی پاکستانی فلم ’چلے تھے ساتھ‘ کی تعارفی تقریب کراچی میں سجی۔ٹی وی کی کئی معروف اداکارائیں اس فلم سے لالی ووڈ میں پہلاقدم رکھ رہی ہیں ۔
.چلے تھے ساتھ‘ کی کہانی6دوستوں کے گرد گھومتی ہے ۔فلم کی خاص بات چین کے اداکارہیں جو پہلی بار کسی پاکستانی فلم میں کام کر رہے ہیں ۔
فلم شمالی علاقہ جات اورگلگت بلتستان کی خوبصورت لوکیشنز پر شوٹ کی گئی ہے ۔
فلم میں ٹی وی کے بھی کئی جانے پہچانے چہرےپہلی مرتبہ فلمی اسکرین کا حصہ بن رہےہیں جن میں ژالے سرحدی،سارہ شہروز ،منشا پاشاودیگر اداکارشامل ہیں ۔
فلم 21 اپریل کو پاکستانی سنیما گھروں میں ریلیز کی جارہی ہے۔
ایمز ٹی وی(تجارت) نئی فصل آنے کے بعدکراچی میں لہسن کی فی کلو قیمت 200 روپے کم ہوگئی ، آلو ، پیاز ، ٹماٹر کی قیمتوں میں اضافہ ہوگیا۔
بازار میں چھلے ہوئے لہسن کی قیمت گزشتہ ہفتے 480 سے 500 روپے کلو تھی تاہم نئی فصل کے آجانے کی بعد لہسن کی قیمت میں 200 روپے تک کمی ریکارڈ کی گئی، لیاقت آباد میں چھلے لہسن کی قیمت 280 روپے ریکارڈ کی گئی۔
تاہم ٹماٹر کی قیمت ایک ہفتےکے دوارن 20 روپے اضافے سے 50 روپے جبکہ آلو اور پیاز کی قیمتیں 5، 5 روپے اضافے سے 25، 25 روپے ہوگئی۔
ایمز ٹی وی (تعلیم /فیصل آباد )فنی تعلیم معاشی استحکام کی ضامن ہے ۔یہ بات بریگیڈئیر(ر)عبدالعزیز نے نجی ٹیکنیکل ٹریننگ سنٹر میں مختلف فنی تربیت کے اداروں کے طالب علموں کے مابین مقابلہ مضمون نویسی کے پوزیشن ہولڈرز میں نقد انعامات تقسیم کرتے ہوئے کہی۔
انہوں نے کہا کہ فنی تربیت فراہم کرنے والے اداروں کو صنعتی اداروں کے آجروں سے نہایت قریبی تعلق قائم کرنا چا ہئے ۔
ایمز ٹی وی (تعلیم /کوئٹہ ) ایشین انسٹیٹیوٹ آف ٹیکنالوجی تھائی لینڈ کے سربراہ گریگوری ایل ایف چوئی نے کہا ہے کہ تھائی لینڈ اور پاکستان کے درمیان مختلف شعبوں میں مثالی روابط قائم ہیں۔
صوبہ بلوچستان کے ساتھ مختلف منصوبوں کو عملی جامہ پہنانے کے لئے اقدامات کئے جارہے ہیں اور جامعہ بلوچستان کے توسط سے ان منصوبوں کو مشترکہ طور پر عملی جامہ پہنایا جائے گا،یہ بات انھوں نے گزشتہ روز یونیورسٹی آف بلوچستان کے دورے کے موقع پر جامعہ کے وائس چانسلر ڈاکٹر جاوید اقبال سے ملاقات کے موقع پر کہی
انھوں نے کہا کہ جدید ٹیکنالوجی کے ذرائع، سرمایہ کاری کے مواقع اور اعلیٰ تعلیم کے حصول کو ممکن بنانے سمیت شارٹ کورسز، مقامی زبانوں کی ترویج اور دیگر شعبہ جات میں مشترکہ طور پر تعاون و اشتراک عمل کو بروئے کار لایا جائے گا۔
اس موقع پر وائس چانسلر نے وفد کے دورہ جامعہ بلوچستان کو بڑی اہمیت کا حامل قرار دیتے ہوئے کہا کہ ایشین انسٹیٹیوٹ آف ٹیکنالوجی کے ساتھ اعلیٰ تعلیمی منصوبوں کے مستقبل میں دور رس نتائج برآمد ہونگے۔
جس سے صوبے کے طلباء و طالبات اعلیٰ تعلیم حاصل کرنے سمیت مستقبل میں خود مختار اور کامیابیوں کے ساتھ معاشرے میں اپنا مثبت اور اہم مقام بنا سکیں گے انہو ں نے کہا کہ معیاری تعلیم کے فروغ پر توجہ دے رہے ہیں۔وائس چانسلر نے تھائی وفد کو جامعہ بلوچستان کی جانب سے تحائف اور شیلڈ پیش کیں ۔