ایمز(کھیل)پاکستان انگلینڈ سیریز کا پہلا میچ آج دبئی میں کھیلا جائیگا۔شاہینوں نے تیاریاں کرلی۔ٹی ٹوئنٹی ٹرافی کا دیدار بھی ہوگیا۔پاکستان انگلینڈ پہلے ٹی ٹوئنٹی ٹاکرے کا میدان دبئی میں سجے گا۔انگلش ٹیم کے ارادے بھی خطرناک ہیں۔ ون ڈے کے بعد ٹی ٹوئنٹی ٹرافی پر بھی انگلینڈ کی نظریں ہیں۔پاک انگلینڈ سیریز میں ٹیسٹ کے ون ڈے ٹرافی ٰنگلینڈ کے نام رہی ۔تیسری ٹرافی کے لئے دونوں ٹیمیں بے قرار ہیں۔

ایمزٹی وی(انٹرنیشنل) جاپان میں ایک انوکھی ریس کا انعقاد کیا گیا جس میں6 ماہ سے ایک سال کے بچوں نے شرکت کی۔ ذرائع کے مطابق جاپان کے شہر یوکو ہاما میں ہونے والی ریس میں 601 بچوں نے شرکت کر کے انوکھی دوڑ کو عالمی ریکارڈ بنالیا۔تفصیلات کے مطابق ریس کے دوران چھوٹے اور معصوم بچے روتے دکھائی دیئے اور کچھ بچوں کے والدین نے موبائل فون، کھلونے اور دیگر اشیاء سے بہلایا۔واضح رہے اس سے قبل 2014 میں ایسا ہی ورلڈ ریکارڈ چین میں بنایا گیا تھا جس میں 451 بچے اس طرح کی ریس میں شریک ہوئے تھے۔تاہم اس با ر جاپان ورلڈ ریکارڈ بنانے میں کامیاب ہوگیا ہے۔

ایمزٹی وی(انٹرنیشنل)تحریکِ طالبان پاکستان کے کمانڈر خان سید" سجنا" کی مبینہ ہلاکت کی اطلاع سامنے آئی ہے۔ اطلاعات کے مطابق پاکستان کے قبائلی علاقے شمالی وزیرستان کی سرحد سے منسلک افغان صوبے خوست میں ہونے والے ڈرون حملے کے نتیجے میں کم از کم ۱۲ عسکریت پسند ہلاک جبکہ ۲۰ زخمی ہوئے ۔مقامی عمائدین کے مطابق ڈرون حملہ اس وقت ہوا جب طالبان کے مختلف دھڑوں میں اختلافات دور کرنے کے لئے ایک جرگہ جاری تھا۔تاہم خان سیدسجنا کی ہلاکت کی تصدیق ٹی ٹی پی کے محسود گروپ کی جانب سے بھی تردید نہیں کی گئی ہے اور نہ ہی اس حوالے سے امریکی حکام کی جانب بھہ کوئی بیان سامنے نہیں آیا ہے۔

ایمزٹی وی(اسلام آباد)چیف جسٹس انور ظہیر جمالی کی سربراہی میں 3 رکنی بنچ نے سپریم کورٹ میں ماحولیاتی آلودگی سے متعلق از خود نوٹس کیس سماعت کی۔سماعت کے دوران عدالت نے ماحولیاتی آلودگی کے خاتمے سے متعلق وفاق اور صوبوں کی رپورٹ مسترد کردی۔اس حوالے سے جیف جسٹس انور ظہیر جمالی نے ریمارکس دیئے کہ غیر ملکی قرض لے کر منصوبے بن جاتے ہیں چلانے کے لئے فنڈز نہیں دیئے جاتے، میونسپل اداروں میں گھوسٹ ملازمین کی بھرمار ہے، بڑی مچھلیوں کے خلاف کوئی کارروائی نہیں کرتا، شہروں میں کچرے کو آگ لگا دی جاتی ہے جس سے آلودگی پھیلتی ہے، کراچی میں ہر طرف کچرے کے ڈھیر ہیں۔ س اعجاز افضل نے ریمارکس دیئے کہ خیبرپختونخوا کے اسپتالوں میں صفائی کا برا حال ہے کیا عدالت شہر شہر جا کر صفائی ستھرائی کے احکامات جاری کرے۔ ڈی جی ماحولیات نے عدالت کو بتایا کہ پشاور میں تین واٹر ٹریٹمنٹ پلانٹس غیر فعال ہیں۔ اے ڈی بی سے قرض لے کر پلانٹس لئے گئے تھے لیکن اب وسائل نہ ہونے کے باعث یہ بند پڑے ہیں ،جس پر چیف جسٹس نے ریمارکس دیئے کہ کیا ہمیشہ بھیک مانگ کر ہی گزارا کیا جائے گا اور اے ڈی بی ہر سال ہمیں قرضے ہی دیتا رہے گا، صوبائی حکومت فنڈز جاری کیوں نہیں کرتی۔چیف جسٹس نے استفسار کیا کہ خیبرپختونخوا کی رپورٹ میں لفظ سونامی کیا ہے جس پر کے پی کے حکومت کے وکیل نے جواب دیا کہ یہ صوبے میں درخت لگانے کی مہم کا نام ہے۔چیف جسٹس انور ظہیر جمالی نے ریمارکس دیئے کہ سونامی کا مطلب تو تباہی ہے۔