ایمزٹی وی (کراچی) ربیع الاول کا مبارک مہینہ شروع ہوتے ہی عالم اسلام کی طرح کراچی میں بھی جشن عید میلاد النبی صلی اللہ علیہ وسلم کی تیاریاں عرج پر پہنچ جاتی ہیں۔ عروس البلاد میں عاشقان رسول صلی اللہ علیہ وسلم کا جوش و خروش دیدنی ہے۔ جیسے جیسے 12 ربیع الاول کی مبارک سعادت قریب آرہی ہے کراچی کے بازار سبز پرچموں سے بھر گئے ہیں اور فضاء نعتوں کی گونج سے معطر ہوتی جارہی ہے اور ہو بھی کیوں نہ، آخر جشن بھی تو ہے رحمت العالمین حضرت محمد مصطفیٰ صلی اللہ علیہ وسلم کی ولادت باسعادت کا۔ شہری اس جشن کو منانے بڑے پرجوش دکھائی دے رہے ہیں۔ خواتین کا کہنا ہے کہ عید میلاد النبی کے سلسلے میں ہم گھروں اور محلہ کو سجاتے ہے۔ بڑوں کے ساتھ ساتھ بچے بھی تیاریوں میں کسی سے کم نہیں۔ سبز عمامے اور پرچم ہرسو اپنی بہار دکھا رہے ہیں۔ بچوں کا کہنا ہے کہ ہم نے جھنڈے بیجز اور مختلف چیزیں خریدی ہیں کیونکہ یہ ہمارے آقا صلی اللہ علیہ وسلم کی دنیا میں آمد کا جشن ہے۔ جشن آمد رسول صلی اللہ علیہ وسلم کے موقع پر عاشقان رسول خوشی سے جھوم رہے ہیں۔ ان کا کہنا ہے کہ 12 ربیع الاول کا دن ان کیلئے روز عید سے کم نہیں۔بڑوں کے ساتھ ساتھ بچے بھی عید میلاد نبی کی تیاریوں میں بڑھ چڑھ کے حصہ لے رہے ہیں ۔
ایمزٹی وی (سیاسی) کراچی میں ڈیفنس کے علاقے فیز 8 میں نا معلوم افراد کی فائرنگ سے ایک شخص جاں بحق ہو گیا۔ پولیس کے مطابق ڈیفنس فیز8 میں خیابان خالد پر نا معلوم افراد کی فائرنگ سے ایک شخص جاں بحق ہو گیا، جسے اسپتال منتقل کیا گیا جہاں مقتول کی شناخت ثناء اللہ کے نام سے ہوئی ہے۔ جاں بحق ہونے والا شخص سابق ریلوے ملازم اور نجی کمپنی میں سیکورٹی گارڈ تھا۔ ابتدائی تفتیش کے مطابق فائرنگ کا واقعہ ذاتی دشمنی کا شاخشانہ لگتا ہے پولیس مزید تحقیقات کرہی ہے ۔
ایمزٹی وی (سیاسی) کراچی میں گزشتہ روز پرانہ حاجی کیمپ میں لگنے والی آگ کو بجھائے ہوئے 24 گھنٹے سے زائد ہو گئے لیکن کولنگ کا عمل اب بھی جاری ہے۔ فائر بریگیڈ حکام کے مطابق کراچی میں پرانہ حآجی کیمپ میں لگنے والی آگ کو گزشتہ روز بجھا دیا گیا تھا تاہم کولنگ کا عمل اب بھی جاری ہے۔ ریسکیو عملے کا کہنا ہے کے ملبے کے اٹھانے کے بعد جلی ہوئی لکڑیوں پر کولنگ کا عمل جاری ہے تاکہ مکمل طور پر آگ کو ٹھنڈا کئے جا سکے، جبکہ متحدہ قومی مومنٹ کی جانب سے متاثرین کے لئے لگائے گئے کیمپ میں ایم کیوا یم کے رہنماء اور کارکنان اپنی ڈیوٹیاں انجام دے رہے ہیں۔ تاہم سخت سردی کے باعث کیمپ میں رہنے والے متاثرین اپنے رشتے داروں کے گھر منتقل ہو گئے اور کیمپ خالی ہے ۔
ایمزٹی وی (کھیل) نیوزی لینڈ نے سری لنکا کو پہلے ٹیسٹ میں 8 وکٹ سے شکست دے کر دو میچ کی سیریز میں ایک صفر کی برتری حاصل کرلی ہے۔ کرائسٹ چرچ میں کھیلے گئے میچ کا چوتھا دن آخری ثابت ہوا۔ سری لنکا نے 5 وکٹ پر 293 رنز سے دوسری اننگز آگے بڑھائی۔ کپتان اینجلو میتھیوز کے سڑسٹھ اور شامندہ ایرانگا کے 45 رنز کی بدولت مہمان ٹیم 407 رنز بنانے میں کامیاب ہوئی۔ ٹم ساوتھی اور ٹرینٹ بولٹ نے چار چار وکٹیں حاصل کیں۔ نیوزی لینڈ نے 105 رنزکا ہدف 2 وکٹ کے نقصان پر حاصل کر کے سیریز کا پہلا اور سال کا مجموعی طور پر پانچواں ٹیسٹ جیت لیا۔ برینڈن مکلم کو پہلی اننگز میں 195 رنز بنانے پر مین آف دی میچ قرار دیا گیا ۔
ایمزٹی وی (سیاسی) مالاکنڈ ایجنسی کی مقامی اسٹیل مل میں دھماکے سے ایک مزدور جاں بحق اور دو زخمی ہوگئے۔ پولیس کا کہنا ہے کہ مالاکنڈ ایجنسی کے علاقے درگئی میں مقامی اسٹیل مل میں دھماکا ہوا۔ دھماکے سے ایک مزدور جاں بحق اور دو زخمی ہوگئے۔ زخمیوں کو فوری طور پر درگئی اسپتال منتقل کردیا گیا ہے ۔
ایمزٹی وی (سیاسی) حافظ آباد میں ڈاکوؤں نے باوردی پولیس اہلکار کو لوٹ لیا۔ مزاحمت پر گولیاں مار کر زخمی کردیا۔ واقعہ حافظ آباد کے علاقے ٹھٹھہ گارہ کے قریب پیش آیا۔ پولیس اہلکار محمد بوٹہ اپنی ڈیوٹی پر جارہا تھا کہ مسلح ڈاکوؤں نے اسے گھیر لیا اور اسلحے کے زور پر لوٹ مار کی۔ پولیس اہلکار محمد بوٹہ نے ملزمان کیساتھ مزاحمت کی تو ڈاکوؤں نے فائرنگ کردی۔ گولیاں لگنے سے پولیس اہلکار محمد بوٹہ شدید زخمی جبکہ ملزمان فرار ہوگئے۔ زخمی اہلکار کو ڈسٹرکٹ ہیڈکوارٹر اسپتال منتقل کردیا گیا ہے ۔
ایمزٹی وی (فارن ڈیسک)آن لائن مووی ریلیز کی دوڑ میں ہالی وڈ کی متنازع فلم ’’دی انٹرویو‘‘ سب کو پیچھے چھوڑ چکی ہے۔ فلم پہلے 4 دنوں میں ایک کروڑ 50 لاکھ ڈالر اپنے نام کرچکی ہے۔ فلم ’’دی انٹرویو‘‘ کو دھمکیوں کے بعد سینماؤں میں ریلیز نہیں کیا جاسکا۔ فلم بنانے والی کمپنی سونی پر سائبر حملہ کیا گیا تھا۔ جس سے اس کی ویب سائٹ کئی گھنٹوں کیلئے معطل رہی۔ دھمکیوں کے بعد سونی کمپنی نے فلم کو 24 دسمبر کو آن لائن ریلیز کیا۔ جس کے بعد سے فلم اب تک ایک کروڑ 50 لاکھ ڈالر کما چکی ہے اور یو ٹیوب سے 20 لاکھ سے زائد دفعہ اسے ڈاؤن لوڈ کیا جا چکا ہے۔ فلم ’’دی انٹرویو‘‘ ایک تصوراتی کہانی ہے۔ جس میں شمالی کوریا کے لیڈر کم جونگ کو قتل کرنے کی امریکی سازش کو دکھایا گیا ہے۔ ایف بی آئی کا کہنا ہے کہ سونی کمپنی پر سائبر حملے کے پیچھے شمالی کوریا کا ہاتھ تھا ۔
ایمزٹی وی (فارن ڈیسک) دنیا بھر کے مختلف ممالک میں ایسے لوگوں کی کمی نہیں جو نت نئے انداز اپنا کر تفریح حاصل کرتے ہیں۔ اسپین میں سالانہ فلور فائٹ فیسٹیول کا انعقاد کیا گیا جس میں شہریوں نے گلیوں میں جمع ہو کر ایک دوسرے پر آٹے کی بارش کی۔ اس فائٹ میں مرد اور خواتین نے خصوصی طورپر تیار کردہ فوجی طرز کے لباس پہن کر شرکت کی جبکہ آٹے کے ملیدے کو برتنوں کے بجائے پائپ کے ذریعے پانی کی طرح ایک دوسرے پر برسایا اور محفوظ ہوئے۔ اس فائٹ میں آٹے کے ساتھ ساتھ انڈوں اور آتشبازی کر کے بھی ایک دوسرے پر حملے کیے گئے۔ یہ دوسو سال پرانا تہوار ہے جسے آج بھی شہری ہر سال بھر پور جوش وجذبے سے مناتے ہیں ۔