ایمزٹی وی(گلگت بلدتستان)آمیر جماعت اسلامی پاکستان سنیٹر سراج الحق نے چترال پولو گراؤنڈ میں ایک بڑے جلسہء عام سے خطاب کرتے ہوئے کہا ہےکہ ملک میں کرپشن اور ظلم کے خلاف ہماری مہم جاری ہے ۔ اور پاکستان میں اب مزید ناانصافی اور بدعنوانی کی حکومت باقی نہیں رہے گی اور میں کرپشن کے خلاف مہم کا آغاز دوبارہ چترال سے کر رہاہوں۔میں چترال اور ملک کے عوام کو یقین دلاتا ہوں کہ اس مہم کے نتیجے میں آپ کو ایسا پاکستان ملے گا۔ جو انصاف اور قرآن و سنت پر کھڑی ہوگی ۔ جو کہ مڈل کلاس لوگوں کی حکومت ہو گی اور ملک میں لوٹ مار اور کرپشن کا بازار گرم کرنے والوں کو شکست ہو گی۔ اس موقع پر انہوں نے کہا کہ میں ایک غریب گھرانے سے تعلق رکھتا ہوں اور مجھے ایک عام آدمی کی مجبوریوں کا اندازہ ہے ۔ کہ وہ کس مشکل میں زندگی گزار رہے ہیں ۔ لیکن اس ملک کے حکمران ان کے خون سے عیاشیاں کر رہے ہیں ۔ میں موجودہ ظالمانہ نظام سے تنگ آچکا ہوں ، اب اُس وقت تک چین سے نہیں بیٹھوں گا ۔جب تک عدالتوں میں موجودہ قوانین کی بجائے قرآن کی حکمرانی قائم نہ ہو ۔ انہوں نے کہا کہ میں اللہ کے نظام کے علاوہ تمام نظاموں کا باغی ہوں ۔ کیونکہ موجودہ نظام اور اس کے حکمران سودی کاروبار اور ملک میں بے حیائی کو فروغ دے رہے ہیں ، جس کی اسلام میں کوئی گنجائش نہیں ہے ، انہوں نے کہا ، کہ یہ کتنی بد قسمتی کی بات ہے ،کہ ہمارا ملک تما م وسائل اور خزانوں سے مالا مال ہونے کے باوجود دو کروڑ بچے تعلیم سے محروم ہیں اور کچرے کے ڈھیروں میں رزق تلا ش کررہے ہیں۔ اگر جماعت اسلامی کی حکومت قائم ہو ، تو ہر فرد عزت کے ساتھ روزگار حاصل کرے گا ۔ انہوں نے مزیدکہا کہ میری لڑائی اور جنگ اقتدار اور کُرسی کی نہیں اللہ کیلئے ہے ۔ اور میں اللہ کے نظام کے علاوہ تمام نظاموں کا باغی ہوں ، انہوں نے کہا ،کہ جن لوگوں کے گھوڑے اور کُتے ائر کنڈیشنڈ جگہوں میں رہتے اور گوشت و مربہ کھاتے ہیں۔ امیر جماعت اسلامی پاکستان نے کہا ، کہ پانا لیکس تو کیا یہاں ہر الماری اور ہر قالین کے نیچے لیکس موجود ہیں ۔ ہر ادارہ کرپشن کی دلدل میں پھنسا ہوا ہے ، اور کرپشن و پاکستان مزید ایک سا تھ نہیں چل سکتے ۔ اور نہ موجودہ نظام کے ہوتے ہوئے ہم ترقی کر سکتے ہیں ۔ اس لئے چترال کے عوام کرپشن فری پاکستان کے اس مہم میں جماعت اسلامی کا ساتھ دیں ۔ اس موقع پر امیر جماعت اسلامی صوبہ خیبر پختونخوا مشتاق احمد نے خطاب کرتے ہوئے کہا ۔ کہ ملک کی نظریاتی اور جغرافیائی اساس دونوں کو شدید خطرہ درپیش ہے ، مساجد اور مدرسوں کے خلاف کاروئیاں جاری ہیں ، تبلیغی جماعت جیسے دینی جماعت پر پابندی لگائی جارہی ہے ، ہندوستانی ایجنٹوں سے دوستوں کا سلوک اور ملا اختر کی ہلاکت سے وزیر اعظم بے خبر ہیں ، جبکہ 300ڈرون حملے پاکستان کی حکومت کے مشورے سے کرکے ہزاروں لوگوں کا قتل عام کیا گیا ،حکمرانوں کے ڈالر کے ساتھ محبت نے ریاست کو خطرے سے دوچار کر دیا ہے ۔ تمام وسائل کے باوجود ملک دن بدن مقروض ہو چکا ہے ۔ اور پاکستان پر اٹھارہ ہزار ارب روپے کا قرض لادا گیا ہے ۔ جبکہ ان قرضوں کو ہڑپ کرنے والے اس ملک کے حکمران اور اشرافیہ طبقہ ہے ۔ جلسے سے ایم این اے اپر دیر صاحبزادہ طارق اللہ سابق ایم این اے چترال مولانا عبدالاکبر چترالی ، ضلع ناظم چترال مغفرت شاہ اور امیر جماعت اسلامی چترال مولانا جمشید احمد نے بھی خطاب کیا ۔

ایمزٹی وی(آزاد کشمیر)جماعت اسلامی آزاد کشمیرکے امیر عبدالرشید ترابی نے پتن شیر خان سے آئے کمانڈر یاسین خان اور طالب حسین سے ملاقات کی، اس موقع پر ان کا کہنا تھا کہ ضلع سدھنوتی میں پتن شیر خان ہی نہیں پورا آزاد کشمیرمسائلستان بناہوا ہے ،ریاست کے بجٹ 62ارب ر وپے میں سے تعمیراتی کاموں کے لئے صرف 11ارب روپے رکھے گئے ہیں

ایمزٹی وی(گلگت بلتستان)ہنزہ ضمنی الیکشن کے تمام آزاد امیدور کرنل (ر)عبیداللہ بیگ ،نیک نام ،پاکستان تحریک انصاف کے نامز امیدور عزیز احمد خان اور پاکستان عام آدمی پارٹی کے نامز امیدور دینار خان نے مشترکہ پریس کانفرنس سے خطاب کرتے ہوئے کہا ہے کہ ہنزہ میں ضمنی الیکشن فوج اور ڈسٹرک اینڈ سیشن جج کی سرپرستی میں انعقاد ہونا چاہئے کیوں کہ گورنر گلگت بلتستان،وزیر اعلیٰ گلگت بلتستان اور پوری سرکاری مشنر ن لیگ کے امیدور سلیم خان کے کمپئین کے بے دریغ استعما ل کیا جارہاہے ۔ انہوں نے کہا وزیر اعلیٰ گلگت بلتستان کاناصر آباد ،علی آباد اور گلمت میں خطاب کرنا الیکشن کمیشن کا جاری کردہ ضابطہ اخلاق کی کھلی خلاف ورزی ہے اور چیئر پرسن بینظیر انکم سپورٹ پروگرام ماروی میمن کا ہنزہ کا دورہ اور ہنزہ کے غریب خواتین کو دھوکہ دے کر ان کی ضمیر سے سودہ کرنا چاہتی ہے ۔ انہوں نے گزشتہ روز گلگت پریس کلب میں پریس کانفرنس سے خطاب کرتے ہوئے کہا کہ ہنزہ ضمنی الیکشن کے شیڈول کے اعلان ہونے کے بعد گورنر ہنزہ سے باہرنکلنے کا نام نہیں لے رہے ہیں اور گورنر میرغضنفر صرف ہنزہ کے گورنر نہیں بلکہ پوری گلگت بلتستان کے باقی تمام اضلاع کے گورنر بھی ہیں اور وہ قوم کو بتا دیں باقی 9اضلاع کا کتنی دفعہ دورہ کیا ہے ۔انہوں نے الزام لگایا کہ ہنزہ کے DCہنزہ کے تمام نمبرداروں پر سلیم کو سہارے دینے کے لئے دباؤ ڈال رہے ہیں جو کہ غیر قانونی قدم ہے جس پر ایکشن لیا جائے ۔ انہوں نے اسیر رہنماء کامریڈ باباجان کے حوالے سے بات کرتے ہوئے کہا کہ اگر ان کو الیکشن لڑنے کا حق دیا جاتا ہے تو ان کو کھل کر الیکشن کمپئین بھی چلانے کا موقع دیا جائے ،آزادمیدوار نیک نام نے کامریڈ باباجان کے حوالے سے بات کرتے ہوئے کہا کہ باباجان صرف ہنزہ کا لیڈر نہیں بلکہ پورے گلگت بلتستان کا لیڈر ہے ان کا اس جمہوری عمل میں حصہ لینے کا حق حاصل ہے لیکن ہم عدالتی فیصلوں میں مداخلت نہیں کرنا چاہتے ہیں ۔ انہوں نے معزز عدالت سے اپیل کرتے ہوئے کہا کہ تین ہفتوں کے بعد ہی الیکشن کا انعقاد کروائے کیوں کہ گزشتہ ایک سال سے ہنز ہ کی یہ نشست خالی پڑی ہے جس سے عوامی مسائل تعطل کا شکار ہیں۔ انہوں نے کہا کہ میر غضنفر کے چہیتے ہنزہ گوجال میں جعلی منصوبوں کا اعلانات کرکے ووٹ خریدنے کی کوشش کررہے ہیں جو کہ ایک غیر قانونی عمل ہے جس پر فوری طور پر الیکشن کمیشن نوٹس لے ۔

ایمزٹی وی (آزاد کشمیر)پیپلز پا رٹی کے چیئر مین بلاول بھٹو زرداری آج میرپور میں جلسہ عام سے خطاب کرینگے ذرائع کے مطابق پاکستان پیپلز پارٹی کے چیئرمین بلالول بھٹو کے دورہ کیلئے سکیورٹی سمیت تمام انتظامات مکمل کرلئے گئے ہیں جبکہ شہرمیں پی پی کے جھنڈوں،دیو ہیکل پینا فلیکسوں کی بھرمار ہے جلسہ عام کیلئے میڈیا کمیٹی کے چیئر مین ظفر مغل نے بتایاکہ بلاول بھٹو زرداری آج اپنے پہلے دو روزہ دورہ میرپور کیلئے زرداری ہائوس اسلام آباد سے 10بجے دن اپنے قافلہ کے ہمراہ میرپور کیلئے روانہ ہوں گے اور سب سے پہلے لیاقت باغ روالپنڈی میں اپنی والدہ شہیدبے نظیر بھٹو کی جائے شہادت پر حاضری دیں گے جہاں سے وہ ایئر پورٹ چوک راولپنڈی پہنچیں گے بلاول بھٹو کی آمد پر روات ٹول پلازہ،گوجر خان سوہاوہ،دینہ ،منگلا پل پر شاندار استقبال کیا جائیگا ، انہیں بڑے جلوس کی شکل میں5بجے میرپور کرکٹ اسٹیڈیم لایا جائے گا۔ خالق آباد ، چترپڑی اورایف ٹو میں جلسہ کے بارے میں اجلاسو ں سے خطاب کرتے ہوئے وزیراعظم آزادکشمیرچوہدری عبدالمجیدنے کہا کہ عوام سے غداری کرنے والے اپنے انجام سے بچ نہیں سکتے ، انتخابات میں عوام ان کا حساب برابر کردیں گے ،پیپلزپارٹی سے بے وفائی کرنے والے ساری زندگی اقتدار کے لئے ترستے رہیں گے ،عوام کااستحصال کرنے والے اقتدار پرستوں کی نیندیں حرام ہو چکی ہیں، ان کی ہچکولے کھاتی سیاسی کشتی کوکوئی نہیں بچاسکتا۔

ایمزٹی وی(اسلام آباد) وزارت داخلہ نے نوشکی ڈرون حملے میں افغان طالبان کے سابق امیر ملا اختر منصور کی ہلاکت تصدیق کردی ۔ ترجمان وزارت داخلہ کے مطابق بلوچستان کے ضلع نوشکی میں امریکی ڈرون حملے میں ہلاک ہونے والے دوسرے شخص کی شناخت ہوگئی ہے جو افغان طالبان کا سابق امیر ملا اختر منصور تھا۔ ترجمان کے مطابق لاش کی شناخت ڈی این اے ٹیسٹ سے ہوئی جس کا میچ ملا اختر منصور کے قریبی عزیزسے لیا گیا جو ملا منصور کی میت لینے افغانستان سے آیا تھا۔ واضح رہے نوشکی کے علاقے احمد وال میں امریکا نے ایک گاڑی پر ڈرون حملہ کیا تھا جس میں تحریک طالبان افغانستان کے سابق امیر ملا اختر منصور کی ہلاکت کے علاوہ پاکستانی ڈرائیور محمد اعظم بھی ہلاک ہوا تھا تاہم پاکستانی حکام نے فوری طورپر ملا اخترمنصور کی ہلاکت کی تصدیق نہیں کی تھی جب کہ حملے پر امریکی سفیر کو دفتر خارجہ طلب کرکے شدیداحتجاج بھی کیا گیا تھا۔

ایمزٹی وی(کوئٹہ) پاک سرزمین پارٹی کے سربراہ مصطفی کمال تین روزہ دورے پر کوئٹہ پہنچ گئے۔تفصیلات کے مطابق پاک سرزمین پارٹی کے سربراہ مصطفی کمال اپنے قریبی ساتھی انیس قائم خانی کے ہمراہ کوئٹہ پہنچے تو ائیرپورٹ پر کارکنوں کی بڑی تعداد سبز ہلالی پرچم اٹھائے اپنے قائد کے استقبال کے لیے موجود تھے۔ ایئرپورٹ روڈ سے گاڑیوں کا قافلہ روانہ ہوا اور عدالت روڈ پہنچا جہاں پارٹی کے صوبائی دفتر بلوچستان ہاوس کا افتتاح کیا۔ کوئٹہ پریس کلب میں نیوز کانفرنس کرتے ہوئے ان کا کہنا تھا کہ پارٹی کی تبلیغ کے لئے نکلا ہوں‘ اپنے سفر کا آغاز بلوچستان سے کیا۔ بلوچستان کے لاپتہ افراد کے حوالے سے ان کا کہناتھا کہ عدالت کے ذریعے انصاف دیا جائے۔ مخالفین کو گلے لگانے کی بات پر کسی نے الطاف بھائی کو بھی گلے لگانے کا پوچھا تو مصطفی کمال کا کہنا تھا کہ مخالفین میں الطاف بھائی شامل نہیں کیونکہ وہ ”را“ کے ایجنٹ ہیں۔

مصطفیٰ کمال کا کہنا تھا کہ اختیارات نچلی سطح پر منتقل کئے جائیں تو مسائل حل ہو جائیں گے۔ سانحہ بلدیہ پر مکمل تحقیقات ضروری ہیں۔ انہوں نے دعویٰ کیا کہ انہیں بہت کچھ معلوم ہے۔ مصطفیٰ کمال نے وقت آنے پر بتانے کا وعدہ بھی کیا

ایمزٹی وی(لاہور)وزیراعلیٰ پنجاب شہباز شریف نے 18 ویں یوم تکبیرکے موقع پراپنے پیغام میں قوم کومبارکباد دیتے ہوئے کہا کہ 28 مئی پاکستان کی سیاسی اوردفاعی تاریخ کا اہم ترین دن ہے، پاکستان کے اس تاریخی کارنامے سے پوری قوم کا سرفخر سے بلند ہوا جب کہ یوم تکبیرقومی امنگوں کا ترجمان اور ملی یکجہتی کا تاریخ سازدن ہے، آج کوئی بھی پاکستان کی طرف میلی آنکھ اٹھا کرنہیں دیکھ سکتا۔ وزیراعلی پنجاب نے کہا کہ 28 مئی 1998 کو وزیراعظم نواز شریف نے تمام تر دباؤ کو بالائے طاق رکھتے ہوئے ایٹمی دھماکے کئے، سیاسی و عسکری قیادت دہشت گردی کے خلاف جنگ میں ایک صفحہ پرہے جب کہ افواج پاکستان نے دہشت گردی کے خلاف جنگ میں ہمت و جرأت کی نئی تاریخ رقم کی ہے۔ ان کا کہنا تھا کہ افواج پاکستان نے ملک کی جغرافیائی سرحدوں کے دفاع کے لئے قربانیاں دی ہیں جنہیں قوم پراموش نہیں کرسکتی ہے۔