ایمز ٹی وی(اسپورٹس) پاکستان کرکٹ بورڈ کے چیف ایگزیکٹو اور چیئرمین پی ایس ایل نجم سیٹھی کا کہنا ہے کہ محمد عرفان کو فوری طور پر معطل نہیں کیا جارہا۔ پی سی بی کا اینٹی کرپشن یونٹ چوکنا رہے گا۔

کرپشن کے الزام پر اسلام آباد یونائیٹڈ کے کھلاڑیوں شرجیل خان اورخالد لطیف کو پی ایس ایل سے باہر کیے جانے کے بعد چیف ایگزیکٹو نے دیگر کھلاڑیوں کا مستقبل بھی بتا دیا۔

چیف ایگزیکٹو پی سی بی کا مزید کہنا ہے کہ پی سی بی اینٹی کرپشن یونٹ چوکنا رہےگا۔ پاکستان سپر لیگ کوکرپشن سےبچانےکی کوشش کرتےرہیں گے۔ 

.ایمز ٹی وی (انٹرٹینمنٹ) آٹھویں کراچی لٹریچر فیسٹیو ل کا آغاز ہوگیا

،دس ممالک کے 2سو ادیب ،شاعر ،صحافی اور فنکار اس ادبی میلے میں شرکت کررہے ہیں۔

.آج شام 5بجے شروع ہونے والا ادبی میلہ 12فروری تک مقامی ہوٹل میں جاری رہے گا 

منتظمین کے مطابق آٹھویں ادبی میلےمیں پاکستان کی ثقافت کو خاص طور پر اہمیت دی گئی ہے۔

افتتاحی تقریب سے میزبان امینہ سید اور آصف فرخی کے ساتھ معروف تاریخ دان عائشہ جلال اور ادیب مستنصر حسین تارڑ بھی خطاب کریںگے ۔

منتظمین کے مطابق تین روزہ میلے میں پاکستان کی تاریخ،ثقافت اور سیاست پر مختلف سیشن ہوں گے،جن میں مکالمہ، پینل کی شکل میں تبادلہ خیال، مطالعات، نئی کتابوں کا اجراء، اردو، انگریزی مشاعرہ اور دیگر اہم پروگرام شامل ہیں۔

ایمز ٹی وی (انٹرٹینمنٹ) اینیمیٹیڈ فلموں کے دیوانوں کیلئے خوشخبری ہے کہ ہالی وڈ کی نئی تھری ڈی اینیمیٹیڈ کامیڈی فلم ’دی باس بے بی‘ کا نیا ٹریلر جاری کردیا گیا ہے۔

معروف امریکی ناول نگار مارلہ فرازی کی کتاب پر مبنی ٹام میکارتھ کی ہدایتکاری میں بننے والی یہ فلم میں ایک ایسے سات سالہ بچے کی کہانی ہے جس کے ماں باپ ایک ننھا بچہ گود لیتے ہیں۔

یہ ننھے میاں تمام گھر والوں سے اپنے نخرے اُٹھواتے جس کی وجہ سے بڑا بھائی اسے نا پسند کرنے لگتا ہے۔

چھوٹا بچہ نہ صرف اپنے ساتھ بریف کیس لِئے گھومتا بلکہ بہت تیزی سے باتیں بھی کرتا اور اپنے آپ کو کسی باس سے کم نہ مانتا ہے۔

ریمزے این نیٹو کی پروڈکشن میں بننے والی اس کمپیوٹر اینیمیٹیڈ فلم اپنی آواز کا جادو جگانے والوں میں ایلس بالڈوِن، اسٹیوبیسکیمی، جِمی کیمیل اور لیزا کارڈروف سمیت دیگر فنکار شامل ہیں۔

ڈریم ورکس انیمیشن کی تیارکردہ 2بھائیوں کے درمیان دلچسپ تکرار پر مبنی یہ کامیڈی فلم ٹوینٹیتھ سنچری فاکس کے تحت 31مارچ کو سینما گھروں کی زینت بنے گی۔

ایمز ٹی وی (انٹرٹینمنٹ) دیسی گرل نے ایک ٹی وی شو میں بتایا کہ فلموں میں آنے سے پہلے جب وہ ایک پروڈیوسر سے ملیں تو اس نے انکشاف کیا کہ پریانکا میں کچھ بھی صحیح نہیں ہے۔

یہاں تک کہ پریانکا کی ناک کے بارے میں بھی رائے دی کہ یہ ٹھیک نہیں ہے۔

بالی وڈ اداکارہ نے ٹی وی شو میں اپنی ناک کے بارے میں پوچھے گئے سوال کا دو ٹوک جواب دے دیا، ان کا کہنا تھ اکہ پریانکا کی ناک کا مسئلہ نہ بنائیں، ان کی ناک اصلی ہے۔

اس پر میزبان نے یہ سوال بھی کرڈالا کہ کیا پریانکا کی ناک اصلی ہے یا کسی سرجری سے گزری ہے؟ پریانکا نے قہقہوں کے درمیان بتایا کہ ان کی ناک بالکل اصلی ہے۔

ایمز ٹی وی (انٹرٹینمنٹ) بھارتی فلم سازوہدایتکار کرن جوہر نے زبان کھول دی ۔ان کا کہنا ہے کہ پاکستانی فنکاروں کو فلموں میں کام نہ دینے کا بیان ’گن پوائنٹ‘ پر دیا ، اس کے پیچھے مہا راشٹر نونرمان سینا کا ہاتھ تھا۔

کرن جوہر نے کہا کہ فلم "اے دل ہے مشکل" کی ریلیز کے موقع پر ان کا پاکستانی فنکاروں کو فلموں میں کام نہ دینے کا بیان گن پوائنٹ پر ریکارڈ کرایا گیا تھا،،اس کے پیچھے مہاراشٹر نونرمان سینا کا ہاتھ تھا۔

کرن جوہر کا وہ بیان جو انہوں نے اکتوبر دوہزار سولہ کو فلم’ اے دل ہے مشکل‘ کی ریلیز سے پہلے دیا تھا،فلم میں فواد خان کو شامل کرنے پر راج ٹھاکرے کی تنظیم ایم این ایس آپے سے باہر تھی۔ بھارتی ٹی وی کو انٹرویو دیتے ہوئے کرن جوہر بولے ،،ویڈیو دیکھ کر لوگ سمجھے کہ شاید میں مذاق کر رہا ہوں

لیکن حقیقت یہ ہے کہ ویڈیو ریکارڈ کراتے وقت مجھے ایسا لگا جیسے کوئی بندوق میرے سر پر رکھی ہے۔ دوسری جانب مہاراشٹر نونرمان سینا کی ہٹ دھرمی برقرار ہے۔تنظیم کے رہنما ایمے کھوپکر کہتے ہیں کہ ان کی جماعت بھارتی فلمساز پر پاکستانی فنکاروں کو شامل نہ کرنے کادباو برقرار رکھے گی۔اگر کرن جوہر یہ سمجھتے ہیں کہ ان سے گن پوائنٹ پر بیان ریکارڈ کرایا گیا تھا تو وہ اسے دھمکی ہی سمجھیں۔