ایمز ٹی وی (ا نٹر ٹینمنٹ )دہلی میں فلم کی شوٹنگ کے دوران اچانک بےہوش ہونے والے اداکار رندیپ ہوڈا کو ہسپتال میں داخل کروایا گیا ہے جہاں پیر کو ان کا آپریشن کیا جانا ہے۔

رندیپ ان دنوں فلم ’سلطان‘ کی شوٹنگ میں مصروف ہیں اور اسی دوران اتوار کی شام وہ پیٹ میں درد کے سبب بے ہوش ہو گئے تھے۔

فلم کی ترجمان کی جانب سے جاری کیے گئے ایک بیان میں بتایا گیا ہے کہ رندیپ اپینڈکس کے درد میں مبتلا تھے اور یہی ان کی بےہوشی کی وجہ بنا۔

ترجمان کا کہنا ہے کہ ’رنديپ اس مرض میں کافی دنوں سے مبتلا تھے اور کچھ دنوں سے اس مرض کی وجہ سے کچھ زیادہ ہی پریشان تھے لیکن شوٹنگ کے شیڈول کی وجہ سے وہ اسے نظر انداز کر رہے تھے۔‘