ایمز ٹی وی( تعلیم / کراچی) جامعات سے متعلق امور پر باہمی رابط کو بڑھایا جائے اور سندھ کے طلبہ کے بہتر مستقبل کے لئے انٹریونیورسٹی فار پروموشن آف ایجوکیشن کا قیام عمل میں لایا جائے گا۔ جس میں شرکت کے لئے سندھ یونیورسٹی ،کراچی یونیورسٹی ، مہران یونیورسٹی ، این ۔ ای ۔ ڈی یونیورسٹی ، لیاقت میڈیکل یونیورسٹی جامشورو ، ضیاء الدین یونیورسٹی ، ای۔ بی۔ اےسکھر ،سندھ جناح میڈیکل یونیورسٹی اور شہید ذوالفقار علی بھٹو یونیورسٹی آف لاء کے وائس چانسلرز کا اجلاس سندھ ہائر ایجوکیشن کمیشن کے تعاون سے پیر 13 فروری 2017 کو جامعہ ِ قانون میں منعقد ہوگا۔

اس بات کی منظوری جسٹس(ر) قاضی خالد علی کی زیر صدارت سینڈیکیٹ کے اجلاس میں دی گئی۔اجلاس میں یہ فیصلہ کیا گیا کہ Ph.Dلاء پروگرام خزاں سمیسٹر2017کے پری انٹر ٹیسٹ کا انعقاد HEC کی گائیڈلائن کی روشنی میں یونیورسٹی منعقد کریگی۔ اجلاس میں صحافیوں کی تعلیم و تربیت کے پروگرام کی توثیق دی گئی۔ اجلاس میں اعلیٰ عدلیہ کے سابقہ جج صاحبان کی یونیورسٹی میں پروفیسر کی تقرری کے لئے عمر کی حد 70 سال کرنے کی منظوری دی گئی۔ اجلاس نے بانی وائس چانسلر جسٹس(ر) قاضی خالد علی قانون کی تعلیم و تربیت اور دیگر جامعات کو ساتھ لیکر چلنے اور اُن کی بھی تعلیم و ترقی کے لیے کی جانے والی انتھک محنت اور دن رات کی جدوجہد کو خراجِ تحسین پیش کیا۔

ایمز ٹی وی ( تعلیم /کراچی ) جامعہ کراچی نے وفاقی ہائر ایجوکیشن کمیشن کے دباؤ پر وفاق اردو یونیورسٹی کے وائس چانسلر ڈاکٹر سلمان ڈی محمد کے پی ایچ ڈی کے مقالے کا معاملہ سینڈیکیٹ کے ایجنڈے میں شامل کرلیا ہے، سابق وائس چانسلر ڈاکٹر محمد قیصر پر اس حوالے سے شدید دباؤ تھا کئی روز قبل انہیں ہائر ایجوکیشن کمیشن کے ایک اعلیٰ افسر کی طرف سے فون بھی آیا تھا کہ سنڈیکیٹ کا اجلاس جلد بلانے کے لیے نئے وائس چانسلر سے کہا جائے نئے وائس چانسلر ڈاکٹر اجمل کا یہ پہلا سنڈیکیٹ کا اجلاس ہو گا ۔ کیونکہ وہ کبھی ماضی میں سنڈیکیٹ کے رکن نہیں رہے، گزشتہ ہفتے بورڈ آف ایڈوائس اسٹڈیز کے اجلاس میں بھی اُنہوں نے پہلی بار شرکت کی تھی، نئے وائس چانسلر کی زیرصدارت 17؍فروری کو ہونے والے سنڈیکیٹ کے اجلاس میں ڈاکٹر سلمان ڈی محمد کے علمی سرقے کےمعاملے کو سرفہرست رکھا گیا ہے ۔

جس سے جامعہ کراچی پر پڑنے والے شدید دباؤ کا پتہ چلتا ہے، اجلاس میں اسلامک لرنگ کے تین پروفیسرز پر عائد علمی سرقے کا معاملہ بھی زیربحث آئے گا، اجلاس میں سینئر میڈیکل آفیسر ڈاکٹر ندیم الزماں کو اضافی انکریمنٹ دینے پر غور کیا کیا جائے گا۔ اجلاس میں جامعہ کراچی میں کھلنے والے دو بینکوں کی برانچز کے کرائے نامے کا معاملہ بھی زیرغور آئے گا، لیکن پیٹرول پمپ پر بات نہیں ہوگی۔ یاد رہے کہ وسیع رقبے پر قائم پیٹرول پمپ بغیر کسی ٹینڈر کے سفارش پر محض ایک لاکھ روپے کرائے ماہانہ پر دیا گیا ہے.

اجلاس میں محمد اکبر کواسٹنٹ ڈائریکٹر فزیکل ایجوکیشن افسر مقرر کرنے پر غور کیا جائے گا محمد اکبر سمیت درجنوں افراد سابق وائس چانسلر ڈاکٹر پیرزادہ قاسم کے دور میں بغیر اشتہار اور انٹرویو کے بطور افسر بھرتی کرلیے گئے تھے، اجلاس میں دوران ملازمت انتقال کرنے والے ملازمین کے خاندان کی مدد کے لیے فنڈ قائم کرنے پر غور کیا جائے گا۔

ایمز ٹی وی(لاڑکانہ) نوشہرو فیروزسے درگاہ مہبن شاہ لاڑکانہ جانے والے زائرین کی کشتی دریائے سندھ میں الٹ گئی، حادثے میں چار افراد جاں بحق تو پینتیس افراد کو بچالیا گیا، تاہم دس افراد تاحال لاپتا ہیں۔

سندھ میں سڑکوں کے بعد دریا میں بھی حادثے ہونے لگے، دریائے سندھ میں زائرین کی کشتی الٹ گئی، حادثے میں 4افراد جاں بحق تو 35کو بچا لیا گیا مگر افسوس کہ 10افراد منزل کے قریب پہنچے لیکن کنارا نہ ملا اور اب تک لاپتا ہیں۔

دریا سے موٹر سائیکلیں اور دیگرسامان نکال لیا گیا، لیکن ڈوبے گئے مزید دس افراد کی تلاش کے لئے ریسکیو آپریشن جاری ہے۔ 

ایمز ٹی وی(اسپورٹس) اسلام آباد یونائیٹڈ نے 14اوورز میں 3 وکٹوں کے نقصان پر97رنز بنا لیے ہیں ۔

تفصیلات کے مطابق لاہور قلندرز نے ٹاس جیت کر پہلے فیلڈنگ کافیصلہ کیا اور اسلام آباد یونائیٹڈ کو بیٹنگ کی دعوت دی جس پر سمتھ اور بلنگز نے میدان میں اتر کر کھیل کا آغاز کیا ،سمتھ31اور بلنگز نے 37رنز بنائے جبکہ ہیڈن 9رنز بنا کر ایلیٹ کی گیند پر آوٹ ہو گئے ۔

ایمز ٹی وی (اسپورٹس) اسلام آباد یونائیٹڈ کے کھلاڑی سیم بلنگز پر پاکستان کے قومی لباس شلوار قمیص اور بھنگڑے کا  کچھ ایسا اثر ہوا ہے کہ اب انہوں نے بیٹنگ بھی ”بھنگڑا اسٹائل“ میں کرنا شروع کر دی ہے۔ 

تفصیلات کے مطابق اسلام آباد یونائیٹڈ اور لاہور قلندرز کے درمیان کھیلے جا رہے میچ میں سیم بلنگز نے ایک بال کو فائن لیگ کی جانب شارٹ مارنے کی کوشش کی تاہم گیند آف سائیڈ پر آئی اور اس کا باﺅنس اتنا تھا کہ وہ سیدھی ان کے ہیلمٹ سے ٹکرا گئی۔

سیم بلنگز بھی گیند کو ہیلمٹ کی جانب آتا دیکھ کر گھبرائے نہیں بلکہ ایک ”سانڈ“ کی طرح ٹکر مار کر باﺅنڈری کے پار پہنچا دیا اور اپنی ٹیم کو 4 رنز بھی دلا دئیے۔ سیم بلنگز کی اس شاٹ کو سماجی رابطوں کی ویب سائٹ ”ٹوئٹر“ پر بہت زیادہ شیئر  کیا جا رہا ہے اور بہت سے لوگ اسے ”بل شاٹ“ قرار دے رہے ہیں۔

ایمز ٹی وی (انٹرٹینمنٹ) بالی ووڈ کے چاکلیٹی ہیرو رنبیر کپور اداکار سنجو بابا کی زندگی پر بننے والی فلم میں مرکزی کردار ادا کر نے جارہے ہیں جس کے کے لیے وہ دن رات محنت میں لگے ہوئے تاہم اداکار کی زندگی کی بہترین عکاسی کے لیے انہوں نے 250 گھنٹوں سے زائد اداکار کی اداکاری کو غور سے دیکھا۔

میڈیا رپورٹس کے مطابق بالی ووڈ اداکار رنبیر کپورہدایتکار راج کمار ہیرانی کی اداکار سنجے دت کی زندگی پربننے والی فلم میں مرکزی کردار کے لیے سر توڑ محنت کر رہے ہیں جس کے لیے انہوں نہ صرف اداکارعامرخان کی طرح کردار کی بہترین عکاسی کے لیے وزن بڑھایا بلکہ انہوں نے اداکارکی طرح اداکاری کے لیے 250 گھنٹے سے زائد ان کو بخوبی غور کیا ہے۔

اداکار نے سنجے دت کی طرح اداکاری کرنے کے لیے ان کی فلمیں، وڈیوز، انٹرویوز، بات چیت کا طریقہ ، آداب سمیت متعدد چیزوں کو 250 گھنٹے سے زائد دیکھا جب کہ اداکار نے سنجوبابا سے متعدد ملاقاتیں بھی کی ہیں۔ اس سے قبل رنبیرکپور نے خود کو سنجے دت کی زندگی پر بننے والی فلم کے لیے نااہل اداکار قراردے دیا تھا لیکن اب وہ بہترین اداکاری کے لیے دن رات لگے ہوئے ہیں جب کہ ان کے مدمقابل فلم میں اداکارہ سونم کپور، انوشکا شرما اور دیا مرزا نظر آئیں گی۔

ایمز ٹی وی(کراچی) آسٹریلوی نیوی شپ کراچی پہنچ گیا جس کا شاندار استقبال پاکستان میں آسٹریلیا کی ہائی کمشنر، مارگریٹ ایڈمسن اور وزیراعلی سندھ مراد علی شاہ نےکیا، گزشتہ رات آسٹریلیا ڈے کے سلسلے میں ہونیوالے استقبالیہ میں رائل آسٹریلوی نیوی فریگیٹ ایچ ایم ایس ارونٹا (HMAS Arunta)،

اس کے کمانڈر کیمرون اسٹیل اور جہاز کی کمپنی کا خیر مقدم کیا ۔


تفصیلات کے مطابق ایچ ایم ایس ارونٹا (HMAS Arunta) مشرق وسطی  میں سمندری حفاظت، استحکام اور خوشحالی کے فروغ کے لیے آسٹریلیا کی جانب سے عمان ایکسرسائز میں شرکت کے لیے کراچی کی بندرگاہ پرپہنچا، ہائی کمشنر ایڈمسن
نے آسٹریلیا اور پاکستان کے درمیان 70 سالہ تعلقات کی وسعت پر عکاسی ڈالی ، بالخصوص دونوں ممالک کی دفاعی تربیتی اکیڈمیوں کے ذریعے فوجی افسران کے دیرینہ تبادلےکو سراہا۔محترمہ نے کہاکہ "آسٹریلوی بحریہ کے جہاز مشترکہ بحریہ فورسز کے ساتھ مل کر بحر ہند میں بحری سلامتی اور استحکام کو برقرار رکھنے میں پاکستان کے ساتھ تعاون کررہے ہیں ، ہم بحر ہند نیول سمپوزیم (آئی اون) کے رکن بھی ہیں جو انسانی امداد، ڈیزاسٹر ریلیف، انسداد قذاقی اور معلوماتی تبادلے کے ورکنگ گروپس کے ذریعے، رکن ممالک کے درمیان 'باہمی تعاون کو مضبوط کرنے کے لئے سرگرم ہے۔

ایچ ایم ایس ارونٹا اور 191 کے اس جہاز کی کمپنی گزشتہ سال نومبر میں روکنگھم، مشرق وسطی کے علاقے میں آپریشن مینیٹو کے لئے مغربی آسٹریلیا میں ایچ ایم ایس سٹرلنگ بحری اڈے سے روانہ ہواتھا ۔ اس کے نو ماہ کی تعیناتی کے دوران، ایچ ایم ایس ارونٹا انسداد دہشت گردی،قذاقی کےمقابلہ اور منشیات کی روک تھام سمیت سمندری قومی مشترکہ میری ٹائم افواج کے طور پر خلیج فارس، خلیج عدن اور بحیرہ احمر میں سیکیورٹی آپریشن کر رہے ہیں۔