ایمز ٹی وی (تعلیم) رفاہ یونیورسٹی اور ریسکیو 1122 نے مشترکہ طور پر ہنگا می صورتحال سے نمٹنے کی تدابیر کے حوالے سے سیمینار کا انعقاد کیا رفاہ یونیورسٹی اور ریسکیو 1122 نے مشترکہ طور پر ہنگا می صورتحال سے نمٹنے کی تدابیر کے حوالے سے سیمینار کا انعقاد کیا۔ ڈسٹرکٹ ایمرجنسی آفیسر ڈاکٹر عبدالرحمن نے بطور مہمان لیکچرر شرکت کی، اس موقع پر رفاہ یونیورسٹی اور ریسکیو1122 کے مابین ایک مفاہمتی یادداشت پر دستخط بھی کئے گئے جس کے تحت وہ ہنگامی صورتحال میں مشترکہ طور پر کا م کریں گے ۔
ایمز ٹی وی (انٹرٹینمنٹ)بالی ووڈ کے سپراسٹار مسٹر پرفیکٹ عامر خان آج اپنی 52ویں سالگرہ منا رہے ہیں۔وہ14مارچ1965ءکو ممبئی میں پیدا ہوئے، انہوں نےاپنے فلمی سفر کا آغاز بحیثیت چائلڈ اسٹار 1973میں فلم’’ یادوں کی بارات‘‘ سے کیا، جسے ان کے انکل نا صر حسین نے پروڈیوس کیا تھا۔ اس کے بعد عامر خان 1988ء میں فلم’’ قیا مت سے قیامت تک‘‘ میں بطورہیرو جلوہ گر ہو ئے اور جو ہی چاولہ کے مد مقا بل لاجواب اداکاری کے جوہر دکھاکر نہ صرف بالی وُڈ میں اپنی آمد کا اعلا ن کیا بلکہ شائقین کے دل بھی جیت لئے ۔ فلم قیا مت سے قیامت تک کی ریلیز کے بعد ان کی کا میا بیوں اور شہرت کی فہرست طویل ہو تی چلی گئی اور 1988 میں ہی عامر نے پہلا نیشنل فلم ایوارڈ اپنے نام کیا۔ عامر خان نے 1973سے 2001تک کے عرصے میں فلم یادوں کی بارات ،مد ہوش، ہولی،قیامت سے قیامت تک ،راکھ،دل ، دیوانہ مجھ سانہیں،دل ہے کہ مانتا نہیں،جو جیتا وہ سکندر،ہم ہیں راہی پیار کے،انداز اپنا اپنا،بازی ،رنگیلا،راجہ ہندوستانی، سرفروش ،غلام،دل چاہتا ہے ، لگان اور دیگر فلموں میں کا م کر نے کے بعد چا ر سال تک کو ئی فلم نہیں کی ۔ عامر خان نے 5 200 میں فلم منگل پانڈے کے ساتھ اسکرین پر جلوہ گر ہوئے،ایک سال میں ایک ہی فلم کر نے کے اصول پر چلتے ہوئے عامرخان نے مسلسل بغیر کسی وقفے کے رنگ دے بسنتی،فنا،تارے زمین پر،گجنی،تھری ایڈیٹس،دھوبی گھاٹ ، تلاش،دھوم 3،پی کے اور دنگل جیسی سپر ہٹ فلمیں کیں ،جنہوں نے کامیابیوں کی نئی تاریخ رقم کی۔ فلمی ایوارڈ کی تقاریب میں شرکت نہ کر نے والے عامر خان 3مرتبہ بہترین اداکا ر کا ایوارڈ جیت چکے ہیں جو انہیں فلم راجہ ہندوستانی،لگان اور دنگل پر دیا گیا۔ عامرخان نے فلموں میں اداکاری کے ساتھ ساتھ پروڈکشن کے شعبے میں بھی اپنی قسمت آزماتے ہوئے لگان،تارے زمین پر،جانے تو یا جانے نہ،پیپلی لائیو،دھوبی گھاٹ،تلاش اور دنگل جیسی کا میاب فلمیں پروڈیوس کیں۔
ایمز ٹی وی ( تعلیم)جامعہ ہمدر د کا تیرہواں کانووکیشن گزشتہ روز ہوا جس میں264طلباء و طالبات میں ڈگریاں تقسیم کی گئیں جبکہ پوزیشن ہولڈرز کو سونے کے تمغے اور تعریفی اسناد سے نوازا گیا جامعہ ہمدر د کا تیرہواں کانووکیشن گزشتہ روز ہوا جس میں264طلباء و طالبات میں ڈگریاں تقسیم کی گئیں جبکہ پوزیشن ہولڈرز کو سونے کے تمغے اور تعریفی اسناد سے نوازا گیا۔ اس موقع پرکانووکیشن کے مہمان خصوصی وفاقی وزیر احسن اقبال نے طلباء و طالبات میں گولڈ میڈلز،تعریفی اسناد اور ڈگریاں تقسیم کیں۔ احسن اقبال نے خطاب کرتے ہوئے کہاکہ بعض عناصر سی پیک کے خلاف جان بوجھ کر غلط فہمیاں پھیلا رہے ہیں۔ ،چین کی صنعت اگر پاکستان میں آرہی ہے تو اس سے اقتصادی شرح بڑھے گی اور روزگار کے مواقع پیدا ہونگے ، امریکہ اور جاپان بھی سی پیک میں شمولیت کے لئے تعاون کرنا چاہتے ہیں۔
ایمز ٹی وی (انٹرٹینمنٹ)مشہورمارشل آرٹس ہیرو ہیرو جیکی چن کی ایکشن اور کامیڈی سے بھرپور تھری ڈی اینی میٹڈ فلم دی لیگو ننجاگو مووی کی نئی جھلکیاں جاری کردی گئی ہیں۔ چارلی بین کی ہدایتکاری میں بننے والی اس فلم کی کہانی 6ایسے ننجاز کے گرد گھومتی ہے، جنہیں انتقام لینے کیلئے غیر معمولی صلاحیتوں سے نوازا جاتا ہے۔ فلم میں اپنی آواز کا جادو جگانے والے فنکاروں میں جیکی چن،ڈیو فرانکو،مائیکل پینا،فریڈ آرمیسن،کومیل نانجیانی اور زیچ ووڈز سمیت دیگر شامل ہیں۔ ڈین لن اور رائے لی کی مشترکہ پروڈیوس کردہ یہ فلم وارنر برادرز پکچرز کے بینر تلے 22ستمبرکو سینما گھروں میں نمائش کیلئے پیش کی جائے گی۔
ایمز ٹی وی(تعلیم)علامہ اقبال اوپن یونیورسٹی کے ڈائریکٹر ریجنل سروسز ڈاکٹر عارف سلیم عارف نے کہا ہے کہ انفارمیشن ٹیکنالوجی کو اپناتے ہوئے طلبا و طالبات کو گھر کی دہلیز پر تمام سہولیات فراہم کرنا ترجیحات میں شامل ہے ۔ پی ایچ ڈی اور ایم فل کلاسز کا پورا نظام آئی ٹی کی بنیاد پر شروع کر دیا گیا ہے اور کامیاب تجربہ کے بعد ماسٹرز اور بیچلرز کلاسز کو بھی پیپر لیس کر دیا جائے گا۔ وہ گزشتہ روز گورنمنٹ پوسٹ گرایجویٹ کالج آف کامرس میں داخلہ آگہی مہم کی تقریب سے خطاب کر رہے تھے ۔ اس موقع پر ریجنل ڈائریکٹر ڈاکٹر عبید اسلم، پروفیسر زبیر حسین ، عبدالمجید خاں، حافظ علی عابد ودیگر بھی موجود تھے ۔ ڈاکٹر عارف سلیم عارف نے کہا کہ یونیورسٹی میں اس وقت 6لاکھ طلبا و طالبات رجسٹرڈ ہیں جبکہ اعلیٰ کلاسز میں کوالٹی ایجوکیشن پر فوکس کر رکھا ہے جبکہ پی ایچ ڈی کا تجربہ کامیاب رہنے پر ایم اے اور بی اے کلاسز کو بھی کمپیوٹر بیسڈ کر دیا جائے گا۔
ایمز ٹی وی(لاہور) پیپلز پارٹی کے رہنما شوکت بسرا نے سیکیورٹی واپس لینے پرلاہور ہائی کورٹ میں پٹیشن دائر کردی. درخواست میں کہا گیا ہے کہ کسی بھی ممکنہ حادثے کے ذمہ دار وزیراعلیٰ پنجاب ہوں گے۔ پٹیشن کے مندراجات میں پیپلزپارٹی کے رہنما شوکت بسراکا کہنا ہے کہ سیکیورٹی واپس لینے کے ذمہ دار وزیراعلیٰ پنجاب سمیت صوبے کی اعلیٰ شخصیات ہیں. پیپلز پارٹی کے رہنما شوکت بسرا کی جانب سے وزیراعٰلی پنجاب شہبازشریف کے خلاف ہائی کورٹ میں پٹیشن دائر کی گئی ہے، پیپلزپارٹی سے وابستہ رہنما نے ہارون آباد حملے کے ملزمان کی عدم گرفتاری پر یہ پٹیشن دائرکی ہے، شوکت بسرا کی پٹیشن کی سماعت جسٹس یاورعلی آج کریں گے. پٹیشن میں سیکیورٹی واپس لینے پرچیف سیکریٹری پنجاب کو فریق بنایا گیا ہے، پٹیشن کے مندراجات میں شوکت بسرا نے کہا ہے کہ سیکیورٹی واپس لینے کے ذمہ داروزیراعلیٰ پنجاب شہباز شریف، وزیرقانون رانا ثنا اللہ ، اورحمزہ شہبازہیں، علاوہ ازاں ہارون آباد حملے کی تحقیقات رپورٹ نہ دینے کے خلاف بھی الگ درخواست دائر کی گئی ہے۔ شوکت بسرا نے کہا کہ اگر مجهے کچھ ہوا تو اس کی ایف آئی آر شہباز شریف، رانا ثنا اللہ اور حمزہ شہباز کے خلاف دائر کی جائے. یاد رہے کہ رواں سال کے گذشتہ ماہ میں صوبہ پنجاب کی تحصیل ہارون آباد میں پیپلز پارٹی کے کیمپ پر فائرنگ کے نتیجے میں شوکت بسرا زخمی اور ان کا سیکریٹری جاں بحق ہوگیا تھا
ایمز ٹی وی ( تجارت )محکمہ زراعت کے ترجمان نے کہاہے کہ کاشتکاروں کو جدید سفارشات سے بلحاظ علاقہ جات آگاہ کرنے کی ضرورت ہے اور اس مقصد کے لیے مختلف مقامات پر یوم کاشتکاراں کا اہتمام کیا جارہاہے جبکہ کپاس کے غیر روائتی علاقوں مثلاً میانوالی ، بھکر،لیہ اور سرگودھا کے کاشتکاروں کو جدید ٹیکنالوجی سے روشناس کرانے کیلئے بھی ضروری اقدامات کئے جا رہے ہیں تاہم ضرورت اس امر کی ہے کہ میڈیا کے ذریعے عام کاشتکاروں کو جدید تحقیق سے آگاہ کیا جائے ۔ انہوں نے کہاکہ کاشتکاروں کو مختلف فصلوں کے معیاری بیجوں کی بروقت فراہمی کے لیے ضروری اقدامات کئے گئے ہیں اور حکومت معیاری بیجوں کی فراہمی کے لیے بھر پور کوششیں کررہی ہے تاکہ زرعی پیداوار میں اضافہ کیا جاسکے۔ انہوں نے کہا کہ گندم کی فصل کی موجودہ صورت حال کافی بہتر ہے اور اگر موسمی حالات ساز گار رہے تواللہ تعالیٰ کے فضل وکرم سے بھر پور پیداوار متوقع ہے نیز حکومت پنجاب کی کسان دوست پالیسیوں کی وجہ سے ملک ف گندم میں خود کفیل ہوچکا ہے۔ بلکہ بیرون ملک برآمدکرنے کے لیے گندم وافر مقدار میں موجود ہے۔ انہوں نے کہاکہ تجرباتی پلاٹوں سے جدید ٹیکنالوجی کے استعمال کے ذریعے بھر پور پیداوار حاصل کی جائے۔ انہوں نے کپاس کے کیڑوں اور بیماریوں کے انسداد کے لیے غیر کیمیائی طریقے اختیار کرنے کی ضرورت پر زور دیا اور کہا کہ محکمہ زراعت کے تمام شعبے پچھلے سال کی طرح جڑی بوٹیوں کی فوری تلفی کے لیے ایک بھر پور مہم کا آغاز کررہے ہیں تاکہ جڑی بوٹیوں کے انسداد کے ذریعے کیڑوں اور بیماریوں کی روک تھام کی جاسکے۔ انہوں نے کہاکہ گزشتہ سال جڑی بوٹیوں کی بروقت تلفی سے اچھے نتائج برآمد ہوئے اورگندم کے علاوہ کپاس کی پیداوار میں بھی خاطر خواہ اضافہ ہوا۔
ایمز ٹی وی ( تجارت )سیمنٹ کی مقامی فروخت اور برآمدات کے اعدادوشمار کے مطابق رواں مالی سال 2016۔17 کے پہلے 8 ماہ کے دوران سیمنٹ کی مجموعی فروخت میں 6 فیصد اضافہ ہوا ہے جبکہ مالی سال کے ابتدائی سات ماہ کے اختتام پر یہ شرح 8 فیصد ریکارڈ کی گئی تھی۔ سیمنٹ تیار کرنے والی تنظیموں کے مطابق آئندہ پانچ سال کے دوران سیمنٹ کی پیداوار میں28 ملین ٹن اضافہ کی منصوبہ بندی تیار کی گئی ہے جس سے سیمنٹ کی مقامی صنعت کی پیداوار 72 ملین ٹن تک بڑھ جائے گی۔ رپورٹ کے مطابق رواں مالی سال میں سیمنٹ کی مقامی فروخت میں 9 فیصد اضافہ ہوا ہے۔ رواں مالی سال میں جولائی تا فروری 2016۔17 کے دوران سیمنٹ کی فروخت کا حجم 26 ملین ٹن ریکارڈ کیا گیا۔ چین پاکستان اقتصادی راہداری منصوبے اور بنیادی ڈھانچے کے تحت بڑے ترقیاتی منصوبوں کے آغازسے سیمنٹ کی مقامی کھپت میں اضافہ ہوا ہے جبکہ تعمیراتی سرگرمیوں کے فروغ کے باعث تعمیرات کے شعبہ سے منسلک میں تجارتی و صنعتی سرگرمیوں میں اضافہ ہوا ہے جس سے قومی معیشت پر مثبت اثرات مرتب ہوں گے اور اقتصادی ترقی کے اہداف کے حصول میں مدد ملے گی۔a
ایمز ٹی وی (انٹرٹینمنٹ)معروف گلوکار عاطف اسلم نے اپنی سالگرہ کے موقع پر اپنے پرستاروں کو ایک نئے گانے کی شکل میں تحفہ دیا ہے۔ انہوں نے 'یونہی' نامی میوزک ویڈیو کو ریلیز کیا ہے۔ ٹوئٹر پر اپنے پیغام میں انہوں نے کہا ' واپسی اسی جگہ لوٹ رہا ہوں جہاں سے میں نے آغاز کیا تھا'۔ اس ویڈیو میں عاطف اسلم کو ایک خودغرض بوائے فرینڈ دکھایا گیا ہے جو اپنی گرل فرینڈ کی سماجی زندگی سے نفرت کرتا ہے۔ وہ لڑکی تو اپنے محبوب کو اپنے حلقے میں شامل کرنے کے لیے بے تاب ہے مگر وہ ایسا نہیں کرتا جس سے ان کا رشتہ متاثر ہوتا ہے۔ بنیادی طور پر اس ویڈیو کا خیال یہ ہے کہ دو مختلف مزاج کے افراد اکھٹے نہیں ہوسکتے چاہے وہ کتنے ہی اچھے کیوں نہ ہو۔ عاطف اسلم نے اس ویڈیو کی شوٹنگ ترکی میں کی جس کا میوزک ان کے مخصوص انداز کا ہے۔