کراچی: جامعہ کراچی میں انجمن محبان رسول ﷺ کے زیر اہتمام سالانہ میلاد النبی ﷺ کی تقریب کا انعقاد کیا گیا۔

جس میں جامعہ کراچی کے وائس چانسلر پروفیسر ڈاکٹر خالد عراقی، طلبہ و طالبات، اساتذہ کرام اور ملک کے معروف علماء کرام و نعت خواں حضرات نے شرکت کی۔

اس موقع پر خصوصی شرکت کرنے والوں میں ڈاکٹر عمیر محمود صدیقی، علامہ عبد الجبار احمد نقشبندی، ڈاکٹر عزیز محمود الازہری، ڈاکٹر انتخاب الفت، ڈاکٹر ارمان احمد، محمود الحسن اشرفی، خاور نقشبندی اور اسد ایوب شامل تھے۔

میلاد النبی ﷺ کی میزبانی میں ڈاکٹر مجید اللہ قادری، منصور حسن قادری، ڈاکٹر صادق علی خان اور انجمن محبان رسول ﷺ کے طلبہ و طالبات نے بھرپور حصہ ڈالا۔تقریب سے خطاب کرتے ہوئے وائس چانسلر پروفیسر ڈاکٹر خالد عراقی نے کہا، ہم اس نبی کے امتی ہیں جسے ہمارے مخالف مغربی فلسفی بھی انسانیت کی عظیم ترین شخصیت قرار دیتے ہیں۔انہوں نے مزید کہا کہآج فلسطین، لبنان اور کشمیر جیسے خطوں میں جو ظلم جاری ہے وہ تاریخ انسانیت نے نہیں دیکھی، جس کی وجہ مسلم اُمہ کی نبی کریم ﷺ کے وژن سے دوری اور اسلامی ممالک میں لیڈرشپ کا فقدان ہے۔۔

علامہ عبد الجبار احمد نقشبندی نے تقریب سے خطاب کرتے ہوئے کہا کہ آج فتنے سر اٹھا رہے ہیں اور ہم غفلت کی نیند میں ہیں۔ بطور مسلمان ہمیں اس غفلت سے بیدار ہونا ہوگا اور اپنے ایمان کی حفاظت کرنی ہوگی۔

انجمن محبان رسول ﷺ کے بانی رکن ڈاکٹر پروفیسر مجید اللہ قادری نے نوجوانوں کو مخاطب کرتے ہوئے کہا کہ جامعہ کراچی میں تعلیمی سرگرمیوں کے ساتھ ساتھ دین اسلام اور حب نبی ﷺ سے وابستگی کو بھی اہمیت دینی چاہیے۔انجمن کے رکن منصور حسن قادری نے کہا کہ جامعہ کراچی میں پہلے مختلف سطحوں پر چھوٹے پیمانے پر جشن میلاد النبی ﷺ منعقد کیے جاتے تھے، جنہیں انجمن نے اکٹھا کرکے ملک کی جامعات میں سب سے بڑے میلاد کا مقام دلایا۔

یہ میلاد جامعہ کراچی میں طلبہ و طالبات کو دین و اخلاقی اقدار کی طرف راغب کرنے کا ایک اہم موقع فراہم کرتا ہے اور نوجوانوں کے دلوں میں محبت رسول ﷺ کو اجاگر کرتا ہے

اسلام آباد: نسٹ کے 43محققین دنیا کے دو فیصد بہترین سائنسدانوں میں شامل کر دیئے گئے ۔

درجہ بندی کا ڈیٹااسٹینفورڈ یونیورسٹی نے مرتب کیا ہے جو ایلسیویئر نے شائع کیا ہے ۔

محققین میں ڈڈاکٹر فیصل شفاعت، ڈاکٹر محمد بلال نیازی، اکٹر محمد شاہد، ڈاکٹر حسن علی ،ڈاکٹر نورین ، ڈاکٹر معراج مصطفی ،ڈاکٹر افتخار احمد، ڈاکٹر رضوان الحق، ڈاکٹر شہزاد ادیب، ڈاکٹر سید شعیب ، ڈاکٹرعاصم شہزاد، ڈاکٹر مبشر جمیل،ڈاکٹر طیبہ نور، ڈاکٹرمحمد عثمان ، ڈاکٹر صفیہ اکرم، ڈاکٹر حسن الٰہی ، ڈاکٹر آصف حسین ، ڈاکٹر فرقان،ڈاکٹر نعیم راشد، ڈاکٹر افتخارحسین گل، ڈاکٹر عدیل وقاص،، ڈاکٹرواجد ممتاز، ڈاکٹر محمد خورشید، ڈاکٹر شاہد علی ، ڈاکٹر زیب جہاں، ڈاکٹر نثار احمد ڈاکٹر محمد تقی ،ڈاکٹر غلام علی، ڈاکٹر سید علی حسن، ڈاکٹر حیدر عباس، ڈاکٹر محمد یاسین، ڈاکٹر مدثر اقبال، ڈاکٹر ارشد خان، ڈاکٹر طاہرمحمود، ڈاکٹر سید رضوان ، ڈاکٹر جاوریہ اکرم، ڈاکٹر محمد عمر خان، ڈاکٹر اسدوقار ملک، ڈاکٹر عفیرہ شفیع،ڈاکٹر عرفان احمد ، ڈاکٹر عمران مخدوم، ڈاکٹر عمران اختر اور ڈاکٹر عمران میرشامل ہیں ۔

لاہور: پنجاب یونیورسٹی میں دو طلبہ تنظیموں کے درمیان جھگڑے میں متعدد طلبہ زخمی ہو گئے ۔

گزشتہ روزجامعہ میںطلبہ تنظیم نے دوسری تنظیم پر حملہ کردیا جس کے نتیجے میں متعدد طلبہ زخمی ہوگئے ۔

پولیس کو طلب کیا گیا تو طلبہ نے ایک پولیس اہلکار کو بھی تشدد کا نشانہ بنا ڈالا۔

ترجمان جامعہ پنجاب کا کہنا ہے کہ یونیورسٹی کے حالات کنٹرول میں ہیں جبکہ جھگڑے میں ملوث طلبہ کے خلاف کارروائی کا آغاز کر دیا گیا ہے ۔

پاکستان سپر لیگ کی چیمپئین فرنچائز لاہور قلندرز نے سابق انگلش کرکٹر ڈیرن گوف کو ہیڈکوچ مقرر کردیا۔

لاہور قلندرز نے سابق ہیڈکوچ عاقب جاوید کےپی سی بی سے منسلک ہونے کے بعد نئے سربراہ کا اعلان کیا۔

لاہور قلندرز کی انتظامیہ کا کہنا ہے کہ سابق انگلش کرکٹر ڈیرن گوف گلوبل سپر لیگ میں اپنی ذمہ داریوں کا آغاز کریں گے۔

اس موقع پر ڈیرن گوف کا کہنا تھا کہ لاہور قلندرز کے ساتھ جڑنا اور کام کرنا اعزاز کی بات ہے، پلئیرز ڈویلپمنٹ پروگرام کے دوران فرنچائز کی معاونت کرچکا ہوں۔

لاہور قلندرز کے اونر ثمین رانا نے کہا کہ پرجوش انداز میں ڈیرن گوف کو خوش امید کہتے ہیں، ان کے تجربے سے ہماری بنیاد کو مزید مضبوط بنانے میں مدد ملے گی، ڈیرن گوف 23 نومبر کو گیانا میں اسکواڈ کو جوائن کریں گے۔

واضح رہے کہ گلوبل سپر لیگ کا گیانا میں آغاز 26 نومبر سے ہوگا۔

 لاہور ہائی کورٹ میں  پیٹرولیم مصنوعات کی قیمتوں میں اضافہ چیلنج کردیا گیا۔

میڈیا ذرائع کے مطابق جوڈیشل ایکٹوازم پینل کی جانب سے پیٹرولیم مصنوعات کی قیمتوں میں حالیہ اضافے کے خلاف لاہور ہائی کورٹ میں متفرق درخواست دائر کی گئی ہے۔

درخواست میں مؤقف اختیار کیا گیا ہے کہ حکومت نے پیٹرول کی فی لیٹر قیمت میں ایک روپے 35 پیسے اضافہ کردیا ہے۔ اسی طرح ڈیزل کی قیمتوں میں 3 روپے 84 پیسے کا اضافہ کیا گیا ہے۔حکومت کی جانب سے پیٹرولیم مصنوعات میں اضافے کا نوٹیفکیشن غیر قانونی ہے۔

درخواست میں استدعا کی گئی ہے کہ عدالت پیٹرولیم مصنوعات کی قیمتوں میں اضافے کو کالعدم قرار دے۔

بلوچستان کے ضلع مستونگ میں اسکول کے قریب بم دھماکے کے نتیجے میں 5 بچوں، پولیس اہلکار سمیت 9 افراد جاں بحق جبکہ 33 افراد زخمی ہوگئے۔

سیکورٹی حکام کے مطابق دھماکے کی زد میں اسکول کے بچوں کی وین سمیت پولیس گاڑی بھی آئی، بم ڈسپوزل اسکواڈ اور ضلعی انتظامیہ جائے وقوعہ پر پہنچ گئی۔

ایس ڈی پی او میاں داد عمرانی نے بتایا ہے کہ دھماکا خیز مواد موٹر سائیکل میں نصب کیا گیا جو کہ ریموٹ کنٹرولڈ تھا، دھماکے میں 1 پولیس اہلکار، اسکول کے پانچ بچے اور بچیوں سمیت 7 افراد جاں بحق ہوئے، جاں بحق بچوں کی عمریں 5 سے10 سال کے درمیان ہیں، زخمیوں میں 4 پولیس اہلکار بھی شامل ہیں، دھماکے سے پولیس کی گاڑی، اسکول وین اور رکشوں کو نقصان پہنچا۔

اطلاعات ہیں کہ دھماکے میں 13 افراد زخمی ہیں جن میں زیادہ تر تعداد بچوں کی ہے، زخمیوں کو ڈی ایچ کیو اور غوث بخش رئیسانی اسپتال منتقل کردیا گیا ہے۔

کراچی میں کم سے کم اوسط درجہ حرارت کا 57 سال کا ریکارڈ بھی ٹوٹ گیا

محکمہ موسمیات کی جانب سے جاری بیان میں کہا گیا ہے کہ کراچی میں گزشتہ ماہ کم سے کم اوسط درجہ حرارت 30.9 ڈگری رہا جو کہ 57 سالہ میں کم ترین ہے۔

محکمہ موسمیات کے بیان میں کہا گیا ہے کہ شہرِ قائد میں رات کے کم سے کم درجہ حرارت کا ایک سالہ ریکارڈ بھی ٹوٹ گیا جو 26.3 ڈگری تھا جس سے اکتوبر 2023 میں 25.7 ڈگری کا ریکارڈ ٹوٹ گیا۔

بیان میں یہ بھی بتایا گیا کہ اکتوبر کی راتیں شہر کی موسمیاتی تاریخ کی گرم ترین راتیں ثابت ہوئیں۔

خیال رہے کہ ملک کے دیگر شہروں کے برعکس کراچی میں اکتوبر کا مہینہ قدرے گرم رہتا ہے۔ نومبر کے آغاز سے ہی شہر قائد کے باسیوں نے سردیوں کی آس لگا لی ہے۔

بھارت سے آنے والی تیز ہواؤں نے لاہور میں فضائی آلودگی انڈیکس ایک ہزار پر پہنچا دیا جس کے باعث شہری بیمار ہونے لگے ۔

موسمیاتی ماہرین نے شہریوں کو خبردار کر دیا کہ آئندہ 48 گھنٹے اسموگ کی شدت برقرار رہے گی۔

امریکی خلائی ادارے ناسا نے تیز ہواؤں کا میپ جاری کردیا جس کے مطابق بھارت میں فصلوں کی باقیات جلانے سے اٹھنے والا شدید دھواں پاکستان میں داخل ہوگیا۔

ناسا نے فضائی امیج بھی جاری کر دیا جس میں دیکھا جاسکتا ہے کہ بھارتی علاقوں میں بڑے پیمانے پر فصل کی باقیات جلانے سے اسموگ میں شدت آئی،

ہواؤں کا رخ بدلنے سے گزشتہ روز لاہور میں فضائی آلودگی اوسط 157 پر تھی جبکہ گزشتہ پانچ دن تک اوسط 180 پر رہی تھی۔

بھارت سے آنے والی تیز رفتار ہوا کے ساتھ دھواں بھی پاکستانی علاقوں میں داخل ہوگیا۔موسمیاتی ماہرین کا کہنا ہے کہ بھارتی علاقوں میں بڑے پیمانے پر فصلوں کی باقیات جلانے سے اسموگ میں تیزی سے اضافہ ہوا۔

گرین اسمارٹ لاک ڈاؤن والے ایریاز میں حکومتی احکامات کی خلاف ورزی پر درجنوں افراد کو گرفتار کرلیا گیا اور چوبیس گھنٹوں میں 6 لاکھ سے زائد جرمانے کیے گئے۔ آرٹیفشل انٹیلیجنس سسٹم کی مدد سے بھی ای چالاننگ کا سلسلہ جاری ہے۔

ہانگ کانگ: ہانگ کانگ ورلڈ سپر سکسز ٹورنامنٹ میں پاکستان کے ہاتھوں شکست خوردہ بھارتی ٹیم مسلسل تین میچز ہار کر ایونٹ سے باہر ہوگئی۔

مونگ کوک میں کھیلے گئے مقابلوں میں روبن اتھاپا کی کپتانی میں ایونٹ میں شرکت کرنیوالی بھارتی ٹیم کو گزشتہ روز روایتی حریف پاکستان نے عبرتناک شکست دی۔

آج ایونٹ میں بھارتی ٹیم کا مقابلہ متحدہ عرب امارات سے ہوا، جس نے سنسنی خیز مقابلے کے بعد بھارت کو ایک رن سے ہرایا، ہندوستان کو جیت کیلئے 130 رنز کا ہدف ملا تاہم بھارتی ٹیم محض 129 رنز بناپویلین لوٹ گئی۔

دوسرے میچ میں بھارت کو انگلینڈ کا چیلنج درپیش تھا تاہم اس میچ میں بھی یکطرفہ مقابلے کے بعد 15 رنز سے شکست کا منہ دیکھنا پڑا۔مسلسل تین میچز میں ناکامی کے بعد بھارتی ٹیم ایونٹ سے باہر ہوچکی ہے۔دوسری جانب پاکستان آج کواٹر فائنل میں جنوبی افریقی ٹیم کے مدمقابل آئے گا۔

ہانگ کانگ ورلڈ سپر سکسز ٹورنامنٹ میں پاکستان نے جنوبی افریقہ کو 17 رنز سے شکست دیکر سیمی فائنل کیلئے کوالیفائی کرلیا۔

مونگ کوک میں کھیلے گئے میچ میں پاکستان نے دوسرے کواٹر فائنل میں جنوبی افریقہ کو 17 رنز سے شکست دیکر ایونٹ کے سیمی فائنل تک رسائی حاصل کی۔

پاکستان نے پہلے بیٹنگ کرتے ہوئے مقررہ 6 اوورز میں 105 رنز بنائے، گرین شرٹس کی جانب سے کپتان فہیم اشرف اور آصف علی صفر پر پویلین لوٹے تاہم محمد اخلاق نے جارحانہ بلےباز کا مظاہرہ کرتے ہوئے 16 گیندوں پر 7 چھکوں اور 2 چوکوں کی مدد سے 52 رنز کی اننگز کھیلی، اسی طرح حسین طلعت 27 رنز بناکر ناٹ آؤٹ رہے۔

جنوبی افریقہ کی جانب سے ہدف کے تعاقب میں آغاز اچھا نہ رہا، کپتان جے جے اسٹمس 6 جبکہ جیکس سنیمن 5 رنز بناسکے، ایوان جونز نے 46 رنز کی مزاحمتی اننگز کھیلی تاہم ٹیم کو میچ جتوانے میں کامیاب نہ ہوسکے۔

خیال رہے کہ ایونٹ میں پاکستان نے روایتی حریف بھارت، متحدہ عرب امارات اور جنوبی افریقہ کی ٹیموں کو شکست دی۔