Reporter SS
ایمز ٹی وی (سکھر/تعلیم )غلام محمد مہر میڈیکل کالج کی رجسٹریشن کا نوٹیفکیشن پی ایم ڈی سی نے جاری کردیا۔ پاکستان میڈیکل اینڈ ڈینٹل کونسل نے غلام محمد مہر میڈیکل کالج کی رجسٹریشن دو سالوں کے بعد دوبارہ بحال کردی ہے،پی ایم ڈی سی اسلام آباد نے لیٹر پی ایف 12ایف 2017، آئی این ایس پی 296597 کے ذریعے نوٹیفکیشن جاری کرتے ہوئے غلام محمد مہر میڈیکل کالج کو سکھر، خیرپور اور گھوٹکی کے طلباء کو ایم بی بی ایس پہلے سال میں داخلہ دینے کی اجازت دیتے ہوئے خیرپور کے امیدواروں کے انٹرویو 7مارچ ، سکھر اور گھوٹکی کے طلباء کے انٹرویو8مارچ کو کرنے کا اعلان کردیا ہے اور 13مارچ سے تدریسی عمل شروع کیا جائے گا۔
بتایا جارہا ہے کہ مہر میڈیکل کالج میں اساتذہ، عملے کی کمی، کالج سامان پورا نہ ہونے اور دیگر اسباب کے باعث پی ایم ڈی سی نے غلام محمد مہر میڈیکل کالج سکھر کی رجسٹریشن 2015 میں معطل کردی تھی۔ جس کے باعث 2016 اور 2017 میں ڈ اکٹرز بننے کے لئے داخلہ لینے والے طلباء وطالبات کا مستقبل داؤ پر لگ گیا تھا ۔ سندھ حکومت اور کالج انتظامیہ کی کاوشوں کے باعث پی ایم ڈی سی نے ایک ماہ قبل کالج کا دورہ کیاتھا۔
ایمز ٹی وی(اسپورٹس) پاکستان سپر لیگ ٹو کے پلے آف مرحلے کے تیسرے میچ میں پشاور زلمی ، کراچی کنگز کو24 رنز سے ہراکر فائنل میں پہنچ گئی۔182رنز کے ہدف کے تعاقب میں کراچی کنگزمقررہ اووزمیں7وکٹوں پر157رنزبناسکی۔ پشاور زلمی کے کامران اکمل مین آف دی میچ قراردیا گیا۔
پشاور زلمی کے تمام غیر ملکی کھلاڑی لاہور آنے کو تیار ،اتوار کو کوئٹہ گلیڈی ایٹرز اور پشاور زلمی کے درمیان فائنل کھیلا جائے گا۔
پلے آف مرحلےکے اہم ترین میچ میں کراچی کنگز کے پولارڈ 47 اور کرس گیل 40رنز کے ساتھ نمایاں رہے جبکہ پشاورزلمی کےکرس جارڈن اوروہاب ریاض نے3،3وکٹیں حاصل کیں۔
اس سے قبل دبئی کے انٹرنیشنل کرکٹ اسٹیڈیم میں کھیلے گئے اس میچ کا ٹاس کراچی کے کپتان سنگاکارا نے جیت کر پشاور کو بیٹنگ کی دعوت دی،جس پر پشاور نے کی ٹیم نے اپنے مقررہ بیس اوورز میں تین وکٹوں کے نقصان پر 181رنز بنائے۔
پشاور زلمی کے کامران اکمل نے شاندار 104رنز کی باری کھیلی، جس میں سات چھکے اور چھ چوکے شامل تھےان کے علاوہ ڈیوڈ ملان 36اور مارلون سموئلز 37رنز ناٹ آئوٹ کے ساتھ قابل ذکر بیٹسمین تھے۔
کراچی کی جانب سے محمد عامر اور سہیل خان ایک، ایک وکٹ حاصل کرسکے جبکہ دیگر بولرزکو کوئی کامیابی نہ ملی۔
آج کے میچ میں پشاور کی ٹیم اپنی مکمل بیٹنگ فارم میں نظر آئی اور انہوں نے کراچی کے بولرز کو کافی مشکل میں رکھا۔
ایمز ٹی وی (صحت/فیصل آباد(گلستان کالونی کے نجی اسپتال کے عملے کی غفلت نے ایک سالہ قاسم کو زندگی بھر کے لیے دماغی معذور بنا دیا ۔ قاسم کے والد نے ڈاکٹر کے کہنے پر بچے کی ایم آر آئی کروائی تو اسپتال نے رپورٹ میں بچے کے دماغ میں رسولی کی نشان دہی کر دی۔ ہجویری ٹاؤن کے رہائشی محمد عمران نے بھی بیٹے کے علاج کیلئے کوئی کسر نہیں چھوڑی مگر جعلی میڈیکل رپورٹ نے باپ کی محبت کو مزید امتحان میں ڈال دیا۔
رپورٹ کے مطابق ڈاکٹر نے بچے کا رسولی کا علاج شروع کر دیا ۔ سنبھلنے کے بجائے قاسم کی حالت مزید بگڑنے پر دوبار ایم آر آئی کروانے کا مشورہ دیا گیا ۔ دوبارہ ایم آر آئی کروائی گئی تو انکشاف ہوا کہ دماغ میں رسولی کی رپورٹ ہی غلط تھی۔ غلط رپورٹ پر علاج کی وجہ سےقاسم کے دماغ کی نشوونما مکمل رک چکی ہے ۔
عمران کا کہنا ہے کہ انہوں نےذمہ داران کے خلاف کاروائی کیلئے نجی اسپتا ل انتظامیہ سے انکوائری کا مطالبہ کیا تو انہوں نے صاف انکار کردیا جبکہ ہیلتھ کیئر کمیشنکو دی جانے والی درخواست پر بھی کوئی شنوائی نہیں ہوئی۔ بیٹے کے علاج پر لاکھوں روپے خرچ کرنے والے باپ کامطالبہ ہے کہ اس کے بیٹے کی زندگی کو داؤپر لگانے والوں کو ان کی غفلت کی سزا ضرور ملنی چاہئے تاکہ کسی اورکی زندگی کے ساتھ ایسا نہ ہو۔
ایمز ٹی وی (تعلیم/پشاور) ایڈورڈز کالج پشاور کی ڈرامیٹک سوسائٹی نے یونانی بادشاہ کی کہانی ’’اینٹی گن‘‘ پر مبنی ایک ڈرامہ پیش کیا جس میں کالج کے طلبہ و طالبات نے حصہ لے کر بہترین انداز میں اداکاری کی اور حاضرین کے دل موہ لئے۔
اس حوالے سے ایڈورڈز کالج کے پروفیسر ناصر اقبال نے کہا کہ ایڈورڈز کالج ڈرامیٹک سوسائٹی طلبہ کو گاہے بگاہے مواقع فراہم کرتی رہتی ہے کہ وہ اسٹیج پر اپنی صلاحیتوں کے جوہر دکھائیں اور سوسائٹی انہی طلبہ و طالبات کے ذریعے بہت سے ڈرامے کامیابی سے پیش کر چکی ہے۔ انہوں نے کہاکہ انسانی احساسات کو جانچنے میں ڈرامہ اہم کردار ادا کرتا ہے ‘ اسٹیج ایسا پلیٹ فارم ہے جہاں نوجوان اپنے جذبات کا اظہار کر سکتے ہیں ۔
اس موقع پر انگلش ڈیپارٹمنٹ کے فیکلٹی ممبر احتشام نے کہا کہ معاشرے کی بہتری میں بھی اسٹیج کا اہم کردار رہا ہے ‘ بھارتی اداکار پرتھوی راج کپور اور مشہور پاکستانی اداکار قوی خان بھی ایڈورڈ کالج کے تھیٹر سے ہی اپنے کیرئیر کا آغاز کر چکے ہیں ۔