ایمزٹی وی (آزادکشمیر)نوازشریف نے فاروق حیدر کو وزیراعظم آزادکشمیر کیلئے نامزد کر دیا ہے ۔ فاروق حیدر کو وزیراعظم بنانے کا فیصلہ وزیر اعظم کی زیر صدارت اجلاس میں ہوا جس میں مسلم لیگ ن کے وفاقی رہنما اور آزاد کشمیر سے نومنتخب ارکان شریک ہوئے ۔

نوازشریف نے یدایت کی آزاد کشمیر کی نئی حکومت اداروں کو مضبوط اور کرپشن سے پاک نظام بنائے ۔ ایک ایماندار اور قابل کابینہ تشکیل دی جائے ۔ آزادکشمیر میں گزشتہ 5 سالوں کے دوران کوئی ترقیاتی کام نہیں ہوا، مسلم لیگ ن کی حکومت وہاں سڑکوں کا جال بچھائے گی ۔

پرائم منسٹر یوتھ پروگرام کے تحت لیپ ٹاپ کی تقسیم کے تیسرے مرحلے میں بحریہ یونیورسٹی کراچی میں ہائر ایجوکیشن کمیشن آف پاکستان کی جانب سے تقریب کا اہتمام کیا گیا اس موقع پر ایم ایس ، ایم فل ، پی ایچ ڈی اور انڈر گریجویٹ طلباء وطالبات میں ہائی ٹیک لیپ ٹاپ تقسیم کئے گئے جس میں ڈاکٹرغلام رضا بھٹی مہمان خصوصی تھے ،

بحریہ یونیورسٹی کراچی کیمپس کے ڈائریکٹر جنرل وائس ایڈمرل(ریٹائرڈ) خواجہ غضنفر بھی موجود تھے

ایمزٹی وی(تعلیم)نائیکون گروپ آف کالجز او رسکل ڈویلپمنٹ کونسل کےدرمیان معاہدہ طےہوگیا۔ معاہدے کےمطابق نائیکون گروپ آف کالجز او رسکل ڈویلپمنٹ کونسل نے فنی تربیت حاصل کرنے والے طلبہ کو برٹش سر ٹیفکیٹ دینے کا فیصلہ کیا ہے تاکہ یہ بچے بیرون ممالک روزگار حاصل کر سکیں نائیکون گروپ کی جانب سے عزیز فاطمہ ناز جبکہ اسکل ڈویلپمنٹ کی طرف سے چیئر مین خالد رحمان نے دستخط کئے ۔

عزیز فاطمہ ناز کا کہنا تھا کہ بچوں کو برٹش سر ٹیفکیٹ دئیے جا ئیں گے جن کی بدولت یہ سو سے زائد ممالک میں روزگار حاصل کر سکیں گے ، ان سر ٹیفکیٹس کی تصدیق برٹش کونسل اور وزارت خارجہ سے بھی کرائی جا سکتی ہے

ایمزٹی وی(فیصل آباد)چیئرمین پیمرا ابصار عالم کا کہنا ہے کہ زراعت اور معیشت کی ترقی کے لیے دوسرے اداروں کے ساتھ میڈیا کو بھی اہم کردار ادا کرنا ہو گا، ریٹنگ کی خاطر بے بنیاد خبریں نہ چلائی جائیں۔ انہوں نےقندیل بلوچ کے قتل کا ذمہ دار بھی میڈیا کو ٹھہرا دیا۔

تفصیلات کےمطابق چیئرمین پیمرا ابصار عالم نے کہا ہے کہ معیشت اور زراعت کی ترقی میں میڈیا کو کردار ادا کرنا چاہئے ۔ ان کا کہنا تھا کہ میڈیا میں جتنا وقت سیاسی پروگرامز کو دیا جا رہا ہے اگر زراعت اور معیشت کے لیے بھی ایسے ہی پروگرامز کیے جائیں تو یقیناً ان شعبوں میں انقلاب برپا کیا جاسکتا ہے، ابصارعالم کا مزید کہنا تھا کہ میڈیا میں مزید بہتری کے لیے پیمرا کی جانب سے اقدامات کیے جا رہے ہیں کوشش ہے کہ میڈیا کو زیادہ باوثوق بنایا جا سکے

ایمزٹی وی(اسلام آباد) وزیراعظم نواز شریف کا کہنا ہے کہ اقوام متحدہ کی قراردادوں کے مطابق حق خود ارادیت کشمیریوں کا بنیادی حق ہے اور پاکستان اس مسئلے کو ہر بین الاقوامی فورم پر اجاگر کرے گا۔ اسلام آباد میں ایک اجلاس کی صدارت کرتے ہوئے وزیراعظم نواز شریف کا کہنا تھا کہ مسئلہ کشمیر اقوام متحدہ کا نامکمل ایجنڈا ہے، مقبوضہ کشمیر کے بھائیوں کے شانہ بشانہ کھڑے ہیں، ہمارے دل مقبوضہ کشمیر کے بھائیوں کے ساتھ دھڑکتے ہیں اور پاکستان مقبوضہ کشمیر کے بھائیوں کی اخلاقی و سفارتی حمایت کرتا رہے گا۔

ان کا کہنا تھا کہ اقوام متحدہ کی قراردادوں کے مطابق حق خودارادیت کشمیریوں کا بنیادی حق ہے اور پاکستان اس مسئلے کو دنیا کے ہر فورم پر اٹھائے گا۔ اس کے علاوہ وزیراعظم نواز شریف نے آزاد کشمیر کی حکومت پر بھی زور دیا کہ وہ مقبوضہ کشمیر کے بھائیوں کے لئے جدو جہد جاری رکھیں۔ ان کا کہنا تھا کہ ہمارا ایجنڈا ترقی کا ہے اور آزاد کشمیر میں نئی حکومت کی بھرپور مدد کریں گے۔ وزیراعظم نواز شریف کا کہنا تھا کہ آزاد کشمیر کی نئی حکومت کرپشن سے پاک ہونی چاہیئے اور ایسا کام ہونا چاہیئے کہ اس دور کو تاریخی دور کے دور پر یاد رکھا جائے۔

ایمزٹی وی(سندھ) انسداد دہشت گردی کی عدالت میں لیاری گینگ وار کے مرکزی ملزم عزیر جان بلوچ کے خلاف دیگر مقدمات کی سماعت ہوئی، سماعت کے دوران تفتیشی افسر نے عدالت سے استدعا کی کہ ملزم کے خلاف 2012 میں لیاری کے 2 تھانوں میں اقدامِ قتل، غیر قانونی اسلحہ رکھنے، دھماکے کرنے اور پولیس مقابلوں کے 5مقدمات درج ہیں جن کی تفتیش کی جانی ہے، اس لئے عدالت ملزم کو ان مقدمات میں گرفتار کرنے کی اجازت دے۔

واضح رہے کہ عزیر جان بلوچ 2013 میں آپریشن شروع کئے جانے کے بعد دبئی فرار ہوگیا تھا تاہم رینجرز کا کہنا ہے کہ اسے حب چوکی کے قریب سے کراچی میں داخل ہوتے ہوئے حراست میں لیا گیا تھا۔

ایمزٹی وی(خیبرپختونخواہ) سماناں میں مسافر پک اپ وین کھائی میں گرنے سے 5 افراد جاں بحق جب کہ 4 زخمی ہوگئے۔ ذرائع کے مطابق اورکزئی ایجنسی کے علاقے سماناں میں مسافر پک اپ وین موڑکاٹتے ہوئے بے قابوہوکر کھائی میں جاگری، جس کے نتیجے میں 3 افراد جاں بحق جب کہ 6 افراد زخمی ہوگئے۔ زخمیوں کو فوری طور پر قریبی سرکاری اسپتال منتقل کیا گیا تاہم طبی امداد کے دوران مزید 2 افراد زندگی کی بازی ہارگئے جب کہ 4 افراد اب بھی زیر علاج ہیں۔

پولیٹیکل انتظامیہ کا کہنا ہے کہ حادثے کے وقت گاڑی کی رفتار زیادہ تھی اس کے علاوہ بارش کے باعث سڑک پرپھسلن بھی حادثے کی وجہ بنی۔ لاشوں کو شناخت کے بعد ورثا کے حوالے کردیا گیا ہے۔

ایمزٹی وی(اسلام آباد)بھارتی وزیر اعظم نریندر مودی کے خلاف مقدمہ درج کرنے کی درخواست جسٹس آف پیس عدالت میں سماعت کے لیے منظور کرلی گئی جس کی سماعت 3 اگست کو ہوگی۔ سپریم کورٹ کے وکیل رانا عبدلحمد نے ڈسٹرکٹ اینڈ سیشن جج جسٹس آف پیس عدلت میں پٹیشن دائر کی ہے جس میں کہا گیا ہے کہ بھارتی وزیر اعظم مقبوضہ کشمیر کی نہتے شہریوں پر مظالم ڈھا رہا ہے جب کہ وفاقی وزیر داخلہ چودھری نثار سمیت تمام اعلیٰ حکام نریندرمودی کے خلاف مقدمہ درج نہیں کررہے۔

درخواست میں وفاقی وزیر داخلہ، آئی جی پنجاب، چیف سیکریٹری، ہوم سیکرٹری پنجاب، سی سی پی او لاہور اور ایس ایچ او پرانی انارکلی کو فریق بنایا گیا ہے۔

ایمزٹی وی(کراچی) معروف قوال امجد صابری کے صاحبزادے محب علی نے کہا ہے کہ میرے والد شہید ہیں، پورے پاکستان کو ان پر فخر ہے جن بزدلوں کو جینا نہیں آتا، وہ میرے والد کی طرز زندگی سے جینا سیکھ لیں، قاتلوں نے میرے والد کو شہید کر کے انھیں امر کردیا ہے

اس حوالے سے امجد صابری کی اہلیہ کا کہنا تھا کہ امجد کی بہت یاد آتی ہے، اب تک اشک رواں ہیں جن کا مداوا ممکن نہیں ہے، اپنے بچوں میں امجد صابری دیکھتی ہوں۔ امجد صابری کی والدہ نے کہا کہ دروازے کی دستک آج بھی اس بات کا احساس دلاتی ہے کہ امجد آ گیا ہے مگر میرا امجد ہے کہ آتا ہی نہیں ہے، ایک ماں کے دل کو ڈھارس دلانا مشکل کام ہے مگر دل کہتا ہے کہ وہ بہت خوش ہے۔

واضح رہے کہ معروف قوال امجد صابری کا چہلم کل جمعرات کوان کی رہائش گاہ لیاقت آباد 4 نمبر میں بعد نماز ظہر ہوگا،ظہر کی نمازکے بعد قرآن خوانی جبکہ مغرب اور عشا کے درمیان دستار بندی اور قوالی کے پروگرام کا بھی انعقاد کیا جائے گا۔

ایمزٹی وی(اسلام آباد) الیکشن کمیشن کے نئے مقرر کردہ ارکان حلف برداری کی تقریب ہوئی، چیف الیکشن کمشنر سردار محمد رضا نے نومنتخب ممبران الیکشن کمیشن سے حلف لیا، پنجاب سےالطاف ابراہیم،سندھ سےعبد الغفار سومرو، خیبر پختونخوا سے خاتون رکن ارشاد قیصر اور بلوچستان سے شکیل بلوچ نے عہدے کاحلف اٹھایا، اس موقع پر الیکشن کمیشن کے اعلیٰ حکام اور دیگر سیاسی و سرکاری شخصیات بھی موجود تھیں۔ نئے ممبران کی حلف برداری کے بعد الیکشن کمیشن مکمل اور فعال ہوگیا۔

واضح رہے کہ الیکشن کمیشن میں چاروں صوبوں کے ارکان 10 جون کو اپنی آئینی مدت ختم ہونے کے بعد ریٹائر ہوگئے تھے ، جس کے بعد الیکشن کمیشن آئینی طور پر غیر فعال ہوگیا تھا اور ملک بھر میں ہونے والے انتخابی عمل کو روک دیا گیا ہے، صورت حال کو مد نظر رکھتے ہوئے سپریم کورٹ نے حکومت کو نئی تقرریوں کے لیے 27 جولائی کی مہلت دی تھی۔