ایمزٹی وی(انٹرنیشنل) ہندوستانی حکومت نے بدھ کے روز انڈر ورلڈ ڈان داؤد ابراہیم کی گاڑی، ریسٹورنٹ اور زرعی زمین کو نیلام کرنے کا اعلان کیا ہے۔تفصیلات کے مطابق ہندوستانی پولیس گزشتہ کئی سالوں سے داؤد ابراہیم کا سراغ لگانے میں ناکام رہی ہے جبکہ ان کی 15 سال پرانی گاڑی کو محض 60 امریکی ڈالر (تقریباً 6000 ہزار پاکستانی روپے) میں نیلام کیا جارہا ہے جو اس وقت ممبئی کے مضافات میں کھڑی ہے۔انڈر ورلڈ ڈان کی جائیداد کو تقریباً ایک دہائی قبل ضبط کرلیا گیا تھا تاہم یہ ان کے کل اثاثوں کا بہت چھوٹا حصہ ہے جبکہ خریدار ان کی جائیداد خریدنے سے گریز کرتے ہیں۔

ایمزٹی وی(صحت) یونیورسٹی آف کیلیفورنیا کی ایک ریسرچ میں اس بات کا انکشاف کیا گیا ہے کہ تھری ڈی گیمز نہ صرف بہترین تفریح فراہم کرتے ہیں بلکہ یادداشت کو تیز بنانے میں بھی کردار ادا کرتے ہیں۔ریسرچ میں بتایا گیا کہ گیمز کھیلنے والوں میں بڑھاپے میں بھولنے کی بیماری میں مبتلا ہونے کے بھی کم امکانات ہوتے ہیں علاوہ ازیں اس طرح کے گیمز کھیلنے والوں کی آنکھوں اور ہاتھوں کے درمیان تال میل بہتر بن جاتا ہے جبکہ ان کی ردعمل (Reaction) دینے کی صلاحیت بھی گیم نہ کھیلنے والوں سے بہتر ہوتی ہے۔تفصیلات کے مطابق تحقیق کے دوران گیم نہ کھیلنے والے ایک گروپ کو روزانہ دو ہفتوں کے لیے تیس منٹ تھری ڈی گیمز کھلائے گئے جبکہ ایک دیگر ایسے ہی گروپ کو ٹو ڈی گیمز کھلائے گئے۔نتائج میں پایا گیا کہ جن افراد نے تھری ڈی گیمز کھیلے تھے انہوں نے یادداشت کے ٹیسٹ میں بہتر نمبر حاصل کیے جبکہ ٹوڈی گیمرز کے اسکور میں کوئی فرق نہیں آیا۔

ایمزٹی وی(اسلام آباد)وزیراعظم نواز شریف نے ماڈل کالج برائے خواتین پنجگراں کی تقریب میں شرکت کی ۔تقریب سے خطاب کرتے ہوئے وزیراعظم نواز شریف کا کہنا تھا کہ اسلام آباد کے اسکولوں کی حالت زار کے پیش نظریہ فیصلہ کیا گیا ہے اب یہاں کے اسکولوں کو پورے ملک کے لیے ماڈل بنایا جائے گا جب کہ حکومت یہ کوشش ہے یہ کام صرف اسلام آباد نہیں بلکہ پنجاب، سندھ، بلوچستان ، خیبرپختونخوا سمیت آزاد کشمیر، فاٹا اور گلگت بلتستان میں بھی کیا جائے گا۔ وزیراعظم کا کہنا تھا کہ اسلام آباد کے تمام تعلیمی اداروں میں اصلاحات کا آغاز کردیا گیا ہے جہاں 422 اسکولوں میں کام جاری ہے جو جنوری تک مکمل ہوجائےگا اس موقع پر ان کا مزید کہنا تھا کہ صحت کے شعبے میں مزید بہتری ہونی چاہیے جب کہ تعلیمی اداروں میں صاف پانی، سائنس، کمپیوٹرلیب، کھیلوں کے میدان ہونے چاہیئں اوراساتذہ کی تربیت بھی حکومتی پروگرام کا حصہ ہے جب کہ اسکولوں کی تعمیرات کا کام جلدازجلد مکمل ہونا چاہئے۔ انہوں نے کہا کہ اسکولوں سے گھر پہنچانے کے لیے اسپیشل بسیں خرید رہے ہیں جو انہیں با آسانی اسکول لے جا سکیں، نئی بسیں مختلف روٹس پرچلیں گی جس سے طالب علموں کی اسکول آنے جانے کی دشواری ختم ہوجائے گی۔تعلیمی نصاب کے حوالے سے ان کا کہنا تھا کہ تعلیمی نصاب میں بھی انقلابی تبدیلیاں لائی جارہی ہیں، حکومت میرٹ پرکوئی سمجھوتہ نہیں کرے گی اورکسی کی سفارش قبول نہیں کی جائےگی۔