برسبین: ٹی20 ورلڈکپ میں سپر 12 مرحلے کے 16 ویں میچ میں بنگلہ دیش نے سنسنی خیز مقابلے کے بعد زمبابوے کو 3 رنز سے شکست دیدی۔

برسبین میں کھیلے جارہے میچ میں بنگلہ دیشی کپتان نے ٹاس جیت کر پہلے بیٹنگ کرنے کا فیصلہ کیا، مقررہ 20 اوورز میں بنگال ٹائیگرز کی ٹیم 7 وکٹوں کے نقصان پر 150 رنز بناسکی، اوپنر نجم الحسن شنٹو نے 71 رنز کی اننگز کھیلی۔

کپتان شکیب الحسن ایک بار پھر بڑی اننگز کھیلنے میں ناکام رہے انہوں نے 23 رنز اسکور کیے جبکہ دیگر کھلاڑیوں میں سومیا سرکار صفر، لٹن داس 14، عفیف حسین 29 اور مصدق حسین 7 رنز بناکر نمایاں رہے۔

زمبابوے کی جانب سے رچرڈ نگروا اور بلیسنگ مزاربانی نے دو دو جبکہ سکندر رضا اور شان ولیمز ایک ایک وکٹ حاصل کرسکے۔

ہدف کے تعاقب میں زمبابوے کا آغاز اچھا نہ تھا تاہم شان ولیمز کی شاندار اننگز کی بدولت افریقی ٹیم نے بنگال ٹائیگرز کو ٹف ٹائم دیا، ولیمز نے 64 رنز کی اننگز کھیلی وہ شکیب الحسن ہاتھوں رن آؤٹ ہوئے۔

بنگلہ دیش کی جانب سے تسکین احمد نے 2 جبکہ مصدق حسین اور مستفیض الرحمان نے ایک ایک وکٹ حاصل کی۔

پرتھ: ٹی20 ورلڈکپ کے سپر 12 مرحلے کے17ویں میچ میں نیدر لینڈز نے پاکستان کے خلاف ٹاس جیت کر پہلے بیٹنگ کرنے کا فیصلہ کرلیا۔

پرتھ کرکٹ گراؤنڈ میں کھیلے جارہے میچ میں نیدر لینڈز کے کپتان نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ کوشش ہوگی بڑا ٹارگٹ سیٹ کرکے پاکستان انڈر پریشر رکھیں۔

س موقع پر کپتان بابراعظم نے کہا کہ ٹیم میں ایک تبدیلی کی گئی ہے، حیدر علی کی جگہ فخر زمان کو پلیئنگ الیون کا حصہ بنایا گیا ہے۔
قبل ازیں قومی ٹیم ٹی20 ورلڈکپ میں اپنے ابتدائی دو میچز بھارت اور زمبابوے سے ہار چکی ہے۔

پاکستان کا اسکواڈ:

کپتان بابراعظم، شاداب خان، محمد رضوان، شان مسعود، افتخار احمد، فخر زمان، محمد نواز، محمد وسیم جونیئر، شاہین شاہ آفریدی، نسیم شاہ، حارث رؤف

لاہور : پنجاب ٹیکسٹ بک بورڈ نے میٹرک اورانٹرمیڈیٹ کےکورسزمیں پڑھائی جانے والی 6 کتابیں تبدیل کر دی ہیں۔

پنجاب ٹیکس بک بورڈ نے اپنے اس فیصلے کے حوالے سے پنجاب بھر کے تعلیمی بورڈز کو باقاعدہ مراسلہ ارسال کر دیا ہے جس میں کہا گیا ہے کہ جماعت نہم دہم، فرسٹ ایئر اور سیکنڈ ایئر کے سالانہ امتحانات 2023ء اور 2024ء نئی کتابوں سے لئے جائیں گے۔

تبدیل کی جانے والی کتابوں میں جماعت نہم کی اسلامیات کو مکمل طور پر تبدیل کر دیا گیا ہے جبکہ تبدیل شدہ کتابوں میں ٹیکنیکل، جغرافیہ اور ترجمہ قرآن سمیت دیگر کتابیں شامل ہیں۔

سڈنی: ٹی 20 ورلڈکپ میں سپر 12 مرحلےمیں نیوزی لینڈ نے سری لنکا کو 65 رنزسے شکست دے دی۔

سڈنی میں ہونے والے میچ میں نیوزی لینڈ نے ٹاس جیت کر پہلے بیٹنگ کا فیصلہ کیا۔ ابتدا میں نیوزی لینڈ کا آغاز نہایت مایوس کن رہا۔ اس کا ٹاپ آرڈر لڑکھڑا گیا اور دونوں اوپنر صرف ایک ایک رن بناکر آؤٹ ہوگئے۔

ون ڈاؤن پر آنے والے کپتان کین ولیم سن بھی صرف 8 رنز بنا کر پویلین لوٹ گئے۔ اس طرح نیوزی لینڈ کے صرف 15 رنز پر تین کھلاڑی آؤٹ ہوگئے تاہم اس کے بعد مڈل آرڈر بلے باز گلین فلپس نے ریت کی طرح اپنی ٹیم کی گرتی بیٹنگ کو سنبھالا۔

گلین فلپس نے جارحانہ اننگز کھیلتے ہوئے شاندار سنچری اسکور کی اور 64 گیندوں پر 104 رنز بنائے جن میں 4 چھکے اور 10 چوکے شامل تھے۔

نیوزی لینڈ نے مقررہ 20 اوورز میں 7 وکٹوں کے نقصان پر 167 رنز بنائے اور سری لنکا کو جیت کے لیے 168 رنز کا ہدف دیا جسے حاصل کرنے کی کوشش میں سری لنکا کی ٹیم ہدف سے 65 رنز قبل یعنی 102 رنز پر ڈھیر ہوگئی۔

سری لنکا کے صرف دو بلے باز ڈبل فگر میں داخل ہو سکے۔ شاناکا 35 اور راجا پکسے 34 رنز بناسکے۔ نیوزی لینڈ کی طرف سے ٹرینٹ بولٹ نے چار وکٹیں حاصل کیں۔

گلین فلپس کو سنچری بنانے پر میچ کے بہترین کھلاڑی کا ایوارڈ دیا گیا۔ فتح کے ساتھ ہی نیوزی لینڈ پانچ پوائنٹس کے ساتھ گروپ ون میں پہلی پوزیشن پر آگیا۔

ایونٹ میں کل دو میچز کھیلیں جائیں گے، صبح 8 بجے بنگلا دیش اور زمبابوے کی ٹیمیں ان ایکشن ہوں گی اور دوپہر 12 بجے پاکستان اور نیدرلینڈ کے درمیان مقابلہ ہوگا۔

سین فرانسسکو: دنیا کے امیرترین شخص ایلون مسک کی ٹوئٹر کے دفتر میں منفرد اینٹری سوشل میڈیا پر وائرل ہوگئی۔

ایلون مسک ٹوئٹر کا چارج سنبھالنے کے بعد پہلی بار دفتر پہنچے تو ان کے ہاتھ میں لیپ ٹاپ یا بریف کیس کے بجائے ایک ایسی چیزتھی جسے دیکھ کر سب حیران رہ گئے۔

دنیا کے امیر ترین شخص سنک اٹھائے کر اپنے نئے دفتر میں داخل ہوئے۔ ایلون مسک کی ویڈیو منظر عام پر آتے ہی وائرل ہوگئی جسے اب تک لاکھوں لوگ دیکھ چکے ہیں۔ ایلون مسک نے رواں سال اپریل میں ٹوئٹر خریدنے کا معاہدہ کیا تھا۔

کراچی: جامعہ این ای ڈی کےتحت31واں سالانہ جلسہ تقسیمِ اسناد2022 منعقد کیا گیا۔

پرُ وقار تقریب میںچانسلر/ گورنر سندھ کامران ٹیسوری، پروچانسلر انجینئرنگ جامعات ضیا عباس شاہ، سربراہ ہائر ایجوکیشن کمیشن پروفیسر ڈاکٹر مختار احمد، شیخ الجامعہ این ای ڈی پروفیسر ڈاکٹر سروش حشمت لودھی، معین الجامعہ پروفیسر ڈاکٹر محمد طفیل اور انڈس ہاسپٹل اینڈ ہیلتھ نیٹ ورک کے سی ای او ڈاکٹر عبدالباری خان نےشرکت کی۔

سالانہ جلسہ تقسیم اسناد سے خطاب کرتے ہوئے مہمانِ خصوصی کاکہنا تھا کہہماری خواہش ہے کہ کوئی بھی طالب علم ڈگری کےحصول کے بعد فارغ نہ رہے، طلبہ والدین اور اساتذہ کی کاوشوں کو نہ بھولیں.تقسیم اسناد، ناصرف طالب علموں بلکہ والدین اور اساتذہ کی کامیابی کا دن ہے۔
جامعہ این ای ڈی اورا س کا تھر کیمپس بہترین کام کررہا ہے، فارغ التحصیل طلبا جامعہ کی بہتری میں کردادا کرتے رہیں، طالبات کو انجینئرنگ میں آگے بڑھتا دیکھ کر خوشی محسوس ہورہی ہے

گورنرسندھ/ چانسلر جامعات کامران ٹیسوری کاخطاب
گورنرسندھ/ چانسلر جامعات کامران ٹیسوری کا صدارت کرتے ہوئے کہنا تھا کہ جامعہ این ای ڈی ملک کی بہترین جامعات میں سے ایک ہے جو کہ ناصرف تعلیمی بلکہ ملکی ترقی میں بھی کردار ادا کررہی ہے۔انہوں نے کہا کہ طلبہ نے مجھ سے کہا کہ اُن کا ملک سے باہر جانے کا ارادہ ہے، چاہتا ہوں کہ کچھ ایسا کروں کہ اس شہر اور صوبے کے طلبہ فارغ التحصیل ہونے کے بعد یہاں کی صنعتوں میں کام کریں ڈیجیٹل نظام کے ذریعے ان کا ڈیٹا ہمارے پاس ہو اور ہم انہیں ضرورت کے مطابق انڈسٹری میں بھیج سکیں. تعلیمی اداروں میں کوالٹی ایجوکیشن اور تحقیق کے ذریعے دنیا سے مقابلہ کیا جاتا ہے اور این ای ڈی اس حوالے سے منفرد مقام رکھتی ہے. نوجوانوں سے بہت اُمیدیں ہیں، طالبات کو انجینئرنگ میں آگے بڑھتا دیکھ کر خوشی ہورہی ہے. ان کا کہنا تھا کہ آپ سو برس سے انجینئرز تخلیق کرنے والی ملک کی مایہ ناز یونی ورسٹی سے پاس آؤٹ ہورہے ہیں،جو انجینئرنگ کی دنیا کا بڑا نام ہے۔آپ کا مستقبل،آپ کے ملک و قوم کا مستقبل ہے، خود کومحدود نہ کرتے ہوئے آگے بڑھتے جائیے.

پروچانسلر انجینئرنگ جامعات، ضیا عباس شاہ کا خطاب
پروچانسلر انجینئرنگ جامعات، ضیا عباس شاہ کا کہنا تھا کہ بحیثیت طالب علم، انسان تمام زندگی اپنی جامعہ سے وابستہ رہتا ہے، این ای ڈی یونی ورسٹی 100 برس سے پیشہ وارانہ تعلیم دے رہی ہے توآپ پر فرض ہے کہ آپ المنائی کی حیثیت سے اپنی جامعہ کی بہتری کے لیے کردار ادا کرتے رہیں۔انہوں نے مزید کہا کہ میں شیخ الجامعہ پروفیسر ڈاکٹر سروش لودھی اور ان کی ٹیم کو مبارک باد دیتا ہوں جن کی بدولت جامعہ ترقی کی منازل طے کررہی ہے۔

اس موقعے پر خطاب کرتے ہوئے سربراہ ہائر ایجوکیشن کمیشن ڈاکٹر مختار احمد اور سیکریٹری یونی ورسٹی و بورڈز مرید راحموں کا کہناتھا کہ یومِ تقسیمِ اسناد دراصل محنت کے نتائج کا دن ہوتا ہے اور سب کی خوشی اس دن پر دیدنی ہوتی ہے.

شیخ الجامعہ پروفیسر ڈاکٹر سروش حشمت لودھی
نووکیشن کی ابتدا میں استقبالیہ سے خطاب کرتے ہوئے شیخ الجامعہ پروفیسر ڈاکٹر سروش حشمت لودھی کا کہنا تھاکہ جامعہ این ای ڈی کو گزشتہ سال سو برس مکمل چکے ہیں، کانووکیشن کے موقعے پر یہ بتاتے ہوئے خوشی محسوس کررہا ہوں کہ پچھلے برس18 پی ایچ ڈی ڈگری دینے والی ہم ملک پہلی ”انجینئرنگ جامعہ“ تھے جب کہ اس بار ہم بھی ہم 19 پی ایچ ڈگری اسکالرز دینے والی ہم واحد انجینئرنگ جامعہ ہیں. این ای ڈی کی تاریخ میں پہلی بار دونوں آنکھوں سے نابینا طالبہ حلیمہ سرور(ہیومنٹس) سے پاس آؤٹ ہورہی ہیں جس سے آئندہ نابینا طالب علموں کے لیے راستہ کھلے گا.

رجسٹرار سید غضنفر حسین کے مطابق اس جلسہ تقسیم اسناد 2022میں 19 اسکالرز کو ڈاکٹریٹ کی سندتفویض کی گئی جب کہ 2022 کے پاس آؤٹ گریجویٹ2322 اور ماسٹرزکے طالب علموں کی تعداد961 ہے. ریجنل ڈائریکٹر ایچ ای سی جاوید میمن، سینٹ ممبر اے کیو مغل، نائلہ ملک، سیکریٹری ایچ ای سی سندھ معین الدین صدیقی سمیت قریباً ساڑھے آٹھ ہزار افراد کانووکیشن شریک ہوئے.

At a large rally in Gujrat on Friday, he accused the "imported government" of "acting on the instructions of foreign powers" and warned that PTI supporters would march on Islamabad if the Center "continues to torture" his party's leaders and workers. Last week at a public rally in Jhelum, he declared that his struggle for haqeeqi azadi (true independence) will continue through heat, floods and even wars.

لاہور: پنجاب ایگزیمینیشن کمیشن، محکمہ اسکول ایجوکیشن پنجاب کی تیار کردہ آئٹم بنک سسٹم کاافتتاح وزیر تعلیم پنجاب ڈاکٹر مراد راس نے کیا۔

افتتاحی تقریب سے خطاب کرتے ہوئےکہاکہ اساتذہ اپنی کارکردگی بہتر رکھنے کے لئے طلبا کو پانچویں اور آٹھویں کے بورڈ امتحانات میں نقل کراتے تھے چند سال پہلے ہم نے طلبا کی بہتری کیلئے پانچویں اور آٹھویں جماعت کے بورڈ امتحانات ختم کئے۔ہم نے ایک ایسا سسٹم بنایا ہے جس کے ذریعے طلبا کی بہتر سے بہتر لرننگ ہو گی۔

آئٹم بنک سسٹم کے ذریعے پہلی سے آٹھویں جماعت کے طلبا کے لئے آن لائن سسٹم کی مدد سے پیپر تیار کئے جائیں گے۔ 50 فیصد ایم سی کیوز اور 50 فیصد کمپریہینشن (Comprehension) کی طرز پر پیپر تیار کئے جائیں گے۔ایم سی کیوز کا جواب طلبا تب ہی دے سکتے ہیں جب انہوں نے باقاعدہ تیاری کی ہو گی۔آئٹم بنک سسٹم کے تحت تیار ہونے والے تمام امتحانات ہمارے نصاب کے مطابق تیار کئے جائیں گے

انہوں نے کہا کہ نجی ا سکول سیکٹر سے کوئی بھی ا سکول حکومت کے تیار کردہ آئٹم بنک سسٹم سے بلکل مفت مدد حاصل کر سکتا ہے
حکومت کے تیار کردہ سسٹم سے اگر نجی تعلیمی سیکٹر کو فائدہ ہوتا ہے تو اس سے اچھی کوئی بات نہیں۔تیار کردہ سسٹم کی بدولت اساتذہ کی کارکردگی کا جائزہ لینے میں بھی مدد ملے گی:

اس موقع پر اساتذہ کی ریٹائرمنٹ کے حوالے سے بات کرتے ہوئے انکاکہنا تھاکہ ریٹائرمنٹ کا سسٹم مکمل طور پر آن لائن ہو چکا ہے۔اب تک 15 ہزار سے زائد اساتذہ آن لائن ریٹائرمنٹ سرٹیفکیٹ حاصل کر چکے ہیںاساتذہ کی ریٹائرمنٹ کے وقت انہیں ملنے والی رقم ان کے اکاؤنٹ میں منتقل کی جائے گی اساتذہ کو ریٹائرمنٹ کے وقت ملنے والی رقم کی آن لائن ادائیگی کے لیے پائلٹ پراجیکٹ کا آغاز لاہور سے کیا جا رہا ہے،ریٹائرمنٹ کے وقت ملنے والی رقم حاصل کرنے کے لئے اساتذہ کو رشوت دینا پڑتی تھی۔

آج محکمہ تعلیم پنجاب میں تبادلے، اے سی آرز، چھٹیاں، پینشن پے آرڈر، ریٹائرمنٹ سرٹیفکیٹ آن لائن سسٹم کے تحت چل رہے ہیں محکمہ تعلیم پنجاب کا سسٹم آن لائن ہونے سے سالانہ تقریب 10 ارب روپوں کی بدعنوانی کا خاتمہ ہوا ہے ۔محکمہ اسکول ایجوکیشن پنجاب کے تمام افسران نے گزشتہ چند سالوں میں زبردست کام کیا

آئی سی سی ٹی ٹوئنٹی ورلڈ کپ کےسُپر12مرحلےمیں آئرلینڈنےانگلینڈ کو 5 رنز سے اپ سیٹ شکست دے دی۔

158 رنز کے تعاقب میں انگلینڈ کو ڈک ورتھ لوئس میتھڈ کے تحت 5 رنز سے شکست ہوئی۔

میلبرن کرکٹ گراؤنڈ میں کھیلے جانے والے میچ میں انگلینڈ نے آئرلینڈ کے خلاف ٹاس جیت کر فیلڈنگ کا فیصلہ کیا، آغاز میں میچ بارش کے باعث میچ تاخیر سے شروع ہوا،1.3 اوورز میں 11 رنز بنانے کے بعد میلبرن میں ایک مرتبہ پھر بارش ہوئی۔

بعدازاں میچ دوبارہ شروع ہوا اور آئر لینڈ نے 19.2 اوورز میں 157 رنز اسکور کیے جبکہ پوڑی ٹیم آؤٹ ہوگئی۔

آئرش کپتان اینڈی بالبرنی 62 رنز بنا کر نمایاں رہے، لورکان ٹکر 34، کرٹس کیمفر 17، پال اسٹرلنگ 14 اور گیرتھ ڈیلانی نے 12 رنز بنائے۔

انگلینڈ کی جانب سے مارک ووڈ اور لیئم لیونگسٹن نے تین تین وکٹیں حاصل کیں۔

انگلینڈ نے ہدف کا تعاقب کرتے ہوئے14.3 اوورز میں 5 وکٹوں پر 105 رنز بنائے جب کہ بارش نے میچ میں خلل ڈال دیا اور پھر میچ ڈک ورتھ لوئس میتھڈ کے تحت ختم کردیا گیا۔

انگلینڈ کی جانب سے کپتان جوز بٹلر صفر، ایلکس ہیلز 7 اور بین اسٹوکس 6 ، ڈیوڈ ملان 35، ہیری بروک 18 رنز بناکر آؤٹ ہوئے۔

خیال رہے کہ میلبرن میں اگلا میچ نیوزی لینڈ اور افغانستان کے درمیان کھلا جانا ہے۔

لاہور: پنجاب میں اسکول اساتذہ کےتبادلوں کی پالیسی میں نرمی کر دی گئی۔

خواتین اساتذہ اور ہارڈ شپ کیسز والے اساتذہ کو سہولت دی جائے گی۔

گھر سے دور پچاس کلو میٹر جانے والے اساتذہ کو خصوصی نمبر دیے جائیں گے۔ تبادلے کے خواہشمند بیمار اساتذہ کو بھی ترجیحی دی جائے گی۔

محکمہ اسکول ایجوکیشن نے تبادلے کی پالیسی میں تبدیلی کے لیے وزیراعلی کو سمری بھجوا دی۔ جس میں تبادلوں پر سے پابندی اٹھانے کے لیے بھی اجازت مانگ لی گئی۔