ایمز ٹی وی (اسلام آباد) وزیر پانی و بجلی خواجہ آصف کا کہنا ہے کہ پاکستان میں بجلی اور گیس کا بحران ،عسکریت پسندوں کا ٹرانسمیشن لائن اور پائپ لائن پر حملہ کا نتجہ ہے۔ خواجہ آصف نے مزید کہا کہ مسلسل حملوں سے بجلی اور گیس کی فراہمی میں خلل آیا ہے۔ بجلی کی بحالی کیلئے امریکہ اور چین سے مدد لینا ضروری ہے۔

ایمز ٹی وی (فارن ڈیسک) ہمارے ہاں اگرچہ پیٹرول کافی سستا ہو چکا ہے مگر ایک جگہ ایسی ہے کہ جہاں یہ تقریباً مفت مل رہا ہے۔ جنوبی امریکہ کے ملک وینزویلا میں پیٹرول کی قیمت تقریباً 5 پیسہ فی لیٹر ہے یعنی آپ ایک روپے میں 20 لیٹر خرید سکتے ہیں۔

 قیمت 0.2 امریکی سینٹ فی گیلن ہے، یعنی 20 پیسے میں ایک گیلن (تقریباً 3.78 لیٹر)۔ مزید دلچسپ بات یہ ہے کہ اس ملک میں تیل کی قیمت پچھلی دو دہائیوں سے بڑھائی نہیں گئی۔

آخری دفعہ تیل کی قیمت میں اضافہ 1989ءمیں کیا گیا تھا اور اس کے نتیجہ میں حکومت کو شدید عوامی احتجاج کا سامنا کرنا پڑا تھا۔ بعد میں کسی بھی حکومت نے احتجاج کے خوف سے قیمت نہیں بڑھائی۔

صدر ہوگو شاویز کے دور میں بھی عوام کو ہر شعبے میں بھاری سبسڈی دی گئی۔ ماہرین معیشت کا کہنا ہے کہ غیر حقیقی اور غیر منطقی سبسڈی جاری رکھنے کی وجہ سے اس ملک کی معیشت تباہ ہو گئی ہے۔

وینزویلا اپنی قومی آمدنی کا بڑا حصہ تیل فروخت کر کے کماتا ہے لیکن عالمی منڈی میں تیل کی قیمتوں میں بے پناہ کمی کے باعث اس ملک کے حالات مزید خراب ہو گئے ہیں اور اب دو دہائیوں کے بعد یہاں بھی قیمت میں اضافے پر غور کیا جا رہا ہے۔

ایمز ٹی وی (فارن ڈیسک): امریکی خلائی تحقیقی ادارے(ناسا) نے زمین کے برابر کا نیا سیارہ ’’کیپلر‘‘دریافت کرلیا 

تحقیق کے مطابق نئے سیارے میں زندگی کے لیے موئثر حالات موجود ہیں۔ اس نئے سیارے کو کیپلر 186 ایف کانام دیاگیاہے۔کیپلر 186 ایف اپنے ستارے کے گرد ہر130دن میں ایک چکر لگاتا ہے۔ نئے سیارے کی دریافت بہت اہم کامیابی ہے کیونکہ اس سے قبل جتنے سیارے دریافت کیے گئے  وہ سائز میں زمین سے تقریباً 40 فیصد بڑے تھے۔

ایمز ٹی وی( کراچی) کراچی میں انسداد پولیو مہم میں مداخلت کرنے پر ایک شخص گرفتارہوگیا ۔ قانونی کاروائی کا حکم جاری کردیا گیا ۔ ملزم بچوں کو پولیو ویکسین پلانے سے پولیو ورکرز کو روک رہا تھا کہ پولیس نے فوری کاروائی کرتے ہوئے ملزم کو گرفتار کرلیا۔