ایمز ٹی وی(لاہور) معروف کالم نگار ناصر نقوی نے انکشاف کیا ہے کہ حسین حقانی سابق آمر ضیا الحق کے دور میں وزارت اطلاعات سے منسلک تھے اور بے پردہ دوشزائیں ان کے ساتھ رہتی تھیں ۔ حسین حقانی کی پر اسرار شخصیت “میں لکھتے ہوئے ناصر نقوی نے کہا کہ اگر حسین حقانی کا ماضی پر کھا جائے تو ان کا چہر بھی آمریت کے امریکی ستون اور سی آئی اے کے معاونت کار جنرل ریٹائرڈ ضیا لحق کے دور سے ابھرتا دکھائی دے گا ۔مغرب پسند ہونے کے باوجود ”دور مارشل لائی اسلامی “میں وزارت اطلاعات سے منسلک تھے ان دنوں ”ٹی وی ڈرامے اور تھیٹر “دو پٹے اور سر ڈھانپنے کے احکامات پر سختی سے عمل پیرا ہو ا کرتے تھے لیکن ”حسین حقانی “کے جلو میں بے پردہ بلا دوپٹہ اور بغیر آستین پہننے والی دو شیزائیں ہوا کرتی تھیں وہ جب اسلام آباد سے نکلتے تو لاہور اور کراچی کی محافل ہی نہیں ،اسلام آباد کی نجی محفلوں میں بھی یہ حسینائیں سب آنکھوں والوں کو نظر آیا کرتی تھیں اور ہر جگہ ان کو ایسے ناموں سے یاد کیا جاتا تھا جس کا نام نامی ہماری مشرقی روایات کے مطابق زیب نہیں دیتا

ایمز ٹی وی(کراچی) کراچی سے اسلام آباد ڈرائی پورٹ جانے والے ہر کنٹینر پر 10 لاکھ روپے کی ڈیوٹی چوری ہو رہی ہے، کسٹم انٹیلی جنس نے ملوث کلیئرنگ ایجنٹس اور کسٹم افسران کے خلاف تحقیقات شروع کر دیں ۔ڈرائی پورٹس سے گاڑیوں کے استعمال شدہ پرانے پرزہ جات (اولڈ آٹو پارٹس) پر حکومتی خزانے کو ڈیوٹی کی مد میں سالانہ اربوں روپے کا نقصان پہنچایا جانے لگا۔ کراچی کی بندرگاہوں پورٹ قاسم ،کراچی پورٹ ٹرسٹ ، ویسٹ وہارف ،ایسٹ وہارف سمیت بڑی تعداد میں بیرون ملک سے درآمد شدہ اولڈ آٹو پارٹس بانڈڈ کیریئرز کے ذریعے اسلام آباد ڈرائی پورٹ پر بھیجے جاتے ہیں۔ در آمدی ڈیوٹی کی چوری کسٹم کے بعض افسران کلیئرنگ ایجنٹوں سے مل کر کررہے ہیں ، اس معاملے پر کسٹم انٹیلی جنس یونٹ نے معلومات جمع کرنے کا سلسلہ بھی شروع کر دیا ہے۔ اولڈ آٹو پارٹس سے بھرے ہوئے 40 فٹ کے ایک کنٹینر پر کسٹم کی درآمدی ڈیوٹی 18 لاکھ روپے تک ہوتی ہے، تاہم جب یہی کنٹینرز اسلام آباد ڈرائی پورٹ پر پہنچتے ہیں تو ان پر وصول کی جانے والی درآمدی ڈیوٹی 8 لاکھ روپے تک رہ جاتی ہے اور یہ سلسلہ گزشتہ کئی برس سے جاری ہے جس کے نتیجے میں اب تک پاکستان کو ڈیوٹی کی مد میں اربوں کا نقصان پہنچایا جا چکا ہے