ایمز ٹی وی ( تجارت)واپڈا ملک میں پانی اور پن بجلی کے وسائل کو بھرپور ترقی دینے کیلئے پُرعزم ہے۔ 2017 ء کے اواخر سے 2018 ء کے وسط تک واپڈاکے تین زیرتعمیر منصوبے مکمل ہوجائیں گے اور اس دوران 2 ہزار 485 میگاواٹ پن بجلی قومی نظام میں شامل ہوگی جس کی بدولت وفاقی حکومت کے عزم کے مطابق ملک سے بجلی کی لوڈشیڈنگ ختم کرنے میں مدد ملے گی۔ مذکورہ منصوبوں میں 969 میگاواٹ کا نیلم جہلم، ایک ہزار 410 میگاواٹ کا تربیلا چوتھا توسیعی منصوبہ اور 106 میگاواٹ کا گولن گول شامل ہیں ۔ اپنی تکمیل پر ان تینوں منصوبوں سے ہر سال اوسطاً 9ارب 43 کروڑ 20 لاکھ یونٹ سستی اور ماحول دوست پن بجلی حاصل ہوگی۔
یہ امر قابلِ ذکر ہے کہ واپڈا کے یہ تینوں منصوبے مختلف وجوہات کی بنا پر تاخیر کا شکار تھے اور اپنی تکمیل کا مقررہ ہدف حاصل نہیں کر پائے تھے۔ اگست 2016 ء میں عہدہ سنبھالنے کے بعد چیئرمین واپڈا لیفٹیننٹ جنرل مزمل حسین (ریٹائرڈ)نے واپڈا کی ترجیحات کو ازسرِنو مرتب کیا تاکہ زیرتعمیر منصوبوں کو کم از کم مدت میں مکمل کیا جائے اور ساتھ ہی تعمیر کیلئے دستیاب مزید منصوبوں پر جلد از جلد تعمیراتی کام کا آغاز کیا جاسکے۔ چیئرمین واپڈا کے مؤثر اقدامات اور باقاعدہ مانیٹرنگ سسٹم کی وجہ سے واپڈا منصوبوں کی تکمیل میں حائل رکاوٹوں کو دور کر لیا گیا ہے اور اب یہ منصوبے تیزی سے اپنی تکمیل کی جانب بڑھ رہے ہیں۔
ایمز ٹی وی ( تجارت)وزیراعظم یوتھ اسکل ڈیولپمنٹ پروگرام کے زیر تربیت طلباء و طالبات کی عملی تربیت کا جائزہ لینے کیلئے نیوٹیک کے سربراہ ذوالفقار احمد چیمہ نے مختلف تربیتی اداروں کا دورہ کیا. جس میں چناب کالج آف انجینئرنگ اینڈ ٹیکنالوجی، لائٹ انجینئرنگ اینڈ سروس سینٹر، گوجرانوالہ ٹول ڈائیز اینڈ مولڈز سینٹر اور کرسچن ٹیکنیکل ٹریننگ سینٹر گوجرانوالہ شامل ہیں۔ انہوں نے اداروں کی ورکشاپس اور لیبارٹریز کا دورہ کیا اور زیر تربیت نوجوانوں کی عملی تربیت کا جائزہ لیا ۔
انہوں نے ٹریننگ اور ورکشاپس کے معیار اور انسٹرکٹر ز کی دلچسپی اور لگن کو سراہا ۔ انہوں نے انسٹرکٹرز اور زیرتربیت نوجوانوں سے بات چیت کی اور تربیتی امور کے بارے میں مختلف سوالات کئے ۔
انہوں نے نوجوانوں کو ہدایت کی کہ وہ کورسز میں دلچسپی لیں اور اپنی استعداد بڑھائیں۔ انہوں نے کہا کہ نوجوان لگن کے ساتھ اپنی تربیت مکمل کریں اور ہم ملازمت دلانے میں ان کی پوری مدد کریں گے۔
مزید برآں تربیت کے اختتام پر اگر کوئی لڑکا یا لڑکی اپنا بزنس شروع کرنا چاہے تو حکومت پرائم منسٹر یوتھ لون اسکیم کے تحت بلاسود قرضے بھی دے گی ۔
ایمز ٹی وی ( تجارت) پاکستان اسٹاک ایکسچینج (پی ایس ایکس) میں ملاجلا رجحان رہا، کے ایس ای 100 انڈیکس 119.69 پوائنٹس کے اضافے سے 48409.35 پوائنٹس پر بند ہوا، مارکیٹ سرمایہ میں 7 ارب 50 کروڑ 58 لاکھ 44 ہزار 623 روپے کی کمی رونماء ہوئی تاہم خرید و فروخت میں 3 کروڑ 22 لاکھ 58 ہزار 250 حصص میں اضافہ رہا۔ اسی طرح تجارتی حجم میں بھی 6 ارب 36 کروڑ 62 لاکھ 43 ہزار 313 روپے کی تیزی ریکارڈ کی گئی۔
تفصیلات کے مطابق کاروباری ہفتے کے آخری روز جمعہ کو پی ایس ایکس میں ملاجلا رجحان رہا اورکے ایس ای 100 انڈیکس 119.69 پوائنٹس کے اضافے سے 48409.35 پوائنٹس پر بند ہوا تاہم کے ایس ای 30 انڈیکس 52.75 پوائنٹس کی کمی سے 25956.29 پوائنٹس پر بند ہوا۔ مارکیٹ میں اتار چڑھاؤ کے بعد کے ایس سی آل شیئر انڈیکس 2.74 پوائنٹس کا اضافہ رہا تاہم کے ایم آئی 30 انڈیکس میں 91.92 پوائنٹس کی کمی ریکارڈ کی گئی۔ دریں اثناء بینکس ٹریڈ ایبل (بی اے ٹی آئی) انڈیکس 16.54 پوائنٹس کی تیزی سے 20313.5358 پوائنٹس پر بند ہوا تاہم آئل اینڈ گیس ٹریڈ ایبل (او جی ٹی آئی) انڈیکس 353.62 پوائنٹس کی مندی سے 16121.97 پوائنٹس پر بند ہوا۔ اسی طرح پی ایس ایکس - کے ایم آئی انڈیکس 30.69 پوائنٹس کی کمی سے 22860.49 پوائنٹس کی سطح پر بند ہوا۔
مارکیٹ میں مجموعی طور پر 387 کمپنیوں کے حصص کا لین دین ہوا جن میں سے 215 کمپنیوں کے حصص کی قیمتوں میں تیزی، 155 کمپنیوں کے حصص کے بھاؤ میں مندی اور 17 کمپنیوں کے حصص کی قیمتوں میں استحکام رہا۔ سب سے زیادہ تیزی رفحان میز پروڈکٹس کے حصص کی قیمتوں میں ہوئی جس کے حصص کی قیمت 150 روپے کے اضافے سے 7950 روپے پر بند ہوئی۔ اسی طرح ویتھ پاک لمیٹڈ ایکس ڈی کے حصص کی سودے بھی 123.67 روپے کی تیزی سے 2597.12 روپے پر بند ہوئے۔
سب سے زیادہ مندی یونی لیور فوڈز اور مری پیٹرولیم کے حصص کی قیمتوں میں ہوئی۔ یونی لیور فوڈز کے حصص کی قیمت 232.50 روپے کی مندی سے 6067.50 روپے اور مری پیٹرولیم کے حصص کی قیمت بھی 49.23 روپے کی کمی سے 1336.88 روپے رہ گئی۔ سب سے زیادہ کاروبار بینک آف پنجاب کے حصص میں ہوا جو 3 کروڑ 6 لاکھ 29 ہزار 500 شیئرز رہا جس کی قیمت 15.78 روپے سے شروع ہو کر 16.11 روپے پر بند ہوئی جبکہ حبیب بینک کے 1 کروڑ 55 لاکھ 80 ہزار 800 حصص کے سودے 284 روپے سے شروع ہو کر 285.40 روپے بند ہوئے۔ مجموعی طور پر 21 کروڑ 28 لاکھ 66 ہزار 740 حصص کا کاروبار ہوا جس کا تجارتی حجم 16 ارب 57 کروڑ 57 لاکھ 64 ہزار 689 روپے رہا۔ مارکیٹ کیپیٹل 95 کھرب 39 ارب 16 کروڑ 55 لاکھ 5 ہزار 69 روپے سے کم ہو کر 95 کھرب 31 ارب 65 کروڑ 96 لاکھ 60 ہزار 446 روپے رہ گیا۔ فیوچر ٹریڈنگ میں 115 کمپنیوں کے حصص کی قیمتوں میں تیزی، 18 کمپنیوں کے حصص کی قیمتوں میں مندی اور 2 کمپنیوں کے حصص کی قیمتوں میں استحکام رہا جبکہ 4 کروڑ 60 لاکھ 7 ہزار 909 حصص کا کاروبار ہوا۔
ایمز ٹی وی ( تجارت)سرحد چیمبر کے صدر حاجی محمد افضل نے امید ظاہر کی ہے کہ پاک افغان سرحد دو طرفہ تجارت کیلئے 2/3 روز میں کھول دی جائے گی . تاہم اگر عسکری قیادت اور وفاقی اور صوبائی حکومتوں نے ملکی سلامتی کے پیش نظر سیکیورٹی خدشات کے باعث پاک افغان سرحد کو تجارتی آمدورفت کیلئے تاحال کھولنے کا فیصلہ نہیں کیا تو پھرپاک افغان سرحد پر کھڑ ے کھانے پینے کی اشیاء اور ادویات کے کنٹینرز کو پشاور اور ملک کے دیگر حصوں میں واپس لے جانے کی سہولیات فراہم کی جائیں تاکہ کاروباری افراد کو ہونیوالے مالی نقصانات کا ازالہ ہوسکے۔
ایک بیان میں سرحد چیمبر آف کامرس اینڈ انڈسٹری کے صدر حاجی محمد افضل نے کہا کہ تقریباً ایک ماہ سے بارڈر کی بندش کے باعث ہزاروں کنٹینرز پاک افغان سرحد پر کھڑے ہیں جن میں کھانے پینے کی اشیاء سمیت ادویات اور ایسی اشیاء شامل ہیں جن کی مدت میعاد ختم ہو رہی ہے ۔ انہوں نے کہاکہ اس حوالے سے گذشتہ دنوں چیف سیکرٹری خیبر پختونخوا عابد سعید سے ایک ملاقات میں انہوں نے پاک افغان سرحد کی بندش کے باعث دو طرفہ تجارت ٗمال منڈیوں اور مختلف اجناس کی ایکسپورٹ سمیت کھانے پینے کی اشیاء اور ادویات کی مدت میعاد ختم ہونے کا معاملہ اٹھایا جس پر انہوں نے یقین دلایا کہ وہ اس سلسلے میں متعلقہ حکام سے موثر انداز میں بات چیت کریں گے اور اس معاملے کا بہت جلد حل تلاش کرلیا جائے گا ۔
سرحد چیمبر کے صدر حاجی محمد افضل نے وفاقی اور صوبائی حکومتوں اور عسکری قیادت سے درخواست کی کہ وہ ملک کے وسیع تر مفاد میں پاک افغان تجارت کی بحالی کیلئے فوری اقدامات اٹھائیں جس سے سیکورٹی اور باہمی تجارت کا عمل متاثر نہ ہوں اور تجارتی آمدورفت معطل ہونے سے بزنس کمیونٹی کو یومیہ کروڑوں روپے کا نقصان بھی برداشت نہ کرنا پڑے ۔ انہوں نے کہا کہ بارڈر کی بندش کے باعث خیبر پختونخوا کی صنعتیں متاثر ہوکر بند ہونا شروع ہوگئی ہیں ۔ انہوں نے کہا کہ وزیر خزانہ سینیٹر اسحق ڈار نے بھی پاک افغان سرحد دو روز میں کھولنے کا عندیہ دیا ہے اور اُنہیں امید ہے کہ حکومتی سطح پر اس معاملے کے حل کیلئے موثر اقدامات اٹھائے جائیں گے۔
ایمز ٹی وی ( تجارت)پاکستان انڈسٹریل اینڈ ٹریڈرز ایسوسی ایشن فرنٹ(پیاف) نے کہا ہے کہ ا یف بی آر کاروباری افراد کے ساتھ ٹیکس تنازعات کے خاتمہ کے حوالے سے اپنے طریقہ کار کو اپ گریڈ کرے۔ ٹیکس گزاروں کو درپیش مشکلات کا خاتمہ کیا جائے ۔ ٹیکس نیٹ بڑھانے کیلئے موجودہ ٹیکس پیئرزکو سہولتیں اور مراعات دی جائیں اور ان کی حوصلہ افزائی کی جائے نہ کہ انکو قانونی معاملات میں الجھایا جائے۔
بعض پیچیدہٹیکس معاملات کے لئے صنعت کاروں اور تاجروں کو عدالتوں کی طرف رجوع کرنا پڑتا ہے اور پیداواری کام سے ہٹ کر غیر ضروری کاموں میں وقت کا ضیاع ہوتا ہے۔ ٹیکس دہندگان پر مزید ٹیکس نہ لگایا جائے بلکہ ٹیکس نیٹ کو وسیع کیا جائے۔ انڈسٹری کو پہلے ہی پیداواری لاگت زائد ہونے کے باعث ملکی مصنوعات کو عالمی سطح پر کئی چیلنجز کا سامنا ہے لہذا کاروباری برادری کو ٹیکس معاملات میں بے جا پریشان نہ کیا جائے۔
چیئرمین پیاف عرفان اقبال شیخ نے سیئنر وائس چیئر مین تنویر احمد صوفی اور خواجہ شاہزیب اکرم کے ہمراہ ایک پریس ریلیز جاری کرتے ہوئے کہاکہ ایف بی آر اپنے سسٹم میں ٹیکس نیٹ میں اضافہ کے ساتھ پرانے ٹیکس دہندہ پر ٹیکسوں کا بوجھ کم کرے۔ تاکہ ہر طبقہ خوشدلی سے اپنے ذمہ ٹیکس ادا کرکے ملکی ترقی میں اپنا حصہ ڈال سکے ۔ پرائیویٹ سیکٹر اور کاروباری طبقہ کے لئے آسانیاں پیدا کی جائیں ۔
ملکی ترقی میں کاروباری برادری کا کردار نظر انداز نہیں کیا جا سکتا۔ بزنس کمیونٹی پہلے ہی نا مساعد حالات کے باوجود ملکی معاشی نمو میں تیزی لانے کے لئے بھرپور کردار ادا کر رہی ہے ۔
ایمز ٹی وی(کراچی) فاروق ستار کو وزیر خزانہ اسحاق ڈار کی مداخلت پر رہا کیا گیا۔ گرفتاری کے بعد متحدہ نے اسحاق ڈار سے رابطہ کیا، جنہوں نے وزیراعلیٰ سندھ سے بات کی جس پر ایم کیو ایم پاکستان کے سربراہ کو رہا کردیا گیا۔ فاروق ستار کی گرفتاری سے قبل کراچی پولیس کے چیف ایڈیشنل آئی جی مشتاق مہر نے وزیراعلیٰ مراد علی شاہ کو اعتماد میں لیا تھا۔
ایمز ٹی وی ( تعلیم) لا ہور یو نیورسٹی آف مینجمنٹ سا ئنسز (لمز) کے پرو چانسلر سید با بر علی نے گذ شتہ روز یونیورسٹی آف ویٹرنری اینڈاینیمل سائنسز لاہور کا دورہ کیا اوروا ئس چانسلر پرو فیسر ڈاکٹر طلعت نصیر پا شا سے ملا قات کی۔ لا ئیو اسٹاک سیکٹر کی تر قی سے متعلقہ امو ر پر اجلاس کا انعقاد بھی ہوا جس کی صدارت سید با بر علی نے کی جبکہ دیگر اہم شخصیات میں پرو فیسر ڈاکٹر مسعو د ربا نی، پرو فیسرڈاکٹر نسیم احمد اور ڈاکٹر علیم بھٹی کے علا وہ فکلٹی ممبران نے شرکت کی۔
اپنے خطا ب میں سید بابر علی نے کہا کہ طالب علمو ں کے درمیان اینٹر پر ینیور کے مقا بلے منعقد کر وا ئے جا ئیں تا کہ ان کے اندر اپنے کا روبار شرو ع کرنے کا شو ق پیدا ہوا نیز بین الاقوا می ما رکیٹ میں پا کستا نی میٹ کی ایکسپو رٹ بڑ ھا نے سے متعلقہ عوا مل کو جا ننے کے لیئے معلو ما ت حا صل کی جا ئے۔ اور ملک میں خورا ک کی کمی کو پو ری کر نے کے لیئے نیو ٹر یشن پرو گرام شرو ع کر نے کی بھی تجو یز دی۔
پرو فیسر ڈاکٹر پا شا نے اپنے خطاب میں اسکو لو ں کی سطح پر نیو ٹر یشن پرو گرا م چلا نے کی ضرو رت پر زور دیا کہ اسکول کے بچو ں کو اُن کی کلاس رومز میں روزا نہ ایک انڈا اور دودھ کا گلاس دیاجا ئے جس سے نا صرف بچو ں کی صحت بہتر ہو گی بلکہ ملک میں پو لٹر ی اور ڈیر ی کی انڈسٹر ی بھی تر قی پا ئے گی ۔ جو غر یب کسا ن کے لیئے خو شحا لی اور فا ئد ہ کا با عث بنے گی ۔ قبل از یں ڈاکٹر پا شا نے یونیورسٹی کی تعلیمی، تحقیقی ، ایکسٹینشن سروسز اورتر بیتی پرو گرامو ں کے بارے میں پر یزنٹیشن دی ۔
