K2 - Results from #7280

جرمن نیول چیف کی نیول ہیڈکوارٹرزآمد

اسلام آباد: جرمن نیول چیف نے نیول ہیڈ کوارٹرز اسلام آباد کا دورہ کیا۔

ترجمان پاک بحریہ کے مطابق نیول ہیڈکوارٹرز آمد پر پاک بحریہ کے سربراہ ایڈمرل ظفر محمود عباسی نے معززمہمان کا استقبال کیا۔

معززمہمان کو روایتی انداز میں گارڈ آ ف آنر پیش کیا گیا،معزز مہمان نے نیول ہیڈکوارٹرز میں یادگار شہداءپر پھولوں کی چادر چڑھائی ۔

ترجمان پاک بحریہ کے مطابق جرمن نیول چیف نے پاک بحریہ کے سربراہ ایڈمرل ظفر محمود عباسی سے ملاقات کی ،ملاقات کے دوران باہمی دلچسپی کے امور، علاقائی سکیورٹی اور دو طرفہ بحری تعاون پر تبادلہ خیال کیا گیا ۔

نیول چیف نے خطے کی بحری سکیورٹی میں پاکستان بحریہ کے کردار پر روشنی ڈالی ۔

ترجمان پاک بحریہ کے مطابق سربراہ پاک بحریہ نے معزز مہمان کو پاک بحریہ کے ریجنل میری ٹائم سکیورٹی پٹرول کے اقدام سے آگاہ کیا۔

نیول چیف نے امن مشقوں میں شرکت کرنے پر جرمن نیول چیف کا شکریہ ادا کیا -

جرمن نیول چیف نے پاکستان اور جرمن بحریہ کے مظبوط تعلقات کو سراہا اور مستقبل میں انہیں مزید وسعت دینے کے عزم کا اعادہ کیا ۔

پاکستان سپرلیگ کےحوالےسے چیئرمین کادوٹوک جواب

لاہور : پاکستان کرکٹ بورڈ (پی سی بی) کے چیئرمین احسان مانی نے کہا ہے کہ پاکستان سپر لیگ (پی ایس ایل) کی پاکستان سے منتقلی کا کوئی امکان نہیں ہے۔

تفصیلات کے مطابق چیئرمین پی سی بی نے ایک انٹرویو میں واضح کیا ہے کہ پی ایس ایل کی پاکستان سے منتقلی کا کوئی امکان نہیں ہے، ہم نے فرنچائزز سے مشاورت کے بعد ہی یہ فیصلہ کیا تھا جبکہ لیگ اچھی ساکھ کی حامل ہے اور امید ہے کہ غیر ملکی اسٹارز بھی آئیں گے ، ایونٹ کیلئے ملتان اور راولپنڈی کےا سٹیڈیمزوقت پر تیار ہو جائیں گے۔

احسان مانی نے چیف سلیکٹر اور ہیڈ کوچ سے متعلق گفتگو کرتے ہوئے کہا کہ مصباح الحق پاکستان کے کامیاب ترین ٹیسٹ کپتان رہے ہیں، وہ بطور چیف سلیکٹر اورہیڈ کوچ بھی کارآمد ثابت ہوں گے، مکی آرتھر ٹیم کے ساتھ جذباتی طور پر بھی بہت جڑے ہوئے تھے، جیتنے پر ان کی خوشی اور شکست پر غم چھپائے نہیں چھپتا تھا مگر وہ ٹیم کو لفٹ نہیں کر سکے۔

احسان مانی نے کہا کہ بھارت سے ہم کسی بھی جگہ کھیل سکتے ہیں البتہ وہاں سیریز کیلئے جانا ابھی ممکن نہیں، سری لنکا سے کہا ہے کہ کم از کم ایک ٹیسٹ کھیلنے کیلئے ٹیم کو پاکستان بھیجیں۔

وزیراعظم کو زلزلے سے جانی و مالی نقصان کے حوالے سے بریفنگ

میرپور: وزیراعظم عمران خان کی زیرصدارت میرپور آزاد کشمیر میں اجلاس ہوا جس میں وزیراعظم کو زلزلے سے جانی و مالی نقصان کے حوالے سے بریفنگ دی گئی۔

وزیراعظم عمران خان کی زیرصدارت آزاد کشمیر میں اہم اجلاس ہوا جس میں وزیراعظم آزاد کشمیر راجا فاروق حیدر، وزیر خارجہ شاہ محمود قریشی، وزیر امور کشمیر علی امین گنڈاپور اور چیئرمین این ڈی ایم اے شریک ہوئے۔ اجلاس میں وزیراعظم کو زلزلے سے جانی و مالی نقصان، ریلیف کے اقدامات اور بحالی کے لائحہ عمل پر بریفنگ دی گئی

وزیراعظم وزیراعظم میرپور میں زلزلے سے متاثرہ بستیوں کا دورہ کریں گے اور انہیں زلزلے سے ہونے والے نقصان اور اب تک بحالی کے اقدامات پر تفصیلاً آگاہ کیا جائے گا جب کہ وزیراعظم عمران خان زلزلے سے متاثرہ زخمیوں کی عیادت کے لئے ڈسٹرکٹ ہسپتال میر پور بھی گئے۔

مہمان ٹیم کا پرتپاک استقبال

لاہور: عمان کی ہاکی ٹیم لاہور پہنچ گئی،پاکستان ہاکی فیڈریشن کے عہدیداروں نے مہمان ٹیم کا استقبال کیا۔

اس موقع پر سکیورٹی کے سخت انتظامات کئے گئے تھے، عمان ہاکی ٹیم لاہورائیرپورٹ سے ہوٹل کےلئے روانہ ہو گئی ۔

واضح رہے کہ عمان کی ہاکی ٹیم پاکستان کےخلاف 3 میچز کی سیریز کھیلے گی،پاکستان اور عمان کے درمیان میچ نیشنل ہاکی اسٹیڈیم لاہور میں کھیلے جائیں گے۔

پیٹرلیم مصنوعات کی قیمتوں میں کمی کردی گئی

اسلام آباد: اوگرا نے آئندہ ماہ کے لیے پیٹرلیم مصنوعات کی قیمتوں میں کمی کی سمری پیٹرولیم ڈویژن کوبھجوا دی ہے۔

اذرائع کے مطابق اوگرا کی جانب سے بھجوائی گئی سمری میں آئندہ ماہ کے لیے پیٹرول کی قیمت میں 2 روپے 55 پیسے فی لیٹر کمی کی سفارش کی گئی ہے۔ اس کے علاوہ سمری میں ہائی اسپیڈ ڈیزل 3 روپے 23 پیسے، لائٹ ڈیزل آئل 2 روپے 41 پیسے سستا کرنے جب کہ مٹی کے تیل کی قیمت میں ایک روپے 19 پیسے فی لیٹر اضافے کی سفارش کی گئی ہے۔

پیٹرولیم ڈویژن سمری پر غور کے بعد اسے وزارت خزانہ کو بھجوائے گی جو قیمتوں سے متعلق نوٹی فکیشن جاری کرے گی، نئی قیمتوں کا اطلاق آج رات 12 بجے سے ہوگا۔

وزیراعلیٰ سندھ کی زیرصدارت صوبائی کابینہ کا اجلاس

کراچی: وزیراعلیٰ سندھ مراد علی شاہ کی زیرصدارت اجلاس میں کابینہ نے پولیس قانون پرکمیٹی کی منظوری دے دی۔

وزیراعلیٰ سندھ مراد علی شاہ کی زیرصدارت صوبائی کابینہ کا اجلاس ہوا جس میں ریسکیوسروس 1122 پر تبادلہ خیال کیا گیا۔

اجلاس میں بریفنگ کے دوران بتایا گیا کہ یہ ایجنڈہ ری ہیبلی ٹیشن ڈیپارٹمنٹ نے پیش کیا ہے، ریسکیو سروس کے قیام کا بل تیار کیا گیا ہے۔

اجلاس میں بتایا گیا کہ ریسکیو سروس کے لیے ایمرجنسی کونسل کے قیام کی تجویز دی گئی ہے، یہ ایمرجنسی کونسل 13 اراکین پر مشتمل ہوگی، کونسل چیئرمین وزیراعلیٰ اور پرائیوٹ سیکٹر سے 2 لوگ شامل ہوں گے۔

صوبائی کابینہ کے اجلاس میں بریفنگ کے دوران بتایا گیا کہ ڈرافٹ قانون کے تحت سندھ ریسکیو سروس اکیڈمی کا قیام عمل میں لایا جائے گا، یہ اکیڈمی قلیل ،طویل کورس کرائے گی تاکہ ٹیکنیکل لوگ آگے آسکیں۔

اجلاس میں بتایا گیا کہ یہ اکیڈمی اسپیشل کورس کرا کر شعبے میں ماہرین کو آگے لائیں گے۔

صوبائی کابینہ نے اجلاس میں وزیرصحت، وزیرری ہیبلی ٹیشن ،مشیر قانون کی سب کمیٹی بنا دی، کمیٹی ڈرافٹ قانون کو ایک مرتبہ دیکھے گی اور مزید سفارشات دے گی۔

سیکرٹری داخلہ نے سندھ کابینہ کو بریفنگ میں بتایا کہ پولیس قانون میں مسائل حل کرنے کے لیے کمیٹی بنائی گئی ہے، کمیٹی میں مشیر قانون، ایڈووکیٹ جنرل سندھ شامل ہیں۔

ترجمان وزیراعلیٰ سندھ کے مطابق کابینہ نے پولیس قانون پرکمیٹی کی منظوری دے دی۔

کرنٹ اکاؤنٹ خسارےنےتاریخ رقم کردی

کراچی: گورنراسٹیٹ بینک رضا باقر نے کہا ہے کہ 2014 سے مسلسل کرنٹ اکاؤنٹ خسارہ بڑھا،کرنٹ اکاؤنٹ خسارہ ماہانہ 2 ارب ڈالرکی سطح پرپہنچ گیا،تاریخ میں کبھی بھی اتنابڑاخسارہ نہیں ہوا،گورنراسٹیٹ بینک نے کہا کہ 2014 سے 2017 تک مالیاتی خسارہ معیشت پربوجھ رہا،معیشت کو دوسرابڑامسئلہ مالیاتی خسارہ ہے ،بڑھتے مالیاتی خسارے سے زرمبادلہ کے ذخائرگرتے رہے ،گورنر اسٹیٹ بینک نے کہا کہ مشکلات کے باعث عالمی مالیاتی اداروں کے پاس جاناپڑا۔

انہوں نے کہا کہ ماہانہ کرنٹ اکاؤنٹ خسارہ نصف سے بھی کم ہوگیاہے،گورنر اسٹیٹ بینک نے کہا کہ روپے کی قدرمیں کمی سے برآمدات بڑھ رہی ہیں، مستقبل میں شرح سودکافیصلہ مہنگائی کی شرح دیکھ کرہوگا،مرکزی بینک شرح سودمیں اضافے سے مہنگائی کنٹرول کرسکتاہے

اسٹا ک مارکیٹ میں کاروبارکے آغاز پرمثبت رجحان

کراچی: ملک میں جاری مہنگائی نے عوام کو شدید پریشان رکھا ہے جبکہ ڈالر کی بڑھتی ہوئی قدر کا اثر بھی براہ راست عوام پر ہی جاتا ہے ، آج ایک مرتبہ پھر ڈالر کی قدر میں اضافہ دیکھنے میں آیاہے ۔

تفصیلات کے مطابق انٹر بینک میں کاروبار کے آغاز پر ہی ڈالر کی قدر میں 53 پیسے اضافہ ہو گیاہے جس کے بعد ڈالر 156 روپے 70 پیسے پر ٹریڈ کر رہاہے ۔

دوسری جانب اسٹا ک مارکیٹ میں کاروبارکے آغاز پر ہی مثبت رجحان پیدا ہو گیاہے ، 100 انڈیکس میں کاروبار کا آغاز ہوا تو انڈیکس 32 ہزار 70 پوائنٹس پر تھا تاہم کچھ ہی دیر میں اس میں بہتری آنے کاسلسلہ شروع ہوا اور اس وقت 252 پوائنٹس کے اضافے کے ساتھ 32 ہزار 322 پوائنٹس کی سطح پر پہنچ گیاہے ۔

پاکستان اور سری لنکاکامیچ آج ہوگا

کراچی: پاکستان اور سری لنکا کے درمیان دوسرا ون ڈے میچ آج کراچی کے نیشنل اسٹیڈیم میں دو پہر تین بجے شیڈول ہے جس کیلئے تمام تیاریاں مکمل کر لی گئیں ہیں تاہم منسوخ ہونے والے میچ کی ٹکٹوں سے متعلق بھی پاکستان کرکٹ بورڈ نے شائقین کرکٹ کو سہولت فراہم کر دی ہے

تفصیلات کے مطابق 27 ستمبر کو پاکستان اور سری لنکا کے درمیان پہلا و ن ڈے میچ شدید بارش کے باعث منسوخ کر دیا گیا تھا تاہم دوسرے میچ کے دن میں بھی تبدیلی کرتے ہوئے ایک روز آگے کر دیا گیا جو کہ آج نیشنل اسٹیڈیم میں شیڈول ہے

منسوخ ہونے والے میچ کی تمام تر ٹکٹیں فروخت ہو چکی تھیں جس پر اب پاکستان کرکٹ بورڈ نے شائقین کرکٹ کو خوشخبری سناتے ہوئے کہا کہ منسوخ ہونے والے میچ کی ٹکٹیں دوسرے یا تیسرے ون ڈے میچ میں استعمال کیے جا سکتے ہیں ۔شائقین کرکٹ آج 10 سال کے بعد سری لنکا کی ٹیم کو نیشنل سٹیڈیم میں ان ایکشن دیکھیں گے ۔

پی ٹی وی پارلیمنٹ حملہ کیس،انسداد دہشتگردی عدالت نےمیں استثنیٰ کی درخواست مستردکردی

اسلام آباد: انسداد دہشتگردی عدالت نے پی ٹی وی پارلیمنٹ حملہ کیس میں ملزمان کے وکیل کی عدم پیشی پر استثنیٰ کی درخواست مستردکر دیں،جج اے ٹی سی نے ریمارکس دیتے ہوئے کہا کہ وکیل پیش ہوں ورنہ ملزمان کے وارنٹ گرفتاری جاری کردوں گا،ملزمان کوحاضری سے استثنیٰ وکیل کے پیش ہونے کی بنیاد پردیاجاتاہے

،تفصیلات کے مطابق پی ٹی وی پارلیمنٹ حملہ کیس کی اے ٹی سی میں سماعت ہوئی،اے ٹی سی کے جج راجہ جوادعباس نے سماعت کی ،پی ٹی آئی رہنما علیم خان نے حاضری سے مستقل استثنیٰ کی درخواست دائر کردی،عدالت نے علیم خان کی درخواست پر پراسیکیوشن کو نوٹس جاری کردیا،

پی ٹی آئی رہنما شاہ محمودقریشی،جہانگیرترین،شفقت محموداوراسدعمرنے بھی حاضری سے استثنیٰ کی درخواست دائر کردی،ملزمان کے وکیل کی عدم پیشی پراستثنیٰ کی درخواستیں منظورنہیں ہوئیں ،جج راجہ جواد عباس نے ریمارکس دیتے ہوئے کہا کہ وکیل پیش ہوں ورنہ ملزمان کے وارنٹ گرفتاری جاری کردوں گا،ملزمان کوحاضری سے استثنیٰ وکیل کے پیش ہونے کی بنیادپردیاجاتاہے.

عدالت نے درخواست گزارکونوٹس جاری کرتے ہوئے آئندہ سماعت پردلائل طلب کرلئے،جج جواد عباس نے کہا کہ 4،5 سال گزرچکے ہیں،اب مقدمے کافیصلہ کرناہے،عدالت نے کیس کی سماعت 21 اکتوبرتک ملتوی کردی۔