وزیر اعلیٰ خیبر پختونخواپرویز خٹک نے کہا ہے کہ اب کوئی بھی خیبر پختونخوا میں چوری نہیں کر سکتا،ہم نے احتساب کا بااختیار اور مداخلت سے پاک کمیشن بنادیا ہے۔

تفصیلات کے مطابق میڈیا سے گفتگو کرتے ہوئے ان کا کہنا تھا کہ کرپشن کی وجہ سے ہم دنیا میں کسی کو منہ دکھانے کے قابل نہیں رہے،دنیا میں گرین پاسپورٹ بدنام ترین ہے۔ملک سڑکوں اور پلوں سے نہیں بنتا،پاکستان میں جو سب سے زیادہ کرپٹ ہوتا ہے وہ خود کو سب سے بڑا آدمی سمجھتا ہے

۔اگر کوئی کرپشن یا چوری کرتا ہے تو وہ بڑا بے شرم یا ڈاکو ہے۔ہم نے جو قانون بنائے ہیں ان کی وجہ سے اپوزیشن ہمیں پکڑ سکتی ہے اور میں ہمت نہیں کر سکتا کہ احتساب کمیشن کو فون کر کے اپنا بنایا قانون خود توڑدوں۔انہوں نے کہا کہ وصل بلوورکے قانون کی مدد سے لوگ ہمیں گردن سے پکڑسکتے ہیں،میرا خیال ہے کہ سب سے پہلے خود کرپشن کی نشاندہی کروں۔

ایمزٹی وی(انٹرٹینمنٹ)بھارت کے سینئر اداکاررشی کپورنے معروف نعت خواں جنید جمشید کی شہادت پر افسوس کاظہار کیا اور کہاکہ ہم ایک کلاکار سے محروم ہوگئے ۔

چترال سے اسلام آبادآنیوالے طیارے کی خیبرپختونخوا میں تباہی کی وجہ سے مارے جانیوالے مسافروں میں جنید جمشید بھی اہلیہ سمیت سوار تھے ۔پی کے 661میں جنید جمشید کی شہادت کی خبر پر رشی کپور نے اپنے ایک ٹوئیٹ میں لکھاکہ ”اللہ انہیں جوار رحمت میں جگہدے ، پی آئی اے پرواز میں شہید ہونیوالوں کیلئے وہ اظہار ہمدردی کرتے ہیں ، ہم نے جنید جمشید کی شکل میں ایک کلاکار کھودیا، اللہ تمام پر رحم کرے،آمین“۔

اداکارہ صوفیہ چوہدری نے بھی جنید جمشید کے خاندان کیساتھ اظہار تعزیت کیا۔انہوں نے بھی ٹوئیٹر پر لکھاکہ ”بہت افسوس، نوجوانی میں میں نے ان کیساتھ ایک البم کیلئے گایا ، وہ پاپ گلوکاری کا روشن ستارہ تھے ، جنید جمشید اور تمام شہداءکیلئے دعا ہے کہ اللہ انہیں جوار رحمت میں جگہ دے‘۔

1963ءمیں پیداہونیوالے جنید جمشید ٹی وی کی معروف شخصیت ، اپنی جوانی کے نامور گلوکار اور نعت خواں تھے ۔ جنید جمشید کو ’دل دل پاکستان‘ اور ’تم مل گئے‘ نے شہرت کی بلندیوں پر پہنچادیا لیکن بعد میں انہوں نے گلوکاری چھوڑ دی اور مذہب کے پرچار کو اپنیزندگی کا مقصد بنایا، طیارہ حادثے کے وقت بھی وہ تبلیغ کے سلسلے میں چترال گئے تھے جہاں سے واپسی پر طیارے کو حادثہ پیش آگیا اور وہ بھی دیگر مسافروں کے ہمراہ اپنی اہلیہ سمیت خالق حقیقی سے جاملے ۔

RIP. My Condolences to the bereaved families of the PIA Flight crash. We lost an artist in Junaid Jamshed. May God Bless all! Ameen pic.twitter.com/1KkZgujiyk

— Rishi Kapoor (@chintskap) December 7, 2016

ایمزٹی وی(اسلام آباد)متنازعہ خبر کے معاملے پر عہدے سے ہٹائے جانے والے مسلم لیگ (ن) کے رہنماءسینیٹر پرویز رشید کی واپسی ہو رہی ہے او رآج شام وہ ایک بار پھر ٹی وی پر نظر آئیں گے۔

میڈیا ذرائع کے مطابق پرویز رشید آج مسلم لیگ (ن) کے رہنماﺅں کی پریس کانفرنس میں ان کے ہمراہ ہوں گے اور قوی امکان ہے کہ میڈیا سے گفتگو بھی کریں گے۔ پرویز رشید آج شام 6 بج کر 10 منٹ پر پریس کانفرنس میں شرکت کریں گے جبکہ انوشہ رحمان اور بیرسٹر ظفراللہ بھی ان کے ہمراہ ہوں گے۔

دلچسپ امر یہ ہے کہ پرویز رشید کو سابق آرمی چیف جنرل راحیل شریف کے دور میں عہدے سے ہٹایا گیا جس کے بعد وہ میڈیا پر نظر نہ آئے۔ ان کو ہٹانے کے معاملے کی وضاحت کرتے ہوئے وفاقی وزیر داخلہ چوہدری نثار علی خان نے کہا تھا کہ پرویز رشید پریس کانفرنس کے ذریعے معاملے کی وضاحت کرنا چاہتے تھے تاہم ہمارے کہنے پر وہ رک گئے ہیں اور تحقیقات کے بعد ہی بات کریں گے۔

سابق آرمی چیف راحیل شریف کے چلے جانے کے بعد اچانک پرویز رشید نے بھی میڈیا پر آنے کافیصلہ کر لیا ہے اور آج شام ان کی واپسی ہو رہی تاہم وہ میڈیا سے گفتگو کریں گے اس سے متعلق تاحال کوئی علم نہیں ہو سکا ہے۔

ایمزٹی وی(اسلام آباد)چیف آف آرمی اسٹاف جنرل قمر جاوید باجوہ نے کہا ہے کہ ملکی دفاع اور سیکیورٹی استحکام کیلئے آئی ایس آئی کا کردار قابل فخر ہے اور افسروں اور جوانوں کی قربانیاں لائق تحسین ہیں۔

پاک فوج کے تعلقات عامہ کے ادارے (آئی ایس پی آر) کی جانب سے جاری ہونے والے بیان میں بتایا گیا ہے کہ آرمی چیف جنرل قمر جاوید باجوہ نے آئی ایس آئی ہیڈ کوارٹرز کا دورہ کیا جہاں ڈی جی آئی ایس آئی لیفٹیننٹ جنرل رضوان اختر نے ان کا استقبال کیا۔ آرمی چیف نے یادگار شہداءپر حاضری اور پھول چڑھائے۔

آئی ایس پی آر کے مطابق آرمی چیف کو انسداد دہشت گردی اور ملکی سیکیورٹی کو استحکام بنانے کیلئے آئی ایس آئی کے کردار پر بریفنگ دی گئی۔ اس موقع پر آرمی چیف کا کہنا تھا کہ ملکی دفاع اور سیکیورٹی استحکام کیلئے آئی ایس آئی کا کردار قابل فخر ہے اور اس کے افسروں و جوانوں کی قربانیاں لائق تحسین ہیں۔

ایمزٹی وی(اسلام آباد) پاکستان پیپلز پارٹی نے طیارہ حادثہ پر قومی اسمبلی میں تحریک التواءجمع کرا دی ہے جس میں واقعے پر قومی اسمبلی میں بحث کرنے کا مطالبہ کیا ہے۔

تفصیلات کے مطابق تحریک التواءمیں کہا گیا ہے کہ ابتدائی رپورٹ کے مطابق یہ حادثہ ناقص اور غیر مناسب انتظامات کے باعث پیش آیا ہے اور وفاقی حکومت کی کارکردگی پر ایک سوالیہ نشان ہے۔ ذرائع کے مطابق تحریک التواءمیں مزید کہا گیا ہے کہ اس واقعے پر ایوان میں بحث کی جائے۔

ایمزٹی وی(تعلیم/ کراچی) جامعہ کراچی کے شعبہ ابلاغ عامہ کے تحت منعقدہ دوروزہ بین الاقوامی میراتھن کانفرنس بعنوان’’میڈیا کی تعلیم،نظریہ، انڈسٹری اور پاکستان میں تحقیق‘‘ کے موضوع پر جاری دوروزہ کانفرنس کے اجلاس کی صدارت کرتے ہوئے سینئر صحافی اور انسانی حقوق کمیشن کے سربراہ آئی اے رحمان نے کہا کہ ملک میں انسانی حقوق کا معاملہ ریاستی ترجیحات میں شامل نہیں ہے۔

ان کا مزید انسانی حقوق صرف آئینی او ر عدالتی معاملہ نہی ںبلکہ ایک طرز زندگی ہے۔ پاکستان میں انسانی حقوق کو نصاب میں شامل کرکے ملک میں دیر پا امن قائم کیا جا سکتا ہے۔ طالب علموں میں انسانوں کے درمیان تفریق پیدا کرنے والے بیانیے کی جگہ تمام انسانوں کیلئے برابری کی بنیاد پر حقوق کی فراہمی سے انسانی زندگی کو بہتر بنایا جاسکتا ہے۔

اس موقع پر پروفیسر ڈاکٹر خالد عراقی(ڈین فیکلٹی برائے نظمیات)، ڈاکٹر الطاف اللہ ( چیئرمین شعبہ ابلاغ عامہ ، یونیورسٹی آف پنجاب)، تسنیم احمر ( ڈائریکٹر عکس) اور مہوش علی ( لیکچرار شعبہ ابلاغ عامہ سردار بہادر خان یونیورسٹی کوئٹہ) نے بھی خطاب کیا۔ ڈاکٹر خالد عراقی نے کہا کہ میڈیا کے نصاب کو عملی بنیادوں پر مرتب کرنے کی ضرورت ہے ، مختلف سیشنز سے رضا علی عابدی ، وسعت اللہ خان، ڈاکٹر راوف پاریکھ ، اطہر ہاشمی ،ڈاکٹر جاوید جبار ، پروفیسر شیراز پراچا ، حسن خان ،ڈاکٹر عرفان ، ڈاکٹر اشرف خان ، ڈاکٹر ریاض ، جبران پیش امام اور دیگر نے خطاب کیا

ایمزٹی وی(راولپنڈی) پاک فوج نے کے اہم عہدوں پر تقرریاں ہوئی ہیں جن کے تحت پاک فوج کے 7میجر جنرلز کو لیفٹیننٹ جنرل کے عہدے پر ترقی دے دی گئی ہے ۔

آئی ایس پی آر کی جانب سے جاری بیان میں کہا گیا ہے کہ پاک فوج کے 7میجر جنرلز کو لیفٹیننٹ جنرل کے عہدے پر ترقی دی گئی ہے ۔انہوں نے بتا یا کہ ترقی پانے والوں میں کمانڈنٹ پی ایم اے میجر جنرل ندیم رضا ،ڈی جی رینجرز سندھ میجر جنرل بلال اکبر ،ڈی جی ڈبلیو اینڈ آر جی ایچ کیو میجر جنرل ہمایوں عزیز ،آئی جی ایف سی میجر جنرل شیر افگن ،ڈی جی این ڈی یو میجر جنرل نعیم اشرف ،ڈی جی ایف ڈبلیو او میجر جنرل محمد افضل اور ڈی جی پی ایس میجر جنرل قاضی اکرام کے نام شامل ہیں ۔

ایمزٹی وی(تعلیم/ سندھ)سندھ ہائر ایجوکیشن کمیشن کو فعال اور وفاقی ہائر ایجوکیشن کمیشن کا کردار محدود کرنے کے لئے نئے سیکرٹری کی تلاش شروع کر دی گئی ہے اور اس مرتبہ نیا سیکرٹری ڈی ایم جی گروپ کے بجائے پی سی ایس افسر ہوگا۔

انتہائی باخبر ذرائع نےمیڈیا کو بتایا کہ اعلیٰ حکام موجودہ سیکرٹری ہائر ایجوکیشن نوید شیخ جن کے پاس سیکرٹری بورڈز و جامعات کا بھی اضافی چارج ہے، کی کارکردگی سے مطمئن نہیں ہیں کیونکہ وہ مطلوبہ کارکردگی نہیں دکھا سکے اور ان کی ہمدردیاں ڈی ایم جی گروپ کے افسر ہونے کے ناتے سندھ ایچ ای سی کے ساتھ نہیں۔ پنجاب ایچ ای سی میں جو سندھ ایچ ای سی کے بعد قائم ہوا اس وقت پنجاب میں فعال اور مؤثر کردار ادا کر رہا ہے۔

چیئرمین سندھ ایچ ای سی کے قریبی ذرائع نے جنگ کو بتایا کہ ڈاکٹر عاصم صوبائی سیکرٹری ہائر ایجوکیشن کمیشن کی فوری تبدیلی چاہتے تھے تاہم ان کے آئندہ سال جنوری کے آخری عشرے میں تربیتی کورس پر جانے کے باعث انہوں نے فوری تبدیلی کو مؤخر کر دیا تاہم اب فیصلہ کیا گیا ہے کہ ڈی ایم جی کے بجائے میرٹ پر صوبائی افسر اس اہم ترین اسامی پر تعینات کیا جائے جو کمیشن میں سندھ کا کیس لے کر آگے بڑھے کیونکہ موجودہ سیکرٹری نے متعدد اہم خطوط اور سمریز کے معاملات کو روک رکھا ہے حالانکہ نوید شیخ کی اس اہم اسامی پر تعیناتی کی سفارش ان کے قریبی عزیز اور اندرون سندھ میڈیکل یونیورسٹی کے وائس چانسلر نے کی تھی۔

یاد رہے کہ سندھ ہائر ایجوکیشن کمیشن میں صوبائی ای بی سی سی کے حوالے سے اہم خطوط، سمریاں اور نوٹیفکیشن جاری نہیں ہو رہے ہیں جبکہ جامعہ کراچی، ڈائو میڈیکل یونیورسٹی اور سندھ یونیورسٹی میں وائس چانسلرز کی تعیناتی کا معاملہ بھی رُکا ہوا ہے اور گزشتہ ایک سال سے سندھ کے تعلیمی بورڈز میں سیکرٹری اور ناظم امتحانات کی اسامیوں کے لئے انٹرویوز بھی نہیں کرائے گئے ہیں۔ میڈیا نے سیکرٹری ہائر ایجوکیشن کمیشن نوید شیخ سے مؤقف لینے کے لئے متعدد بار فون کیا انہوں نے فون نہیں اٹھایا انہیں ایس ایم ایس بھی کیا مگر انہوں نے جواب نہیں دیا۔ یہ بھی یاد رہے کہ سندھ ہائر ایجوکیشن کمیشن کے سیکرٹری کو ایک لاکھ سے زیادہ خصوصی الاؤنس بھی ملتا ہے

ایمزٹی وی(تعلیم/ کراچی)صوبائی وزیر برائے تعلیم و خواندگی جام مہتاب حسین ڈہر نے کہا ہے کہ یہ تمام نجی اسکولز کی ذمہ داری ہے کہ وہ اپنے تعلیمی اداروں میں سندھی زبان، ناظرہ قر آن اورا سلامیات کی تعلیم کو یقینی بنائیں اور اقلیتوں کو اسلامیات کی جگہ اخلاقیات کا مضمون پڑھائیں۔

یہ بات انہوں نے تغلق ہاؤ س میں نجی اسکولز کی تنظیموں کے عہدے داروں سے خطاب کرتے ہوئے کہی۔ اجلاس میں اسپیشل سیکریٹریز عالیہ شاہد، ذاکر حسین شاہ، ڈائریکٹر جنرل پرائیویٹ انسٹی ٹیوشنز ڈاکٹر منسوب صدیقی ، چیئر مین ٹرسٹ اسکول جمیل یوسف، چیئرمین آل سندھ پرائیویٹ اسکولز خالد شاہ اور دیگر نمائندوں نے شرکت کی۔
ڈائریکٹر جنرل منسوب صدیقی نے اجلاس کو بتایا کہ تقریباً تمام نجی اسکولز سندھی زبان پڑھا رہے ہیں اور اگر کہیں سے شکایت آتی ہے تو متعلقہ اسکول کے خلاف کارروائی کی جاتی ہے ۔ صوبائی وزیر تعلیم نے اسپیشل سیکریٹریز کو ہدایت کی کہ اسکول مالکان کو اسلحہ کے لائسنس کے حصول میں حائل رکاوٹوں کو دور کرنے کے لئے محکمہ داخلہ سندھ سے مربوط رابطہ کیا جائے ۔

انہوں نے اسکولز مالکان کو بھی ہدایت کی کہ وہ طلبہ کی حفاظت کو یقینی بنائیں اور تمام ضروری کوائف و معلومات متعلقہ پولیس اسٹیشن اور رینجرز کو فراہم کریں۔ صوبائی وزیر جام مہتاب حسین ڈہر نے محکمہ تعلیم کے افسران کو ہدایت کی کہ وہ ٹیوشن فیس اور دیگر معاملات سے متعلق سندھ ہائی کورٹ کے فیصلہ پر پرائیویٹ ایجوکیشنل انسٹی ٹیوشنز 2001 ترمیم شدہ 2003اور 2005پر قانون کے مطابق عمل کروائیں۔

قبل ازیں صوبائی وزیر تعلیم جام مہتاب حسین ڈہر نے محکمہ تعلیم کے دفاتر کا اچانک دورہ کیا اور دورے کے موقع پر بشمول ایڈیشنل سیکریٹری، سیکشن افسران اور دیگر عملے کو غیر حاضر یا دیر سے آنے پر سرزنش کی اور 30سے زائد افسران اور عملہ کو وضاحتی مراسلے دینے کی بھی ہدایت کی۔ صوبائی وزیر نے صفائی کی ناقص صورتحال کا بھی سخت نوٹس لیتے ہوئے متعلقہ انچارج کے خلاف کارروائی کرنے کا حکم دیا۔

ایمزٹی وی(بیجنگ)چین کے صدر، وزیراعظم اور وزیرخارجہ نے اپنے پیغام میں طیارہ حادثے پر پاکستانی ہم منصبوں سے اظہار تعزیت کیا ہے۔
چین کے صدر ژی جن پنگ نے پاکستانی ہم منصب ممنون حسین سے اظہار تعزیت کرتے ہوئے اپنے پیغام میں کہا کہ مسافر طیارہ حادثے سے متعلق سن کر شدید صدمہ ہوا جس میں سوار تمام 47 افراد جاں بحق ہوئے۔

چین کی حکومت اور عوام کی جانب سے ہم متاثرہ خاندانوں سے اظہار تعزیت کرتے ہیں اور مشکل کی اس گھڑی میں چین کے عوام پاکستانی لوگوں کے ساتھ کھڑے ہیں۔

اپنے تعزیتی پیغام میں چینی وزیراعظم لی کیکیانگ نے وزیراعظم نواز شریف سے اظہار تعزیت کرتے ہوئے اپنے پیغام میں کہا کہ متاثرہ طیارے میں سوار تمام مسافروں کے لواحقین سے اظہار تعزیت کرتا ہوں جب کہ چینی وزیرخارجہ وین یی نے بھی وزیراعظم کے مشیر برائے امور خارجہ سرتاج عزیز سے اسی قسم کے جذبات کا اظہار کیا۔
لائک کریں