سڈنی: ٹی ٹوئنٹی ورلڈکپ کے سیمی فائنلزکےلیےمیچ آفیشلز کا اعلان کردیا گیا۔

آسٹریلیا میں جاری ٹی ٹوئنٹی ورلڈکپ کا سپر 12 مرحلہ مکمل ہونے کے بعد سیمی فائنل کے لیے 4 ٹیموں کا لائن اپ مکمل ہو چکا ہے.

گروپ ون سے نیوزی لینڈ اور انگلینڈ جبکہ گروپ ٹو سے پاکستان اور بھارت کی ٹیمیں سپر فور مرحلے کے لیے کوالیفائی کر چکی ہیں۔

پاکستان اور نیوزی لینڈکے درمیان پہلے سیمی فائنل کے لیے جنوبی افریقا کے ماریس اراسمس اور رچرڈ النگورتھ فیلڈ امپائر ہوں گے۔ رچرڈ کیٹلبرا تھرڈ امپائر اور مائیکل گف فورتھ امپائر مقرر ہوں گے۔ ماریس ایرامس ورلڈ کپ میں متنازع فیصلوں کی وجہ سے تنقید کا شکار رہے ہیں۔

کراچی کے مختلف علاقوں میں ہونے والی موسم سرما کی ہلکی اور تیز بارش ریکارڈ کی گئی
بارش سےشہر کا موسم خوشگوار ہوگیا
کراچی کے مختلف علاقے شارع فیصل، ملیر، گلستان جوہر، ناظم آباد کے مختلف علاقوں میں وقفے وقفے سے بارش کا سلسلہ جاری ہےجبکہ کلفٹن، قیوم آباد، کورنگی اور لانڈھی میں بھی ہلکی بارش ریکارڈ کی گئی

محکمہ موسمیات کے مطابق مغربی ہواؤں کے اثرات بوندا باندی اور ہلکی بارش کی صورت میں نظر آرہے ہیں شہر میں مغربی ہواؤں کا سلسلہ مزید پھیلنے پر شام میں بھی بارش کاامکان ہے

سڈنی: قومی کرکٹ اسکواڈ بنگلادیش کو اہم میچ مں شکست دینےکےبعدایڈیلیڈسےسڈنی پہنچ گیا۔

جہاں شائقین نے کھلاڑیوں کے ساتھ ائر پورٹ پر سیلفیاں بنائیں۔

قومی اسکواڈ کل کسی کرکٹ سرگرمی میں شرکت نہیں کرے گا جب کہ ٹیم مینٹور میتھیو ہیڈن کل دوپہر 12 بجے پری سیریز پریس کانفرنس میں شرکت کریں گے۔

واضح رہے کہ پاکستان اور نیوزی لینڈ کے مابین ٹورنامنٹ کا سیمی فائنل 9 نومبر کو ایس سی جی میں کھیلا جائے گا۔پاکستان نے چھٹی مرتبہ ٹی ٹوئنٹی ورلڈکپ کے سیمی فائنل میں جگہ بنائی ہے۔

میلبرن: ٹی20 ورلڈکپ میں سپر12مرحلے کےآخری میچ میں بھارت نےزمبابوے کےخلاف ٹاس جیت کرپہلے بیٹنگ کرنےکافیصلہ کرلیا۔

میلبرن میں کھیلے جارہے میچ میں بھارت کے کپتان روہت شرما نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش ہوگی میچ جیت کر گروپ بی میں پوائنٹس ٹیبل پر ٹاپ کریں۔

اس موقع پر زمبابوے کے کپتان نے کہا کہ کوشش ہوگی میچ جیت کر ایونٹ کا اختتام مثبت انداز میں کریں۔

ایڈیلیڈ: ٹی20 ورلڈکپ میں سپر 12 مرحلے کے 29 ویں اوراہم میچ میں پاکستان نے بنگلہ دیش کو 5 وکٹوں سے شکست دیکر سیمی فائنل کیلئے کوالیفائی کرلیا۔

ایڈیلیڈ میں کھیلے جارہے میچ میں بنگلہ دیش کے کپتان شکیب الحسن نے ٹاس جیت کرپہلے بیٹنگ کرنے کا فیصلہ کیا، پہلے بیٹنگ کرتے ہوئے بنگال ٹائیگرز کی ٹیم مقررہ 20 اوورز میں 8 وکٹوں کے نقصان پر 127 رنز بناسکی۔ بنگلہ دیش کی جانب سے نجم الحسن شنٹو 54 رنز بناکر نمایاں رہے۔

دیگر کھلاڑیوں میں کپتان شکیب الحسن اور نور الحسن صفر، لٹن داس 10، سومیا سرکار 20، عفیف حسین 14، مصدق حسین 5، تسکین احمد 1 رنز بناسکے۔پاکستان کی جانب سے شاہین شاہ آفریدی نے 4، شاداب خان 2 جبکہ افتخار احمد اور حارث رؤف نے ایک ایک وکٹ حاصل کی۔

ہدف کے تعاقب میں پاکستان نے محتاط آغاز فراہم کیا، جس کے باعث قومی ٹیم ابتدا سے پریشر میں نظر آئی، کپتان بابراعظم ایک بار پھر اوپننگ میں ناکام رہے، انہوں نے 33 گیندوں پر 25 رنز بنائے۔ محمد رضوان 32 جبکہ محمد نواز 4 رنز بناکر آؤٹ ہوئے۔ میچ کے اختتامی لمحات میں محمد حارث جارحانہ کھیل پیش کیا اور 18 گیندوں پر 31 رنز کی اننگز کھیلی۔

بنگلہ دیش کی جانب سے نسوم احمد، عبادت حسین اور شکیب الحسن نے ایک ایک وکٹ حاصل کی۔

پاکستان کا اسکواڈ:
کپتان بابراعظم، محمد رضوان، محمد حارث، شان مسعود، افتخار احمد، محمد نواز، شاداب خان، محمد وسیم جونیئر، نسیم شاہ، حارث رؤف اور شاہین شاہ آفریدی۔

بنگلادیش کا اسکواڈ:
کپتان شکیب الحسن، نجم الحسن شانتو، لٹن داس، سومیا سرکار، عفیف حسین، مصدق حسین، ںور الحسن، تسکین احمد، نسوم احمد، مستفضر الرحمن اور عبادت حسین۔

پاکستان کے طیب اکرام انٹرنیشنل ہاکی فیڈریشن (آئی ایچ ایف) کےصدر منتخب ہوگئے۔

ایشین ہاکی کے چیف ایگزیکٹو طیب اکرام کا بیلجیم کے مارک کیوڈن سے مقابلہ تھا۔

طیب اکرام نے79 ووٹ لیے جب کہ بیلجیم کے نمائندے کو 47 ووٹ پڑے۔

ورچوئل اجلاس میں پاکستان سمیت 129 ارکان ممالک نے ووٹنگ میں حصہ لیا۔

کراچی: وزیر تعلیم سندھ سید سردار علی شاہ کے نوٹس کےبعدتعلیمی اخراجات نہ ہونے پریونیورسٹی چھوڑنے والے طالب علم کی فیس ادا کردی گئی

وزیر تعلیم کی ہدایت پر کالج ایجوکیشن اینڈومینٹ فنڈ کے تحت طالب علم کو چیک جاری کردیا گیا۔

طالب علم کے تین سال سے یونیورسٹی واجبات ادا کردیے گئے ہیں

سڈنی: ٹی20 ورلڈکپ میں سپر 12 مرحلے کے 27 ویں میچ میں انگلینڈکےہاتھوں سری لنکا کو شکست کے بعد میزبان آسٹریلیا بھی ٹورنامنٹ سے باہر ہوگیا۔

سڈنی میں کھیلے گئے میچ میں سری لنکا کے کپتان داسن شناکا نے ٹاس جیت کر پہلے بیٹنگ کرنے کا فیصلہ کیا، پہلے بیٹنگ کرتے ہوئے لنکن ٹیم نے مقررہ 20 اوورز 8 وکٹوں کے نقصان پر 149 رنز اسکور کیے تھے۔

سری لنکا کی جانب سے پتھم نسانکا نے جارحانہ کھیل پیش کرتے ہوئے 45 گیندوں پر 67 رنز کی اننگز کھیلی تاہم انکے علاوہ کوئی بلے باز خاطر خواہ کارکردگی دکھانے میں ناکام رہا۔ دیگر کھلاڑیوں میں کوشل مینڈس 18، دھننجایا ڈی سلوا 9، چارتھ اسالنکا 8، بھانوکا راجا پاکسے اور کپتان داسن شناکا بناکر نمایاں رہے۔

انگلش بالرز کی جانب سے عادل رشید، سیم کرن، بین اسٹوکس، کرس ووکس نے ایک ایک وکٹ حاصل کی۔

ہدف کے تعاقب میں انگلش اوپنرز نے جارحانہ کھیل پیش کرتے ہوئے 75 رنز کا آغاز فراہم کیا، ایلکس ہیلز 47 اور کپتان جوز بٹلر 28 رنز بناکر آؤٹ ہوئے۔

اوپنرز کے آؤٹ ہونے کے بعد انگلش ٹیم کا مڈل آرڈر مشکلات کا شکار نظر آیا، ہیری بروکس اور لیام لیونگسٹن 4، 4، سیم کرن 6، معین علی ایک رنز بناکر پویلین لوٹے۔ بین اسٹوکس کی ناقابل شکست 42 رنز کی بدولت انگلینڈ جیت حاصل کرنے میں کامیاب ہوا۔

سری لنکا کی جانب سے دھننجایا ڈی سلوا، وینندو ہسرنگا اور لاہیرو کمارا نے 2،2 وکٹیں حاصل کیں۔

ویب ڈیسک: مائکرو بلاگنگ ویب سائٹ ٹوئٹر کے نئے مالک ایلون مسک نےویریفائیڈ اکائونٹس کے لئے فیس میں کمی کردی۔

مائکرو بلاگنگ ویب سائٹ ٹوئٹر کے نئے مالک ایلون مسک نے پلیٹ فارم کا کنٹرول سنبھالتے ہی اعلان کیا تھا کہ ویب سائٹ پر موجود ویریفائڈ اکاؤنٹس کو ماہانہ 20 ڈالر تک فیس دینی پڑے گی، تاہم بعد ازاں انہوں نے تنقید کے بعد فیس کو کم کرکے 8 ڈالر کردیا تھا۔

اب خبر سامنے آئی ہے کہ ٹوئٹر آئندہ ہفتے تمام ویریفائڈ اکاؤنٹس ہولڈرز کو سبسکرپشن فارم بھیجے گا اور ان سے سروس استعمال کرنے اور بلیو ٹک کے عوض ماہانہ 8 ڈالر فیس ادا کرنے کا کہے گا۔

امریکی اخبارکے مطابق یہ پہلے ہی خبریں تھیں کہ ٹوئٹر کے ویریفائڈ اکاؤنٹس پر 7 نومبر سے فیس عائد کی جائے گی اور اب ٹوئٹر کے متعدد ذرائع نے بتایا ہے کہ ویریفائڈ اکاؤنٹس ہولڈرز کو 8 نومبر تک سبسکرپشن ای میل بھیج دی جائے گی۔

رپورٹ کے مطابق صارفین کو فیس ادا کرنے یا نہ کرنے سے متعلق خود مختاری فراہم کی جائے گی اور انہیں سوچنے کے لیے چند ماہ دیے جائیں گے، تاہم ساتھ ہی انہیں بتادیا جائے گا کہ کب سے وہ فیس دینے کے پابند ہوں گے۔

اسی طرح صارفین کو بتایا جائے گا کہ انہیں 8 ڈالر ماہانہ ادا کرنے کے بعد مزید کیا کیا فوائد حاصل ہوں گے۔

رپورٹ کے مطابق ممکنہ طور پر حکومتوں اور حکومتی سربراہوں اور اداروں کے اکاؤنٹس کو فیس کے بغیر ہی چلایا جا سکتا ہے، تاہم اس حوالے سے فوری طور پر کچھ نہیں کہا جا سکتا۔

ممکنہ طور پر ایسا بھی ہوسکتا ہے کہ جو ویریفائڈ اکاؤنٹس ماہانہ 8 ڈالر کی فیس ادا کرنے سے انکار کریں گے تو ان کا بلیوٹک نہیں ہٹایا جائے گا، تاہم ان کی ٹوئٹس اور اکاؤنٹ کو محدود کردیا جائے گا۔

تاہم اس حوالے سے مصدقہ طور پر کچھ نہیں کہا جا سکتا لیکن ایلون مسک واضح کر چکے ہیں کہ جو ویریفائڈ اکاؤنٹ ہولڈرز فیس ادا نہیں کریں گے، ان سے بلیو ٹک واپس لے لیا جائے گا۔

اسلام آباد: وفاقی تعلیمی بورڈ نے سکینڈری اسکول سرٹیفکیٹ (ایس ایس سی) پارٹ ون اور ٹو کے دوسرے سالانہ امتحانات کے نتائج کا اعلان کر دیا۔

50 ہزار 893 طلبا میں سے 36 ہزار 590 طلبا کامیاب قرار پائے، کامیابی کا مجموعی تناسب 73.63 فیصد رہا۔ جمعرات کو وفاقی تعلیمی بورڈ کے چیئرمین قیصر عالم نے نتائج کا اعلان کیا۔

نتائج کے مطابق 47 ہزار 560 ریگولر طلبا نے امتحانات میں حصہ لینے کیلئے داخلہ بھیجا جس میں سے 35 ہزار 43 طلبا کامیاب ہوئے۔ نتائج کا تناسب 73.45 فیصد رہا جبکہ 3 ہزار 333 پرائیویٹ طلبا میں سے ایک ہزار 547 طلبا کامیاب ہوئے۔ کامیاب طلبا کا تناسب 47.61 فیصد رہا۔

تعلیمی بورڈ ترجمان کے مطابق نتائج کو وفاقی تعلیمی کی بورڈ ویب سائٹ www.fbise.edu.pk  پر جاری کر دیا گیا ہے جبکہ طلبا اپنا رول نمبر 5050 پر ایس ایم ایس کرکے بھی نتیجہ معلوم کر سکتے ہیں۔