لاہور: پاکستا ن کرکٹ بورڈ انگلینڈ کے خلاف ٹیسٹ سیریز میں راولپنڈی اسٹیڈیم میں بنائے گئے پچ پر دبائو میں آگیا۔

تفصیلات کے مطا بق ناقص پچ کے باعث پاکستانی ٹیم کاانگلینڈ کے خلاف ٹیسٹ سیریزکا جیتنا مشکل ہوگیا ہے ٹیم کی جارحانہ بیٹنگ کے باعث پنڈی ٹیسٹ دلچسپ مرحلے میں ہے

راولپنڈی اسٹیڈیم کے پچ کے بعدپی سی بی حکام کو اب ملتان ٹیسٹ کی فکر لاحق ہوگئی ہے۔

جس کے نتیجے میں ہیڈکوچ ثقلین مشتاق اور کپتان بابر اعظم کے کہنے پر مشن ایمپوسیبل کے لیے ملتان پہنچ گئے ہیں جب کہ پاکستان اور انگلینڈ کی ٹیمیں منگل کو ملتان پہنچیں گی، مشن کامقصد پچ بناؤ ،میچ بچاؤ ہے۔

مصدقہ ذرائع کا کہنا ہے کہ سابق کپتان یوسف پچ کی تیاری میں چیف کیوریٹر آغا زاہد اور مقامی کیوریٹر کو اپنی رائے سے آگاہ کریں گے۔

پنڈی ٹیسٹ میں پچ پر ہونے والی تنقید کے بعد پی سی بی پر کافی دباؤ ہے، ٹیم انتظامیہ اور پی سی بی ایسی پچ بنانا چاہتے ہیں جس پر پاکستانی بولروں کو ایڈوانٹیج ملے۔

راولپنڈی: انگلینڈاورپاکستان کےدرمیان سیریزکے پہلے ٹیسٹ کے تیسرے روز قومی ٹیم کی بیٹنگ جاری ہے۔

ٹیسٹ کےتیسرے روزقومی ٹیم کے اوپنرز عبداللہ شفیق اور امام الحق جبکہ کپتان بابراعظم سنچری مکمل کرنے میں کامیاب ہوگئے۔کپتان بابراعظم نے ٹیسٹ کرکٹ کی 8 ویں سنچری مکمل کی۔

امام الحق نے 121 ، عبداللہ شفیق نے 114 ، اظہر علی 27 ، سعود شکیل 37 ، بابر اعظم نے 136 رنز بنائے۔

وِل جیکس نے عبداللہ شفیق کو 114رنز پر آؤٹ کرکے اپنی پہلی ٹیسٹ وکٹ لی۔ امام الحق 121 رنز بنا کر لیچ کی گیند پر رابنسن کے ہاتھوں کیچ آؤٹ ہوگئے۔

اظہر علی 27رنز بنا کر جیک لیچ کی گیند پر ایل بی ڈبلیو ہو گئے۔ کھانے کے وقفے تک پاکستان نے 3 وکٹوں کے نقصان پر 298رنز بنالیے۔

وقفے کے بعد پہلا ٹیسٹ کھیلنے والے سعود شکیل 37 رنز بنا کر کیچ آؤٹ ہوگئے۔ بابر اعظم 136 رنز بنا کر ول جیکس کی گیند پر کیچ آؤٹ ہوگئے۔

کراچی: جامعہ اردو نے ایم فل، ایم ایس اور پی ایچ ڈی میں داخلوں کےلئےانٹری ٹیسٹ کی تاریخ کااعلان کردیا۔

وفاقی اردو یونیورسٹی کے ڈائریکٹر ایڈمشن ڈاکٹرسید اخلاق حسین کے مطابق ایم ایس، ایم فل اور پی ایچ ڈی کے انٹری ٹیسٹ(داخلہ2023) 10دسمبر بروزہفتہ وفاقی اردو یونیورسٹی کے ایم ایس سی بلاک گلشن اقبال میں منعقدہوں گے۔

انہوں نے مزید بتایا کہ رپورٹنگ ٹائم صبح10 بجےہے۔

انٹری ٹیسٹ کے امیدواراپنا ایڈمٹ کارڈجامعہ اردو کی ویب سائٹ www.fuuast.edu.pk  سے7دسمبرکو ڈائون لوڈ کرسکیں گے۔

لاہور: انصاف آفٹرنون اسکولز پروگرام کےتحت اساتذہ میں ٹیبلیٹ تقسیم کی تقریب منعقد کی گئی۔تقریب میں صوبائی وزیر تعلیم پنجاب مراد راس نےبطور مہمان خصوصی نے شرکت کی۔

اس موقع پر وزیر تعلیم مراد راس کاکہنا تھاکہ جو ٹیبلیٹ آج دے رہے ہیں وہ چھے مہینے پہلے ہمارے پاس آئے تھے، صوبے بھر کے اساتذہ میں 11475 ٹیبلیٹ تقسیم کرنے جا رہے ہیں،اگلے چند دنوں یہ تمام ٹیبلیٹ اساتذہ تک پہنچ جائیں گے۔تمام ٹیبلیٹس بار کوڈیڈ ہیں، کوئی بھی ان کو کسی قسم کے ذاتی مفاد کیلئے استعمال نہیں کر سکے گا

انہوں نے مزید کہا کہ ڈیجیٹلائیزیشن کو جتنا فروغ محکمہ اسکول ایجوکیشن پنجاب نے دیا پاکستان کے کسی اور ادارے نے نہیں دیا ٹیکنالوجی کے مثبت اور جامع استعمال سے شفافیت کا عمل یقینی بنتا ہے۔

انہوں نے بتایاکہ ہم نے 7 ہزار سے زائد سکولوں کو محض 6 ارب روپوں کے عوض اپگریڈ کیاانصاف آفٹرنون اسکولز پروگرام کی بدولت دو سے ڈھائی لاکھ بچے واپس اسکولوں میں آئےاوراس پروگرام کاانصاف آفٹرنون اسکولز پروگرام کا سب سے زیادہ فائدہ ہماری طالبات کو ہوا ۔

اس موقع پر سیکریٹری محکمہ ا سکول ایجوکیشن پنجاب، سپیشل سیکرٹری، پروگرام ڈائریکٹر PMIU, صوبے بھر کے تمام اضلاع کے سی ای اوز و دیگر موجود تھے ۔

کراچی: جامعہ کراچی شعبہ ویژول اسٹڈیز کاداخلہ ٹیسٹ کل ہوگا۔

تمام امیدواروں کے ایڈمٹ کارڈ ان کے پورٹل پر اَپ لوڈ کردیئے گئے ہیں جس پر رپورٹنگ ٹائم امتحانی مرکزاور کمرہ امتحان کا نمبردرج ہےانچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق شعبہ ویژول اسٹڈیز میں بیچلرز آف ڈیزائن(چارسالہ پروگرام)،بیچلرز آف فائن آرٹس(چارسالہ پروگرام) اور بیچلرز آف آرکیٹیکچرز (پانچ سالہ پروگرام)میں داخلوں کے لئے داخلہ ٹیسٹ اتوار04 دسمبر2022 ء کو فیکلٹی آف آرٹس کے شعبہ پولیٹیکل سائنس میں منعقد ہوگا۔

تمام امیدواروں کے ایڈمٹ کارڈ ان کے پورٹل پر اَپ لوڈ کردیئے گئے ہیں جس پر رپورٹنگ ٹائم امتحانی مرکزاور کمرہ امتحان کا نمبردرج ہے۔طلبہ اپنے ایڈمٹ کارڈ اپنے پورٹل سے پرنٹ کرسکتے ہیں۔

واضح رہے کہ امتحانی مرکز اور مقررہ وقت کی تفصیل ایڈمٹ کارڈ پر موجودہے۔علاوہ ازیں طلبہ کو بذریعہ ایس ایم ایس اور ای میل بھی آگاہ کردیاگیاہے۔داخلہ ٹیسٹ میں شرکت کرنے والے امیدواروں کو ہدایت کی جاتی ہے کہ وہ صبح 10:00 بجے اپنے اصل شناختی کارڈ اور ایڈمٹ کارڈ کے ساتھ اپنے متعلقہ امتحانی مرکز پر حاضری کو یقینی بنائیں۔

دوحہ: فیفا ورلڈ کپ 2022 میں کیمرون نے برازیل کو 0-1 سےشکست دے دی۔

لُوسیل اسٹیڈیم میں کھیلے گئے گروپ جی کے میچ میں کیمرون نے برازیل کو 0 کے مقابلے میں 1 گول سے شکست دے دی۔

کیمرون کی جانب سے ونسنٹ ابو بکر نے دوسرے ہاف کے اضافی وقت میں گول اسکور کر کے کیمرون کو برتری دلائی جو میچ کے آخر تک برقرار رہی۔

گول کا جشن منانے کے لیے شرٹ اتارنے پر ونسنٹ ابو بکر کو ریڈ کارڈ دِکھا کر گراؤنڈ سے باہر بھیج دیا گیا۔

پوائنٹس ٹیبل پر سرِ فہرست برازیل نے پری کوارٹر فائنل مرحلے میں رسائی حاصل کرلی۔

لاہور: لاہور ہائی کورٹ نے پنجاب کے نجی اور سرکاری تعلیمی اداروں میں ہفتے میں تین دن تعطیلات کا حکم دے دیا۔

تفصیلات کے مطابق عدالت نے قراردیا ہے کہ پنجاب حکومت سموگ کے خاتمے میں ناکام ہوچکی ہے،آلودگی پھیلانے والی صنعتوں کو گرانے اورگاڑیوں کو قبضہ میں لینے کی قانون سازی کی جائے۔

لاہور ہائی کورٹ نے حکم دیا کہ متعلقہ وفاقی وزیر کو بتایا جائےکہ پنجاب میں سموگ خطرناک حد تک بڑھ چکی ہے،بیجنگ اور شنگھائی کے علاوہ سموگ کے حوالے سے عالمی ماہرین کی مدد لی جائے۔عدالت نے مزید کہا کہ سیکریٹری ماحولیات جرمانوں کےحوالے سے عمل درآمد رپورٹ بھی پیش کریں، سیکریٹری ماحولیات ماحولیاتی آلودگی کا باعث بننے والی صنعتوں کو گرانے کے رولز وضع کریں۔

عدالت نے حکم دیا کہ دھواں چھوڑنے والی گاڑیاں اب سڑکوں پر نظر نہ آئیں، ایسی گاڑیوں کو بھی ایک نوٹس کے بعد قبضے میں لے کر نیلام کرنے کا رولز بنایا جائے۔لاہور ہائی کورٹ نے قرار دیا کہ ناقص فرنس آئل استعمال کرنے والی صنعتوں، بھٹوں کوبند کرنے کے بجائے اب گرانے کے رولز بنائیں جائیں، رولز کا مسودہ فوری بنا کر عدالت میں پیش کیا جائے،صرف ایک نوٹس کےبعد اگر باز نہ آئیں تو ایسی صنعتیں گرا دی جائیں

کراچی:اعلیٰ ثانوی تعلیمی بورڈ کراچی نےانٹرمیڈیٹ آرٹس پارٹ ٹو ریگولروپرائیوٹ کےسالانہ امتحانات کےنتائج کااعلان کردیا،

اعلیٰ ثانوی تعلیمی بورڈ کراچی کے ناظم امتحانات انجینئر انور علیم خانزادہ نے انٹرمیڈیٹ حصہ دوم آرٹس پرائیویٹ وریگولر کے خصوصی امیدواروں کے سالانہ امتحانات برائے 2022ء کے نتائج کا اعلان کردیا ہے۔

انہوں نے مزید بتایا کہ آرٹس پرائیویٹ گروپ کے امتحانات میں  4077امیدواروں نے رجسٹریشن حاصل کی، 3859امیدوارامتحانات میں شریک ہوئے جس میں سے 2161امیدوار کامیاب قرار پائے اس طرح کامیابی کا تناسب 56فیصد رہا۔

جبکہ ریگولر امتحانات میں 109امیدوار شریک ہوئے جس میں 105امیدوارکامیاب ہوئےاس طرح کامیابی کا تناسب 96.33فیصد رہا۔

راولپنڈی : راولپنڈی میں پاکستان اور انگلینڈ کے درمیان جاری ٹیسٹ میچ میں جہاں ریکارڈز بن رہے ہیں وہیں ٹیسٹ کرکٹ کی تاریخ میں ایک نئی تاریخ بھی رقم ہوئی ہے۔

ٹیسٹ کرکٹ کی تاریخ میں پہلی باردونوں ٹیموں کے اوپنرز نے 200 سے زائد رنز کی اوپننگ پارٹنر شپ اسکور کی۔

راولپنڈی ٹیسٹ کی پہلی اننگز میں زیک کراؤلی اور بین ڈیکٹ نے 233 رنز کا اوپننگ اسٹینڈ دیا جب کہ پاکستان کی پہلی اننگز میں عبداللہ شفیق اور امام الحق نے 225 رنز کی شراکت قائم کی۔

ٹیسٹ کرکٹ کی تاریخ میں پہلی بار دونوں ٹیموں کے اوپنرز نے پہلی اننگز میں سنچریاں اسکور کیں۔

راولپنڈی: قومی ٹیم کی انگلینڈ کے خلاف پہلے ٹیسٹ سیریز کےکے تیسرے روز بیٹنگ جاری ہے۔

تیسرا روز

قومی ٹیم کے اوپنرز عبداللہ شفیق اور امام الحق سنچری مکمل کرنے میں کامیاب ہوگئے ہیں۔ پاکستان کی پہلی وکٹ 225رنز پر گر گئی۔ وِل جیکس نے عبداللہ شفیق کو 114رنز پر آؤٹ کرکے اپنی پہلی ٹیسٹ وکٹ لی۔ دوسری وکٹ 245رنز پر گری۔ امام الحق 121 رنز بنا کر لیچ کی گیند پر رابنسن کے ہاتھوں کیچ آؤٹ ہوگئے۔

دوسرا روز
راولپنڈی کرکٹ اسٹیڈیم میں کھیلے جارہے میچ میں دوسرے روز انگلش ٹیم نے کھیل کا آغاز 506 رنز 4 وکٹوں کے نقصان پر کیا، ابتدا میں کپتان بین اسٹوکس 41 رنز بناکر وکٹ گنوا بیٹھے جبکہ لیام لیونگ اسٹون 9 رنز بناسکے۔ ہیری بروک نے 153 رنز کی اننگز کھیلی جبکہ ول جیکس 30، اولی روبنسن 37 اور جیک لیچ 6 رنز بناکر نمایاں رہے۔

انگلش ٹیم دوسرے روز 26 اوورز میں 151 رنز بنائے جبکہ انکی 6 وکٹیں گریں، پاکستان کی جانب سے زاہد محمود 4، نسیم شاہ 3، محمد علی 2 جبکہ حارث رؤف نے ایک وکٹ حاصل کرنے میں کامیاب ہوئے۔

پہلا روز
انگلینڈ کے اوپنرز زیک کرولی اور بین ڈکٹ نے اپنی ٹیم کو جارحانہ آغاز فراہم کیا، دونوں نے پہلی وکٹ کی شراکت میں 233 رنز اسکور کیے، بین ڈکٹ 107 جبکہ زیک کرولی 122 رنز بناکر نمایاں رہے تھے۔ دیگر کھلاڑیوں میں اولی پوپ 108، جو روٹ 23 رنز بناکر نمایاں رہے تھے۔

قبل ازیں انگلش ٹیم کے کپتان بین اسٹوکس نے ٹاس جیت کر پہلے بیٹنگ کرنے کا فیصلہ کیا۔ انکا کہنا تھا کہ کوشش ہوگی پہلے ابتداء میں بہتر کھیل کا مظاہرہ کرکے پاکستان کو انڈر پریشر لائیں۔ اس موقع پر قومی ٹیم کے کپتان بابراعظم نے کہا تھا کہ اگر ٹاس جیتتے تو پہلے بیٹنگ کرنے کا فیصلہ کرتے۔