آسٹریلیا: بھارت سمیت پوری دنیا میں کورونا وائرس کے پھیلاؤ کے بعد آسٹریلوی کھلاڑیوں کی بھارت آمد پر سوالیہ نشان لگ چکاہے۔ بھارتی بورڈ نے 15 اپریل تک آئی پی ایل مقابلوں کو موخر کرنے کا اعلان کیا ہے۔

پٹ کمنز،اسٹیواسمتھ،ڈیوڈوارنر،گلین میکسول سمیت 17 آسٹریلوی کرکٹرز نے آئی پی ایل کی مختلف فرنچائزز کے ساتھ معاہدے کررکھے ہیں۔ آسٹریلوی میڈیا رپورٹس کے مطابق کرکٹرز معاہدے ختم کرنےپر غور کررہےہیں۔

دوسری جانب کرکٹ آسٹریلیا کے چیف ایگزیکٹو کیون روبرٹس کا کہنا ہے کہ کھلاڑیوں نے انفرادی حیثیت میں آئی پی ایل معاہدے کر رکھے ہیں، ہم انہیں براہ راست کوئی ہدایات نہیں دے سکتے لیکن موجودہ صورت حال میں مشورہ دے سکتے ہیں، آئی پی ایل میں کھیلنا یا نہیں، اس کا فیصلہ خود کرکٹرز نے کرنا ہے۔

وزیر تعلیم سندھ کے اعلان کے مطابق نےبروز بدھ 18 مارچ سے سندھ بھر میں تعلیمی اداروں کے دفاتر بھی بند کرنےکااعلان کردیا۔

آل سندھ پرائویٹ اسکولز اینڈ کالجز ایسوسی ایشن کے اعلامیے کے مطابق 18 مارچ سے پورے سندھ میں تمام اسکولز اور کالجز کے دفاتر بند رہیں گے۔

 والدین  ہوم اسائنمنٹ، آمتحانات کے شیڈول، ای اسائنمنٹ یا کسی بھی معلومات کے لیے متعلقہ اسکول/ کالج کے آفیشل واٹس ایپ نمبر، فیس بک پیج کو فالو کر سکتے ہیں۔

اسلام آباد : وفاقی وزیرِ تعلیم شفقت محمود نے کہا کہ پاکستان کے تمام 29 بورڈز کے امتحانات یکم جون تک نہیں ہوں گے۔انہوں نے کہا کہ لوگ آپس میں ملنا جلنا کم کردیں، تعلیمی ادارے 5 اپریل تک بند رہیں گے، صورتِ حال کا جائزہ لے کر مزید فیصلے کیے جائیں گے۔

اسلام آباد میں پریس کانفرنس کرتے ہوئے وزیرِ تعلیم نے کہا کہ صوبائی وزرائے تعلیم سے مشاورت کریں گے جس کے بعد فیصلہ کریں گے کہ تعلیمی اداروں کو 5 اپریل کو کھولنا ہے یا نہیں۔انہوں نے کہا کہ یکم جون سے پہلے کوئی امتحانات نہیں ہوں گے، کیمبرج اسکول سسٹم کےتحت بھی یکم جون سے پہلے امتحانات نہیں ہوں گے۔

شفقت محمود نے بتایا کہ باہر کے ادارے جو پاکستان میں امتحانات لیتے ہیں ان کے امتحانات بھی یکم جون سے قبل نہیں ہوں گے۔ان کا کہنا ہے کہ امید ہے کہ دوسرے بیرونی ادارے بھی امتحانات ملتوی کرنے کا اعلان جلد کر دیں گے، کسی اسکول میں اساتذہ کو آنے کی ضرورت نہیں لیکن انتظامیہ ضرورت پڑنے پر بلا سکتی ہے۔

وزیرِ تعلیم نے مزید بتایا کہ لوک ورثہ سمیت تمام کلچرل سائٹس پر ثقافتی سرگرمیاں منسوخ کر دی گئی ہیں، یونیورسٹیز کی ہاسٹل خالی کرا لیے گئےہیں۔

اسلا م آباد: وفاقی حکومت نے جمعہ کے اجتماعات پر پابندی نہ لگانے کا فیصلہ کیا ہے۔

وزیراعظم عمران خان کی زیرصدارت وفاقی کابینہ کا اجلاس ہوا جس میں کورونا وائرس کے پھیلاؤ کو روکنے کے لیے اقدامات پر بات چیت ہوئی۔

حکومت نے جمعہ کے اجتماعات پر پابندی نہ لگانے کا فیصلہ کرتے ہوئے ائمہ حضرات کو نماز جمعہ دو فرض تک محدود اور خطبہ مختصر کرنے کی ہدایت کی۔

اجلاس میں فیصلہ کیا گیا کہ نماز جمعہ کے اجتماعات سے متعلق بھرپور آگاہی مہم چلائی جائے گی، جبکہ علماء اور خطیب مساجد سے احتیاطی تدابیر اختیار کرنے کی تلقین کریں گے۔

وفاقی کابینہ نے آئندہ مالی سال کی بجٹ حکمت عملی کی منظوری دیتے ہوئے بجٹ اخراجات، آمدن اور اہداف کے لیے تجاویز پیش کردیں۔ آئندہ سال شرح نمو کا ہدف تین فیصد ہوگا اور ایف بی آر محصولات کی وصولی کا ہدف 6 ہزار ارب سے زائد ہوگا۔

برطانوی کرکٹر الیکس پیلز نے کورونا وائرس مثبت آنے کے حوالے سے خبروں کی تردید کردی

سماجی رابطے کی ویب سائٹ پر نجی ٹی وی کے اینکر پرسن کی ٹوئٹ پر جواب دیتے ہوئے انگلش کرکٹر الیکس ہیلس نے کہا کہ جعلی خبریں پھیلانا بند کردیں، یہ خطرناک رویہ ہے۔

قومی ٹیم کے سابق ٹیسٹ کرکٹر اور معروف تجزیہ کار رمیز راجا نے کراچی کنگز کی نمائندگی کرنے والے برطانوی کرکٹر الیکس ہیلز کا نام لیتے ہوئے کہا کہ ان میں کورونا وائرس مثبت آنے کے حوالے سے خبریں گردش کررہی ہیں اسی حوالے سے نجی ٹی وی کے اینکرپرسن نے الیکس ہیلز کی تصویر کے ہمراہ گلف نیوز کا لنک بھی شیئر کرتے ہوئے کہا کہ خبر کی تصدیق  ہے

واضح رہے الیکس ہیلز نے پی ایس ایل میں کراچی کنگز کی جانب سے 7 میچز کھیلے تاہم کورونا وائرس کے خدشات کے پیش نظر پی سی بی کی جانب سے پی ایس ایل چھوڑنے کی آفر پر وہ انگلینڈ واپس چلے گئے تھے تاہم آج الیکس ہیلز میں کورونا وائرس کی علامات پائے جانے کی اطلاعات پر پی ایس ایل کو ملتوی کرنے کو اہم جواز قرار دیا گیا ہے۔

راولپنڈی: افواج نے تمام میڈیکل سہولتیں کورونا وائرس سے نمٹنے کے لئے وقف کردیں۔

آئی ایس پی آرکی جانب سے جاری بیان کے مطابق قومی سلامتی کمیٹی کے 13 مارچ کے فیصلوں کی روشنی میں انتظامات مکمل کرلیے گئے ہیں۔ مسلح افواج نے تمام میڈیکل سہولتیں کورونا وائرس سے نمٹنے کے لئے وقف کردی ہیں۔ ملک بھرکے میں ملٹری اسپتال میں لیبارٹری قائم کردی گئی ہیں۔ اے ایف آئی پی راولپنڈی میں بھی سینٹرل ٹیسٹنگ لیب قائم کردی گئیں۔

اس متعلق آرمی چیف کا کہنا ہے کہ تمام کمانڈرسول انتظامیہ کی مدد کریں گے، پاکستانی عوام کا تحفظ اور حفاظت ہماری اولین ترجیح ہے۔

 لاہور: .پاکستان کرکٹ بورڈ نے پاکستان سپر لیگ فائیو کو ملتوی کرنے کا کااعلان کردیا۔

لاہور میں پی سی بی اور فرنچائزز مالکان کا اجلاس ہوا۔ پی سی بی نے فرنچائزز مالکان سے مشاورت کے بعد پاکستان سپر لیگ (پی ایس ایل) غیر معینہ مدت کے لیے ملتوی کرنے کا حتمی فیصلہ کرلیا۔

پی سی بی نے براڈ کاسٹنگ ٹیم کو فیصلے سے آگاہ کردیا ہے۔ ذرائع کے مطابق ایک فرنچائز غیر ملکی کھلاڑیوں کی وطن واپسی کی وجہ سے مزید نہیں کھیلنا چاہتی تھی۔

پی سی بی کی جانب سے جاری بیان کے مطابق پی ایس ایل 2020 کو ملتوی کردیا گیا ہے اور بقیہ میچز کو نئی تاریخوں میں کرایا جائے گا، تاہم اس معاملے کی مزید تفصیلات بعد میں جاری کی جائیں گی۔

سان فرانسسکو: کوروناوائرس سےبچنےکےلئےسماجی رابطے کی ویب سائٹ بھی میدان میں آگیا۔ سماجی رابطےکی ویب سائٹ ٹوئٹرنےایموجی کےذریعےہاتھ دھونے کی تلقین کی ہے۔ 

اس کے علاوہ اگر کوئی #HandWashing, #HandWashChallenge, #SafeHands or #WashYourHands کے ہیش ٹیگز استعمال کرے گا تو اس پر بھی یہ ایموجی یکلخت ظاہر ہوجائے گی۔

دوسری جانب ماہرین نے زور دے کر کہا ہے کہ لوگ اچھی طرح ہاتھ دھونے کو معمول بنائیں اور کم ازکم 20 سیکنڈ تک ہاتھ ضرور دھوئیں۔ اسی بنا پر ٹویٹر نے ایموجی کے ذریعے اس کی تحریک شروع کرنے کا فیصلہ کیا ہے۔

ہاتھ دھونے کی ایموجی کو لوگوں نے بہت مرتبہ استعمال کیا ہے اور اس عمل کو سراہا ہے۔ ٹویٹر کے مطابق ہینڈ واش ایموجی سامنے آتے ہی اس رحجان میں تیزی پیدا ہوئی جس میں لوگوں نے ایک دوسرے کو ہاتھ دھونے اور کورونا سے بچنے کی تلقین کی ہے۔

دوسری جانب لاتعداد صارفین ، ڈاکٹروں اور افراد کے ساتھ ساتھ عالمی ادارہ برائے صحت کے سربراہ ٹیڈروس ایدھانم گیبریئسِس نے بھی اپنے ٹویٹ میں ٹویٹر کی اس ایموجی کا شکریہ ادا کیا ہے۔ انہوں نے کہا ہے کہ عالمی ادارہ برائے صحت کو یہ بہت پسند آئی اور امید ہے کہ اس سے ہاتھ دھونے کی ویڈیوز بنانے اور پوسٹ کرنے کو بھی تحریک ملے گی۔

اس کے بعد یونیسیف مشرقی ایشیا نے بھی اسے سراہتے ہوئے نہایت ضروری قدم قرار دیا ہے۔

لاہور: پاکستان میں کوروناوائرس کاپہلا مریض دم توڑ گیا

50 سالہ غلام عمران کا تعلق حافظ آباد کا شہری تھا۔ گزشتہ دنوں غلام عمران ایران سے 14روز قرنطینہ میں گزار کر واپس لوٹا تھا۔ غلام عمران کو گزشتہ رات تشویش ناک حالت میں میو اسپتال لایا گیا جہاں وینٹی لیٹر کی سہولت نہ ہونے کےباعث مریض کو آئی سی یو میں رکھا گیا ۔

دوسری جانب ملک بھر میں کورونا وائرس کے تصدیق شدہ مریضوں کی تعداد 189 ہوگئی ہے۔ سندھ میں کورونا وائرس کے کیسز کی تعداد 155 ہے۔