ایمز ٹی وی(گلگت بلتستان) آج انکم ٹیکس، سیلز ٹیکس، سروسز ٹیکس اور وودہولڈنگ ٹیکس سمیت دیگر ٹیکسسز کے خلاف پہیہ جام اور شٹرڈاؤن ہڑتال کی جا رہی ہے. ہڑتال کی کال اینٹی ٹیکس موومنٹ جی بی نے دی ہے جس میں حکمران جماعت پاکستان مسلم لیگ ن کے علاوہعلاقے کی تمام سیاسی، مذہبی اور قوم پرست جماعتوں کے ساتھ ساتھ تاجر تنظیمیں اور ٹرانسپورٹ ایسوسی ایشنز،پیٹرولیم ڈیلرز ایسوسی ایشن اور دیگر مختلف تںظیمیں شامل ہیں.
ہڑتال کی وجہ سے آج گلگت شہر میں جہاں پبلک ٹرانسپورٹ بند ہے جبکہ شہر اور مضافات کے علاقوں میں مکمل شٹرڈاؤن رہی، اورتمام چھوٹے بڑے تجارتی مراکز، دکانیں اور بازار بند ہیں. ہڑتال کی وجہ سے گلگت میں کاروبار زندگی معطل ہو کر رہ گیا ہے اور لوگوں کو سخت مشکلات کا سامنا ہے.
ایمز ٹی وی (بزنس) خام تیل کی عالمی قیمتوں میں گزشتہ ہفتے 10 کی نمایاں کمی ہوئی اور نرخ 12 سال کی کم ترین سطح پر آگئے۔
مشرق وسطیٰ میں کشیدگی اور امریکی جاب مارکیٹ میں صورتحال بہتر ہونے کے باوجود تیل کی قیمتوں میں کمی کا سلسلہ گزشتہ ہفتے بھی رک نہ سکا بلکہ چینی معاشی خدشات اور مارکیٹ میں تیل کی بھرمار نے قیمتوں پر دباؤ برقرار رکھا۔
جمعہ کو کاروباری ہفتے کے اختتام پر نیویارک مرکنٹائل ایکس چینج میں امریکی آئل ویسٹ ٹیکساس انٹرمیڈیٹ (ڈبلیوٹی آئی) کے آئندہ ماہ فراہمی کے لیے نرخ 33.16 ڈالر فی بیرل پر بند ہوئے جو فروری 2004 کے بعد کم ترین سطح ہے جبکہ لندن انٹرکانٹینینٹل ایکس چینج میں میں یورپی بنچ مارک برینٹ نارتھ سی خام تیل کی آئندہ ماہ ترسیل کیلیے قیمت 33.55 ڈالر فی بیرل پر بند ہوئی۔ دونوں برانڈ کی قیمتیں ایک ہفتے میں کم وبیش 10 فیصد نیچے آئیں۔
سٹی فیوچرز کے ماہر ٹم ایوانز کے مطابق پرائس ریکوری آئی بھی تو یہ مختصر مدتی ہو سکتی ہے مگر مارکیٹ کے بنیادی اشاریے تنزلی کی جانب ہیں اور اس کی تصدیق یکم جنوری کوختم ہونے والے ہفتے میں امریکی پٹرولیم ذخائر میں اضافے سے ہوئی ہے۔ تجزیہ کار جیسپرلالر کے مطابق چین سے متعلق خدشات نے کموڈیٹیز کی مستقبل میں طلب کے حوالے سے سرمایہ کاروں کو پریشان کردیا ہے۔ تیل وگیس کے کنسلٹنٹ کارل لاری نے کہاکہ مجموعی طور پر طلب بڑھتی ہوئی دکھائی نہیں دیتی، اس لیے نئی صورتحال میں سپلائی طلب کی سطح تک کم کرنا ہوگی۔
ایمز ٹی وی (بزنس) عالمی منڈی میں خام تیل کی قیمت میں زبردست کمی واقع ہوئی ہے ایک دن میں خام تیل کی قیمت میں 6 فیصد کی کمی ریکارڈ کی گئی۔
امریکہ کے جانب سےخام تیل اسٹاکس کے اعداد وشمارکے اجراء کے بعد عالمی منڈی میں خام تیل کی قیمت میں 6 فیصد کی کمی ریکارڈ کی گئی۔ بین الاقوامی منڈیوں میں خام تیل کی قیمت 33 ڈالر 20 سینٹس پرٹریڈ کررہی ہے۔ معاشی تجزیہ کاروں کے مطابق خام تیل کی قیمتوں میں کمی کی وجہ رسد میں اضافہ اور طلب میں کمی ہے۔
گزشتہ ہفتے سعودی عرب اورایران کے درمیان کشیدگی کے باعث سپلائی متاثرہونے کے ممکنہ خدشات پرخام تیل کی قیمتوں میں اضافہ ریکارڈ کیا گیا تھا تاہم اب تجزیہ کاروں کا کہنا ہےکہ یہ کشیدگی خام تیل کیلئے مثبت نہیں منفی ثابت ہوگی۔دوسری جانب چین میں جاری معاشی سست روی بھی خام تیل کی قیمتوں میں کمی کا باعث بن رہی ہے۔
ایمز ٹی وی (بزنس) عالمی سطح پر نہ صرف تیل سستا ہوا بلکہ روز مرہ استعمال کی اشیا بھی سستی ہوئیں مگر پاکستان کے عوام کو تیل کی گرتی ہوئی عالمی قیمتوں کے حساب سے نہ تو فائدہ مل سکا اور نہ ہی روز مرہ استعمال کی اشیا کو مہنگا ہونے سے روکا جاسکا، پاکستانی عوام کو نئے سال میں بھی مہنگائی کی تیز لہروں کا سامنا کرنا پڑے گا۔ پاکستان کی پرائس ریگولیٹری اتھارٹی نے صارفین کا تحفظ کرنے میں کوئی دلچسپی نہیں لی۔ عالمی سطح پر خام تیل کی قیمتیں گیارہ سال کی کم ترین سطح پر آنے کے باوجود اس کا فائدہ عوام کو منتقل نہیں کیاگیا،بھارت میں زیادہ سے زیادہ فائدہ عوام کو دیا گیا ہے۔ مگر پاکستان میں حکومت نے ٹیکس کی بھرمار کے ذریعے پاکستان کے عوام کو اس فائدے سے دور رکھا اور ہر بار ایک نیا ٹیکس لگا کر وزیرخزانہ کی طرف سے پیغام دیا گیا کہ عوام کو یہ کڑوی گولی برداشت کرنا پڑے گی۔
ایمزٹی وی(بزنس) آئی ایم ایف کی جانب سے ٹیکس وصولی میں اضافے کی کڑی شرط کو پورا کرنے کیلئے حکومت نے نئے ٹیکسسز لگانے اور ٹیکس مراعات ختم کرنے کا فیصلہ کیا ہے ۔ ذرائع کے مطابق رعائتی سیلز ٹیکس کی چھوٹ ختم کرنے ، درآمدی اشیاء پر ایک فیصد اضافی کسٹمز ڈیوٹی، ریگیولیٹری ڈیوٹی کی شرح میں پانچ فیصد تک اضافے کئے جانے کا امکان ہے۔ وزیرِ خزانہ نے نئے ٹیکسوں کے اطلاق کی تصدیق کردی ہے، ان نئے ٹیکسوں سے گاڑیوں، الیکٹرانکس سے لے کر بچوں کے دودھ تک تمام درآمدی اشیاء مہنگی ہوجائی گی۔ حکومت نے رواں مالی سال کیلئے اکتیس سو چار ارب روپے کا ہدف مقرر کیا ہے
ایمزٹی وی(بزنس ڈیسک) شناختی کارڈ کو این ٹی این نمبر سے تبدیل کرنے ہر عمل درآمد شروع کردیا گیا ذرائع کے مطابق وزیر خزانہ نے شناختی کارڈ کو این ٹی این نمبر سے تبدیل کر نے کا اعلان رواں سال کے بجٹ میں کیا تھا مگر تکنیکی وجوہات کے باعث اس اعلان پر عمل درآمد نہیں ہو سکا تھا۔ مگر اب چار ماہ کی تاخیر کے بعد اس اعلان پر عمل درآمد شروع کر دیا گیا ہے ۔ اس ضمن میں ایف بی آر کی جانب سے ایس آر او بھی جاری کر دیا گیا ہے۔ ایس آر او کے مطابق ٹیکس دہندگان اب شناختی کا رڈ نمبر استعمال کر کے ٹیکس جمع کرواسکتے ہیں ۔تاہم ای فائلنگ اور کمپنیوں کیلئے ایف بی آر سے رجسٹریشن کروانا لازمی ہوگا۔
ایمز ٹی وی(لاہور) پی سی بی کے ہیڈ کوارٹر قذافی اسٹیڈیم کو پراپرٹی ٹیکس کی عدم ادائیگی کے باعث سیل کردیا گیا۔ محکمہ ایکسائز اینڈ ٹیکسیشن کے مطابق قذافی اسٹیڈیم پر5 کروڑ 23 لاکھ سے زائد کے واجبات ہیں جس کی ادائیگی کیلئے متعدد بار نوٹس جاری کیے گئے لیکن پی سی بی کی جانب سے ٹیکس ادا نہیں کیا گیا۔
گزشتہ روز لاہور ہائیکورٹ نے بھی پی سی بی کو ٹیکس ادا کرنے کا حکم جاری کیا تھا، لاہور ہائیکورٹ نے ریمارکس دیے تھے کہ صرف سرکاری کنٹرول میں آنے والی عمارتیں ٹیکس سے مستثنیٰ ہیں، قذافی اسٹیڈیم پی سی بی کے پاس لیز پر ہے اس لیے اسٹیڈیم کوٹیکس سےمستثنیٰ قرارنہیں دیاجاسکتا۔
ایمز ٹی وی (بزنس) مالدیپ نے ٹیکس ایڈمنسٹریشن اور ٹیکس پالیسی کی تیاری سمیت ٹیکس انفرااسٹرکچر تیار کرنے کے لیے پاکستان سے تکنیکی معاونت مانگ لی ہے۔
ذرائع کے مطابق مالدیپ کے نائب صدر 25 فروری کو 2 روزہ دورے پر پاکستان پہنچ رہے ہیں اور ان کے دورے کے موقع پر پاکستان اور مالدیپ کے درمیان بینکنگ، فنانس،تجارت اور ٹرانسپورٹ اور ٹیکسیشن سمیت دیگر شعبوں میں دوطرفہ تعاون پر بات ہوگی۔ پاکستان کی جانب سے مالدیپ کو ٹیکس پالیسی کی تیاری اور ٹیکس ایڈمنسٹریشن کے لیے انفارمیشن ٹیکنالوجی سسٹم بنانے اور بین الاقوامی ٹیکسیشن میں تکنیکی معاونت کی فراہمی پر بات ہوگی، اس کے علاوہ پاکستان کی جانب سے مالدیپ کی ٹیکس اتھارٹیز کو ٹیکس آڈٹ کے حوالے سے تربیت کی فراہمی پر بھی بات چیت ہوگی۔
ذرائع کے مطابق مذکورہ شعبوں کے علاوہ بھی اگر مالدیپ ٹیکس سیکٹر میں پاکستان کا کوئی مزید تعاون و مدد کا خواہش مند ہوگا تو وہ تعاون بھی فراہم کیا جائے گا۔ اس بارے میں ذرائع نے بتایا کہ مالدیپ چاہتا ہے کہ ٹیکس نظام کو موثر اور آٹومیٹڈ و فعال بنانے کے لیے پاکستان تعاون فراہم کرے تاکہ مالدیپ اپنے ٹیکس سسٹم کو اپ گریڈ کرکے ریونیو بڑھا سکے۔