Reporter SS

پی ایس ایل کا طے شدہ فائنل خطرے میں پڑگیا

ایمز ٹی وی(اسپورٹس) لاہور میں ہونے والے خودکش دھماکے کے بعد پاکستان سپر لیگ (پی ایس ایل) کا صوبائی دارالحکومت میں طے شدہ فائنل خطرے میں پڑگیا ہے۔

پی ایس ایل چیئرمین نجم سیٹھی نے عوام سے رائے مانگ لی ہے کہ اگر غیر ملکی کھلاڑی فائنل کھیلنے کے لیے لاہور آنے سے منع کرتے ہیں تو ایسی صورت حال میں کیا ان کے بغیر اپنے پاکستانی کھلاڑیوں کے ساتھ فائنل کھیلا جائے یا پھر دبئی میں ہی اس کا انعقاد کیا جائے۔

نجم سیٹھی کا کہنا ہے کہ 'پی ایس ایل عوام کا اثاثہ ہے اور یہ ہمارا، پی سی بی، پی ایس ایل کی ٹیموں، حکومت، کھلاڑیوں اور سب سے بڑھ کرعوام کا عزم تھا کہ فائنل لاہور میں ہو'۔

ان کا کہنا تھا کہ 'اس حوالے سے کچھ پلیئر ایسوسی ایشن نے ساتھ نہیں دیا، پاکستان آنے کی زحمت بھی نہیں کی اور فتوے دے دیئے'۔

انھوں نے کہا کہ 'یہ ملک میں بین الاقوامی کرکٹ کی واپسی کی کھڑکی تھی جس کے بعد غیرملکیوں نے آنا تھا، ہم نے کئی لوگوں کو منایا تھا لیکن اب صورت حال یہ ہے کہ لوگوں کے ذہنوں میں ایک شک کی لہر ہوگی'۔

نجم سیٹھی کے مطابق 'اب صورت حال یہ ہے تو کیا کریں، لوگوں نے فون کرکے کہا ہے کہ پاکستان کا عزم ہے کہ پی ایس ایل کا فائنل لاہور میں کرکے دکھانا ہے اور دہشت گردوں کو ہرانا ہے، میں اتفاق کرتا ہوں، میری بھی یہی رائے ہے، میرا بھی عزم ہے اور مجھے نظر آرہا ہے کہ ہر پاکستانی کا یہی عزم ہے اور امید ہے کہ پنجاب حکومت کا بھی یہی موقف ہوگا جس کا اظہار رانا ثنا اللہ نے بھی کیا ہے'۔

ان کا کہنا تھا کہ 'ٹوئٹر پر بھی لوگ یہی کہہ رہے ہیں کہ کسی طرح لاہور میں فائنل کریں گے، جس کے لیے اب دوبارہ سے بات کرنا پڑے گی لیکن میں نہیں کہہ سکتا کہ وہ (غیر ملکی کھلاڑی) آمادہ ہوں گے کہ نہیں اور ہم اس میں کامیاب ہوں گے یا نہیں'۔

پی ایس ایل کے چیئرمین نے عوام سے رائے طلب کرتے ہوئے کہا کہ 'اگر غیر ملکی کھلاڑی نہیں مانتے یا بیشتر نہیں مانتے تو کیا پھر پاکستانی کھلاڑیوں کے ساتھ فائنل لاہور میں کریں یا پھر غیرملکیوں کے ساتھ دبئی میں فائنل کرنا ہے؟ اس سوال کا جواب پاکستانی عوام مجھے دے دیں تو جیسے ان کا حکم ہوگا اس کی تعمیل ہوگی'۔

غیرملکی کھلاڑیوں کو لاہور آنے کے لیے آمادہ کرنے کے حوالے سے ان کا کہنا تھا کہ 'ان کو منانا آسان نہیں ہوگا اور اگر صف اول کے کھلاڑی تیار نہیں ہوتے ، لیکن دوسری صف کے کھلاڑی تیار ہیں تو ان کے ساتھ لاہور میں فائنل کھیلیں یا اگر دونوں تیار نہیں تو پاکستانی ٹیموں کے ساتھ پی ایس ایل کا فائنل لاہور میں کرنا چاہیے؟'۔

ان کا کہنا تھا کہ 'مجھے کرکٹ کے شائقین کی رائے چاہیے کہ وہ کیا چاہتے ہیں، میں اس کے مطابق فیصلہ کروں گا'۔

اس سوال پر کہ لوگ اپنا ردعمل کیسے دیں گے؟ انھوں نے کہا کہ 'عوام کی نبض میڈیا ہوتا ہے اور اگر میڈیا میں یہ آواز گونجتی ہے کہ جیسے بھی ہے فائنل لاہور میں ہوگا، دوست، دشمن اور حریف سارے اگر یہ کہتے ہیں کہ جو آتا ہے آئے، جو نہیں آتا نہ آئے، لاہور میں ہی فائنل کریں تو ہم یہ کریں گے اور ہم سمجھیں گے کہ یہ عوام کی آواز ہے کیونکہ عوام کی ہمدردیاں ہمارے میڈیا کے ذریعے پتہ چلتی ہیں کہ وہ کیا سوچتے ہیں'۔

انھوں نے کہا کہ 'اگر میڈیا میں اختلاف رائے ہے اور اس سلسلے میں قومی مفاد کے بارے میں نہیں سوچا جارہا ہے اور ذاتی باتیں ہورہی ہیں،نفرتوں کے لیے رائے بنائی جارہی ہے تو پھر افسوس کی بات ہوگی'۔

ان کا کہنا تھا، 'یہ وقت یک جہتی کا ہے، ایک آواز کے ساتھ ہم فیصلہ کریں کہ پی ایس ایل کا فائنل لاہور میں ہوگا یا نہیں اور اگر ہوگا تو غیرملکیوں کے ساتھ ہوگا یا پھر نہ بھی ہو تو اپنے کھلاڑیوں کے ساتھ ہو'؟

نجم سیٹھی نے اپنے عزم کو دہراتے ہوئے کہا 'میں تیار ہوں اور کسی بھی صورت میں چاہتا ہوں کہ فائنل لاہور میں ہو تاکہ ہم دنیا کو دکھائیں کہ ہم امن پسند لوگ ہیں، ہمیں دہشت گردوں سے جتنی دھمکیاں آئیں ہم لڑیں گے اور ہم کھڑے ہو کر کھیلیں گے'۔

خوف اور دہشت کے دیوانے ہوجائیں تیار

ایمزٹی وی(انٹرٹینمنٹ)خوف اور دہشت سے بھرپور فلموں کے دیوانے ہوجائیں تیار کیونکہ ہالی ووڈ تھرلر فلم ’گھوسٹس آف ڈارک نیس‘ کا نیا ٹریلر جاری کردیا گیا ہے۔ڈیوڈ ریان کی ہدایتکاری میں بننے والی اس فلم کی کہانی دو غیر معمولی صلاحیتوں کے حامل تفتیش کاروں کے گرد گھوم رہی ہے جنہیں 100سال پرانی ایک پراسرار گتھی کو سلجھانے کیلئے بھیجا جاتا ہے۔

فلم میں اپنی اداکاری کے جوہر دکھانے والوں میں مائیکل کولٹس، پال فلینری، اسٹیو ویسٹن، لیزا لونگ اسٹون اور لیزا کیمرون سمیت دیگر اداکار شامل ہیں۔لورین کیتھ کی پروڈیو س کردہ یہ خوف اور دہشت سے بھرپور فلم یکم مارچ کو سینما گھروں کی زینت بنے گی۔

کیا مصباح الحق کی رخصتی کا وقت آگیا؟؟

ایمز ٹی وی(اسپورٹس) لاہور میں پریس کانفرنس کے دوران چیئرمین پی سی بی شہریار خان سے سوال کیا گیا کہ چیف سلیکٹر انضمام الحق کے بعد اب ہیڈ کوچ مکی آرتھر نے بھی تینوں فارمیٹ کیلئے ایک ہی کپتان مقرر کرنے کی حمایت کردی ہے،اس صورتحال میں کیا مصباح الحق کی رخصتی کا وقت آگیا۔

جواب میں بورڈ کے سربراہ نے کہاکہ قومی ٹیسٹ ٹیم کے کپتان سے دبئی میں تفصیلی ملاقات ہوئی ہے، انھوں نے مستقبل کا فیصلہ کرنے کیلیے 2،3ہفتے مانگے ہیں، ان کی بڑی قدرکرتا ہوں، اگر وہ انٹرنیشنل کرکٹ کھیلیں گے تو وہی ٹیسٹ ٹیم کے قائد ہیں، دوسری صورت میں تینوں فارمیٹ کا ایک ہی کپتان بنایا جائے گا۔

شہریار خان نے سرفراز احمد کا براہ راست نام تو نہیں لیا، تاہم کہنا تھا کہ محدود اوورز کی کرکٹ میں ان کو قیادت سونپی جاچکی جبکہ بیٹنگ میں کارکردگی متاثر ہونے کی وجہ سے اظہر علی نے نہ صرف ون ڈے ٹیم کی کپتانی چھوڑی بلکہ ٹیسٹ میں نائب کپتان کا عہدہ بھی چھوڑ چکے

ہیں۔

چیئرمین پی سی بی نے کہاکہ سلمان بٹ اور محمد آصف سزا بھگت چکے ہیں اور اگر سلیکشن کمیٹی انھیں منتخب کرنا چاہے تو پی سی بی کی طرف سے کوئی پابندی نہیں ہے،کیونکہ محمد عامرکیساتھ یہ دونوں بھی آئی سی سی کی جانب سے دی جانے والی سزا کی مدت پوری کرچکے ہیں۔

شہریار خان نے مزید کہا کہ سلیکٹرز سلمان بٹ اور محمد آصف کی بجائے مستقبل کی ضرورتوں کو دیکھ رہے ہیں اور پیچھے مڑ کر دیکھنے کے حق میں نہیں،35سال کے کرکٹرز کو منتخب کرنے کے بجائے فخر زمان، آصف ذاکراورعثمان صلاح الدین سمیت نوجوان بیٹسمینوں اور بولرز کو مواقع دینا چاہتے ہیں، بورڈ رسمی طور پر سلمان بٹ اور محمد آصف کو منتخب کرنے سے انکار کردے تو وہ کیس کردیں گے کہ سزا پوری ہونے اور کلیئر ہونے کے باوجود نظر اندازکیا جارہا ہے۔

عوام کو طبی سہولیات کی فراہمی حکومت کا مشن

ایمز ٹی وی ( صحت / حافظ آباد) وزیر مملکت برائے نیشنل ہیلتھ سروسز سائرہ افضل تارڑ نے کہا ہے کہ عوام کو طبی سہولیات کی فراہمی حکومت کا مشن ہے ۔ ضلع حافظ آباد کے تمام دیہی مراکز صحت میں ادویات کی فوری دستیابی کے جامع پلان پر عملدرآمد جاری ہے

۔ ان خیالات کااظہار انہوں نے مختلف دیہات کے بنیادی ہیلتھ یونٹس کا دورہ کرتے ہوئے کیا۔ اے سی عمر فاروق ، چیف ہیلتھ آفیسر ڈاکٹر حامد رفیق، رانا محمدارشد انجم، امتیاز تاج، ملک ہمایوں ، رائے غضنفر و دیگر بھی ان کے ہمراہ تھے ۔

سائرہ افضل تارڑ نے کہا کہ حکومت پسماندہ دیہات میں بھی شہری طرز پرزچہ بچہ کو علاج معالجہ کی جدید اور سستی سہولتوں کی فراہمی کے ایجنڈے پر عمل پیرا ہے ۔

پاکستان پیپلز پارٹی کا نادرا کے خلاف احتجاج

ایمز ٹی وی(کراچی) پاکستان پیپلز پارٹی سندھ کے صدر نثار کھوڑو نے مردم شماری قریب ہونے کے باوجود نیشنل ڈیٹا بیس اینڈ رجسٹریشن اتھارٹی (نادرا)کی جانب سے ابھی تک سندھ میں لوگوں کو کمپیوٹرائزڈ قومی شناختی کارڈز بنا کر دینے کی مہم شروع نہ کرنے کے خلاف احتجاج کیا ہے۔

نثار کھوڑو جو سندھ کابینہ میں سینیئر وزیر بھی ہیں، نے قائم مقام ڈی جی نادرا کو فون کرکے سندھ حکومت کی جانب سے احتجاج ریکارڈ کراتے ہوئے انہیں یاد دلایا کہ سندھ کے شہروں کراچی، حیدرآباد اور گھوٹکی میں 15مارچ سے مردم شماری شروع ہونے جا رہی ہے۔

سینیئر صوبائی وزیر کا کہنا تھا کہ سندھ کے 30فیصد شہریوں کے پاس شناختی کارڈز نہیں ہیں اور نادرا نے ابھی تک انہیں کارڈز فراہم کرنے کے حوالے سے کوئی اقدامات نہیں اٹھائے ہیں۔نثار کھوڑو نے تجویز پیش کی کہ اگر نادرا شناختی کارڈز بنانے کی مہم شروع نہیں کرسکتا تو مردم شماری کے لیے قومی شناختی کارڈز کی شرط ختم کردینی چاہئیے، دوسری صورت میں نادرا، کراچی، حیدرآباد اور گھوٹکی کے لیے شناختی کارڈز بنانے والی موبائل وینز فراہم کرے تاکہ لوگ اپنا شناختی کارڈ حاصل کریں اور خود کو مردم شماری میں رجسٹرڈ کراسکیں۔

اس موقع پر قائم مقام ڈی جی نادرا نے صوبائی وزیر کو یقین دہانی کرائی کہ نادرا نے کراچی، حیدرآباد اور گھوٹکی کے لیے شناختی کارڈز بنانے والی موبائل وینز فراہم کی تھیں تاہم کراچی بڑا شہر ہے اس لیے وہاں کی آبادی کو کارڈز کی فراہمی یقینی بنانے کے لیے جلد مزید موبائل وینز کا اہتمام کیا جائے گا۔

پرچوں کی مارکنگ کے حوالے سے نئی پالیسی جاری

ایمز ٹی وی ( تعلیم /راولپنڈی ) پنجاب ایگزامی نیشن کمیشن کے تحت پنجم اورہشتم کے سالانہ امتحانات میں پرچوں کی مارکنگ کے لیے مارکنگ سنٹروں میں دفعہ 144کا نفاذ، ہیڈ ایگزامینرروزانہ دو پرچے خود اور سب ایگزامینر روزانہ 50پرچے چیک کرسکے گا۔ مارکنگ میں غلطی پر معاوضہ کی کٹوتی کی سزاتجویز کی گئی ہے ، معلوم ہوا ہے کہ پنجاب ایگزامی نیشن کمیشن نے صوبہ بھر میں پنجم اور ہشتم کے پرچوں کی مارکنگ کے حوالے سے نئی پالیسی جاری کردی ہے

جس کے مطابق مارکنگ سنٹروں میں د فعہ 144کانفاذکیا جائے گا جس پر عمل درآمد ہیڈایگزامینر کی ذمہ داری ہو گی جبکہ پرچوں کی مارکنگ کے حوالے سے ہیڈایگزامینرروزانہ دو پرچے خود چیک کرے گا اور سب ایگرامینر کی جانب سے چیک کیے جانے والے پرچوں میں سے 15پرچے بھی چیک کرنے کا مجاز ہو گا جبکہ سب ایگزامینر کو روزانہ 50پرچے چیک کرنے کے لیے دیئے جائیں گے.

پرچے مارکنگ سنٹروں میں چیک کیے جائیں گے جہاں آئی ٹی ٹیچر کی مدد سے پرچوں کی مارکنگ رپورٹ پی ای سی کو بھجوائی جائے گی ، پنجم اور ہشتم کے پرچوں کی مارکنگ میں غلطیوں پر اساتذہ کے معاوضوں کی کٹوتی کے علاوہ محکمانہ کارروائی کی جائے گی ،31مارچ کو رزلٹ کااعلان کردیا جائے گا۔

مہمان ٹیم 250 رنز بناکرآؤٹ

ایمز ٹی وی(اسپورٹس) بھارت نے واحد ٹیسٹ میچ میں بنگلہ دیش کو 208 رنز سے شکست دے دی، مہمان ٹیم 250 رنز بناکر آؤٹ ہوگئی، ویرات کوہلی کو ڈبل سنچری اسکور کرنے پر میچ کا بہترین کھلاڑی قرار دیا گیا۔

پیر کو حیدرآباد میں ٹیسٹ کے پانچویں اور آخری روز بنگلہ دیش نے 459 رنز کے تعاقب میں 103 رنز 3 کھلاڑی آؤٹ پر اننگز دوبارہ شروع کی شکیب الحسن 22 رنز بنانے کے بعد روندرا جدیجا کی گیند پر پجارا کے ہاتھوں کیچ ہوگئے۔

محمود اللہ اور مشفق الرحیم کے مابین 56 رنز کی شراکت قائم ہوئی، مشفق 23 رنز بناکر ایشون کی گیند پر جدیجا کے ہاتھوں کیچ آؤٹ ہوگئے، 213 کے مجموعی اسکور پر صابر رحمان 22 رنز بنانے کے بعد ایشانت شرما کا نشانہ بن گئے۔

محمود اللہ نے 64 رنز کی اننگز کھیلی۔ اس کے بعد بنگلہ دیش کی وکٹیں وقفے وقفے سے گرتی رہیں اور پوری ٹیم250 رنز پر آؤٹ ہوگئی۔ مہدی حسن مرزا 23 ، تیج السلام چھ اور تسکین احمد ایک رن بناکر آؤٹ ہوئے۔ روی چندرن ایشون اور روندرا جدیجا نے 4،4 وکٹیں حاصل کیں، ایشانت شرما نے 2 کھلاڑیوں کو آؤٹ کیا۔

اساتذہ اور طلباءکو جدید تعلیمی تقاضوں سے ہم آہنگ کرنے کے لیے تربیتی پروگراموں کا انعقاد

ایمز ٹی وی (تعلیم /پنگریو)بدین کے100سے زائد اسکولوں کے ٹیسٹ ایڈ منسٹریٹر تر بیتی ورکشاپ میں شامل سندھ کے 29 اضلاع میں تیسری جماعت کے 230طلبہ و طالبات کی مادری زبان اورحساب کے مضامین میں ان کی ذہنی صلاحیتوں کا جائزہ لینے کے لیے تعلیمی جائزہ پروگرام شروع کیا گیا ہے ،اس جائزہ پروگرام کا انعقاد محکمہ تعلیم اور پیس نامی ادارے کی جانب سے کیا گیا ہے.

ضلع بدین سے تعلق رکھنے والے ایک سو سے زائد اسکولوں کے ٹیسٹ ایڈ منسٹریٹروں کے تربیتی ورکشاپ سے خطاب کرتے ہوئے ( پیس) کے ضلعی فوکل پرسن ڈاکٹر خلیل احمد کورائی نے کہا ہے کہ 2009 کے بعد پہلی بار نصاب میں تبدیلی لانے کے لیے جائزہ لیا جا رہا ہے تربیتی ورکشاپ اسی سلسلے کی کڑی ہے ، محکمہ تعلیم ضلع بدین کے فوکل پرسن محمد خان سموں نے کہا کہ 13اور14 فروری کو سندھ سطح پر ہونے والے اس جائزے سے معلوم ہو جائے گا کہ موجودہ تعلیمی نصاب طلبہ و طالبات کی ذہنی صلاحیتوں کو اجاگر کر نے میں معاون ثابت ہو رہا ہے یا نہیں.

انہوں نے کہا کہ یہ پروگرام سندھ بھر میں منعقد کیا جارہا ہےپیس تربیتی ورکشاپ میں ضلع بدین کی پانچوں تحصیلوں ٹنڈو باگو، بدین، گولارچی، تلہار اورماتلی کے پرائمری، مڈل، ہائی اور ہائر سیکنڈری اسکولوں کے اساتذہ حصہ لے رہے ہیں پیس اور محکمہ تعلیم کے اس تربیتی ورکشاپ میں حصہ لینے والے اساتذہ نے اس تربیتی پروگرام کو خوش آئند اور وقت کی ضرورت قرار دیاا ور کہا کہ اس طرح کے تربیتی پروگراموں سے اساتذہ اور طلبا جدید تعلیمی تقاضوں سے ہم آہنگ ہو سکیں گے۔

سندھ کے کالج اساتذہ کے ساتھ امتیازی سلوک روا رکھنے پر اساتذہ کا دھرنا

ایمز ٹی وی ( تعلیم / کراچی) محکمہ تعلیم سندھ کی مسلسل ٹال مٹول اورفورٹیئر فارمولے پر نظرِ ثانی نہ ہونے کے خلاف سندھ بھر کے کالج اساتذہ 15فروری کو کراچی پریس کلب کے سامنے دھرنادیں گے اس بات کا اعلان سندھ پروفیسر اینڈ لیکچرار ایسو سی ایشن کے مرکزی صدر پروفیسر فیروزالدین صدیقی نے سپلا کراچی ریجن کے اہم اجلاس سے خطاب کرتے ہوئے کیا۔ اجلاس میں پروفیسر علی مرتضیٰ،ریجنل صدرکراچی پروفیسر عامرالحق، جنرل سیکریٹری پروفیسرمنور عباس، پروفیسر غلام رسول لاکھو، پروفیسرعزیز اللہ میمن، پروفیسرنہال اختر، پروفیسرامیر علی لاشاری، پروفیسر رسول بخش قاضی، پروفیسر مفتاح الدین، پروفیسرفہیم ارشد، پروفیسر محمد عدیل، پروفیسر عبدالمجید ٹانوری ، پروفیسر نزاکت علی، پروفیسر علی شیر گھانگھرو، پروفیسرابوبکر بھٹو ودیگر نے شرکت کی۔ اجلاس سے خطاب کرتے ہوئے پروفیسر صدیقی نے مزید کہا کہ سندھ کے کالج اساتذہ کے ساتھ امتیازی سلوک کیوں روا رکھا جارہا ہے۔

اسکو لز اور کا لجز کو فرا ہم کیے جا نے والے کمپیو ٹرز اور متعلقہ فرنیچرز کی فہرست پیش کرنے کا نوٹیفیکیشن جاری

ایمز ٹی وی ( تعلیم /کراچی) صوبا ئی وزیر تعلیم برا ئے تعلیم و خواندگی جا م مہتا ب حسین ڈہر نے کہا ہے کہ اسکولز اور کا لجز میں کمپیو ٹر لیب کو مکمل طو ر پر فعال کیا جا ئے ۔ محکمہ تعلیم ہا ئی اسکو لز او ر کا لجز کمپیو ٹر ز اور اس سے متعلقہ فر نیچرز کی فرا ہمی کو یقینی بنا رہا ہے کیو نکہ دو ر جدید میں کمپیو ٹر کی تعلیم کی اہمیت سے انکا ر نہیں ہے ۔ یہ با ت انہو ں پیرکو اپنے دفتر میں ایک اجلا س کی صدا ر ت کر تے ہو ئے کی۔

اجلا س میں سیکریٹری تعلیم اسکو لز مصطفی جما ل سید اور سیکریٹری تعلیم کا لجز ڈاکٹر ریاض میمن بھی مو جو د تھے ۔صوبا ئی وزیر تعلیم نے ہدایت کی کہ اسکو لز اور کا لجز کو فرا ہم کیے جا نے والے کمپیو ٹرز اور متعلقہ فرنیچرز کی فہرست ان کو جلد از جلد پیش کی جائے اور جن تعلیمی ادا رو ں میں ان کی قلت ہے وہا ں ان کی کمی کو فو ر ی طو ر پر پورا کیا جا ئے ۔

انہو ں نے کہا کہ اس دو ر جدید میں کمپیو ٹر کی تعلیم کی اہمیت سے انکا ر ممکن نہیں ہے اور سر کا ر ی تعلیمی ادا روں کے طلبا ء کو کسی بھی میدا ن میں پیچھے نہیں رہنا چا ہیے۔ جا م مہتا ب حسین ڈہر نے کہا کہ اگر کمپیوٹر کی تعلیم دینے والے اسا تذہ کی بھی کمی ہے تو اس کو ہنگا می بنیا دو ں پر پورا کیا جا ئے تا کہ تدریسی عمل میں کو ئی رکا وٹ نہ پیدا ہوسکے۔

انہوں نے کہا کہ لو ڈ شیڈنگ کی صورت میں متبا دل بجلی کی فراہمی کا بھی انتظام کیا جا ئے محکمہ تعلیم میں فنڈز کی کمی نہیں ہے۔

Page 1933 of 2387