آکلینڈ: دنیا بھر میں سب سے پہلے نیوزی لینڈ کے شہر آکلینڈ میں نئے سال کا آغاز ہوا جہاں شاندار آتش بازی کا مظاہرہ کیا گیا۔
نیوزی لینڈ کے شہر آکلینڈ میں سب سے پہلے نئے سال کا آغاز ہوا جہاں شاندار آتش بازی کا مظاہرہ کیا گیا، شاندار آتش بازی کے باعث نیوزی لینڈ کا اسکائی ٹاور روشنیوں سے جھلملا اٹھا جب کہ کچھ ہی دیر بعد آسٹریلیا کے شہر سڈنی میں بھی نئے سال کا آغاز ہوا، اس موقع پر شہر میں مختلف مقامات پر آتش بازی کا شاندار مظاہرہ کیا گیا جب کہ لوگوں کی بڑی تعداد نے نئے سال کو خوش آمدید کہا۔
دوسری جانب دنیا بھر میں نئے سال کو خوش آمدید کہنے کے لیے تیاریوں کا سلسلہ بھی جاری ہے، نیویارک ٹائم اسکوائر پر نیوایئر بال ڈروپنگ تقریب کی ریہرسل کی گئی جب کہ 12 ہزار پاونڈ وزنی بال کی تیاری میں مختلف سائز کے 2 ہزار 600 کرسٹل ٹرائی اینگلز اور 32 ہزار ایل ای ڈی لائٹس استعمال کی گئی ہیں۔
نیوایئر کے موقع پر سیکیورٹی کے سخت انتظامات کیے گئے ہیں، پیرس میں آئفل ٹاور کی سیکیورٹی میں مزید اضافہ کر دیا گیا ہے، امریکی شہر نیو یارک میں سب سے آخر میں نئے سال کا آغاز ہوگا جب کہ جرمنی کے شہر برلن میں نیو ایئر کے موقع پر آتش بازی پر پابندی لگا دی گئی ہے۔
کراچی : نیشنل نیماٹولوجیکل ریسرچ سینٹر جامعہ کراچی کے زیر اہتمام دوروزہ پندرہویں سیمینار کم ورکشاپ بعنوان: ” بہتر مینجمنٹ کے لئے نیماٹوڈ کی شناخت کی اہمیت “ کی افتتاحی تقریب سے خطاب کرتے ہوئے جامعہ کراچی کے وائس چانسلر پروفیسر ڈاکٹر خالد محمودعراقی نے کہا کہ جامعہ کراچی ملک میں سائنس کے فروغ میں کلیدی کردار اداکررہی ہے کیونکہ سائنس میں ترقی سے ہی پائیدار ترقی ممکن ہے۔۔انہوں نے تحقیقی مقالوں کی اشاعت میں اضافے پروزوردیا اور اس کو عصر حاضر میں جامعات کی اعلیٰ کارکردگی کو جانچنے کا اہم معیار قراردیا۔
ڈاکٹر خالد عراقی نے نیشنل نیماٹولوجیکل ریسرچ سینٹر کی سابق ڈائریکٹر پروفیسر ڈاکٹر شاہینہ فیاض کی خدمات کو سراہتے ہوئے کہا کہ ڈاکٹر شاہینہ فیاض کے نام سے ایک لیب قائم ہونی چاہیئے تاکہ طلبہ ان کے کام کو آگے بڑھائیں اور سینٹر کا نام روشن ہو۔
صدر ایکوسائنس فاﺅنڈیشن پروفیسر ڈاکٹر منظور حسین سومرو نے کہا کہ سائنس کی تدریس میں جدید اور بہتر طریقہ کار کو فروغ دینا ایکوسائنس فاﺅنڈیشن کے اہم مقاصد میں شامل ہے
ڈائریکٹر نیشنل نیماٹولوجیکل ریسرچ سینٹرجامعہ کراچی ڈاکٹر صبوحی نے خطبہ استقبالیہ پیش کرتے ہوئے سینٹر کی تاریخ اور تدریسی وتحقیقی سرگرمیوں پرروشنی ڈالتے ہوئے کہا کہ سینٹر ہذا کا قیام 1973 ءمیں عمل میں آیا جبکہ سینٹر کے بین الاقوامی معیار کے تحقیقی جریدے پاکستان جرنل آف نیماٹولوجی کا 1983 ءمیں اجراءکیا گیا ۔سینٹر میں 2009 ءمیں ایم فل/ پی ایچ ڈی پروگرامز شروع کئے گئے اور تاحال 12 طلباوطالبات پی ایچ ڈی جبکہ 08 طلبہ ایم فل کرچکے ہیں ۔
کراچی:جامعہ کراچی نےایم اے اکنامکس پرائیوٹ سال اول سالانہ امتحانات برائے 2018 ءکے نتائج کا اعلان کردیا
جامعہ کراچی کے ناظم امتحانات پروفیسر ڈاکٹر محمد ارشد اعظمی کے مطابق ایم اے اکنامکس پرائیوٹ سال اول سالانہ امتحانات برائے 2018 ءکے نتائج کا اعلان کردیا گیا ہے۔
نتائج کے مطابق امتحانات میں 1094 طلبہ شریک ہوئے،215 طلبہ کو کامیاب قراردیا گیا جبکہ 879 طلبہ ناکام قرارپائے ۔کامیاب طلبہ کا تناسب 19.65 فیصدرہا
کراچی: جناح سندھ میڈیکل یونیورسٹی میں دوروزہ کتب میلہ "بک فیر 2020-2019" کا انعقاد گیا
تفصیلات کے مطابق جناح سندھ میڈیکل یونیورسٹی میں وائس چانسلر پروفیسر سید محمد طارق رفیع اور لائبریریز کے چیئرمین پروفیسر سید محمود حسن کی جانب سے طلباء اور یونیورسٹی کے اساتذہ واسٹاف کے لئے کتب میلے کا انعقاد کیا گیا جس کا افتتاح 31 دسمبر 2019 کو صبح دس بجے وائس چانسلر پروفیسر سید محمد طارق رفیع نے کیا۔
کتب میلے کے منتظمین میں لائبریریز کے چیئرمین پروفیسر سید محمود حسنچیف لائبریرین فیصل میمن اور ڈپارٹمنٹ آف لائبریریز کےاسٹاف شامل ہیں۔، کتب میلے میں دنیا بھر سے شائع ہونے والی اکیڈمک پبلشرز کی کتابوں کو میلہ کی زینت بنایا گیا جن میں پیراماونٹ، الائیڈ، رائل، پروگریسو اورصدیقی پبلشرز شامل ہیں۔میلے میں آنے والے طلباء و طالبات اور اساتذہ نے ان کتابوں کو بہت پسند کیا اورخریدا-
کتابوں پر اوسطا 25 فیصد ڈسکاونٹ ہے ۔میلہ میں کھانے پینے کی اشیاء اور گیمز نے اس کا مزہ دوبالا کر دیا۔کتب بینوں اور طلبہ و طالبات نےمیلہ کا مکمل لطف اٹھایا۔ یونیورسٹی کے وائس چانسلر پروفیسر ایس ایم طارق رفیع نے خود میلے کا دورہ کیا اور کئی کتابوں کو پسند کیا۔
اس موقع پرانہوں نے کہا اس طرح کی سرگرمیاں طلباء اور یونیورسٹی کے تعلیمی ماحول کو بہتراور خوشگوار بنانے میں مددگار ثابت ہوتی ہیں۔دو روزہ میلہ بدھ کو بھی جاری رہے
کراچی: سندھ مدرستہ الاسلام یونیورسٹی اور امریکن انسٹیٹیوٹ آف پاکستان اسٹڈیز کے درمیان تحقیق اور اکیڈمک تعاون کو فروغ دینے کیلئے معاہدہ کیا جائے گا۔ اس سلسلے میں یاداشات نامے پر دستخط کرنے کی تقریب پیر 6 جنوری کو منعقد کی جائے گی۔ جس میں امریکن انسٹیٹیوٹ آف پاکستان اسٹڈیز کی صدر ڈاکٹر فرحت حق اور ایس ایم آئی یو کے وائس چانسلر ڈاکٹر محمد علی شیخ معاہدے پر دستخط کریں گے۔ جبکہ اس کے علاوہ ڈاکٹر فرحت حق ایس ایم آئی یو کے سر شاہنواز بھٹو آڈیٹوریم میں طالبعلموں اور اساتذہ کو لیکچر بھی دیں گی۔ معاہدے کے تحت اساتذہ کی تربیت اور تحقیقی صلاحیتیں بڑھانے کیلئے کیا جائے گا۔
امریکن انسٹیٹیوٹ آف پاکستان اسٹڈیز1973 میں قائم کیا گیا تھا۔ جس کا مقصد دونوں ملکوں کے اداروں کے درمیان اکیڈمک تعاون کو فروغ دینا ہے
کراچی / کوئٹہ: محکمہ موسمیات نے سندھ اوربلوچستان میں بارشوں کی پیش گوئی کی ہے جس کے بعد ٹھنڈ میں اضافے کا امکان ہے۔
محکمہ موسمیات کے مطابق کراچی میں جنوری میں مزید سردی بڑھنے کا امکان ہے۔ 4 جنوری سے مغربی ہواؤں کا سسٹم ایران کے راستے بلوچستان میں داخل ہوگا، مغربی سسٹم کے باعث بلوچستان اورسندھ میں بارشیں ہوں گی جس سے سردی کی شدت میں اضافے کا امکان ہے۔
چیف میٹرولوجسٹ کراچی سردارسرفرازکا کہنا ہے کہ دسمبر کے مقابلے میں جنوری کا مہینہ سرد ہوگا، مغربی سسٹم رخصت ہوتے وقت شہرمیں سردی بڑھے گی جب کہ معمول سے تیزہوائیں بھی چلیں گی۔
کراچی: سردی کی شدت میں اضافے کے باوجود موسمِ سرما کی تعطیلات میں توسیع نہ کرنےکا فیصلہ ۔
سیکیٹری تعلیم احسن منگی کا کہنا ہے کہ شیڈول کے مطابق 31 دسمبر تک تعطیلات رہینگی اور یکم جنوری سے تمام اسکول معمولات کے مطابق کھل جائیں گے ، تعطیلات سے متعلق افوائیں بے بنیاد ہیں
مانیٹرنگ ڈیسک: سب سے زیادہ استعمال کی جانے والی موبائل ایپلیکیشن واٹس ایپ میں کئی اہم فیچرز شامل کر دیئے جائیں گے جس سے صارفین کے لیئے مزید آسانیاں پیدا ہو جائیں گی ۔
آیئے دیکھتے ہیں کیا کیا نیا ہوگا واٹس ایپ میں اس نئے سال کی آمد پر۔
ڈارک موڈ فیچر
ڈارک موڈ فیچر جس کا انتظار صارفین کو بے صبری سے تھا۔وہ شامل کر دیا جائے گا۔ جس میں پسِ منظر سیاہ اور مواد سفید نظر آئے گا۔ اس کا فائدہ یہ ہوگا کہ موباٰئل کی بیٹری محفوظ رہے گی،اورسیاہ ورژن کم روشنی والا ہونے کے باعث آنکھوں کو پہلے کی بنسبت کم نقصان پہنچے گا ۔
مقررہ وقت کے بعد میسج ڈیلیٹ
کچھ عرصہ پہلے اس فیچر کو متعارف کروایا گیا تھا ، اب اس کو مزید اپ ڈیٹ کر کے وقت میں اضافہ کیا گیا ہے، گس سے منتخب کردہ وقت کے بعد میسج ڈیلیٹ ہو جائے گا۔
جعلی مواد کے پھیلاؤ میں کمی
واٹس ایپ کا یہ سب سے اہم فیچر گوگل کو ریورس امیج سرچ سے منسلک کرنا ہوگا جس سے جعلی تصویروں ، خبروں اور افواؤں کو پھیلنے میں کمی کی جا سکے گی اور ان لوگوں کو جعلسازی بھی سامنے آسکے گی جو دوسروں کی تصویر کو اپنی ظاہر کرتے ہیں
کوئٹہ : وزیر اعلی بلوچستان کے مشیر برائے ثانوی تعلیم حاجی محمد خان لہری نے پیر کو کہا ہے کہ 70،000 سے زائد امیدواروں نے غیر اساتذہ کے لئے 36000 خالی آسامیوں کے لئے درخواستیں جمع کرائی ہیں۔
نیوز ایجنسی سے گفتگو کرتے ہوئے انہوں نے کہا کہ بلوچستان ایجوکیشنل فاؤنڈیشن آرڈیننس ایکٹ کو کابینہ نے صوبے میں تعلیم کی بہتری کے لئے منظور کیا تھا ، اس کے باوجود محکمہ تعلیم میں بلوچستان ایسینشل سروسز ایکٹ (بی ای ایس اے) متعارف کرایا گیا تھا۔
مشیر نے کہا کہ محکمہ تعلیم بلوچستان میں 33 سال کے بعد خدمت کا باقاعدہ نافذ کیا گیا ، جس کا مقصد صوبے کے دور دراز علاقوں میں تعلیم کے معیار کو بہتر بنانا ہے ، انہوں نے مزید کہا کہ محکمہ تعلیم کے سابقہ دور حکومت میں توجہ نہیں دی جارہی ہے۔
بہاولپور: بہاولپور کی اسلامیہ یونیورسٹی کی اکیڈمک کونسل نے بہاولپور کی اسلامیہ یونیورسٹی میں دو نئے اساتذہ کی منظوری دے دی ہے جس میں اساتذہ اور اساتذہ کی ویٹرنری بھی شامل ہیں۔
اسلامیہ یونیورسٹی بہاولپور کی اکیڈمک کونسل نے اسلامیہ یونیورسٹی بہاولپور میں دو نئی اساتذہ کی منظوری دے دی ہے جس میں اساتذہ اور اساتذہ کی فیکلٹی بھی شامل ہے۔
تعلیمی کونسل کا 148 واں اجلاس انجینئر کی صدارت میں ہوا۔ پروفیسر ڈاکٹر اطہر محبوب وائس چانسلر جس نے پہلے سے موجود سات فیکلٹیوں میں دو نئی فیکلٹیوں کو شامل کرنے کی تجویز کو منظور کیا۔ کامرس اور ایسٹرن میڈیسن میں پی ایچ ڈی کے دو پروگرام شروع کرنے کی بھی منظوری دی گئی۔ اینیمل سائنسز اور سگنل پروسیسنگ انجینئرنگ میں نئے ایمفل پروگرام بھی ثابت ہوئے۔
کونسل نے مرکزی کیمپس میں بی ایس بایو میڈیکل انجینئرنگ کھولنے کے علاوہ رحیم یار خان اور بہاولنگر میں بی ایس میڈیا اسٹڈیز اور آئی ٹی کے آغاز کی بھی منظوری دی۔ بیچلرز ، ماسٹر اور ایم فل سطح پر مختلف پروگراموں کے نظرثانی نصاب کو بھی منظور کرلیا گیا۔ اپلائیڈ مائکروبیولوجی ، فزیالوجی ، جنگلات ، بین الاقوامی تعلقات میں بی ایس پروگراموں کو بھی منظور کیا گیا۔ فیکلٹی ڈویلپمنٹ کے لئے ایگزیکٹو ٹریننگ سینٹر کے قیام کی بھی منظوری دی گئی۔