Reporter SS
ایمزٹی وی (تعلیم) سندھ پرائمری ٹیچرز ایسوسی ایشن تعلقہ میرپورساکروکی جانب سے تعلقہ ایجوکیشن افسر میرپورساکرو کے اساتذہ کے ساتھ غیر ذمے دارانہ روئیے اور کرپشن کے خلاف احتجاجی تحریک چلانے کا اعلان کیا گیا ہے آل سندھ پرائمری ٹیچرز ایسوسی ایشن تعلقہ میرپورساکرو کے صدر غلام حیدر بلوچ اورجنرل سیکریٹری غلام حیدر سٹھیو نے بتایا کہ ٹی ای او میرپورساکرو اسا تذہ کے مسائل سننے کو تیار نہیں اور بلا جواز ا ساتذہ کی ماہانہ تنخواہیں بغیر نوٹس کے روک لی ہیں ، اس کے علاوہ ٹینڈر کے خالی فارموں پر اسا تذہ کو ہراساں کر کے دستخط لیے جا رہے ہیں۔ انہوں نےمزید بتایا کہ ٹی ای او میرپورساکرونے اسکولوں کے فرنیچر کی مرمت کے لئے آنے والے لاکھوں روپے ہڑپ کر لیے ہیں جسکی فوری انکوائری کرائی جائے ، انھوں نے بتایا کہ ان تمام مسائل کافوری نوٹس نہیں لیا گیا اور ہمارے مسائل حل نہ کیے گئے توٹی ای او میرپورساکرو کے خلاف احتجاجی تحریک چلائی جائے گی۔ 11مئی سے 15مئی تک تمام تعلقہ کے اسکولوں میں تدریسی عمل بند کر کے تالا بندی کی جائے گی اور 16 مئی سے ٹی ای او میرپورساکرو آفس کے سامنے علامتی بھوک ہڑتال کی جائے گی اور پھر 20 مئی کو احتجاجی مظاہرہ کر کے ڈی ای او آفس کے سامنے دھرنا دیا جائے گا۔
ایمزٹی وی(تعلیم) جامعہ کراچی میں فارغ التحصیل طالب علموں کی تنظیم یونی کیرینز انٹرنیشنل کی تقریب حلف برداری کا انعقاد کیاگیا ۔ تقریب سے خطاب کرتے ہوئے گورنر سندھ عشرت العباد خان کا کہناتھا معیاری تعلیمی ادارے کسی بھی شہر کی پہچان ہوا کرتے ہیں اور جامعہ کراچی شہر قائد کی سب سے بڑی پہچان ہے جو کہ اپنے قیام کے بعد سے مسلسل مختلف شعبوں کے ماہرین تیار کررہی ہے ، اساتذہ اور طالب علموں کی محنت اور لگن کے باعث جامعہ کراچی کو ملک کے تعلیمی اداروں میں نمایاں مقام حاصل ہوا ہے۔ ان کا مزید کہنا تھا کہ جامعہ کراچی ایک الگ ہی دنیا ہے جہاں کا ہر ایک شعبہ اپنی مثال آپ ہے ،سائنس، آرٹس، کامرس اور کمپیوٹرکے شعبوں میں جامعہ کراچی سے فارغ التحصیل طالب علموں نے کارہائے نمایاں انجام دیے ہیں، جامعہ کراچی سے فارغ التحصیل طالب علم ہرشعبے میں ہی نمایاں نظر آتے ہیں،مادر علمی طالب علموں کا فخر ہوا کرتی ہے کیونکہ طالب علم یہاں تعلیم کے ساتھ تربیت کے مختلف مراحل سے بھی گزرتے ہیں جو انہیں مستقبل میں کامیابی سے ہم کنار کرتی ہے۔ یونی کیرینز کے حالیہ انتخابات میں پروفیسر اعجاز احمد فاروقی(صدر)،ڈاکٹر فضل احمد (نائب صدر)، پروفیسر سحر انصاری (نائب صدر)، پروفیسر رضوان حیدر(نائب صدر)، پروفیسر ملاحت کلیم (نائب صدر)، ندیم ہاشمی (جنرل سیکریٹری)، پروفیسر ندیم اختر (جوائنٹ سیکریٹری)، پروفیسر خالدہ سمیع (جوائنٹ سیکریٹری)، سعیدالکبیر (جوائنٹ سیکریٹری)، پروفیسر امانت اللہ (جوائنٹ سیکریٹری)، پروفیسر انور برنی (فنانس سیکریٹری)جبکہ منصور معطر (انفارمیشن سیکریٹری) منتخب ہوئے ہیں۔منیجنگ کمیٹی کیلئے 16 اراکین کا انتخاب بھی عمل میں لایا گیا۔ گورنر نے بعد ازاں عہدے داروں اور منیجنگ کمیٹی کے اراکین سے حلف لیا۔
ایمزٹی وی (تعلیم)جامعہ کراچی کے سابق رجسٹرار پروفیسر ڈاکٹر فہیم الدین کے زیر صدارت کراچی کے نجی اسکول میں 27 ویں سالانہ جلسہ تقسیم اسناد کا اہتمام کیا گیا۔ تقریب سے خطاب کرتے ہوئے مہمان خصوصی سابق ڈسٹرکٹ اینڈ سیشن جج ملیر محمد یامین نے کہا ہے کہ طلبہ ملک و قوم کا اثاثہ ہیں اور ان کی بہترین تعلیم و تربیت والدین کے ساتھ ساتھ اساتذہ کی ذمہ داری ہے ۔بہترین تربیت کے بغیر تعلیم کا حصول بے معنی ہوجاتا ہے- اس موقع پرڈاکٹر فہیم الدین نے ’’گھر میں سب سے چھوٹا تھا، میرے حصے میں ماں آئی‘‘ کے عنوان پر خطاب کرتے ہوئے کہا کہ اولاد پر والدین کی فرمانبرداری فرض ہے ۔ماں ہو یا باپ دونوں کی اہمیت اور شان دین اسلام نے بیان کی ہے۔ کوئی ’’مدر یا فادر ڈے‘‘ والدین سے 365دنوں کی محبت کا نعم البدل نہیں ہوسکتا۔طلبہ و طالبات اپنے والدین کی ہمیشہ عزت کریں۔ جبکہ دوسری جانب اسکول پرنسپل پروین شکیل نے کہا کہ المبین اسکول گزشتہ 27 سال سے علاقے میں طلبہ کو سستی معیاری تعلیم کے ساتھ ساتھ تربیت کے اعلیٰ مواقع فراہم کر رہا ہے ۔پروفیسر یعقوب عباسی اور پروفیسرسید شکیل احمد نے طلبہ پر زور دیا کہ وہ حصول علم کے لیے سخت محنت کریں۔آخر میں نمایاں کارکردگی والے بچوں میں انعامات تقسیم کیے گئے۔
ایمز ٹی وی (سائنس ) آج کل لوگ گھر پر ہی بہترین کھانے بنا کر لطف اندوز ہونا چاہتے ہیں اور یہی وجہ ہے کہ مزیدار کھانے بنانے کے لیے نت نئی جدید مشینیں بھی سامنے آرہی ہیں اور اب ایسی ہی ایک میشن سام سنگ نے تیار کی ہے جو اسمارٹ اوون ہے جسے آپ اپنے اسمارٹ فون سے بھی کنٹرول کرسکتے ہیں۔ سام سنگ کا پیش کردہ یہ اسمارٹ اوون انٹرنیٹ کے ذریعے کنٹرول کیا جا سکتا ہے۔ اسے کچن میں رکھنے کے بعد وائی فائی سے کنیکٹ کریں اور اسمارٹ فون میں موجود اس کی ایپلی کیشن سے اس کا مکمل نظام سنبھالیں۔ ایپلی کیشن کے ذریعے اسے نہ صرف آن آف کیا جا سکتا ہے بلکہ درجہ حرارت کو کم زیادہ بھی کیا جا سکتا ہے اور اگر غلطی سے اوون چلتا رہ جائے تو یہ باقاعدہ نوٹی فکیشن کے ذریعے اسمارٹ فون پر آگاہ بھی کرتا ہے جس کے بعد اسے فون ہی کے ذریعے کہیں بھی رہتے ہوئے بذریعہ انٹرنیٹ بند ہونے کا حکم دیا جا سکتا ہے۔ اس اوون کے ہوتے ہوئے کوئی کھانا جل بھی نہیں سکتا کیونکہ یہ پہلے مطلع کر دیتا ہے۔ یہی نہیں اس میں تقسیم ہو کر ایک سے دو اوون بننے کی سہولت بھی موجود ہے۔ مثلا اگر بیک وقت دو کھانوں کو مختلف درجہ حرارت پر گرم کرنا ہو تو اس کے اسمارٹ ڈیوائیڈر ڈیزائن کی مدد سے اسے دو حصوں میں تقسیم کیا جا سکتا ہے۔ اس کے علاوہ یہ کھانے کی خوشبو اور ذائقے کو بھی ایک سے دوسرے حصے میں جانے نہیں دیتا۔ یہ اسمارٹ اوون دو مختلف ڈیزائنوں اور ماڈلز میں دستیاب ہے۔ اس طرح اس اوون کے ہوتے ہوئے خواتین گھر سے نکلنے کے بعد کم از کم اس تشویش میں نہیں رہیں گی کہ کہیں اوون چلتا تو نہیں رہ گیا۔
ایمزٹی وی (اسلام آباد) وزیراعظم نواز شریف کی زیرصدارت حکومتی اتحادی مل بیٹھے اور اپوزیشن کے ٹی او آرز کو مسترد کر دیا۔ اپوزیشن سے مذاکرات اور متفقہ ٹی او آرز کا اختیار وزیرا عظم کو دے دیا گیا۔ وزیر اعظم کی زیر صدارت اجلاس میں مولانا فضل الرحمان، محمود خان اچکزئی، حاصل بزنجو، ساجد میر، اکرم درانی ، اعجاز الحق اور وفاقی وزراءشریک ہوئے۔ اتحادی جماعتوں کو اپوزیشن کے ٹی او آرز پر اعتماد میں لیا گیا۔ اجلاس کے بعد میڈیا سے گفتگو کرتے ہوئے مولانا فضل الرحمان کا کہنا تھا کہ اپوزیشن کے ٹی او آرز پر تحفظات ہیں کیونکہ وہ آئین اور قانون سے مطابقت نہیں رکھتے۔ جمعیت علما اسلام کے سربراہ کا کہنا تھا کہ وزیر اعظم کے استعفے کی باتیں تحقیقات سے وابستہ ہیں۔ اپوزیشن تضادات کا شکار ہے اور عوام میں کنفیوژن پیدا کر رہی ہے۔ حکومت نے پاناما لیکس کے معاملے پر اتحادیوں کا سہارا لے لیا اور اب اپوزیشن کو مذاکرات کے ساتھ ٹف ٹائم دینے کا فیصلہ کر لیا گیا ہے
ایمز ٹی وی ( سائنس ) ڈرون ٹیکنالوجی نے کسانوں کی مشکل بھی آسان کردی ہے ۔
تفصیلات کےمطابق ڈرون ٹیکنالونی کو جنگوں میں استعمال کرنے کے بعد اب اسے انسانوں کی مدد کیلئے بھی استعمال کیا جانے لگا ہے ۔ چین میں ڈرونزکوچاول کی فصلوں کوسپرے کرنے کےلئے استعمال کیاجانے لگا۔۔ کسانوں کیلئے صرف چندمنٹوں میں ڈرون کی مددسے سیکڑوں ایکڑفصل پراسپرے کرنااب آسان ہوگیا ہے
ایمز ٹی وی (کراچی) سندھ رینجرزکی کمانڈکانفرنس میں کراچی آپریشن کے دوران دہشت گردوں اورٹارگٹ کلرزکا بلاامتیاز تعاقب جاری رکھنےکاعزم ظاہرکیاگیا۔ تفصیلات کےمطابق کراچی میں سندھ رینجرزکےہیڈکوارٹرمیں کمانڈ کانفرنس کاانعقادکیا گیا،
جس میں سیکٹرکمانڈرزاورونگ کمانڈرز شریک ہوئے،ترجمان کےمطابق کانفرنس میں کراچی آپریشن کاجائزہ لیا گیا جبکہ آپریشن جاری رکھتے ہوئے دہشت گردوں اور ٹارگٹ کلرز کے بلاامتیازتعاقب کےعزم کااظہارکیاگیا،ترجمان کےمطابق عوام کے تعاون سےآپریشن کامیابی سےہمکنار ہورہاہے قانون۔اورانصاف کےتقاضےپورےکئےجائیں گے
ایمز ٹی وی (کراچی) چیف جسٹس پاکستان جسٹس انور ظہیر جمالی کا کہنا ہے کہ ملک میں ایک دوسرے پر الزمات لگانے کاکلچر پنپ رہا ہے۔ مسائل کے حل کے لیے سب سے پہلے ملکی آبادی پر توجہ دینا ہو گی۔ ہمیں اپنے عدالتی نظام کو جلد از جلد اردو میں منتقل کرنا ہو گا۔
ملک میں عدالتیں اپنا کردار ادا کریں تو معاشرہ سدھر سکتا ہے۔ عدالتی اور قانونی نظام کو قومی زبان میں رائج کیا جائے ۔ تفصیلات کے مطابق کراچی کے مقامی ہوٹل میں جوڈیشل ایجوکیشن کی تقریب میں چیف جسٹس پاکستان جسٹس انور ظہیر جمالی کا کہنا تھا کہ ملک میں رائج قانون اور جو ڈیشل نظام میں بہت سی خامیاں ہیں۔ قانونی مسائل کو دور کرنے کے لیے طویل المدتی منصوبے کی ضرورت ہے ۔ انہوں نے کہا کہ بدقسمتی سے قومی زبان کو کبھی اہمیت نہیں دی گئی تاہم اب کچھ جج صاحبان قومی زبان میں فیصلے دے رہے ہیں۔ جسٹس انور ظہیر جمالی نے کہا کہ انٹر کے بعد قانون کی ڈگری پانچ سال پر محیط ہونی چاہیے۔ ملک میں عدالتیں اپنا کردار ادا کریں تو معاشرہ سدھر سکتا ہے ۔ عدالتی اور قانونی نظام کو قومی زبان میں رائج کیا جائے
ایمزٹی وی (تعلیم)سپریم کورٹ نے ڈاؤ یونیورسٹی کے وائس چانسلر کی سرچ کمیٹی کے خلاف دائر درخواست کو ناقابل سماعت قرار دیتے ہوئے خارج کردیا ہے ۔[ تفصیلات کے مطابق گزشتہ روز سپریم کورٹ کراچی رجسٹری میں ڈاؤ میڈیکل یونیورسٹی کے وائس چانسلر کی سرچ کمیٹی کیخلاف رانا قمر و دیگر کی جانب سے دائر کردہ درخواست کی سماعت کی۔ سماعت کے موقع عدالت نے ریمارکس میں کہا کہ کمیٹی پر سیاسی ہونے کا اعتراض کرکے مرضی کی کمیٹی تشکیل نہیں دی جاسکتی ہے جبکہ اقبال درانی گریڈ 20 کے ڈی ایم ڈی افسر ہیں وہ کیسے سیاسی ہو گئے ہیں۔ درخواست گزار رانا قمر اور دیگر نے موقف اختیار کیا تھا کہ ڈاؤ یونیورسٹی کے وائس چانسلر کی سرچ کمیٹی کے ممبران سیاسی بنیادوں پرمقرر کیے گئے اوران میں سے زیادہ تر وائس چانسلر کے عہدے سے متعلق انٹرویو کے اہل نہیں۔
