ایمزٹی وی(راولپنڈی )کرنسی اسمگلنگ کیس میں ماڈل ایان علی پر فرد جرم عائد کر دی گئی۔ ایان علی پر 5 لاکھ 6 ہزار 800 امریکی ڈالر اسمگل کرنے کا مقدمہ درج کیا گیا ذرائع کے مطابق کے ملزمہ ایان علی کے خلاف کرنسی اسمگلنگ کیس کی سماعت گزشتہ کئی ماہ سے کسٹم کورٹ کے جج رانا آفتاب احمد خان کی عدالت میں جاری تھی۔ فاضل جج نے کئی ماہ کی سماعت کے بعد ماڈل پر فرد جرم عائد کرتے ہوئے 8 دسمبر کو ملزمہ کے خلاف شہادتیں طلب کرلیں، جبکہ ایان علی کے پاسپورٹ کے حصول سے متعلق درخواست پر بھی فیصلہ محفوظ کر لیا گیا ہے جبکہ ملزمہ ایان علی نے سماعت کے دوران صحت جرم سے انکار کیا.ٓ واضح رہے ماڈل ایان علی کو رواں برس 14 مارچ کو اسلام آباد کے بینظیر انٹرنیشنل ایئرپورٹ سے دبئی جاتے ہوئے اُس وقت حراست میں لیا گیا تھا جب دورانِ چیکنگ ان کے سامان میں سے 5 لاکھ امریکی ڈالر برآمد ہوئے تھے۔

ایمز ٹی وی (کراچی )سندھ پروفیسرز اینڈ لیکچرز ایسوسی ایشن کراچی ریجن کا ہنگامی اجلاس گورمنٹ ڈگری کالج گلستان جوہر میں ریجنل صدر ایسو سی ایٹ پروفیسر فیروز الدین صدیقی کے زیر صدارت منعقد ہوا ۔اجلاس میں سیکر یٹری تعلیم سندھ ڈاکٹر فضل اللہ پیچوہو کی جانب سے سپلا کے مرکزی صدر سید علی مر تضیٰ سے ہونے والی ملاقات کے بعد صو رتحال کا جائزہ لیا ۔سپلا کے رہنماﺅ ں نے کہا کہ اساتذاہ کو بلیک میلر کہنا کسی شخص کوبھی زیب نہیں دیتا ۔سپلا کے رہنماﺅں نے اس بات کو واضح کیا کہ ہماری ایسوسی ایشن نہ سیاسی ہے نہ ہی بلیک میلر ہے ،ہم نے کبھی بھی سودے بازی نہیں کی نہ آئندہ کریں گے ہماری ایسوسی ایشن سندھ کے کالج اساتذہ کی نمائندگی کرتی ہے ۔

ایمزٹی وی(انٹرنیشنل) پیرس میں ریستوران پر دہشت گردوں کے حملے کی ایک سی سی ٹی وی فوٹیج منظرعام پر آ گئی۔ ذرائع کے مطابق فوٹیج میں دکھایا ہے کہ لوگ کھانے میں مصروف تھے کہ اچانک ریستوران پر گولیوں کی بوچھاڑ کر دی گئی۔ دہشت گردوں نے اے کے فورٹی سیون رائفلوں سے اندھا دھند فائرنگ کی جس کے بعد ریستوران میں بھگدڑ مچ گئی ، کھڑکیوں کے شیشے ٹوٹ کر بکھر گئے۔ فوٹیج میں لوگوں کو بڑی بے رحمی سے گولیوں کا نشانہ بناتے دیکھا جا سکتا ہے۔ دہشت گرد نے ایک ٹیبل کے پیچھے چھپی خاتون کو سر میں گولی مارنا چاہا لیکن خوش قسمتی سے رائفل چل نہ سکی جس کے بعد خاتون بھاگ نکلی۔ پولیس کا کہنا ہے کہ یہ خوش قسمت ترین خاتون تھی جو اس حملے میں زندہ بچ گئی۔ ریستوران میں موجود مردو خواتین فائرنگ کے دوران ادھر ادھر چھپتے رہے۔ بعض افراد نے ریستوران کے تہہ خانے میں جا کر جان بچائی۔ فوٹیج میں فائرنگ کرنے والے حملہ آور کی شکل بیلجیم کے چھبیس سالہ صالح عبدالسلام سے مشابہ ہے۔ پیرس کے ریستوران حملے میں ایک اور لڑکی نے بڑے میز کے پیچھے چھپ کر جان بچائی۔ پیرس حملوں میں ایک سو انتیس افراد ہلاک ہو گئے تھے۔ یہ نئی سی سی ٹی وی فوٹیج سکیورٹی اداروں کو پیرس حملوں کی تحقیقات میں مدد دے گی۔

ایمزٹی وی(اسلام آباد)سندھ اور پنجاب میں بلدیاتی انتخابات کے دوسرے مرحلہ کی مانیٹرنگ اور شکایات کی وصولی کےلئے الیکشن کمیشن سیکرٹریٹ کنٹرول روم میں کام جاری ہے۔ چیف الیکشن کمشنر سردار رضا خان خود اس عمل کی نگرانی کر رہے ہیں۔ ترجمان الیکشن کمیشن افتخار راجہ کہتے ہیں کہ شکایات پر فوری ایکشن لیا جا رہاہے۔ اب تک دونوں صوبوں کے 26 اضلاع سے 60 شکایات موصول ہوئی ہیں۔ بریفنگ میں ان کا مزید کہنا تھا کہ پنجاب سے 33 اور سندھ 27 شکایات موصول ہوئی ہیں جن کو فوری طور پر دور کردیا گیا۔ انہوں نے بتایا کہ کنٹرول روم میں 6 ٹیمیں کام کررہی ہیں جو نتائج مرتب ہونے تک کام کرتی رہیں گی

ایمزٹی وی(ایجوکیشن) برطانیہ کی کاروڈیو یونیورسٹی کے ایک میڈیکل یونیورسٹی کی جانب سے سعودی عرب کی ایک طالبہ شیما عامر کو اس کی وفات کے دو ماہ بعد ڈاکٹریٹ کی ڈگری جاری کردی گئی ہے۔ ذرائع کے مرحومہ عامر نے ڈاکٹریٹ کے مقالے کا عنوان بچوں میں شوگر کے پھیلاؤ اور اس کے خطرات پر تھا اور اس نے نہایت باریک بینی کے ساتھ دستاویزات تیار کیا تھا۔جامعہ کارڈیوو کی جانب سے اسے سائنسی تحقیقات میں نمایاں کارکردگی کا مظاہرہ کرنے کے اعزاز میں ایک سند بھی جاری کی گئی تھی۔ مرحومہ شیما عامرکے نگران آفیسر نے برطانیہ میں سعودیہ عرب کے طلبا کالج کی انتظامیہ اور مرحوم کے والدین کی موجودگی میں تقریب کااعلان کیا۔ جبکہ دوسر جانب یونیورسٹی کی جانب سے ارسال کردہ متکوب ان کے اہلِ خانہ نے وصول کیا۔

ایمزٹی وی(اسلام آباد) الیکشن کمیشن آف پاکستان (ای سی پی) نے سندھ کی 76 کونسلز میں آج کے ہونے والے بلدیاتی انتخابات کے دوسرے مرحلے کو ملتوی کرنے کا اعلان کیا ہے۔ ذرائع کے مطابق 17 نومبر کو سندھ ہائی کورٹ نے ایک مختصر حکم کے ذریعے ای سی پی کو ہدایت کی تھی کہ وہ بلدیاتی انتخابات کے لئے کی جانے والی نئی حد بندیوں کی ’24 گھنٹے‘ میں نظر ثانی مکمل کرلے۔جس کے بعد چیف جسٹس انور ظہیر جمالی کے زیر سماعت الیکشن کمیشن نے سپریم کورٹ میں سندھ ہائی کورٹ کے مذکورہ فیصلے کو چیلنج کیا تھا ۔جبکہ الیکشن کمیشن کی نمائندگی کرنے والے محمد منیر پراچہ نے عدالت کو بتایا تھا کہ سندھ ہائی کورٹ کے فیصلے پر عمل درآمد کرنا ای سی پی کے لیے فوری طور پر ممکن نہیں ہے۔ سپریم کورٹ کی جانب سے حکم جاری ہونے پر ای سی پی میں ایک طویل اجلاس طلب کیا گیا۔ اجلاس کے بعد ای سی پی کے سیکریٹری بابر یعقوب فتح محمد نے اعلان کیا کہ اجلاس کے دوران سندھ کی 53 یونین کونسلز، 18 ٹاؤن کمیٹیز اور 5 میونسپل کمیٹیز میں انتخابات کو ملتوی کرنے کا فیصلہ کیا گیا ہے۔

ایمزٹی وی(اسلام آباد) سندھ اور پنجاب میں بلدیاتی انتخابات کے دوسرے مرحلے کا آغاز ہوگیا ہے۔ ذرائع کے مطابق سندھ میں 14 جبکہ پنجاب میں 12 اضلاع میں پولنگ ہوگی۔دونوں صوبوں میں صبح ساڑھے 7 بجے شروع ہونے والا پولنگ کا عمل شام ساڑھے 5 بجے تک بلاتعطل جاری رہے گا۔پنجاب کے 12 اضلاع سرگودھا، گجرانوالہ، ساہیوال، اٹک، جہلم، میانوالی، چنیوٹ، ٹوبہ ٹیک سنگھ، حافظ آباد، منڈی بہاؤالدین، شیخوپورہ اور خانیوال میں ہزاروں امیدوار مدمقابل ہیں۔پنجاب کے 12 اضلاع میں ایک کروڑ 46 لاکھ سے زائد اپنا حق رائے دہی استعمال کریں گے۔صوبے کے انتخابی اضلاع میں 11 ہزار 862 پولنگ اسٹیشنز کو ’اے پلس‘، ’اے‘ اور ’بی‘ میں تقسیم کیا گیا ہے۔جبکہ دوسری جانب سندھ کے 14 اضلاع حیدر آباد، ٹنڈو محمد خان، ٹنڈو الہیار، مٹیاری، دادو، جامشورو، بدین، ٹھٹھہ، سجاول، شہید بے نظیر آباد، تھرپارکر، میرپور خاص، عمر کوٹ اور نوشہرو فیروز میں بھی آج بلدیاتی انتخابات کے دوسرے مرحلے کے لیے پولنگ ہورہی ہے۔انتخابات کے دوسرے مرحلے کے دوران صوبے کے 71 لاکھ 69 ہزار سے زائد ووٹرز حق رائے دہی استعمال کرکے اپنے نمائندوں کا انتخاب کریں گےالیکشن کمیشن نے سندھ کے 8 اضلاع کی 76 یونین کونسلز میں آج ہونے والے انتخابات ملتوی کرکے 15 روز میں نئی حلقہ بندیاں کرانے کا اعلان کیا ہے۔انتخابات کے دوران سیکیورٹی کے لیے پولنگ اسٹیشنز پر ہزاروں پولیس اور رینجرز اہلکاروں کو تعینات کیا گیا ہے، جبکہ پاک فوج کی 16 کمپنیاں اسٹینڈ بائی پر رکھی گئی ہیں جنہیں کسی بھی ناخوشگوار واقعع کی صورت میں طلب کیا جاسکے گا۔

ایمزٹی وی(اسلام آباد) چیف آف آرمی جنرل راحیل شریف کے دورے امریکا کے دوران امریکی وزیر خارجہ جان کیری سے اہم ملاقات ہوئی۔ ڈی جی آئی ایس پی آرکے ترجمان لیفٹننٹ عاصم باجواہ کے مطابق ملاقات میں خطے میں استحکام سے متعلق بات چیت ہوئی ہے۔ان کامزید کہنا تھا کہ دونوں رہنماؤں کے درمیان افغانستان اور ہندوستان سے متعلق چیلنجز اور انہیں حل کرنے کے اقدامات زیرِ موضوع رہے۔اس حوالے سے ان کامزید کہنا تھا جان کیری نے دہشت گردی کے خلاف جنگ میں پاکستان کی کاوشوں کو سراہا۔جنرل راحیل شریف اور جان کیری کے درمیان ملاقات میں افغانستان کے حوالے سے مصالحتی عمل اور اس پیش رفت کے حوالے سے بھی تبادلہ خیال کیا۔اس موقع پر آرمی چیف نے باہمی اعتماد اور احترام پر مبنی پاک ۔امریکا تعلقات میں مظبوطی کی پاکستان خواہش کا اعادہ بھی کیا. اس دورے میں آرمی چیف نے سی آئی اے کے سربراہ جان برینن اور امریکی سیکرٹری آف ڈیفنس ایشٹن کارٹر دیگر اعلیٰ حکام سے بھی ملاقاتیں کیں۔

ایمز ٹی وی (انٹرنیشنل) عدالت نے فریڈم فلوٹیلا حملہ کیس میں اسرائیلی وزیراعظم نیتن یاہو سمیت دیگر 7 اسرائیلی حکام کے وارنٹ گرفتاری جاری کردیئے۔تفصیلات کے مطابق اسپین کی عدالت نے فریڈم فلوٹیلا حملہ کیس میں اسرائیلی وزیراعظم نیتن یاہو سمیت دیگر 7 اسرائیلی حکام کے وارنٹ گرفتاری جاری کیے ہیں۔ عدالت نے پولیس کو اسرائیلی وزیراعظم سمیت تمام ملزمان کے اسپین کی حدود میں داخل ہونے پر انہیں گرفتار کرنے کا حکم دیا ہے۔ واضح رہے کہ 2010 میں اسرائیلی فوج نے غزہ کے لیے امداد لے جانے والے بحری جہاز پر حملہ کیا تھا، جس کے نتیجے میں 9 افراد جاں بحق اور 50 سے زائد زخمی ہو گئے تھ