بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے سربراہ پروفیسر ڈاکٹر محمد اقبال چوہدری کوبائیو آرگینک کیمسٹری کے شعبے میں گراں قدر خدمات انجام دینے کے اعتراف میں چائینز اکیڈمی آف سائینسز کی جانب سے ”ممتاز سائینسدان“کا اعلیٰ چینی ایوارڈ دیا گیا ہے۔ 

 آئی سی سی بی ایس جامعہ کراچی کے ترجمان کے مطابق پروفیسر اقبال چوہدری کو یہ اعلیٰ چینی ایوارڈ نہ صرف بائیو آرگینک کیمسٹری کے شعبے میں گراں قدر خدمات انجام دینے بلکہ چینی اعلیٰ تعلیمی اداروں سے مضبوط تعلیمی و تحقیقی روابط قائم کرنے کے اعتراف میں بھی دیا گیا ہے۔

واضح رہے کہ پروفیسر اقبال چوہدری نے آرگینک اور بائیو آرگینک کیمسٹری کے شعبے میں گراں قدر خدمات انجام دی ہیں اس ضمن میں ان کی تقریباً1355سائنسی اشاعتیں بین الاقوامی سطح پر شائع ہوچکی ہیں، امریکہ اور یورپ میں انکی تحریرو ادارت کردہ73کتب اور کتب میں40 چیپٹر شائع ہوچکے ہیں، اس کے علاوہ67انٹرنیشنل اور یو ایس پیٹینٹ بھی قابل ذکر ہیں۔ مزیدبرآں ڈاکٹرمحمد اقبال چوہدری کیمیاء سے متعلق متعدد غیرملکی کتب و جرائد کے مدیر ہیں جبکہ ان کے سائنسی کام کو27ہزار مرتبہ بطور حوالہ پیش کیا گیا ہے ان کے زیر نگرانی94طالبعلم پی ایچ ڈی مکمل کرچکے ہیں،بین الاقوامی اعزازات کے حامل ہونے کے ساتھ ساتھ پروفیسراقبال چوہدری کو حکومتِ پاکستان کی جانب سے تمغہء امتیاز، ستارہئ امتیازاور ہلالِ امتیاز بھی عطا کیا جاچکا ہے، نائجیریا میں ایک تحقیقی ادارہ بھی پروفیسر اقبال چوہدری کے نام سے منسوب ہے۔واضح رہے کہ پروفیسر اقبال چوہدری وزیراعظم پاکستان کی زیرِ نگرانی قومی کمیشن برائے سائینس اور ٹیکنالوجی کے رکن بھی ہیں۔ شیخ الجامعہ کراچی پروفیسر ڈاکٹر خالد محمود عراقی اور وزیراعظم پاکستان کی قائم کردہ ٹاسک فورس برائے سائنس اور ٹیکنالوجی کے چیئرمین اور سرپرستِ اعلیٰ بین الاقوامی مرکز پروفیسر ڈاکٹر عطا الرحمن نے پروفیسر اقبال چوہدری کو انکی اس کامیابی پر مبارکباد دیتے ہوئے اسے نہ صرف جامعہ کراچی بلکہ پوری قوم کے لئے اعزاز قرار دیا ہے۔

سندھ ہائر ایجوکیشن کمیشن کے چیئرمین ڈاکٹر عاصم حسین کی ہدایت پر سندھ ایچ ای سی نے پی ایچ ڈی کرنے والے نوجوانوں کی حوصلہ افزائی اور ان کی مالی اعانت کرنے کیلئے 2 مختلف منصوبے شروع کرنے کا فیصلہ کیا ہے ۔ جس کیلئے رقم مختص کردی گئی ہے ۔

پہلے منصوبے کے تحت پی ایچ ڈی کرنے والے نوجوانوں سے ریسرچ پروپوزل طلب کئے جائیں گے اور ان کی منظوری کی صورت میں انہیں تحقیق کیلئے گرانٹ جاری ہو گی ۔ اس مقصد کیلئے 5 کرورڑ روپے مختص کر دیئے گئے ہیں ۔ جب کہ دوسرے منصوبے کے تحت ایم فل کرنے والے 100 طلبہ کو ڈھائی لاکھ فی کس دیئے جائیں گے ۔

ریسرچ پروپوزل کو فائنل ماہرین کی ٹیم کرے گی،جب کہ 100 طلبہ کو ڈھائی لاکھ فی کس ایم فل کے مارکس کی بنیاد پر دیئے جائیں گے ۔ سندھ ہائر ایجوکیشن کمیشن کے مطابق لاک ڈاؤن ختم ہوتے ہی دونوں منصوبوں کو مکمل کرکے اخبارات میں اشتہار جاری کر دیا جائے گا۔

ہائر ایجوکیشن کمیشن نے پاکستانی محقیقن کیلئے تحقیق کی راہیں محدود کر دیں ۔ پاکستان سے سالانہ کروڑوں روپے بیرون ملک بھیجنے اور تعلیمی معیار کو برباد کرنے کا نیا منصوبہ تیار کرلیا گیا ہے ۔ ایچ ای سی نے تحقیقی مجلات (ریسرچ جنرلز) کی زیڈ کیٹگری ختم کر کے بین الاقوامی صرف دو ایجنسیز سے انڈکٹ کرانے کی پالیسی وضع کردی ہے ۔

ہائر ایجوکیشن کمیشن کی جانب سے جاری ہونے والے 3 مارچ کو ایک نوٹیفکیشن جاری کیا گیا جس میں کہا ہے کہ ایچ جے آر ایس کے تحت ڈبیلو ، ایکس اور وائے کیٹیگری میں تمام جرنلز کو چیک کیا جائے اور اس کے بعد یکم جولائی 2020 تک اس جنرل کی کیٹیگری کو طے کیا جائے گا ۔

ہائر ایجوکیشن کمیشن کی جانب سے جاری ہونے والی نوٹیفکیشن کے بعد تمام یونیورسٹیز کو ہدایات دی گئی ہیں ان شائع ہونے والے ریسرچ جنرلزکو بین الاقوامی صرف دو ایجنسز کے ساتھ رجسٹریشن کرانا ہو گی جن میں ویب آف ٹائم اور اسکوپس شامل ہیں ۔ ان دونوں کےعلاوہ کسی بھی دیگر ایجنسی میں رجسٹریشن نہیں کرائی جاسکے گی۔

یہ اقدام پاکستان میں تعلیمی معیار کو کم کرنے اور ملک سے سالانہ کروڑوں روپے کو ریونیو بیرون ممالک بھیجنے اور کمیشن بٹورنے کی سازش ہے ۔ یہی وجہ ہے کہ گزشتہ برس ایچ ایس سی کی موجود انتطامیہ نے زیڈ کیٹگری کے جنرلز کو ختم ہی کردیا ہے جس کی وجہ سے دیگر تین کیٹیگریز پر بوجھ بھی بڑھ گیا ہے ۔

بین الاقوامی دونوں ایجنسیز کے ساتھ پاکستانی ریسرچ جنرلز کی رجٹریشن فیس 2 سے ڈھائی لاکھ روپے ہے اور اس کے علاوہ ہر 6 ماہ بعد پاکستان سے 500 ریسرچ جنرلز کے شمارے اپ لوڈ کرنے کی مد میں 50 ہزار روپے لینے کی صورت میں دو کروڑ 50 لاکھ روپے ہر 6 ماہ بعد مذکورہ دو ایجنسیز کے نام پر بیرون ملک جائیں گے جب کہ سالانہ یہی رقم 5 کروڑ روپے بنتی ہے اس کے علاوہ مذکورہ تینوں کیٹیگریز کے ریسرچ جنرلز کی سالانہ تجدیدی فیس بھی کروڑوں میں بنتی ہے ۔ تاہم 10 فیصد کمیشن وصول کرنے کے لئے ایچ ای سی کا متعلقہ ڈائریکٹر جنرل مبینہ طو رپر ظالمانہ اقدام پاکستانی محقیقن و جامعات کے سر کرنا چاہ رہے ہیں ۔

آل پاکستان قومی تحقیقی مجلات کے مرکزی ایسوسی ایشن کے انتخابات الیکشن کمیٹی کے ممبران ڈاکٹرضیاء الرحمن اورڈاکٹر عزیزالرحمن سیفی کے نگرانی میں مکل ہوِئے ، جن میں پروفیسر ڈاکٹرمحمد ضیاءالحق، پروفیسر ڈاکٹر محی الدین ہاشمی، پروفیسر ڈاکٹرعبدالقدوس صہیب اور پروفیسر ڈاکٹر محمد حماد لکھوی ایگزیکٹیو ممبرز نامزد کئے گئے ہیں ۔ پروفیسر ڈاکٹرعبدالغفاربخاری کو چیئرمین ، پروفیسرڈاکٹر روبینہ شاہین کو ڈپٹی چیئرمین ، ڈاکٹرسید باچا آغا کو صدر، ڈاکٹر محمد افضال بٹ کو سینئر نائب صدر، ڈاکٹر جنید اکبر کو نائب صدر، ڈاکٹربشیر احمد درس کو جنرل سیکرٹری، ڈاکٹر محمد الطاف یوسفزئی کو ڈپٹی جنرل سیکرٹری، پروفیسر ڈاکٹر الطاف حسین لنگڑیال کو فنانس سیکرٹری جب کہ ڈاکٹراعجاز علی کھوسہ کو سیکرٹری اطلاعات منتخب کیا گیا ہے ۔

نومنتخب کابینہ نے اس عزم کا اظہار کیا کہ وہ پاکستان کے تمام تحقیقی مجلات آرٹس و سوشل سائنسز کا نمائندہ پلیٹ فارم ہونے کے ناطے مجلات کو درپیش مشکلات کے قابل عمل حل کے حوالے اپنی جدوجہد جاری رکھیں گے ۔ مرکزی صدر نے کہا کہ پاکستان کی تمام جامعات کی نمائندہ تنظیم فپواسا کو چاہیئے کہ وہ ہائیرایجوکیشن کمیشن کے نا جائز اقدامات کے خلاف آواز بلند کریں ۔ کیونکہ مجلات کی بقاء اور کامیابی سے ہی تمام محققین کی پروموشن اور تحقیق کا دائرہ وسیع ہونا ممکن ہے ۔ اگر مجلات حالیہ عتاب کے زیر اثر رہے تو تمام پروفیسرز کے تحقیقی عمل کو لاک ڈاون لگ جائے گا

ویب ڈیسک : ہم میں سےبہت سے لوگ وڈیو گیمز کھیلنے کاشوق رکھتے ہیں لیکن بعض لوگ اسے برا گردانتے ہیں. لیکن ماہرین نے ایک نیا انکشاف کیاہے جس سے لوگوں کی سوچ بدل کرکھ دےگا. 

جنرل فرنٹیئرز ان ہیومن نیوروسائنس میں شائع کی جانے والی تحقیق کےمطابق ریئل ٹائم اسٹرٹیجی وڈیو گیمز کھیلنے سےدماغ میں معلومات کا عمل اور حافظہ تیز ہوتا ہے. 

ماہرین کا کہناہےایسے گیمز حس میں انسان جیتنے کےلئے اسٹریٹجی اور پلاننگ کرتا پےجس سےاسکی ذہنی صلاحیتوں میں اضافہ ہوتا ہے. 

خیال رہے کسی چیز کا حد سےزیادہ استعمال آپ کے لئے نقصان دہ ہوتا ہے اس لئے آپ وڈیو گیمز کھیلنے کے عادی ہیں تو اسکے لئے وقت تعین کریں تاکہ منفی اثرات سےبچ اکیل. 

اسلام آباد:اسلام آباد ہائی کورٹ نے 20فیصد اسکول فیس معافی کےخلاف درخواست پرسماعت مقررکردیا. 

اسلام آباد ہائی کورٹ کےجج جسٹس عامر فاروق نجی اسکولوں کی درخواست پرسماعت کرینگے. 

واضح رہے حکومتی فیصلے کےخلاف پرائیوٹ اسکول ایسوسی ایشن نے اسلام آباد ہائی کورٹ سےرجوع کیا ہے. 

کراچی : لاک ڈاؤن کےدوران بھی سندھ محکمہ کالج ایجوکیشن میں میرٹ کےبرخلاف عہدوں پر تقرریوں و تبادلے کاسلسلے جاری ہے. گذشتہ کئی دنوں سے خالی 20گریڈ کی ریجنل ڈائریکٹر کالجز حیدرآباد کی اسامی پر گزشتہ روز ڈائریکٹر جنرل کالجزسندھ پروفیسر عبدالحمید غلام چنڑکوتقرر کردیا گیا ہے. 

حیرت انگیزطور پر 20گریڈ کی ڈائریکٹر جنرل کالجز سندھ کی اسامی کےعہدے کا چارج بھی انہی کے پاس رہے گا.جبکہ 20گریڈ کی سینیارٹی میں وہ خاصے پیچھے ہیں مگر سفارشات کی بنیاد پرانہیں یہ دونوں عہدے دے دیئے گئے ہیں. جبکہ گریڈ 20کی سینیارٹی کےلحاظ سے پروفیسرافضال چوپدری سینئر ہونے کےباوجود سفارش نہ ہونے کےباعث نظرانداز کردیاگیا ہے. 

مانیٹرنگ ڈیسک :معروف سرچ انجن گوگل نےاپنا ڈوڈل کورونا وائرس سے لڑنے والے ٹرانسپوٹرز کےنام کردیا. گوگل نےڈوڈل کےذریعے ٹرانسپوٹرز کوشکریہ ادا کیاہے. گوگل کےڈوڈل پرگوگل کےآخری حرف "ای"ایک منی بس میں بیٹھا ہے.اوراس کےلیئے جگمگاتا بھرا دل کا نشان اسکی جانب بھیج رہا ہے. 

ڈوڈل کاپیغام ہے تمام پبلک ٹرانسپورٹرز کا شکریہ.  غیرملکی خبررساں ادارے کے مطابق گوگل نےکورونا وائرس سےلڑنےوالے تمام ترلوگوں کاشکریہ اداکرنےکےلئے ایک سلسلے کاآغاز کیا. 

دو ہفتےکی گوگل ڈوڈل سیریز میںڈاکٹرز سےلیکر فرنٹ لائن پرکام کرنے والے اسٹاف,  نرسز, استاد,  سماجی کارکن, استادسمیت دیگر افراد کوخراج تحسین پیش کیا جائے گا. اس سیریز کےذریعے سب سے پہلے پبلک ہیلتھ ورکرز اور سائنٹیفک کمیونٹی کو خراج تحسین پیش کیاگیا.

اسلام آباد:وزیراعظم عمران خان کی معاون خصوصی برائے اطلاعات و نشریات فردوس عاشق اعوان کاکہنا ہےکہ ٹیلی اسکول کاآغاز وزیر اعظم کی تعلیمی فروغ کےوژن کامظہر ہے. 

فردوس عاشق اعوان نےسماجی رابطے کی ویب سائٹ ٹوئٹر پرٹوئٹ کرتے ہوئے کہا ہے کہ کورونا وبا کےباعث بچوں کاتعلیمی عمل معطل ہے گھر بیٹھے طالبعلم سمیت دیگر افراد تدریسی عمل سےاستعفادہ حاصل کرسکتے ہیں. نشریات کاآغاز صبح 8 بجے سےشام 6 بجے تک ہوگا جس سے جماعت اول سے بارہویں جماعت کےطالب علم مستفید ہوسکیں گے. 

فردوس عاشق اعوان کاکہنا تھا ٹیلی اسکول سےوہ بچے بھی فائدہ اٹھاسکتے ہیں اسکول نہیں جاسکتے. منصوبہ ملک بھر شرح خواندگی کےفروغ میں بھی  اہم ثابت ہوگا. 

ٹیلی اسکول کئ نشریات سیٹلاٹٹ اور اینٹینا کےذریعے بھی دیکھی جاسکے گی. 

وزیراعلیٰ سندھ مراد علی شاہ نے وزیراعظم عمران خان کو لاک ڈاؤن میں مزید دو ہفتے توسیع کرنے کی تجویز دیتے ہوئے کہا ہے کہ معیشت کو دوبارہ کھڑا کرسکتے ہیں مگر انسان کو دوبارہ زندگی نہیں دی جا سکتی، وزیراعظم لاک ڈاؤن توسیع پر قومی اتفاق رائے سے آگے بڑھ کر اعلان کریں۔

وزیراعلی سندھ مراد علی شاہ نے پریس کانفرنس میں کہا کہ کورونا وائرس صرف پاکستان نہیں پوری دنیا کا مسئلہ ہے، اس سے بچنے کے لیے پہلے دن سے سماجی فاصلے رکھنے پر زور دیا جارہا ہے، سندھ حکومت پر بلاسوچے سمجھے لاک ڈاؤن کا الزام غلط ہے، ہم نے خوب سوچ سمجھ کر یہ فیصلہ کیا، کورونا سے بچنے کے طریقہ یہ ہے کہ ایکشن کرو اور وائرس سے آگے آگے رہو۔

مراد علی شاہ نے کہا کہ اگر پہلے ہی دن موثر لاک ڈاؤن کردیتے تو اچھا ہوتا اور صورتحال اس قدر خراب نہ ہوتی، وفاقی حکومت نے نقد رقوم تقسیم کرنے کے لیے لوگوں کو جمع کرنا ہے تو لاک ڈاؤن ختم کردے، لوگ کورونا وائرس کی سنگینی کو سمجھ نہیں رہے ہیں۔

ملک بھر میں کورونا وائرس کے مصدقہ مریضوں کی تعداد 5 ہزار 374 ہوگئی اور 93 افراد جاں بحق ہوگئے۔

وفاقی وزارت صحت کے کمانڈ اینڈ کنٹرول سینٹر کے اعداد و شمار کے مطابق ملک میں گزشتہ 24 گھنٹوں کے دوران 3 ہزار 233 مشتبہ مریضوں کے ٹیسٹ کیے گئے جن میں سے 336 میں اس وائرس کی تشخیص ہوئی۔

اس طرح ملک بھر میں کورونا کا شکار افراد کی تعداد 5 ہزار 374 ہوگئی جب کہ کورونا وائرس کے ایک ہزار 95 مریض صحت یاب ہوچکے ہیں۔ اب تک مجموعی طور پر 65 ہزار 114 مریضوں کے ٹیسٹ کیے گئے ہیں۔

کمانڈ اینڈ کنٹرول سینٹر کے مطابق گزشتہ 24 گھنٹوں کے دوران ملک بھر میں 7 افراد اس وائرس کے ہاتھوں جان کی بازی ہار گئے جب کہ 44 کی حالت تشویش ناک ہے۔

کورونا وائرس کے پنجاب میں 2594، سندھ میں 1411، بلوچستان میں 230، خیبر پختونخوا میں 744، آزاد کشمیر میں 40، اسلام آباد میں 131 اور گلگت بلتستان میں 224 کیسز رپورٹ ہوچکے ہیں۔