ایمز ٹی وی(لاہور) معروف مسلم لیگی تاجر راہنما مرزا یونس بیگ نے کہا ہے کہ آپریشن ردالفساد کو پوری پاکستانی قوم کی حمایت حاصل ہے، سوشل میڈیا پر کائنات کی مقدس ترین شخصیات کی گستاخی میں ملوث اصل ملزمان اور ان کے سہولت کاروں کو نشان عبرت بنا دینا چاہئے ، پی ایس ایل فائنل میچ کے کامیاب انعقاد پر ملک دشمن قوتیں حیران رہ گئیں ، حکومت عوام کی بہتری اور خوشحالی کے لئے دن رات کام کر رہی ہے ،ملک کی تمام تاجر برادی ملکی ترقی میں وزیر اعظم نواز شریف کے ساتھ کھڑے ہیں ۔ گلبرگ میں تاجروں کے ایک اجلاس سے خطاب کرتے ہوئے مرزا یونس بیگ نے کہا کہ ٹی وی چینلز ملک میں انارکی اور افراتفری کی بجائے تحمل اور بردباری کے فروغ کے لئے اپنا کردار ادا کریں ،ملک میں آپریشن رد الفساد جاری ہے جس کی پوری قوم تائید کرتی ہے ،اب دہشت گردی کو شکست دیئے بغیر ملک کی ترقی ممکن نہیں ، سوشل میڈیا پر مقدس شخصیات کی توہین کرنے والے بھی آپریشن رد الفساد کی زد میں آنے چاہئیں،کیونکہ یہ بد بخت عناصر بھی ملک میں آگ بھڑکانہ چاہتے ہیں ،پوری امت مسلمہ آقا ﷺ کی عزت و ناموس کی حفاظت کے لئے اپنا سب کچھ قربان کرنا سعادت سمجھتی ہے ،حکومت کو اس معاملے میں ترجیحی بنیادوں پر اقدامات کرنا ہوں گے ۔انہوں نے کہا کہ پی ایس ایل فائنل کے کامیاب انعقاد پر پوری قوم خوش اور دشمن حیران اور مایوس ہے،ملک کی باشعور قوم نے دشمن پر یہ ثابت کردیا کہ پاکستانی قوم بہادر اور نڈرقوم ہے،فائنل میچ کے انعقاد پر وزیر اعظم پاکستان ،آرمی چیف اور وزیراعلیٰ پنجاب کو مبارکباد پیش کرتے ہیں۔انہوں نے کہا کہ ملکی ترقی کے لئے پاکستانی قوم کی اکثریت اور خصوصا تاجر و کارو باری برادری وزیر اعظم نواز شریف کے اقدامات کی حمایت کرتی ہے اور ان کے ساتھ کھڑی ہے
ایمز ٹی وی(لندن) پاکستان اور افغانستان کے درمیان برطانوی حکومت کی میزبانی میں اعلیٰ سطحی مذاکرات آج لندن میں ہوں گے۔ پاکستان میں تعینات افغان سفیر عمر زاخیلوال نے سوشل میڈیا پر جاری کئے گئے اپنے ایک بیان میں کہا ہے کہ وہ افغان سیکورٹیمشیرحنیف آتمار کے ہمراہ برطانوی حکومت کی میزبانی میں پاکستان کے اعلیٰ حکام سے ملاقات کریں گے۔ پاکستان کے مشیر خارجہ سرتاج عزیز اور برطانوی قومی سلامتی کےمشیر مارک لائل بھی ملاقات میں شریک ہوں گے۔ ملاقات میں پاک افغان دو طرفہ امور پر تبادلہ خیال کیا جا ئے گا جس میں دہشت گردی کے خلاف جنگ، پاکستان اور افغانستان کے درمیان حالیہ کشیدہ صورت حال اورپاک افغان سرحد کی بندش کے معاملات پر گفتگو ہوگی۔
ایمزٹی وی(اسپورٹس)پشاور زلمی کے مالک جاوید آفریدی نے پشاور زلمی چیمپئن شپ سے حاصل ہونے والی انعامی رقم کا دس فیصد شوکت خانم کو دینے کا اعلان کر دیاہے
۔تفصیلات کے مطابق جاوید آفریدی کا کہناتھا کہ انعامی رقم کا دس فیصد شوکت خانم پشاور کو عطیہ کیا جائے گا ،انہوں نے کہا کہ جیسا کہ ہم چہروں پر مسکراہٹیں لوٹانے کا وعدہ کیا تھا ۔
واضح رہے کہ پشاور زلمی پاکستان سپرلیگ سیز ن 2کی چیمپئن ہے ۔
10% of Winning Bonus frm @PeshawarZalmi Championship,we will donate to @SKMCH Peshawar.As promised to bring back the smiles on the faces.
— Javed Afridi (@JAfridi10) March 15, 2017
ایمز ٹی وی(لاہور) چیئرمین پیپلزپارٹی بلاول بھٹو زرداری نے کہا ہے کہ سہیل بٹ کا قتل افسوسنا ک ہے ،مقتول کے قاتلوں کو ہر قیمت پر قانون کے کٹہرے میں لائیں گے ۔ بلاول بھٹو چند روز قبل اپنے ہی گارڈ کی فائرنگ سے قتل ہونیوالے پیپلزپارٹی کے رہنما سہیل بابر بٹ کی رہائش گاہ پہنچے جہاں انہوں نے مرحوم کے اہلخانہ سے اظہارافسوس کیا اور مرحوم کے ایصام ثواب کیلئے فاتحہ خوانی کی۔اس موقع پر انہوں نے اہلخانہ کو اس بات کی یقین دہانی کروائی کہ قاتلوں کو جلد از جلد گرفتار کروائیں گے ۔بعد ازاں بلاول بھٹو کا میڈیا سے گفتگو کرتے ہوئے کہنا تھا کہ لواحقین کوانصاف کی فراہمی کیلئے ہر فورم پر جائیں گے،پیپلزپارٹی کے کارکنان پر حملے افسوسناک ہیں اس قبل بھی شوکت بسرا پر دھرنے کے دوران قاتلانہ حملہ کیاگیا تھا لیکن وہ خوش قسمتی سے محفوظ رہے ۔ حکومت پنجاب کی جانب سے تاحال کسی قسم کی کارروائی عمل میں نہیں لائی گئی ،پنجاب حکومت کسی بھی واقعہ کے بعد فیکٹ اینڈ فائنڈنگ کمیٹی بنا دیتی ہے لیکن نتائج نہیں نکلتے واضح رہے کہ اس موقع پر بلاول بھٹو زرداری کے ہمراہ ندیم افضل چن ، ثمینہ خالد گھرکی سمیت دیگر رہنما بھی موجود تھے۔
ایمز ٹی وی (انٹر ٹینمنیٹ) بالی وُڈ ڈائریکٹر کرن جوہر کی میگا ہٹ فلم’اسٹوڈنٹ آف دی ائیر‘ سے فلم نگری کی چکاچوند میں قدم رکھنے والی معصوم اور بھولی بھالی شکل والی عالیہ بھٹ آج24برس کی ہوگئیں۔ مشہور فلم ساز مہیش بھٹ کی بیٹی اور پوجا بھٹ کی بہن عالیہ صرف ایک فلم ہٹ ہوتے ہی دیکھتے ہی دیکھتے لاکھوں دلوں کی دھڑکن بن گئیں ،جس کے بعد انڈسٹری کے ٹاپ ڈائریکٹرز انہیں کاسٹ کرنے کیلئے کوششیں کرنے لگے۔ اپنی اس غیر معمولی پذیرائی اور مقبولیت کا عالیہ نے بھی خوب فائدہ اٹھایااور کئی معروف انٹرنیشنل برانڈز کی ایمبیسڈر بھی بن گئیں۔ کام سے متعلق ان کی لگن کا اندازہ اس بات سے لگایا جاسکتا ہے کہ وہ کہتی ہیں ’ہر روز جب شوٹنگ ختم ہوتی ہے تو میرا دل چاہتا ہے کہ یہ ختم نہ ہو، میں 24گھنٹے بلکہ 48گھنٹے کام کرنا چاہتی ہوں۔ رائٹر و ہدایتکار امتیاز علی کی رومانٹک ڈرامہ فلم’ہائی وے‘میں کام کرکے داد وصول کرنے کے بعد فلم ’ٹو اسٹیٹس‘ میں عالیہ بھٹ نظر آئیں، جس میں انہوں نے اپنی نیچرل ایکٹنگ سے سب کے دل موہ لئے۔ اس کے علاوہ ان کی فلموں میں اگلی، شاندار، کپور اینڈ سنز، اْڑتا پنجاب، ڈیئر زندگی اور حال ہی میں ریلیز ہونے والی فلم بدریناتھ کی دلہنیا شامل ہے، جس نے6روز میں باکس آفس پر 55کروڑ سے زائد کا بزنس کرلیا ہے۔