ایمزٹی وی(تعلیم)محمد علی جناح یونیورسٹی کراچی میں 29 اگست سے شروع ہونے والے نئے سیمسٹر کے بی بی اے ،بی ایس،بی ای،ایم بی اے ، ایم سی ایس، ایم ایس اور پی ایچ ڈی ڈگری پروگرام میں داخلہ کیلئے پری ایڈمیشن ٹیسٹ اتوار 24 جولائی کو صبح دس بجے مین کیمپس شارع فیصل کراچی پر منعقد ہوگا۔ واضح رہے کہ ایم اے جناح یونیورسٹی اس سال اپنے نئے سیمسٹر سے جو نئے ڈگری پروگرام شروع کرہی ہے ان میں بی ای (الیکٹریکل) ، ایم ایس (الیکٹریکل)پی ایچ ڈی(مینجمنٹ سائنسز، کمپیوٹر سائنس اور الیکٹریکل انجینئرنگ) شامل ہیں۔ علاوہ ازیں یونیورسٹی کی بزنس ایڈمنسٹریشن فیکلٹی کی جانب سے بھی دو نئے ڈگری پروگرام بی ایس (اکاؤنٹنگ اینڈ فنانس) اور ایم ایس (اکنامکس اینڈ فنانس) پہلی بار شروع کیے جارہے ہیں۔ -

ایمزٹی وی(تعلیم) محکمہ تعلیم نے گرمیوں کی چھٹیوں میں اضافہ نا کرنے کا فیصلہ کرلیا ہے محکمہ تعلیم سندھ کے مطابق وزیر تعلیم اور سیکریٹری تعلیم بیرون ملک میں ہیں، مگر محکمہ تعلیم کی اسٹیئرنگ کمیٹی کا فیصلہ برقرار ہے کہ تمام تعلیمی ادارے 25 جولائی کو کھل جائیں گے۔ محکمہ تعلیم سندھ کا کہنا ہے کہ سندھ میں گرمیوں کی شدت کمی ہوگئی ہے اور مون سون کی بارشوں کا بھی کوئی امکان نہیں ہے، دوسری جانب سندھ میں تعلیمی اداروں کی سیکیورٹی کے معاملے پر محکمہ تعلیم سندھ کا کہنا تھا کہ تعلیمی اداروں میں سیکیورٹی کا معاملہ محکمہ تعلیم کا نہیں محکمہ داخلہ کا ہے۔

ایمزٹی وی(تعلیم)صوبائی ہائرایجوکیشن ڈیپارٹمنٹ نے راولپنڈی ڈویژن میں میٹرک پاس طلبہ کے کالجز میں 50فیصد داخلوں کو یقینی بنانے کا ٹاسک سونپ دیا،10سے 20فیصد تک داخلے کرنے والے کالجز کے پرنسپلزکو کارروائی کا سامنا کرنا پڑے گا۔ سرکاری اسکولوں سے پاس ہونے والے 69ہزار طلبہ میں 30ہزار کو کالجز میں داخلہ دینا پڑے گا ،راولپنڈی ڈویژن میں پاس ہونے والے 70فیصد طلبہ پرائیویٹ کالجز کو ترجیح دے رہے ہیں، 70فیصد سے زائد نمبر لینے والے طلبہ کو سرکاری کالجز میں تعلیمی وظائف دیئے جائیں گے تفصیلات کے مطابق امسال راولپنڈی ڈویژن سے 87ہزارطلبہ پاس ہوئے ہیں جن میں69642 ریگولر طلبہ سرکاری اسکولوں سے پاس ہوئے ہیں جن میں اے پلس 6897اور اے 10502طلبہ شامل ہیں۔ 16 ہزارپرائیویٹ کالجز کی جانب سے دی جانے والی میرٹ لسٹ پر پورااترتے ہیں ان طلبہ میں 70فیصد کی ترجیح پرائیویٹ کالجز ہوتی ہے کیونکہ ان کے مطابق سرکاری کالجز میں پڑھائی نہ ہونے کے برابر ہے جس کی وجہ سے انہیں پرائیویٹ کالجز کی طرف رخ کرنا پڑتا ہے ،صوبائی حکومت نے سختی سے ہدایات دی ہیں کہ تمام کالجز 50فیصد تک داخلوں کو یقینی بنائیں اور کالجز کا اعتماد بڑھائیں

ایمزٹی وی(تعلیم)علامہ اقبال اوپن یونیورسٹی کے سمسٹر خزاں 2016ء کے داخلے چاروں صوبوں سمیت آزاد کشمیر اور شمالی علاقہ جات میں یکم اگست سے ایک ساتھ شروع ہوں گے ۔ داخلہ فارم جمع کرانے کی آخری تاریخ 5ستمبر 2016مقرر کی گئی ہے۔ داخلہ فارم اور پراسپکٹس یونیورسٹی کے مین کیمپس کے سیل پوائنٹس اور ملک بھر میں علاقائی کیمپسز اوررابطہ دفاتر سے حاصل کئے جاسکیں گے اور یونیورسٹی کی ویب سائٹ سے بھی ڈائون لوڈ کئے جاسکیں گے ۔ سیل پوائنٹس ہفتہ اور اتوار کو بھی کھلے رہیں گے

ایمزٹی وی(اسلام آباد)سینیٹ میں مقبوضہ كشمیر میں بھارتی جارحیت كے خلاف مذمتی قرارداد منظور کرلی گئی جس میں بین الاقوامی برادری اور انسانی حقوق کی تنظیموں سے مقبوضہ وادی سے متعلق اقوام متحدہ کی قرارداد پر عملدرآمد کرانے کا مطالبہ کیا گیا ہے۔ مقبوضہ كشمیر میں بھارتی جارحیت كے حوالے سے مذمتی قرارداد پیش کرنے کے لیے قائد ایوان راجہ ظفر الحق نے ایوان کی كارروائی كو معطل كرنے كی تحریك پیش كی جس كو اتفاق رائے سے منظور كر لیا گیا، اس كے بعد راجہ ظفرالحق نے مقبوضہ کشمیر میں بھارتی جارحیت کے خلاف مذمتی قرارداد پیش كی جسے اتفاق رائے سے منظور كر لیا گیا۔ قرارداد میں كہا گیا ہے كہ سینیٹ مقبوضہ كشمیر میں ریاستی دہشت گردی، قتل عام، انسانی حقوق كی خلاف ورزی اور اظہار خیال كی آزادی پر پابندی كی مذمت كرتا ہے، مقبوضہ كشمیر میں كشمیری عوام كی غیر قانونی تسلط كے خلاف حالیہ جدوجہد میں ان كے ساتھ اظہار یكجہتی كرتے ہیں، بھارتی سیكیورٹی فورسز كے حالیہ قتل عام میں 50 افراد شہید، 3500 زخمی اور 150 نابینا ہوئے، بھارتی ریاست نے مقبوضہ كشمیر میں نسل كشی كی پالیسی اپنا ركھے ہے۔ قرارداد میں مزید کہا گیا ہےکہ مقبوضہ كشمیر میں كالے قوانین ختم كیے جائیں كیونكہ وہ بنیادی حقوق كے خلاف ہیں، دنیا كی مبینہ سب سے بڑی جمہوریت نے مقبوضہ كشمیر میں بدترین سنسر شپ كی پالیسی اپنا ركھی ہے، سینیٹ مقبوضہ كشمیر میں بین الاقوامی قوانین اور انسانی حقوق كے قوانین كی خلاف ورزی كی مذمت كرتاہے اور بین الاقوامی برادری، پارلیمانی تنظیموں سمیت انسانی حقوق كی تنظیموں سے اپیل كرتا ہے كہ وہ كشمیری عوام كی حق خود ارادیت كے حوالے سے اقوام متحدہ كی قراداد پر عملدرآمد كرائے۔

ایمزٹی وی(اسلام آباد) آزادکشمیرکے عام انتخابات میں پاکستان تحریک انصاف کی ناکامی پرتحریک انصاف کے کارکنان شدید مایوسی میں مبتلا ہیں اور پارٹی میں ہلچل مچ گئی ہے، چیئرمین تحریک انصاف عمران خان سے بیرسٹرسلطان محمود سمیت دیگر مرکزی قائدین کو عہدوں سے برطرف کے تحقیقات کا مطالبہ کردیا ہے۔
تحریک انصاف کے کارکنان کا کہنا ہے کہ چیئرمین عمران خان نے آزادکشمیرکے عام انتخابات میں امیدواروں کے لیے بیرسٹرسلطان محمودکو کھلی چھٹی دے کر بڑی غلطی کی ہے جبکہ پارٹی کے وائس چیئرمین شاہ محمود قریشی نے بیرسٹر سلطان محمود کی سربراہی میں قائم امیدواروں کی سلیکشن کمیٹی میں شامل نہ ہوکر دانشمندی کا مظاہرہ کیا ۔کارکنان کا کہنا ہے کہ بیرسٹر سلطان محمود نے من پسند امیدواروں کوپارٹی ٹکٹ دیے جس کی وجہ سے تحریک انصاف کو شدید ناکامی کا سامنا کرنا پڑا۔ کارکنان نے اپیل کی کہ بیرسٹر سلطان محمودکو ہٹا کر آزاد کشمیر میں انٹرا پارٹی انتحابات کرائے جائیں۔
کارکنان نے کہا اگر پارٹی چیئرمین عمران خان نے آزاد کشمیر میں پارٹی کارکردگی کو دیکھتے ہوئے اپنی پالسیوں پر نظر ثانی نہ کی تو 2018 کے عام انتخابات میں بھی تحریک انصاف کو ناکامی کا سامنا کرنا پڑے گا۔ کارکنان نے مطالبہ کیا کہ تحریک انصاف آزاد کشمیر کے تمام عہدیداروں کو عہدوں سے فارغ کیاجائے اورقبضہ گروپوں کو نکالا جائے۔

ایمزٹی وی(اسلام آباد)اسلام آباد پولیس کے ایڈیشنل آئی جی اشعر حمید اپنے کمرے میں مردہ پائے گئے، ان کی لاش خون میں لت پت پڑی ہوئی تھی۔ ذرائع کے مطابق اشعر حمید کی موت گولی لگنے سے ہوئی تاہم تفتیش کے بعد ہی حقائق سامنے آئیں گے۔ پولیس کے مطابق اشعر حمید پولیس لائن میں رہائش پذیر تھے جہاں وہ مردہ پائے گئے اور جس وقت ان کی لاش کو برآمد کی گئی ان کی ناک اور منہ سے خون بہہ رہا تھا۔ واضح رہے کہ اشعر حمید کو کچھ عرصہ قبل اے آئی جی آپریشنز کے عہدے سے ہٹایا گیا تھا اور ان کے بلوچستان تبادلہ کے احکامات جاری ہوچکے تھے تاہم انہوں نے کوئٹہ جانے کا حتمی فیصلہ نہیں کیا تھا۔

ایمزٹی وی(تعلیم) وفاقی اردو یونیورسٹی کے ناظم امتحانات غیاث الدین احمد کے مطابق ہومیو پیتھک ڈپلومہ، مدارس اور فاضل عربی کے سالانہ امتحانات2014 منعقدہ دسمبر2015 کے نتائج کا اعلان کردیا گیا ہے ۔اس امتحان میں 272طلبا رجسٹرڈ ہوئے جن میں243طلبا نے امتحان میں شرکت کی اور187طلبا کامیاب قرار پائے جبکہ مجموعی رزلٹ 76.95فیصد رہا۔

ایمزٹی وی(تعلیم)جامعہ کراچی کے سنڈیکیٹ کے حالیہ اجلاس منعقدہ 6 جولائی میں اپلائیڈ اکنامکس ریسرچ سینٹر کے ڈائریکٹر کے عہدے کے لیے پروفیسر ڈاکٹر ثمینہ خلیل کے نام کی منظوری دے دی گئی ہے۔ڈاکٹر ثمینہ خلیل نے ایم فل کیمبرج یونیورسٹی برطانیہ سے جبکہ پی ایچ ڈی کی سند انوائرمینٹل اکنامکس اینڈ مینجمنٹ کے موضوع پر یونیورسٹی آف یارک برطانیہ سے حاصل کی ہے۔ علاوہ ازیں ڈاکٹر ثمینہ خلیل اپلائیڈ اکنامکس ریسرچ سینٹر سے شائع ہونے والے تعلیمی جریدے کی ایڈیٹر بھی ہیں جو سال میں دومرتبہ شائع ہوتاہے اور پی ایچ ڈی پروگرام کی سربراہ بھی ہیں۔ ڈاکٹر ثمینہ خلیل نے مختلف جامعات سے پی ایچ ڈی کے ہم مرتبہ متعدد کورسز کیے ہیں جن میں امریکا ،سوئیڈن اور جاپان کی جامعات شامل ہیں اور ساتھ ہی متعدد بین الاقوامی اسکالرشپ بھی حاصل کی ہیں

ایمزٹی وی(تعلیم)حکومت نے میڈیکل کالجز میں دوران ڈیوٹی ڈاکٹرکیلئے سفیدکوٹ لازمی قراردیتے ہوئے طلبا و طالبات کیلئے بھی نیا شیڈول جاری کردیا۔ذرائع کے مطابق راولپنڈی سمیت صوبہ بھرکے تمام میڈیکل کالجز کی انتظامیہ کو سختی سے ہدایت کی گئی ہے کہ دوران ڈیوٹی تمام ڈاکٹرز سفید کوٹ پہننے کے پابندہوں گے جبکہ تمام ڈاکٹر،ملازمین اور طلبا و طالبات ڈیوٹی اور کلاسز کے طے شدہ اوقات کار کی مکمل پابندی کریں ۔ اسپیشلائزڈہیلتھ کیئر اینڈ میڈیکل ایجوکیشن پنجاب کی طرف سے جاری احکامات میں طلبا کیلئے پینٹ (جینزیا ڈریس)ڈریس شرٹ ،قومی لباس شلوارقمیض اورڈریس شوزیا جوگرزپہننا ہوں گے جبکہ شاٹس،آدھی آستین ،گول گلا ،ٹرائوزراورشال وغیرہ لینے کی مکمل پابندی ہو گی، طالبات کیلئے مکمل آستین،لمبی قیمض،سیدھی پیٹ ،لوزجینز ، شلوار اور دوپٹہ یا شال کی پابندی کرنا لازمی ہوگا جبکہ ٹی شرٹس،آدھی آستین ،لیگی ، جینز ، پینٹ،ٹرائوزر،مہنگی جیولری اور میک اپ پر پابندی ہوگی۔