ایمزٹی وی (تعلیم)محکمہ تعلیم سندھ نے اساتذہ کی بایو میٹرک حاضری کی رپورٹ تیار کرلی۔ذرائع کے مطابق صوبہ سند ھ میں اس وقت 5939 اساتذہ غیر حاضر نکلے ہیں جبکہ محکمہ تعلیم کی جانب سے 1085 اساتذہ کو مفرور قرار دے دیا گیا اور ان اساتذہ کی تنخواہیں بھی روک لی گئی ہیں۔

ڈاؤ یونیورسٹی نے پاکستان میں پہلی بارسانپوں کے زہر سے اینٹی باڈیزویکسین تیارکرلی جو جانوروں پر تجربے کے بعد انسانوں پر بھی آزمائی جائے گی ، ویکسین ڈاؤ یونیورسٹی اوجھا میں قائم کی جانے والی سیروبیالوجیکل لیبارٹری میں تیار کی گئی ہے جہاں مستقبل میں پولیو، فلو، ہیپاٹائٹس اور سگ گزیدگی کی بھی ویکسین تیارکی جاسکے گی۔ یہ بات ڈاؤ یونیورسٹی کے وائس چانسلر پروفیسر مسعود حمید خان نے جمعرات کو یونیورسٹی میں پریس کانفرنس کے دوران گفتگو کرتے ہوئے کہا کہ سانپوں سے نکالے جانے والے زہر کوگھوڑوں میں انجکشن کے ذریعے داخل کیا جاتا ہے جس کے بعدگھوڑوں کے جسم میں زہر کے خلاف بننے والی اینٹی باڈیزنکالی جاتی ہے جس سے سانپ کے کاٹے کا علاج ممکن ہوگیاہے۔ اس موقع پر سیروبیالوجیکل اینمل لیب کے ڈاکٹر ضمیر احمد ،ڈاکٹرشوکت علی سمیت دیگر بھی موجود تھے، وائس چانسلر پروفیسر مسعود حمید خان کا کہنا تھا کہ یونیورسٹی نے گورنر سندھ ڈاکٹر عشرت العبادخاں کی ہدایت سیروبیالوجیکل لیب قائم کی ہے جہاں سب سے پہلے سانپ کے کاٹے کے علاج کی ویکیسن (اینٹی اسینک) تیار کی ۔

ایمزٹی وی(اسلام آباد) پاکستان نے آئی ایم ایف کی ایک اور شرط پوری کر دی۔ تفصیلات کے مطابق آئی ایم ایف کی شرط کے مطابق پاکستان نے انسداد بے نامی بل پارلیمنٹ میں پیش کر دیا۔ جس کے مطابق جعلی اور فرضی ناموں پر خریدی گئی جائیداد بے نامی کہلائے گی۔ وفاقی حکومت بے نامی جائیداد کو ضبط کر سکے گی۔ کمپنی کے ڈائریکٹرز، ٹرسٹیز اور پارٹنرز کے نام خریدی گئی جائیداد بے نامی نہیں ہو گی جب کہ بیوی، بچوں، بہن بھائیوں اور ظاہر اثاثوں سے خریدی گئی جائیداد بے نامی نہیں ہو گی۔
دستاویز کے مطابق بے نام دار کو ایک سے سات سال تک کی سزا سنائی جا سکے گی جبکہ جائیداد کی مالیت کا 25 فیصد جرمانہ بھی لگایا جا سکے گا۔ جعلی کاغذات پیش کرنے والے پر چھے ماہ سے 5 سال تک کی قید کی سزا اور جائیداد کی قیمت کا دس فیصد جرمانہ لگایا جا سکے گا۔ قانون کے مطابق ڈرائیوروں اور ملازمین کے نام پر بنک اکائونٹس کھلوانے والوں کے خلاف کارروائی کی جائے گی۔ بے نامی بنک اکاونٹس میں پکڑی جانیوالی تمام رقم ضبط کر لی جائے گی۔ قانون کا اطلاق منقولہ اورغیرمنقولہ جائیداد اور کیش پر ہو گا

ایمزٹی وی(بلوچستان)کوئٹہ سمیت بلوچستان بھر کے وکلاء سانحہ 12 مئی پر یوم سیاہ منا رہے ہیں۔ وکلا نے عدالتوں کا مکمل بائیکاٹ کیا اور بازوئوں پر سیاہ پٹیاں بھی باندھیں۔ تفصیلات کے مطابق وکلاء کی جانب سے بلوچستان ہائیکورٹ، سیشن کورٹ کچہری سمیت صوبے بھر میں عدالتوں کا مکمل بائیکاٹ کیا گیا، اس دوران کوئی وکیل عدالتی کاروائی کا حصہ نہیں بنا۔ ہاتھوں پر سیاہ پٹیاں باندھیں اور بار رومز پر سیاۃ پرچم لہرائے گئے۔ وکلاء کا کہنا ہے کہ سانحہ 12 مئی عدلیہ کی تاریخ کا سیاہ باب ہے جسے بھلانا نامکمن ہے۔

وکلاء کا سانحہ بارہ مئی کے خلاف عدالتی بائیکاٹ سائلین کے لئے پریشانی کا باعث بنا۔ عدالتوں میں زیرالتواٰ مقدمات کی سماعت نہ ہونے کے باعث دوردراز علاوں سے آئے لوگوں کو مشکلات کا سامنا کرنا پڑا

ایمزٹی وی (اسلام آباد)وفاقی حکومت نے رمضان پیکیج کے تحت ایک ارب، 30 کروڑروپے کی سبسڈی دینے کا فیصلہ کیا ہے، 5 ہزار یوٹیلٹی اسٹورز کارپوریشن کے ذریعے ملک بھرمیں چینی دال ، آٹا، کھجوریں، گھی، بیسن، چنا، چاول، دودھ، مشروبات سمیت ایک ہزار سے زائد اشیا پر 5 فیصد سے15فیصد تک سبسڈی دی جائیگی۔ ذرائع کے مطابق وزارت صنعت و پیداوار نے رمضان پیکیج کی سمری ای سی سی کو بھجوا دی ہے جس کی منظوری کے بعد رمضان پیکیج پر عملدرآمد شروع ہو جائیگا،رمضان پیکیج رمضان مبارک سے ایک ہفتہ قبل نئے مالی سال کے وفاقی بجٹ کے اعلان کے موقع سے شروع کرنے کی تجویز پر غورکیا جا رہا ہے۔ وفاقی حکومت کی طرف سے رمضان پیکیج کا مقصد عام صارفین کو مصنوعی مہنگائی سے بچانا اور اس کی حوصلہ شکنی کرنی ہے، پیکیج کو مانیٹرکرنے کیلیے آپریشن روم بنایا جائیگا تاکہ عام آدمی کو فوائدپہنچ سکیں۔

ایمزٹی وی(پشاور)خیبر پختونخوا اسمبلی کے حلقے پی کے 8 میں ضمنی انتخاب کے لئے پولنگ کا عمل جاری ہے۔ خیبر پختونخوا اسمبلی کے حلقے پی کے 8 پشاور میں ضمنی انتخاب کے لئے پولنگ کا عمل صبح 8 بجے شروع ہوا جو شام 5 بجے تک بلا تعطل جاری رہے گا۔ حلقے میں رجسٹرڈ ایک لاکھ 36 ہزار 500 ووٹرز کے لئے 98 پولنگ اسٹیشنز قائم کئے گئے ہیں جس میں سے 47 پولنگ اسٹیشنز کو حساس قرار دیا گیا ہے۔ پی کے 8 کے ضمنی انتخاب کے دوران 4 ہزار پولیس اہلکار بھی تعینات کئے گئے ہیں جب کہ الیکشن کمیشن کے مطابق آر اوز اور ڈی آر اوز کی درخواستوں پر حلقے کے 24 پولنگ اسٹیشنز میں فوج تعینات کرنے کا فیصلہ کیا گیا ہے، فوجی جوان پولنگ اسٹیشنز کے اندر اور باہر تعینات رہیں گے۔ پی کے 8 کے ضمنی الیکشن کے لئے مجموعی طور پر 15 امیدوار میدان میں ہیں تاہم (ن) لیگ، تحریک انصاف اور جے یو آئی (ف) کے امیدواروں کے درمیان کانٹے دار مقابلے کی توقع ہے۔ واضح رہے کہ پی کے 8 کی نشست مسلم لیگ (ن) کے ارباب اکبر حیات کے انتقال کے بعد خالی ہوئی تھی۔

ایمزٹی وی(تعلیم) راولپنڈی کے ناظم راجہ رمیض حسن کی زیرصدارت اصغر مال کالج میں قومی پری بجٹ پر اجلاس منعقد کیا گیا۔ اجلاس سے خطاب کرتے ہوئےانجمن طلبا اسلام کے ترجمان وقار علی کا کہنا تھا کہ انجمن طلبا اسلام نے ہائر ایجو کیشن کمیشن کی کارکردگی پر تشویش کا اظہار کرتے ہوئے تعلیمی بجٹ جی ڈی پی کا 5فیصد کرنے کامطالبہ کیا ہے جبکہ 22مئی کوقومی پری بجٹ کانفرنس کابھی اعلان کیا ہے۔ جس میں تعلیمی مسائل پر روشنی ڈالنے کے لئے ماہرین تعلیم ،اساتذہ اور طالبعلم رہنما ملک بھر سے شرکت کریں گے۔

ایمزٹی وی(تعلیم) پاک چائنا فرینڈ شپ سنٹر میں دو روزہ ' تعلیمی ایکسپو 2016' کاآغاز ہوگیا ہے۔ نمائش کےابتدائی روز پنجاب گروپ آف کالجز، ریسورس اکیڈیمیا، الائیڈ اسکولز اور ای ایف اے اسکول سسٹم کااسٹال طلبا و طالبات ، بچوں اور ان کے والدین کی توجہ کا مرکز بنا رہا۔ تفصیلات کے مطابق پہلے روز 400سے زائد طلبا و طالبات نے پنجاب گروپ آف کالجز میں داخلوں، گریجویٹ پروگرامز میں اسکالر شپس، سول انجینئرنگ پروگرامز اور شام کی کلاسز کے حوالے سے معلومات اور آگاہی حاصل کی۔ علاوہ ازیں اسٹال پر الائیڈ اسکولز، ریسو رس اکیڈ یمیا ، ای ایف اے سکول سسٹم کے داخلوں اور فیسوں کے حوالے سے بچوں اور والدین نے معلومات حاصل کیں۔ اسٹال پر موجودپنجاب گروپ آف کالجز کے نمائندوں خرم پر ویز، قدسیہ اور ربیعہ کا کہنا تھا طلبا و طالبات نے سٹال پر گریجویٹ سکالرشپس کے اجرا سمیت دیگر پروگرامز کی آگاہی حاصل کی۔

ایمزٹی وی (تعلیم)صوبائی دارالحکومت سمیت خیبر پختونخوا کے مختلف اضلاع میں تعلیمی سال شروع ہوئے ایک ماہ سے زائد عرصہ گزر گیا ہے لیکن طلباء کو مفت کتب نہیں مل سکیں۔ کتابیں نہ ملنے اور چھٹیوں کے قریب آ جانے کے باعث ان بچوں کا تعلیمی سال ضائع ہونے کا اندیشہ پیدا ہو گیا ہے۔ جن اسکولوں کے طلباء کو کتابیں ملی بھی ہیں، انہیں غلط چھپائی کی وجہ سے مشکلات کا سامنا کرنا پڑ رہا ہے۔ بیشر کتابوں کے ٹائٹل الٹے چھاپ دیئے گئے ہیں۔ وزیر تعلیم کے مطابق صوبے کے پچیس اضلاع میں آٹھویں، نوویں اور دسویں جماعت کے دس فیصد بچوں کو کتب نہیں مل سکی ہیں لیکن وہ اس کا سبب کتب کی چھپائی کے اوپن ٹینڈر کو قرار دے رہے ہیں اور اپنی غلطی تسلیم کرنے پر آمادہ نہیں۔ اسکولوں میں نصابی کتب کی عدم فراہمی اور صوبائی حکومت کے نوٹس لینے کےباوجود طلباء کو کتب کی فراہمی یقینی نہیں بنائی جا سکی۔

ایمزٹی وی (کراچی)خصوصی عدالت نے پرویز مشرف کو اشتہاری قرار دیدیا۔ عدالت نے حکم دیا کہ سابق صدر کو ایک ماہ کے اندر گرفتار کر کے عدالت کے سامنے پیش کیا جائے۔
جسٹس مظہر عالم کی سربراہی میں خصوصی عدالت نے سنگین غداری کیس کی سماعت کی۔ خصوصی عدالت نے حکم دیا کہ اردو اور انگریزی اخبارات میں اشتہارات دیئے جائیں کہ ملزم مفرور ہیں۔ عدالت نے ایف آئی اے کو حکم دیا کہ وہ ملزم کو گرفتار کرنے کیلئے فوری اقداما ت کرے۔ خصوصی عدالت میں سیکریٹری داخلہ بھی پیش ہوئے۔
ایف آئی اے نے عدالت کو بتایا کہ وہ پرویز مشرف کے گھر گئے لیکن ملزم وہاں موجود نہیں تھا۔ عدالت نے حکم دیا کہ ایف آئی اے ایک ماہ کے اندر اندر ملزم کو گرفتار کر کے عدالت کے سامنے پیش کرے۔ جسٹس مظہر عالم کا کہنا تھا کہ وکلا صفائی کو اب عدالت میں موجود نہیں ہونا چایئے