ایمز ٹی وی(کراچی) شہر قائد میں پراٹھے پکانے میں تاخیرنوجوان پر فائرنگ کردی گئی۔ کراچی کے علاقے کیماڑی فضل گراﺅنڈ کے قریب پراٹھے والی دکان پر کام کرنے والے نوجوان پر پراٹھے دیر سے پکانے کی پاداش میں فائرنگ کردی جس سے نواجوان زخمی ہوگیا۔ پولیس کے مطابق زخمی ہونے والا 19 سالہ مسعود قریبی ہوٹل میں کام کرتا ہے جبکہ فائرنگ انور باڑے والے نامی شخص نے کی ۔زخمی نوجوان کو فوری طور پر ہسپتال منتقل کردیا گیا ہے جبکہ ملزم کیخلاف کارروائی کی جارہی ہے

ایمز ٹی وی(لندن) وزیر اعظم پاکستان میاں نواز شریف کی طرف سے مسلم لیگ برطانیہ کے صدر زبیر گل کو کمشنرفاراورسیز پاکستانی و کوارڈینیٹر ٹو وزیر اعظم مقرر کرنے کی خوشی میں مسلم لیگ برطانیہ کی طرف سے ایک پر وقار تقریب کا انعقاد کیا گیا جس میں بڑی تعداد میں مسلم لیگ کے کارکنوں مقامی کونسلرز اور کمیونٹی کے دیگر افراد نے شرکت کی۔تقریب کا انعقاد مسلم لیگ ن برطانیہ کے قائم مقام صدر شکور خان اور معروف قانون دان بیرسٹر عابد حسین نے کیا تھا۔ تقریب سے خطاب کرتے ہوئے بیرسٹر عابد حسین اور شکور خان کا کہنا تھا کہ وزیر اعظم پاکستان میاں نواز شریف نے اورسیز پاکستانیوں کی مشکلات کومد نظر رکھتے ہوئے اورسیز پاکستانیوں میں سے ہی زبیر گل کو کمشنر مقرر کرکے احسن قدم اٹھایا ہے۔ ان کا کہنا تھا کہ عرصہ دراز سے اورسیز پاکستانی اپنی مشکلات کا اظہار کررہے تھے اور انہی مشکلات کی وجہ سے نئی نسل نے پاکستان جانا چھوڑ دیا تھا۔ لیکن وزیر اعظم نے زبیر گل کو اورسیز کا کمشنر مقرر کرکے ان کے دل جیت لئے ہیں .دیگر مقررین نے توقع کا اظہار کیا کہ زبیر گل اپنی ذمہ داریوں کو نبھاتے ہوئے اورسیزز پاکستانیوں کے مسائل حل کریں گے۔ انہوں نے زبیر گل کی تعیناتی پر وزیر اعظم پاکستان کا شکریہ بھی ادا کیا

ایمز ٹی وی(واشنگٹن) امریکی صدر ڈونلڈ ٹرمپ آئندہ ماہ امریکہ میں ہونے والی ایک ممکنہ سمٹ کے دوران چینی صدر شی چن پنگ کی دو روز کیلئے فلوریڈا میں واقع اپنے ریزورٹ پر میزبانی کی منصوبہ بندی کر رہے ہیں ۔ ممکنہ سمٹ آئندہ ماہ 6اور 7اپریل کو منعقد ہو سکتی ہے اور اس حوالے سے منصوبہ بندی کی جارہی ہے ۔غیر ملکی خبر رساں ایجنسی نے ’سی این این ‘ کے حوالے سے کہاہے کہ امریکی وزیر خارجہ ریکس ٹیلرسن اس ہفتے ایشیاءکے دورے پر جار ہے ہیں اور وہ چین میں بھی قیام کریں گے اور ممکنہ طور پر وہ دورے کے دوران اس حوالے سے منصوبہ بندی کریں گے ۔ تاہم امریکی حکومت کی جانب سے تاحال سرکاری سطح پر اس سمٹ کا اعلان سامنے نہیں آ سکا ہے اور نہ ہی تصدیق کی گئی ہے جبکہ چین کی جانب سے بھی اس حوالے کسی قسم کا کوئی بیان جاری نہیں کیا گیاہے ۔

ایمزٹی وی(کراچی)خواتین کے عالمی دن کے موقع پر پارک ٹاور کے زیر اہتمام خواتین کے ملبوسات کی نمائش کا انعقاد کیاگیا۔ اس نمائش میں ملک کے نامور کمپنیوں نے شرکت کی ۔

معروف کمپنیوں میں پریسہ، موٹیوز، کومل فیبرکس، ڈیجی ریکس اوراسجاس نے موسم گرما کے نت نئے ڈیزائن ور خوشنما ملبوسات کی نمائش کی۔

اس نمائش کا مقصد اخواتین کو ایسا مواقع فراہم کرنا تھا جہاں انہیں برانڈڈ اور دیدہ زیب ملبوسات مناسب قیمتوں میں فراہم کیا جائے ۔

خواتین کے عالمی دن کے موقع پر پارک ٹاور میں رنگا رنگ نمائش کا موضوع " میں سب کرسکتی ہوں یہ دنیا میری ہے "تھاجس میں ملبوسات کی نمائش کے ساتھ ساتھ خواتین کے لئے فری میک اوور بھی کیا گیا جبکہ کوکنگ ایکسپرٹ شیف گلزار، ناہید انصاری اور ثمینہ

جلیل کو بھی مدعوکیا گیاجنھوں نے نمائش میں شریک خواتین کے ساتھ خوب رنگ جمایا