Reporter SS
ایمز ٹی وی(اسپورٹس) پاکستان تحریک انصاف (پی ٹی آئی) کے چیئرمین عمران خان پہلے ہی پاکستان سپر لیگ (پی ایس ایل) کا فائنل لاہور میں کروانے کے خلاف تھے اور اب انھوں نے اپنی توپوں کا رخ ایک مرتبہ پھر پی ایس ایل کی جانب موڑتے ہوئے فائنل میں شریک ہونے والے غیر ملکی کھلاڑیوں کو 'پھٹیچر' کہہ ڈالا۔
عمران خان کی ایک ویڈیو سوشل میڈیا پر گردش کر رہی ہے، جس میں وہ پی ایس ایل فائنل میں شریک غیر ملکی کھلاڑیوں کے حوالے سے بات کرتے نظر آئے۔
عمران خان کا کہنا تھا، 'دو تین کھلاڑیوں نے نہیں آنا تھا، باقی جو 'پھٹیچر' کھلاڑی ہیں، انھوں نے تو ویسے بھی آ جانا تھا، میں تو کسی کے نام بھی نہیں جانتا، جو غیر ملکی کھلاڑی یہاں آئے'۔
پی ٹی آئی چیئرمین نے پی ایس ایل چیئرمین نجم سیٹھی اور انتظامیہ پر تنقید کرتے ہوئے مزید کہا، 'مجھے لگتا ہے یہ ایسے ہی کسی کو پکڑ لے کر آئے، کسی کو افریقا سے لے آئے کسی کو کہیں اور سے، ہمیں نہیں پتہ یہ کون تھے'۔
پشاور زلمی کے کپتان ڈیرن سیمی کی فائنل میں شرکت کے لیے لاہور آمد کو کریڈٹ دینے کے سوال کو بظاہر گول کرتے ہوئے عمران خان نے کہا، 'جس طرح کے غیر ملکی کھلاڑی یہاں آئے، وہ تو یہاں ویسے بھی آجاتے، آپ انھیں پیسے دیں تو وہ ڈومیسٹک کرکٹ کے لیے آجائیں گے، جو بڑے نام ہیں، انھوں نے نہیں آنا تھا اور نہ وہ آئے'۔
یاد رہے کہ گذشتہ ماہ ملک کے مختلف شہروں خصوصاً لاہور کے مال روڈ پر خودکش حملے کے بعد صوبائی دارالحکومت میں پی ایس ایل 2017 کا فائنل مشکل ہوتا نظر آرہا تھا، تاہم پھر کئی اجلاسوں کے بعد بالآخر پنجاب حکومت نے فائنل کے انعقاد کا اعلان کیا، جس کے لیے سیکیورٹی کے انتہائی سخت انتظامات کیے گئے۔
تاہم فائنل تک رسائی حاصل کرنے والی ٹیم کوئٹہ گلیڈی ایٹرز کے غیر ملکی کھلاڑیوں لیوک رائٹ، کیون پیٹرسن اور ٹائمل مل نے لاہور آنے سے انکار کردیا، جس کے بعد دیگر غیر ملکی کھلاڑیوں کو شامل کیا گیا، جن میں بنگلہ دیش کے انعام الحق، زمبابوے کے شون اروائن اور ایلٹن چیگمبورا، جنوبی افریقا کے مورن وین ویک اور ریاد ایمرت شامل تھے۔
دوسری جانب پی ایس ایل 2 کی فاتح ٹیم پشاور زلمی کے ڈیرن سیمی نے نہ صرف لاہور میں ہونے والے فائنل میں شرکت کی بلکہ فتح کا جشن بھی منایا۔
واضح رہے کہ پاکستان کرکٹ ٹیم کے سابق کپتان عمران خان نے پی ایس ایل کا فائنل لاہور میں کرانے کے فیصلے کو غیر دانشمندانہ قرار دیتے ہوئے اسے بہت بڑا رسک قرار دیا تھا۔
جس کے بعد اس حوالے سے بھی رپورٹس سامنے آئی تھیں کہ کوئٹہ گلیڈی ایٹرز کی ٹیم میں شامل انگلینڈ کے کیون پیٹرسن نے فائنل کے لیے لاہور نہ آنے کا فیصلہ کرتے ہوئے ٹیم انتظامیہ کو کہا تھا کہ سابق عظیم کھلاڑی اور سیاست دان عمران خان لاہور میں فائنل کی مخالفت کررہے ہیں تو وہ کیسے لاہور جاسکتے ہیں۔
تاہم بعدازاں پیٹرسن نے کہا کہ انھوں نے لاہور نہ جانے کا فیصلہ ٹورنامنٹ سے پہلے کرلیا تھا اور اس کا عمران خان کے بیان سے تعلق نہیں۔
ایمزٹی وی(کوئٹہ) صوابی میں پاک فوج کے آپریشن کے دوران دہشت گردوں کے ساتھ فائرنگ کے تبادلے میں2 فوجی شہید ہوگئے۔
پاک افواج کے شعبہ تعلقات عامہ (آئی ایس پی آر) کے مطابق صوابی کےعلاقے ملک آباد میں سیکورٹی فورسز نےانٹیلی جنس بنیادپرآپریشن کیا، آپریشن کے تحت سیکیورٹی فورسز نے علاقےکو گھیرے میں لے لیا، اس دورن دہشت گردوں کے ساتھ فائرنگ کے تبادلے میں کیپٹن جنید اور سپاہی امجد شہید ہوگئے۔
آئی ایس پی آر کے مطابق سیکورٹی فورسز اور دہشت گردوں کے درمیان فائرنگ کا تبادلہ جاری ہے۔
ایمز ٹی وی (تجارت) کوئٹہ ماس ٹرانزٹ ٹرین منصوبے پر عمل درآمد کے لیے چینی ماہرین کی ٹیم کوئٹہ پہنچ گئی۔ وزیر اعلیٰ بلوچستان نے مطلوبہ اجازت نامہ کے فوری اجرا کی ہدایت کردی۔میڈیا زرائع کے مطابق سی پیک منصوبے کے تحت سیپزنڈ سے کچلاک تک 48کلو میٹر طویل ماس ٹرانزٹ ٹرین منصوبے کو عملی جامہ پہنانے کے لیے چینی انجینئروں اور ماہرین پر مشتمل ٹیم کوئٹہ پہنچی ۔
چینی کمپنی کے ماہرین کی ٹیم نے کوئٹہ پہنچ کر منصوبے کے سروے اور فیزیبلیٹی رپورٹ پر کام شروع کر دیا ہے جس کے لیے چینی کمپنی کو حکومتی سطح پر اجازت نامے کی ضرورت ہے۔وزیراعلیٰ بلوچستان نے محکمہ داخلہ کو چینی ٹیم کے ساتھ قریبی رابطہ رکھتے ہوئے انہیں ہر قسم کی معاونت کی فراہمی اور سروے کے لیے مطلوبہ اجازت نامہ کے فوری اجراکی ہدایت کی ہے۔
ایمز ٹی وی(صحت) پاکستان کا شماردنیاکےان ممالک میں ہوتاہےجہاں بچوں کوحفاظتی ٹیکےلگانےکارجحان کم ہے۔
ماہرین کہتے ہیں بچوں کوحفاظتی ٹیکےلگانےکے رجحان کو100 فیصد کرکے پولیو اور دیگر بیماریوں کی روک تھام کی جاسکتی ہے۔
پاکستان میں ہر ایک ہزار میں سے 74 پیدائش اور 89 بچے 5 سال کی عمر میں زندگی کی بازی ہار جاتے ہیں، کچھ والدین ایسے ضرور ہیں جو ان حفاظتی ٹیکوں کی اہمیت کو سمجھتے ہیں اور بچوں کو ہرصورت حفاظتی ٹیکے لگواتے ہیں۔
سربراہ پاکستان پیڈیا ٹیرک ایسوسی ایشن ڈاکٹر جمال رضا کے مطابق سندھ میں حفاظتی ٹیکوں کی شرح 30 فیصد ہے ،ملک میں پولیو کا خاتمہ ممکن نہیں ہو سکتا جب تک بچوں میں حفاظتی ٹیکےکے رجحان کو 100 فیصد تک پورا نہیں کیا جاتا۔
حکومت کی جانب سے ملک بھر میں نومولود سے لیکر دو سال تک بچوں کو نو خطرناک بیماریوں سے بچاو کے ٹیکے مفت لگوانے کی سہولت فراہم کی گئی ہے۔
ای پی آئی سندھ کے سراہ ڈاکٹر آغا اشفاق کہتے ہیں کہ بنیادی ذمے داری ایک جانب ہر ضلع کے ڈسٹرکٹ ہیلتھ افسر پر عائد ہوتی ہےجو اپنے اپنے ضلع میں موجود بچوں کی ویکسی نیشن کوریج کو پورا کرئے۔
کراچی سمیت سندھ بھر میں حفاظتی ٹیکوں کے 1500 سے زائد مراکز موجود ہیںلیکن والدین میں آگاہی نہ ہونے اور صرف پولیو کی دوا کو تمام بیماریوں سے بچاؤ سمجھنا بچوں کو ان ٹیکوں سے دور رکھے ہوئے ہے۔
ایمز ٹی وی(صحت) پاکستان میں ہائی بلڈپریشز اور امراض قلب کے مریضوں میں تشویشناک حد تک اضافہ ہورہاہے ، ملک کی 40فیصد شہری آبادی کو ہائی بلڈ پریشرکا مرض لاحق ہے۔
پاکستان ہائپرٹینشن لیگ کی بیسیویں سالانہ کانفرنس کا انعقاد کوئٹہ میں ہوا، جس کا افتتاح اسپیکر بلوچستان اسمبلی مس راحیلہ حمید درانی نےکیا۔
کانفرنس میں ملک بھر سے سینئرماہرین قلب اور فزیشنز نے شرکت کی اور اپنے مقالہ جات پیش کئے ،جن میں ماہرین قلب کا کہناتھاکہ ہائی بلڈ پریشر یا بلندفشارخون کےمرض میں روزبروز خطرناک حدتک اضافہ ہورہاہے۔
ماہرین کےمطابق بلند فشار خون کے مریضوں میں دل اور گردے سمیت پیچیدہ امراض پیدا ہورہے ہیں،تاہم بہتراورمتوازن خوراک ، ورزش اورسادہ طرز زندگی اختیار کرنےسےان امراض سے نجات ممکن ہے۔
ماہرین نے بلوچستان سمیت اندرون ملک ہائی بلڈ پریشر کی روک تھام کےلیےموثر آگہی کےعلاوہ امراض قلب کےعلاج معالجے کے جدید مراکز کےقیام کی ضرورت پر زوردیاہے۔
ایمز ٹی وی(اسپورٹس) پاکستان میں انٹرنیشنل کرکٹ کی واپسی کے دروازے کھل گئے ،آئی سی سی کی پاکستان ٹاسک فورس کے سربراہ جائلز کلارک نے کہا ہے ۔برطانوی اخبار کی رپورٹ کے مطابق انٹرنیشنل الیون ستمبر میں پاکستان جائے گی جو لاہور میں چار ٹی20 میچ کھیلے گی۔
نجم سیٹھی نے بتا یا کہ آئی سی سی ٹاسک ٹیم کے سربراہ جائلز کلارک انٹرنیشنل ٹیم کی سربراہی کریں گےجو پاکستان میں ایک دو نہیں چار میچز کھیلے گی ۔
انہوں نے مزید بتایاکہ صورتحال بہتر ہورہی ہے ، آئندہ لاہور ،پنڈی اور کراچی میں پی ایس ایل میچز ہو سکتے ہیں ۔ملک میں جو کچھ ہو رہا ہے اس کا کرکٹ سے تعلق نہیں۔
ایمز ٹی وی(اسپورٹس) کوئٹہ گلیڈی ایٹرزکےکوچ ووین رچرڈز لاہور سے دبئی کے لیے روانہ ہو گئے۔
ووین رچرڈز کو سخت سیکیورٹی کے حصار میں لاہور ایئرپورٹ پہنچایا گیا جہاں سے وہ دبئی کے لیے روانہ ہوگئے۔
کوئٹہ گلیڈی ایٹرز کی ٹیم پی ایس ایل ٹورنامنٹ میں رنر اپ رہی تھی۔
غیر ملکی کھلاڑیوں میں ڈیوڈ میلان اور کرس جارڈن، مارلن سیموئیل ،کرس جورڈن اور انعام الحق پہلے ہی پاکستان سے روانہ ہو چکے ہیں۔
ایمز ٹی وی(مانیٹرنگ ڈیسک) سام سنگ کا نیا گلیکسی ایس 8 فون 29 مارچ کو سامنے آنے والا ہے مگر اس کی تصاویر، ویڈیوز اور دیگر لیکس پہلے ہی سامنے آچکی ہیں۔
مگر اس کی ایک بالکل واضح تصویر سامنے آئی ہے جس سے سام سنگ کے اس فون میں کی جانے والی ڈیزائن کی بڑی تبدیلیوں کے بارے میں کافی اندازہ لگایا جاسکتا ہے۔
2017 میں سام سنگ کے اس فلیگ شپ فون کی تصویر سلیش لیکس نامی ویب سائٹ نے لیک کی ہے۔
اس تصویر میں اس کے نئے آن اسکرین ہوم بٹن کو بھی دکھایا گیا ہے اور یہ بھی معلوم ہوتا ہے کہ اس کا فرنٹ کس حد تک بارڈر لیس ہے جس کے گرد بارڈر نہ ہونے کے برابر ہے۔
سام سنگ کے اس فون سے ہوم بٹن کو ختم کردیا گیا ہے جبکہ گلیکسی ایس ایٹ پلس کے بیک کی تصویر میں آپ دیکھ سکتے ہیں کیمرے کے برابر ایک اور سنسر ہے جو کہ فنگر پرنٹ ریڈر ہوسکتا ہے۔
اس سے پہلے فنگر پرنٹ کی افواہیں تو سامنے آئی تھی مگر یہ اس کی تصدیق کرنے والی تصویر ہے۔
کچھ اطلاعات کے مطابق یہ ریڈر فزیکل ہوم بٹن کی طرح بھی کام کرے گا تاہم اس کا امکان کافی کم ہے کیونکہ سام سنگ اپنے صارفین کو بیک سے فون چلانے کے لیے مجبور کرنے کا سوچے گی نہیں۔
29 مارچ کو متعارف کرائے جانے والے اس فون کو سام سنگ کا اب تک کا سب سے طاقتور اور بہترین فون قرار دیا جارہا ہے جس کو گلیکسی ایس سیون کے مقابلے میں بالکل بدل دیا گیا ہے تاکہ گلیکسی نوٹ سیون کے دھچکے سے باہر نکلا جاسکے۔
ایمز ٹی وی(تعلیم) جامعہ کراچی کے ناظم امتحانات پروفیسر ڈاکٹر ارشد اعظمی کے مطابق بی اے ریگولر وپرائیوٹ کے 20 اور 21 جنوری 2017 ء کو ملتوی ہونے والے پرچوں کی نئی تاریخ کا اعلان کردیا گیاہے۔
جس کے مطابق بی اے سال اول کا 20 جنوری کو ملتوی ہونے والا پرچہ اب پیر06 مارچ2017 ء کو منعقد ہوگا،جبکہ بی اے سال دوئم کا21 جنوری کو ملتوی ہونے والا پرچہ منگل7مارچ 2017ء کو منعقد ہوگا۔واضح رہے کہ مقررہ وقت اور سینٹرمیں کوئی تبدیلی نہیں کی گئی ہے۔
دریں اثنا ایم اے اور ڈبل ایم اے پرائیوٹ سالانہ امتحانات برائے 2016 ء کے لئے امتحانی فارم جمع کرانے کی تاریخ کا اعلان کردیا گیاہے۔طلبہ اپنے امتحانی فارم 3700/= روپے فیس کے ساتھ 17 مارچ2017 ء تک جامعہ کراچی کے سلور جوبلی گیٹ پرواقع بینک کائونٹرز پر جمع کراسکتے ہیں۔واضح رہے کہ صرف وہ ہی طلبہ امتحانی فارم جمع کرانے کے اہل ہوں گے جو 2015 ء کی رجسٹریشن کے حامل ہیں ۔
ایمز ٹی وی(تعلیم) امامیہ ایجوکیشن بورڈ اور بورڈ آف لٹریسی ڈولپمنٹ کے تحت ہونے والے نویں و دسویں جماعت کے پری بورڈ امتحانات برائے سال2017 کے امتحانی نتائج کا اعلان کردیا گیا، نتائج کا اعلان امامیہ اسٹوڈنٹس آرگنائزیشن کراچی کے سیکریٹری تعلیم محمد یاسین نے کیا۔پری بورڈ امتحانات میںایک ہزار سے زائد طلباءنے شرکت کی جبکہ طالبات نے امتحانات میں پوزیشن لے کر نمایاں رہیں۔
امتحانات میں نمایاں پوزیشن حاصل کرنے والے طلبا و طالبات کے اعزاز میں تقریب تقسیم اسناد کا انعقاد کمیونٹی کلب گلبہار میں کیا گیا۔