بھارت میں جلائی گئی فصلوں کی باقیات اور کچرے کادھواں لاہور پہنچ گیا۔

بھارت کی طرف سے چلنے والی ہواؤں سے سب سے زیادہ متاثر ہونے والا ضلع لاہور ہے۔مشرق سے چلنے والی ہوائیں سیاہ بادلوں کا مرغولہ اور گرداب بن کر وسطی پنجاب میں آ چکی ہیں۔ بھارتی شہروں جالندھر، لدھیانہ، چندی گڑھ، بھٹنڈہ، کرنال، گورداسپور، امرتسر اور اٹاری سے دھوئیں کے گہرے سیاہ بادل تیز ہواؤں اور مرغولوں کی شکل میں پاکستانی علاقوں میں آ رہے ہیں۔

بھارتی کی طرف سے آنے والی آلودہ ہواؤں کے باعث لاہور میں اسموگ کی صورت حال مزید پیچیدہ ہوگئی ہے۔ موسمیاتی ماہرین کا کہنا ہے کہ بھارتی آلودہ ہواؤں سے لاہور میں معمول کا قدرتی فضائی بہاؤ رک گیا ہے۔

 لاہور میں ایئر کوالٹی انڈکس 650 تک پہنچ گیا 

بھارت میں اسموگ کے عوامل پر قابو پانے سے ہی خطے میں سموگ پر قابو پایا جا سکتا ہے۔

لاہور آج بھی دنیا کے تین آلودہ ترین شہروں میں پہلے نمبر پر ہے

لاہور میں ایئر کوالٹی انڈیکس اوسطا 461 ریکارڈ کیا گیا ہے گرد آلود چادر نے اسمان کو دھندلا دھندلا کردیا گرد آلود ہواؤں سے سانس دل کے مریضوں کو مشکلات کا سامنا کرنا پڑ رہا ہے۔

آنکھوں کی جلن گلے کی خراش اور نزلہ زکام بخار کی میں شہری مبتلا ہونے لگے ہیں۔

طبی ماہرین نے لاہور کے شہریوں کو خبردار کیا ہے کہ وہ مطابق ماسک اور عینک کا استعمال کریں اور بے جا گھروں سے مت نکلیں۔

دوسری جانب ضلعی انتظامیہ پولیس اور دیگر محکموں کا گرین سمارٹ لاک ڈاؤن ایریاز میں اپریشن ڈیوس روڈ کوائنز روڈ ایمپرس روڈ حاجی کیمپ ریلوے اسٹیشن خلاف ورزی پر کارروائی جاری ہے۔

پولیس نے تجاوزات اور باربی کیو لگانے والوں کے خلاف ایکشن لیتے ہوئے سامان ضبط کر لیا ہے۔

ضلع انتظامیہ کی جانب سے گرد و غبار سے شہریوں کو بچانے کے لیے پانی کے چھڑکاؤ کا سلسلہ بھی جاری ہے۔

محکمہ موسمیات کے مطابق ائندہ ایک دو روز تک بارش کے امکانات نہیں ہے۔

تازہ ترین رپورٹ کے مطابق لاہور میں ایئر کوالٹی انڈکس 650 تک پہنچ گیا ہے جو کہ انسانی صحت کیلیے انتہائی نقصان دہ ہے۔

اسلام آباد: پاکستان انوائرمنٹل پروٹیکشن ایجنسی کی درخواست پر اسموگ کے خطرے سے نمٹنے کےلیےضلعی انتظامیہ نے بڑا فیصلہ کرلیا۔

زہریلی گیسوں کا اخراج روکنے اورفضائی آلودگی سے نمٹنے کے لئے اسلام آباد میں دفعہ 144 نافذ کردی گئی، جس کے تحت گاڑیوں، فیکٹریوں، بھٹوں سے زہریلی گیسوں کے اخراج اور کوڑا و زرعی فضلہ جلانے پر پابندی عائد کردی گئی۔

ایڈیشنل ڈسٹرکٹ مجسٹریٹ اسلام آباد کی جانب سے احکامات جاری کردیے گئے۔ نوٹیفکیشن میں کہا گیا کہ احکامات کا اطلاق فی الفور آئندہ 2 ماہ تک کے لیے ہو گا، جس کی خلاف ورزی کی صورت میں سخت قانونی کاروائی کی جائے گی۔

واضح رہے کہ پاکستان انوائرمنٹل پروٹیکشن ایجنسی نے فضائی آلودگی روکنے کیلئے دفعہ 144 کی درخواست کی تھی۔

سلیکشن کمیٹی نےآسٹریلیا کے خلاف پہلے ون ڈے میچ کیلئے پلئینگ الیون کا اعلان کردیا۔

کینگروز کیخلاف میلبرن میں شیڈول سیریز کے پہلے ون ڈے میچ کیلئے بابراعظم، شاہین شاہ آفریدی اور نسیم شاہ کی واپسی ہوئی ہے۔
وکٹ کیپر بیٹر محمد رضوان بطور کپتان ٹیم کی قیادت کے فرائض نبھائیں جبکہ آغا سلمان انکے نائب ہوں گے۔

پہلے ون ڈے کیلئے پاکستان کی پلئینگ الیون:
کپتان محمد رضوان، عبداللہ شفیق، صائم ایوب، بابراعظم، کامران غلام، سلمان آغا، محمد عرفان خان، شاہین شاہ آفریدی، نسیم شاہ، حارث رؤف اور محمد حسنین شامل ہیں۔

میچ پاکستانی وقت کے مطابق صبح 8:30 بجے شروع ہوگا۔

مونگ کاک: ہانگ کانگ سپر سکسز ٹورنامنٹ میں پاکستان نے آسٹریلیا کو شکست دیکر سیمی فائنل کے لیےکوالیفائی کرلیا۔

 ہانگ کانگ سپر سکسز ٹورنامنٹ کے پہلے سیمی فائنل میں پاکستان نے آسٹریلیا کو 4 وکٹ سے شکست دی۔

آسٹریلیا کی جانب سے ڈین کرسٹیان 42 اور سیم ہیزلیٹ 26 رنز بنا کر ناقابل شکست رہے جب کہ جیک ووڈ 36 رنز بنا کر آؤٹ ہوئے۔

پاکستان کی جانب سےفہیم اشرف نے ایک وکٹ لی۔

108 رنزکا ہدف پاکستان  نے ایک گیند قبل دو  وکٹ پر حاصل کرلیا۔

پاکستان کی جانب سے عامر یامین 24  اور  فہیم اشرف 19 رنزبنا کر ناقابل شکست رہے۔محمد اخلاق  اور  آصف علی نے 32 ،32  رنز اسکور کیے۔

ادھر دوسرے سیمی فائنل میں سری لنکا نے بنگلادیش کو  3 وکٹ سے ہرادیا۔

104 رنزکا ہدف  سری لنکا نے ایک گیند قبل 3 وکٹ  پر حاصل کرلیا۔ سری لنکا کے سندون ویرا کوڈی 50  رنز بنا کر نمایاں رہے۔ دھننجایالکشن 24  اور  نمیش ویموکھتی نے 12 رنز اسکور کیے۔

ہانگ کانگ سپرسکسز کا فائنل پاکستان  اور سری لنکا کےدرمیان کھیلا جائےگا۔

آرٹی فیشل انٹیلی جنس (اے آئی) چیٹ بوٹ چیٹ جی پی ٹی کا سرچ انجن جاری کر دیا گیا ہے۔

اوپن اے آئی کی جانب سے اس سرچ انجن کی تیاری کا اعلان مئی 2024 میں کیا گیا تھا اور اب اے آئی ٹیکنالوجی پر مبنی اس سرچ انجن کو صارفین کے لیے جاری کیا گیا ہے۔فی الحال یہ سرچ انجن چیٹ جی پی ٹی کے ماہانہ فیس ادا کرنے والے صارفین کو دستیاب ہوگا اور وہ رئیل ٹائم تفصیلات حاصل کرسکیں گے۔

چیٹ جی پی ٹی کو مفت استعمال کرنے والے صارفین کے لیے یہ سرچ انجن آئندہ چند ماہ میں دستیاب ہوگا۔کمپنی کی جانب سے اس سرچ انجن کو الگ سے متعارف کرانے کی بجائے چیٹ جی پی ٹی کے موجودہ یوزر انٹرفیس کا حصہ بنایا گیا ہے۔

چیٹ جی پی ٹی میں ویب سرچ کا اضافہ اس اے آئی چیٹ بوٹ کو مائیکرو سافٹ کو پائلٹ اور گوگل جیمنائی جیسے اے آئی چیٹ بوٹس کا مقابلہ کرنے میں مدد فراہم کرے گا جن کو رئیل ٹائم انٹرنیٹ ڈیٹا تک رسائی حاصل ہوتی ہے۔

کمپنی کے مطابق چیٹ جی پی ٹی سرچ انجن آئی او ایس، اینڈرائیڈ اور ڈیسک ٹاپ ایپس میں دستیاب ہوگا اور اس کے سرچ فیچرز مختلف سرچ ٹیکنالوجیز بشمول مائیکرو سافٹ بنگ پر مشتمل ہوں گے۔یہ سرچ انجن جی پی ٹی 4o اے آئی ماڈل پر مبنی ہوگا۔

پاکستان ٹیلی کمیونی کیشن اتھارٹی نے پشاور ہائی کورٹ میں ٹک ٹاک بندش سے متعلق رپورٹ جمع کروادی۔

پی ٹی اے نے اپنی رپورٹ میں بتایا کہ 2020ء سے اب تک ایک لاکھ 14 ہزار 15 غیر اخلاقی مواد ٹک ٹاک پر اپ لوڈ ہوا۔رپورٹ میں بتایا گیا کہ ایک لاکھ 13 ہزار 133 اکاؤنٹس بلاک کیے گئے، 2 ہزار 463 مواد مذہب کے خلاف اپ لوڈ ہوئے، جنہیں بلاک کیا گیا۔

پی ٹی اے کی رپورٹ میں مزید کہا گیا کہ رواں سال 25 ہزار 267 غیراخلاقی مواد ٹک ٹاک پر آپ لوڈ ہوئے۔ اس سال 24 ہزار 800 اکاؤنٹس کو بلاک کیا گیا۔

عدالت میں جمع کروائی گئی رپورٹ میں یہ بھی کہا گیا کہ مختلف سوشل میڈیا اکاؤنٹس پر 13 لاکھ 89 ہزار 181 غیراخلاقی مواد آپ لوڈ ہوئے، 13 لاکھ 3 ہزار 578 لنکس بلاک کیے گئے۔

یاد رہے کہ پشاور ہائی کورٹ نے ٹک ٹاک بندش سے متعلق کیس میں پی ٹی اے سے جواب طلب کیا تھا۔

ملک میں سونے کی فی تولہ قیمت میں کمی ہوگئی۔

آل پاکستان جیمز اینڈ جیولر ایسوسی ایشن کے مطابق ملک میں ایک تولہ سونے کا بھاؤ 1700 روپے کم ہوگیا جس کے بعد  فی تولہ قیمت 2 لاکھ 83 ہزار روپے ہے۔

10 گرام سونے کی قیمت 1457 روپے کم ہو کر 2 لاکھ 42 ہزار627 روپے ہوگئی۔ عالمی صرافہ بازار میں سونےکا بھاؤ 17 ڈالر کم ہو کر 2735 ڈالر فی اونس ہے۔

کراچی: آرٹس کونسل آف پاکستان کراچی میں 38 روزہ ورلڈ کلچر فیسٹیول اپنے اختتام کو پہنچ گیا۔

عالمی ثقافتی میلے کی اختتامی تقریب وائے ایم سی اے گراؤنڈ میں منعقد کی جائے گی۔

تقریب کا آغاز شام 6 بجے ہو گا جبکہ رجسٹریشن کروانے والوں کے لیے اس تقریب میں داخلہ مفت ہے۔

اختتامی تقریب میں لیجنڈ طنز و مزاح اور ڈرامہ نگار انور مقصود، گلوکار و موسیقار عاصم اظہر، لوک گائیک اختر چنل زہری اور شاعر تہذیب حفی پرفارم کریں گے۔

آئی بی اے کراچی نےسندھ کے 8 تعلیمی بورڈز میں خالی اسامیوں کےلئے ہونے والے تحریری ٹیسٹ ملتوی کردیئے۔

سندھ کے 8 تعلیمی بورڈز میں چیئرمین، کنٹرولرز، سیکریٹری اور آڈٹ کی آسامیوں پر آئی بی اے کراچی کے تحت اتوار 3 نومبر اور 4 نومبر کو ہونے والے تحریری ٹیسٹ ملتوی کردیے گئے۔

چیئرمین تلاش کمیٹی ڈاکٹر طارق رفیع نےمیڈیا کو بتایا کہ سندھ ہائی کورٹ نے ٹیسٹ پر حکم امتحانی جاری کردیا ہے۔

انکا کہنا تھا کہ ایڈووکیٹ جنرل سندھ کے مشورے کے بعد یہ ٹیسٹ ملتوی کیے جارہے ہیں۔

واضح رہے کہ سندھ کے 8 تعلیمی بورڈز کے چیئرمین کے عہدے کیلئے 217 امیدوار، کنٹرولرز کےلیے 35 امیدوار، سیکریٹری کے عہدے کیلئے 27 امیدوار جبکہ گریڈ 17 کی آڈٹ آفیسر کی آسامی کیلئے 19 امیدوار میدان میں تھے۔