ایمز ٹی وی(واشنگٹن) امریکی حکومت نے پروازوں پر الیکٹرانک اشیاءلانے پر پابندی لگانے کا فیصلہ کر لیا ۔ پابندی کا اطلاق 12ممالک کے مسافروں پر ہو گا اے آر وائے نیوز کے مطابق امریکا نے دہشتگردی کے پیش نظر دنیا کے 12ممالک کے باشندوں پر امریکا آنے والی پروازوں میں الیکٹرانک اشیاءلانے پر پابندی عائد کرنے کا فیصلہ کیا ہے امریکی حکام کا کہناہے کہ سیکورٹی خدشات کی بنا پرامریکہ آنے والے مسافروں کوزیادہ برقی آلات لےجانے کی اجازت نہیں دی جائےگی۔ امریکی حکام کے مطابق مشرقِ وسطیٰ اور افریقی ممالک سے امریکہ جانے والے مسافروں کے لیب ٹاپ اور ٹیبلٹس کوچیک کیاجائےگاتاہم ابھی یہ واضح نہیں کیا گیا کہ کون سی ایئرلائنز ان پابندیوں کی زد میں آئیں گی اور کب تک یہ پابندی لگی رہے گی

ایمز ٹی وی(کراچی) رینجرز نے شہر قائد کو بڑی تباہی سے بچاتے ہوئے یونیورسٹی روڈ پر واقع سفاری پارک کے سٹور روم سے چھپایا گیا بڑا اسلحے کا ذخیرہ برآمدکرلیا ہے۔تفصیلات کے مطابق رینجرز نے آپریشن ردالفساد کے تحت کراچی میں یونیورسٹی روڈ پر گوایش پارک میں ٹارگٹڈ آپریشن کرتے ہوئے بھاری تعداد میں اسلحہ برآمد کرلیا جن میں بلاک بم،ہینڈ گرنیڈ اور جدید ہتھیار شامل ہیں۔اسلحہ کا ذخیرہ ایم کیو ایم لندن کے انبساط ملک کی جگہ پر چھپایا گیا ،انبساط ملک ایم کیو ایم لند ن کے رہنما انور کا داماد ہے۔ رینجرز ذرائع کے مطابق آپریشن انٹیلی جنس معلومات کی بنیاد پر کیا گیا اور رینجرز کے 50 سے زائد اہلکاروں نے حصہ لیا۔آپریشن کے دوران گوایش پارک کے ٹکٹ کائونٹر کے اسٹور سے رینجرز نے اسلحہ کی بھاری کھیپ برآمد کر لی۔ برآمد کئے گئے اسلحے میں بلاک بم، ہینڈ گرنیڈ، رائفلز، ایس ایم جیز، ایل ایم جیز، جدید ہتھار اور مختلف اقسام کی گولیاں بھی برآمد ہوئی ہیں۔

ایمز ٹی وی(وہاڑی) مقامی میرج ہال میں شادی کی تقریب کے دوران نا معلوم افراد نے لیٹرین کے لو ٹوں میں مبینہ طور پر تیز اب ڈال دیا، واش روم استعمال کرنے والے ایک تین سالہ بچہ سمیت تین افراد جھلس کر شد ید زخمی ہو گئے۔ پیپلز کالونی کے رہائشی رانا عمر نے بتایا کہ اس کی دعوت ولیمہ گزشتہ رات مقامی میرج ہال میں منعقد ہوئی۔ اس کے علاوہ ایک اور بارات بھی آئی ہوئی تھی اس دوران عبداللہ نا می تین سالہ بچے کی والدہ بچے کو لیٹرین میں لے گئی۔ اس نے لوٹے میں پہلے سے موجود پانی سے جو نہی بچے کو دھونا چاہا تو بچے نے رو نا شروع کردیا جبکہ بچے کی والدہ نے اپنے ہاتھوں پر پا نی ڈالا تو اسکے بھی ہا تھ جھلس گئے اور بچے بھی جھلس گیا اسی دوران دوسری لیٹرین میں بھی ایک خاتون کے ساتھ بھی یہی واقعہ پیش آیا۔ شادی کی تقریب کے شرکاءکو جیسے ہی صورتحال کا علم ہوا تو انہوں نے ہال انتظامیہ کو اطلا ع دی تو ہال کے دونوں منیجر ممتاز گورایہ اور نیامت چاولہ مبینہ طور پر فرار ہو گئے۔ لواحقین نے اپنی آمد آپ کے تحت زخمیوں کو ڈسٹرکٹ ہسپتال منتقل کر دیا جہاں ان کو طبی امداد فراہم کرنے کے بعد تشویشناک حالت کے پیش نظر نشتر ہسپتال ملتان ریفر کردیا گیا۔

ایمز ٹی وی(لاہور) سابق وزیر مملکت انصاف و پارلیمانی امور مہرین انور راجہ نے کہا ہے کہ اسلام آباد لاہور موٹروے نجی کمپنی کو دینے سے قومی خزانہ کو 205 ارب روپے کا نقصان ہوا ہے ۔ نجی کمپنی 20 سال تک موٹروے پر چلنے والی گاڑیوں سے ٹیکس وصول کرے گی، ایک بیان میں انہوں نے کہا کہ موٹروے نجی کمپنی کو دینا غیر قانونی اقدام ہے جس کی تحقیقات ہونی چاہیے، جس کمپنی کو یہ ٹھیکہ دیا گیا ہے اس کمپنی نے تو درخواست بھی نہیں دی تھی لیکن پھر بھی اس کمپنی کو ٹھیکہ دے دیا گیا ہے۔ انہوں نے کہاکہ حکومت من مانیاں کر رہی ہے، قو می خزانہ کو نقصان پہنچایا جا رہا ہے، عوام کے مسائل حل کرنے کے لئے کچھ نہیں کیا جا رہا ہے، قومی وسائل کا تحفظ نہیں کیا جا رہا، عوام مشکلات کا شکار ہیں لیکن ان کی مشکلات حل کرنے کے لئے حکمران سنجیدہ نہیں