Reporter SS
ایمز ٹی وی (کراچی) کراچی میں تھانہ کلری پولیس نے ایس ایچ او اے وی سی سی اختر حسین اور پولیس پارٹی کے خلاف شہری اخلاق کی مدعیت میں اغوا برائے تاوان کا مقدمہ درج کرلیا۔ایس ایچ او اے وی سی سی نے چار دسمبر2016کو مدعی مقدمہ کو گھر سے اغوا کیا۔
چھاپہ مار ٹیم نے اخلاق کی رہائی کے لیے اہلخانہ سے 3لاکھ روپے تاوان کا مطالبہ کیا اور اس سلسلے میں اہلخانہ اورپولیس پارٹی کے درمیان معاملات رقم کی ادائیگی کا شیڈول طے ہوا۔اے وی سی سی کے ایس ایچ او نے تاوان کی مد میں 30ہزار روپے لیکر اخلاق کو رہا کردیا جبکہ بقایا تاوان 2لاکھ 70ہزار روپے اقساط میں دینا طے پایا۔
اعلیٰ حکام نے تحقیقات میں جرم کے مرتکب ہونے پر ایس ایس او اختر حسین کٹور کو معطل کردیا۔
ایمزٹی وی(کوئٹہ)سریاب پل کے قریب بم ناکارہ بناتے ہوئے پھٹ گیا جس کے نتیجے میں بم ڈسپوزل اسکواڈ کے اہلکار سمیت 2 افراد جاں بحق اور 5 زخمی ہوگئے۔
میڈیا ذرائع کے مطابق کوئٹہ میں سریاب پل کے قریب تخریب کاری کے لیے بم نصب کیا گیا تھا کہ اس دوران ایک شہری نے یہ دیکھ کر پولیس اور ایف سی کو اطلاع دی جس کے بعد سیکیورٹی اہلکاروں کی بھاری نفری اور بم ڈسپوزل اسکواڈ موقع پر پہنچ گیا۔
بم ڈسپوزل اسکواڈ کا اہلکار بم ناکارہ بنارہا تھا کہ اس دوران زور دار دھماکا ہوگیا جس کے نتیجے میں ایک اہلکار جاں بحق اور 6 افراد زخمی ہوگئے جنہیں فوری طبی امداد کے لیے سول اسپتال منتقل کردیا گیا جہاں ایک شخص زخموں کی تاب نہ لاتے ہوئے دم توڑ گیا۔ دھماکے کی آواز سے علاقے میں شدید خوف و ہراس پھیل گیا جب کہ سیکیورٹی اہلکاروں نے جائے وقوعہ کو گھیرے میں لے لیا۔
دوسری جانب وزیراعظم نوازشریف نے کوئٹہ دھماکے کی مذمت کرتے ہوئے غم زدہ خاندانوں سے اظہار تعزیت کی ہے۔ وزیراعظم کا کہنا تھا کہ ہرشہید اور زخمی اہل کار ہمارا ہیرو ہے جب کہ قانون نافذکرنیوالےادارےشہریوں کی حفاظت کیلیے بے مثال خدمات دے رہے ہیں۔
ایمزٹی وی(کراچی) وزیراعظم نوازشریف امن مشقوں کا معائنہ کرنے کیلئے کراچی پہنچ گئے ۔
زرائع کے مطابق وزیر اعظم نوازشریف کراچی میں جاری پاک بحریہ کی امن مشق 2017ءکا معائنہ کرنے اور اختتامی تقریب میں شرکت کیلئے کراچی پہنچ گئے ہیں ۔ امن مشقوں میں 36ممالک کی بحری فوجیں شرکت کر رہی ہیں۔
ذرائع کا کہنا ہے کہ لاہور میں ہونے والے خودکش دھماکے کی وجہ سے وزیر اعظم نے کراچی میں اپنی دیگر مصروفیات منسوخ کردی ہیں اور وہ تقریب کے فوری بعد لاہور پہنچےگے اور امن و امان کے حوالے سے اعلیٰ سطحی اجلاس کی صدارت کریں گے۔
ایمزٹی وی(کراچی) 7ویں بین الاقوامی میری ٹائم کانفرنس کی اختتامی تقریب میں پاک بحریہ کے تحت جاری کثیرالملکی بحری مشق امن2017 پاکستان کے جے ایف تھنڈرطیارونے فلائی پاسٹ کاشاندارمظاہرہ کیا، بحیرہ عرب پاکستانی شاہینوں کی گھن گرج سے گونج اٹھا۔
7ویں بین الاقوامی میری ٹائم کانفرنس کی اختتامی تقریب سے خطاب کرتے ہوئے وزیر دفاع خواجہ آصف نے کہاہے کہ پاک چین اقتصادی راہداری کوصحیح معنوں میں نہ صرف پاکستان بلکہ پورے خطے کی اقتصادی ترقی اورخوشحالی کے لیے اہم ہے۔
تفصیلات کے مطابق میری ٹائم کانفرنس کا انعقاد نیشنل سینٹر فار میری ٹائم پالیسی ریسرچ (NCMPR) کے زیرانتظام کیا گیا، کثیرالقومی بحری مشق امن2017 کے سلسلے میں3 روزہ بین الاقوامی میری ٹائم کانفرنس کے دوران میری ٹائم سیکیورٹی، اقتصادیات اور بحری ماحول پر تبادلہ خیال کے کیا گیا، پاکستان اور دنیا کے مختلف ممالک کے پبلک اور پرائیویٹ سیکٹر سے تعلق رکھنے والی شخصیات نے کانفرنس میں شرکت کی۔
خواجہ آصف نے مزید کہاکہ بحر ہند عالمی و سیاسی حوالے سے ایک مرکز بن کر ابھرا ہے کیونکہ دنیا کے دفاعی مفادات کا رجحان اس خطے کی جانب ہے۔ بڑھتی ہوئی سمندری تجارت اوربحری راستوں پر بڑھتے ہوئے انحصار نے اقوام عالم کے لیے بحرہندکی اہمیت میں اضافہ کردیا ہے۔ سی پیک اور گوادر پورٹ کے فعال ہونے سے شمالی بحیرہ عرب میںبحری سرگرمیوں میں خاطرخواہ اضافہ ہوگا جس کے نتیجے میں بلا تعطل سمندری تجارت کے لیے پاک بحریہ کی امن و استحکام کو برقرار رکھنے کی ذمہ داریوں میں مزیداضافہ ہوگا۔
وزیر دفاع نے پاک بحریہ کے بحری دفاع اور امن واستحکام کو برقرار رکھنے کے انفرادی اور اس مد میں دیگر ممالک کی بحری افواج کے ساتھ اجتماعی اقدامات کو سراہا۔ وزیر دفاع نے یقین دہانی کراتے ہوئے کہا کہ کانفرنس کی قابل قدر تجاویزکو حکومت زیر غور لائے گی۔ قبل ازیں چیف آف نیول اسٹاف ایڈمرل ذکااللہ نے کہا کہ اقتصادی راہداری اور بحری قوتوں کے آپس میں روابط جیسے اقدامات نے خطے میں اقتصادی استحکام کی راہ ہموارکی ہے۔
سی پیک اور گوادر پورٹ کے آغازکے ساتھ ہی اقتصادی ترقی کی راہ ہموار ہونے میں مدد ملے گی، دنیا کا سمندری تجارت پر بڑھتے ہوئے انحصار اور توانائی کے وسائل کے حصول کے سبب بحرہند کا دفاع بہت اہمیت کا حامل ہے۔آزادانہ تجارت میں کسی قسم کا تعطل یا رکاوٹ نہ صرف علاقائی بلکہ عالمی معیشت پر اثر انداز ہوگی۔
آخر میں وزیردفاع نے کانفرنس کے دوران آرٹیکل اورپوسٹربنانے کے مقابلے جیتنے والے بحریہ کالج/ یونیورسٹی اور NCMPR کے طلبا کو مبارکباد دی اورانعامات تقسیم کیے۔ غیر ملکی وفود، پاک بحریہ کے آفیشلز، سول اورملٹری کی اعلیٰ قیادت اور سفارت کاروں کی بڑی تعداد نے کانفرنس میں شرکت کی۔
واضح رہے کہ وزیراعظم نوازشریف ایک روزہ دورے پر آج (منگل ) کو کراچی پہنچیں گے۔ وزیراعظم نوازشریف’پاک بحریہ کے تحت جاری کثیرالملکی بحری مشق امن2017‘کی اختتامی تقریب میں مہمان خصوصی ہوں گے۔ وزیراعظم گہرے سمندر میں مشقوں کا معائنہ بھی کریں گے۔
ایمز ٹی وی(اسپورٹس) پاکستان سپر لیگ میں شرجیل خان اور خالدلطیف پراسپاٹ فکسنگ اسکینڈل کے منظر عام پر آنے کے بعد سیاست دانوں اور سابق کرکٹرز نے توپوں کے رخ غیر ضروری طور پر پی ایس ایل انتظامیہ کی جانب کردیئے ہیں اور انہیں ذمے دار ٹھہرارہے ہیں۔
ان الزامات کے جواب میں چیئر مین پی ایس ایل اور پی سی بی ایگزیکٹیو کمیٹی نجم سیٹھی نے کہا کہ پاکستان سپر لیگ پاکستان کا اثاثہ ہے اور پاکستان کو پہلے رکھیں۔ اگر سیاست دانوں اور کرکٹرزکی مجھ سے دشمنی اور سیاسی اختلافات ہیں تو اس کےبدلے لیگ کو بدنام نہ کریں ۔
نجم سیٹھی نے کہا کہ یہ لیگ جتنی میری ہے اتنی ہی ہرپاکستانی کی ہے۔ یہ کسی کی ذاتی جاگیر نہیں ہے۔ پاکستان کی عوام چاہتی ہے کہ یہ لیگ کامیاب ہو۔ میں نہیں چاہتا کہ میری تعریف ہو۔ میں چاہتا ہوں کہ ٹورنامنٹ میں اگر کوئی خامی ہے تو اس کی نشاندہی کریں اورہم اسے دور کریں گے۔
انہوں نے کہا کہ ٹورنامنٹ کو بہتر بنائیں گے، آپ نے دیکھا کہ افتتاحی تقریب پچھلے سال سے بہتر تھی۔ چند بڑے غیر ملکی اس میں شامل ہوئے۔ لاہور میں فائنل کے لئے تیاریاں مکمل ہیں۔ ٹورنامنٹ کو بہتر کرنے کی کوشش کررہے ہیں۔
ایک سیاست دان سے سوال پوچھا گیا کہ پی ایس ایل کیسی ہے۔ تو انہوں نے کہا کہ یہ زبردست ٹورنامنٹ ہے۔ لیکن جب سوال پوچھنے والے نے سیاست دان سے کہا کہ اس کے روح رواں تو نجم سیٹھی ہیں ،تو انہوں نے کہا کہ مجھے نہیں معلوم اس کے روح رواں نجم سیٹھی ہیں۔ میرا سیاست دانوں کو مشورہ ہے کہ اپنی سیاست کو کرکٹ سے الگ رکھیں۔
ایمز ٹی وی(کراچی) کراچی میں سسی ٹول پلازہ کےقریب مسافرکوچ الٹ گئی ۔
کراچی میں سسی ٹول پلازہ پر مسافر کوچ الٹنے سےدو مسافر جاں بحق اور18 زخمی ہوگئے۔ ریسکیو ذرائع کے مطابق زخمیوں کو جناح اسپتال منتقل کیا جارہاہے۔
ایمز ٹی وی(کراچی) آسٹریلیا نے سندھ پولیس کو جدید ترین کرائم سین وین تحفے میں دیدی۔ ایس ایس پی کراچی جاوید اکبر ریاض کے مطابق وہیکل کرائم سین کا ایک پورا اسٹیشن ہے۔ تحقیقاتی افسران کیلئے کرائم سین سے منسلک تمام آلات موجود ہیں۔
کرائم سین وہیکل میں خصوصی طور پر ہائی ڈیفی نیشن کیمرہ بھی نصب ہے۔ وین میں فنگر پرنٹس ، ڈیجیٹل فرانزک، ڈی این اے محفوظ کرنے کی بھی سہولیات موجود ہیں۔
ایمزٹی وی(راولپنڈی)نجی نیوز چینل کے اسسٹنٹ کیمرہ مین کے قتل پر پاک فوج بھی میدان میں آگئی ۔
پاک فوج کے شعبہ تعلقات عامہ” آئی ایس پی آر“ کی جانب سے جاری بیان میں ترجمان پاک فوج میجر جنرل آصف غفور نے اسسٹنٹ کیمرہ مین کے قتل پر افسوس کا اظہار کرتے ہوئے متاثرہ اہل خانہ سے دلی ہمدردی کا اظہار کیا ہے۔
Killing of #SAMAA assistant cameraman Taimoor Khan is a sad incident. Share the grief of Media, SAMAA and Taimoor's family.
— Maj Gen Asif Ghafoor (@OfficialDGISPR) February 13, 2017
انہوں نے کہا کہ تیمور کے اہل خانہ سے اظہار تعزیت کرتے ہیں اوردکھ کی گھڑی میں اہل خانہ کے غم میں شریک ہیں۔
ایمزٹی وی(صحت)ایکٹ میں تبدیلی کے خلاف پنجاب بھر میں ادویہ ساز کمپنیوں اور میڈیکل اسٹور مالکان کی جانب سے شٹر ڈاؤن ہڑتال کی جا رہی ہے جس کے باعث مریضوں کو شدید مشکلات کا سامنا ہے۔
ذرائع کے مطابق پنجاب ڈرگ رولز میں تبدیلی کے خلاف فارما اسوٹیکل ایسوسی ایشن، کیمسٹ ایسوسی ایشن اور میڈیکل اسٹورز مالکان کی جانب سے غیر معینہ مدت کے لئے ہڑتال شٹر ڈاؤن ہڑتال شروع کر دی گئی ہے جس کے باعث لاہور، راولپنڈی، فیصل آباد، ملتان، شیخوپورہ، بھکر، چیچہ وطنی سمیت پنجاب بھر میں ادویات کی شدید قلت پیدا ہونے سے مریضوں کو پریشانی کا سامنا ہے۔ پنجاب فارما سوٹیکل ایسوسی ایشن سے اظہار ہمدردی کے لئے کراچی میں بھی ادویات کے ہول سیلز نے اپنی دکانیں بند کر رکھی ہیں تاہم میڈیکل اسٹورز کھلے ہیں۔ ایلو پیتھک ادویات کے علاوہ ہومیو پیتھک اور حکمت سے تعلق رکھنے والے افراد نے بھی ہڑتال کی مکمل حمایت کی ہے۔
فارماسوٹیکل ایسوسی ایشن اور کیمسٹ ایسوشی ایشن کے عہدیداروں نے پنجاب ڈرگ رولز اتھارٹی میں تبدیلی کے قانون کو کالا قانون قرار دیتے ہوئے کہا کہ اس سے لاکھوں افراد بے روز گار ہو جائیں گے۔ ان کا کہنا ہے کہ جب تک حکومت ہمارے مطالبات منظور نہیں کرے گی اس وقت تک ہڑتال جاری رہے گی۔ دوسری جانب مریضوں اور ان کے لواحقین کا کہنا ہے کہ ہڑتال کے باعث گھنٹوں خوار ہونے کے بعد بھی ڈاکٹرز کی لکھی ہوئی ادویات نہیں مل رہیں جس سے مریضوں کی تکلیف میں اضافہ ہو گیا ہے، حکومت پنجاب فوری طور پر ہڑتال کرنے والوں سے مذاکرات کرے تاکہ مریضوں کی مشکلات اور تکالیف کم ہوں۔
واضح رہے کہ گزشتہ روز فارما سوٹیکل ایسوسی ایشن اور میڈیکل اسٹورز مالکان نے پنجاب ڈرگ رولز اتھارٹی کے قوانین میں تبدیلی کے خلاف غیر معینہ مدت کے لئے ہڑتال پر جانے کا اعلان کیا تھا۔
ایمز ٹی وی (انٹر ٹینمنٹ )فیض احمد فیض کی شاعری میں محبت اور انقلاب بیک وقت نظر آتے ہیں۔ میر، غالب اور اقبال کے بعد جو مقبولیت فیض کے حصے میں آئی وہ شاید ہی کسی شاعر کو نصیب ہوئی ہو۔ آج فیض احمد فیض کا 106 واں یوم پیدائش ہے۔فیض احمد فیض بیسویں صدی کا ایسا ترقی پسند شاعر جس کی ایک ہتھیلی پر رومانیت کاچراغ تو دوسری ہتھیلی پر سماجیت کی مشعل تھی1911کو سیالکوٹ میں پیدا ہوئے،1963میں لینن امن ایوارڈ سے نوازا گیا۔وہ جبرو استبدادکے مخالف اور عدل وانصاف کے داعی تھے۔
فیض نے سوشلزم سے وابستگی اور آزادانہ اظہار ِ خیال کی کڑی سزا بھگتی، چار سال قید میں رہےلیکن ان کی سوچ پر پہرے نہ لگائے جا سکے۔
فیض کی شاعری کو اس درجہ مقبول بنانے میں ان کے منفرد اسلوب کا بہت بڑا ہاتھ ہے۔فیض انگریزی، اردو اور پنجابی کے ساتھ فارسی اورعربی پر بھی عبور رکھتے تھے۔فیض کی شعری تصانیف میں غمِ جاناں اور غم دوراں ایک ہی پیکر میں یکجا ہیں۔